ރ. އަތޮޅުގައި އަލަށް ހެދި ރީތިފަރު ރިސޯޓަށް ދިޔަ ފުރަތަމަ ގެސްޓުން ރަށުގެ ފަލާން މަތީ ހިނގާފައި ދަނީ. ފޮޓޯ: ރީތިފަރު
25 ޑިސެމްބަރ 2017 - 11:19
2 comments
ރ. ފިލައިދޫގައި އަލަށް ހެދި "ރީތިފަރު" ރިސޯޓް ކްރިސްމަސްއާ ދިމާކޮށް ޓޫރިސްޓުންނަށް މިދިޔަ ހަފުތާގައި ހުޅުވާލައިފި އެވެ.
މިދިޔަ ބުދަ ދުވަހު ހުޅުވި ރިސޯޓަށް ފުރަތަމަ ދިޔަ ގެސްޓުންނަށް މަރުހަބާ ކިޔުމުގެ ގޮތުން ވަނީ ބޮޑު ބެރާއި ސަގާފީ ނެށުމުގެ އިތުރުން މާފަތި އަޅުވައިފަ އެވެ.
ބޭންކް އޮފް މޯލްޑިވްސް އިން ވިއްކާލި ރީތި ބީޗް ރިސޯޓު ވެސް ހިންގާ އިންޑިއާގެ މަހޮގަނީ ޕްރައިވެޓް ލިމިޓެޑުން ތަރައްގީ ކުރި ހަތަރު ތަރީގެ ރިސޯޓުން މިވަގުތު ކޮޓަރިއެއް ވިއްކަނީ އެވްރެޖްކޮށް ރެއަކަށް 145 ޑޮލަރު (2،235ރ) ން ފެށިގެންނެވެ.
ރ. ފިލައިދޫގައި "ރީތި ފަރު"ގެ ނަމުގައި ހަދާ ރިސޯޓުގެ ވޯޓާ ވިލާތަކެއް: އެ ރިސޯޓާއެކު އެ އަތޮޅުގައި މިހާރު ހަ ރިސޯޓު ހިންގާ. ފޮޓޯ: ރީތި ފަރު
ދަރަވަންދޫން ފުރައިގެން ސްޕީޑް ލޯންޗެއްގައި 30 މިނިޓުން ދެވޭ ހިސާބުގައި އޮންނަ ރިސޯޓުގައި ޒަމާނީ ފެންވަރުގެ ވަސީލަތްތަކާއެކު ހިތްގައިމު ޑިޒައިންތަކަށް ތަރައްގީ ކޮށްފައިވާ 150 ކޮޓަރި ހިމެނެ އެވެ. އޭގެ އިތުރުން ތަފާތު އެކި ރަހަތަކުގެ ކެއުންތައް ލިބޭ ރެސްޓޯރަންޓާއި ބާ ވެސް ހުރެ އެވެ. އަދި ސްޕާއަކާއި ވޯޓާ ސްޕޯޓްސް ސެންޓަރަކާއި ޑައިވް ސެންޓަރެއް ވެސް އެ ރިސޯޓުގައި ހުރެ އެވެ.
ރ. އަތޮޅުގައި މިހާރު ރީތިފަރު ރިސޯޓާއެކު ޖުމްލަ ހަ ރިސޯޓު ހިންގަ އެވެ. އަދި އިތުރު ރިސޯޓުތަކެއް ވެސް އެ އަތޮޅުގައި އަންނަނީ ތަރައްގީ ކުރަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކުރިސުމަސް
25 December 2017
ކޮބާ އިއްޔެ ބުދުބައިންދާގެން އުޅުނުމީހުން. މިއަދު ދިވެހި ބިމުގަ ކުރިސުމަސް ފާހަގަކުރުމުގެގޮތުން ކުކުރަންބިހެއްއެޅީމަ ރާއްޖެ އަރަގުވެގެންނޫޅެނީ ކީއްވެ. ދެފުއްކެހެރި ދިވެހިން، މަވެސްލާގެން.
ލޭޒިނެސް
25 December 2017
އަލަށް ހެދި "ރީތިފަރު" ކްރިސްމަސްއާ ދިމާކޮށް ހުޅުވައިފި ނަމަ އެއީ މަމެން އުފާ ކުރާކަމެކޭ. އެކަމަކު މަމެންގެ ސުވާލަކީ ތިޔާ ރީތި ފަރު ރިސޯރޓްގެ މެދު ފަންތި އާއި އަދި މަތީ ފަންތީގެ ވަޒީފާ ތަކުގައި މުޅިން ހެން އިންޑިއާ މީހުން ތިބެނީ އެއީ ކިއެއްވެތޭ. މީގެ ސަބަބު ޓޫރިޒަމް މިނިސްޓްރީން ނުހޯދަނީ ކީއްވެތޭ. ސުވާލަކީ ރާ އަތޮޅު މީހުންނަކީ ޓޫރިޒަމް އޮރިއެންޓެޑް މީހުންތޭ. ނޫން ދޯ. އެމެން ނަކީ އެއީ މުއްލާ އޮރިއެންޓެޑް މީހުން ކަމަށްވުމުން ރާ އަތޮޅުގައި ރިސޯރޓްސް ފީނި ފީންނަށް ހުޅުވި ނަމަވެސް ޑައިރެކްޓް ފައިނޭންޝަލް އެން އިކޮނޮމިކް ބެނެފިޓް ރާ އަތޮޅަށް ނުކުރާނެ ކަން. އޯލް އައި ވޮނާ ސޭ ދެޓް ޔުއަރ ލޭޒިނެސް ޓު ބީ އިވޭލުއޭޓެޑް..