އަމީނިއްޔާގެ އާ އިމާރާތް: މިއީ އެޑިއުކޭޝަން މިނިސްޓްރީން 123 މިލިޔަން ރުފިޔާ ހަރަދުކޮށްގެން އަޅާ ތަނެއް
04 ޖެނުއަރީ 2018 - 15:12
40 comments
އެންމެ ކުރިއްސުރެ އަމީނިއްޔާ ސްކޫލަށް އޮތް އެންމެ ބޮޑު ގޮންޖެހުމަކީ ޖާގައިގެ ދަތިކަމެވެ. ރާއްޖޭގެ އެންމެ ބޮޑު އަދި އެންމެ ގިނަ ދަރިވަރުން ކިޔަވާ މި ސްކޫލުގެ އިމާރާތް ބާވެ، ސީލިންގްގެ ބައިތައް ދަރިވަރުންގެ ބޮލަށް ވެއްޓިފައި ވެސް އެބަހުއްޓެވެ. އެކަމަކު އެ މައްސަލަތަކަށް މިހާރު ނިމުން އައީ އެވެ.
އަމީނިއްޔާގައި މި އަހަރު ކިޔަވައިދޭނީ، މުޅިން އަލަށް އިމާރާތް ކުރި އަށް ބުރީގެ އިމާރާތުގަ އެވެ. މިއީ ހިތްގައިމު، އަދި މާލޭގައި ހުރި މި ފަދަ އެންމެ ބޮޑު އިމާރާތެވެ. މުޅި އަމީނިއްޔާހެން ދެން ހިންގާނީ މި އިމާރާތުގަ އެވެ. މިއީ 2،000 އަށް ވުރެ ގިނަ ދަރިވަރުން ކިޔަވާ އަމީނިއްޔާ އަށް، އެތައް ގޮތަކުން ލިބުނު ފަސޭހަ އެކެވެ.
ޕްރިންސިޕަލް ނާޒްލީން ވާފިރު ވިދާޅުވި ގޮތުގައި މިއީ އެ ސްކޫލުގެ ދަރިވަރުންނާއި މުވައްޒަފުންގެ ހުވަފެނެއް ހަގީގަތަށް ވުުމެވެ. ބައިބަޔަށް ހުރި ބާ އިމާރާތްތަކެއްގައި ހުރި ކްލާސްތައް އާ އިމާރާތަށް ބަދަލު ކުރުމާއެކު ހިތްހަމަޖެހޭ މާހައުލެއްގައި ދަރިވަރުންނަށް ކިޔެވުމުގެ ފުރުސަތު ލިބޭނެ ކަމަށް އޭނާ ވިދާޅުވި އެވެ.
އަމީނިއްޔާ ސްކޫލުގެ އާ އިމާރާތުގެ ކްލާސް ރޫމުތައް ހުންނަ ބައި
"ކުރީގައި ކުދިން ތިބެން މި ޖެހެނީ އެއްވެސް ވެންޓިލޭޝަނެއް ނެތް، ހާސްކަން ބޮޑު ކުދި ކްލާސްތަކެއްގައި. އެކަމަކު އަޅުގަނޑުމެންގެ ކުދިންނަށް މިހާރު މި ލިބުނީ ވަރަށް ޕްލެޒެންޓް މާހައުލެއް. މިއީ ވަރަށް ބޮޑު އަދި ރީތި ވިއުއެއް ފެންނަ ކްލާސްތަކެއް." ނާޒް ވިދާޅުވި އެވެ.
"ޔަގީނުން ވެސް މީގެ ހެޔޮ އަސަރު ދަރިވަރުންގެ ކިޔެވުމަށް ކުރާނެ،"
އަމީނިއްޔާ ސްކޫލުގެ އެންމެ ކުރީގެ އިމާރާތް ހުރި، ތަން (ބާ ހޯލް) ތަޅާލައި ހެދި އަށް ބުރީގެ އިމާރާތުގެ އެންމެ ތިރި ހާއްސަ ކޮށްފައިވަނީ އޮފީހާއި ހެލްތު ރޫމް ފަދަ ތަންތަނަށެވެ. އަދި ފުރަތަމަ ހަތަރު ބުރީގައި ކްލާސްތައް ހިންގާ އިރު ފަސް ވަނަ ބުރިއަކީ ލައިބްރަރީ އެވެ. އަދި އެކި މާއްދާތަކުގެ ލެބޯޯޓަރީތަކާއި ބޭންޑް ރޫމާއި ސްޓާފް ރޫމާއި ޕްރިންސިޕަލް އޮފީސް ހުންނަނީ ދެން ހުރި ބުރިތަކުގަ އެވެ. އިމާރާތުގެ މަތީގައި ވަރަށް ބޮޑު ޓެރަސްއެއް ވެސް އޮވެ އެވެ.
އާ އިމާރާތުގައި ހަދާފައިވާ ސްޓާފް ރޫމް: މިއީ ވެސް އަލަށް ފެންނާނެ ތަފާތެއް
އާ އިމާރާތް ޒީނަތްތެރި ކޮށްފައިވަނީ ސްކޫލުގެ ކުލަ ކަމުގައިވާ ފެހި ކުލައިންނެވެ. އަދި އިމާރާތުގެ އެންމެ މަތީގައި މާދުރަށް ފެންނަ ގޮތަށް ސްކޫލްގެ ލޯގޯ ވެސް ހަރުކޮށްފައި ހުރެ އެވެ. ދުރުން ބަލާލާއިރު ވެސް މި އިމާރާތް ވަރަށް ރީއްޗެވެ.
އާ އިމާރާތުގައި ކިޔަވައިދޭން ފެށުމުން، މީގެ ކުރިން ބޭނުން ކުރި އެއްވެސް ކްލާހެއް ދެން ބޭނުމެއް ނުކުރާނެ އެވެ. ނަމަވެސް އެ ހުސް ކްލާސްތައް ބޭނުން ކުރާނެ ގޮތެއް އަދި މުޅިން ނުނިންމަ އެވެ.
އަމީން ކޮންސްޓްރަކްޝަނާ ހަވާލުކޮށްގެން 2015 ގައި އިމާރާތް ކުރަން ފެށި މި އިމާރާތުގައި 54 ކްލާސް ރޫމް ހުރެ އެވެ. އަދި ސްކޫލް އިމާރާތަކަށް މި ފަހުން އެޑިއުކޭޝަން މިނިސްޓްރީން އެންމެ ބޮޑު ހަރަދެއް ކޮށްފައިވަނީ ވެސް މި ތަނަށެވެ. އެއީ 123 މިލިޔަން ރުފިޔާ އެވެ.
އަމީނިއްޔާ ސްކޫލުގެ އާ އިމާރާތް
އެތައް އަހަރަކަށް ފަހު އަމީނިއްޔާ އަށް ލިބުނު މި ހަދިޔާއާ ގުޅޭ ގޮތުން ސްކޫލްގެ އޮތީ އެންމެ ޝަކުވާއެކެވެ. އެއީ އެހާ ބިޔަ އިމާރާތެއް ހެދި އިރު އެ ތަނުގައި ހޯލެއް ނެތުމެވެ. ހޯލުގެ ގޮތުގައި ދެން ވެސް ބޭނުން ކުރާނީ އެންމެ ކުރިއްސުރެ ބޭނުން ކުރަމުން ދިޔަ، ސީއެޗްއެސްއީއާ ޖެހިގެން ހުންނަ އިމާރާތެވެ. އެކަމަކު އެ ތަނުގެ މަތީގައި ހުރި އަމީނިއްޔާގެ ލެބޯޓަރީ ފަދަ ތަންތަން، ސީއެޗްއެސްއީގެ ބަޔަށް ބަދަލުކޮށް އެ ތަނުގެ ކްލާސްތަކެއްގެ ގޮތުގައި ހިންގުމަށް ވަނީ ހަމަޖެހިފަ އެވެ.
އާ އިމާރާތުގައި ކިޔެވުން ފެށުުމަށް ސްކޫލުގެ ޕްރިންސިޕަލާއި ސްޓާފުން ތިބީ ކެތްމަދުވެފަ އެވެ. ހަމަ އެހެންމެ، އެއީ އެ ސްކޫލުގެ ދަރިވަރުންނަށް ވެސް މި އަހަރު ލިބޭނެ އެންމެ ބޮޑު އުފަލެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކުރީގެއިމީނިއްޔާދަރިވަރު
07 January 2018
އަމީނިއްޔާ ސްކޫލަށް މި އައި އައު ބަދަލު ފެނިފައި ހިތް އުފާވެއްޖެ. މާޒީތަކެއް ހަނދާންވެ އަމީނިއްޔާ މިސްވެއްޖެ!
ރަައްޔިތު މީހާ
07 January 2018
ތިއިމާރާތް ނިންމަން އެންމެ އެންމެ ފުރަތަމަ ހަވާލުކުރީ ކިތައް މިލިއަންއަށް.. މުޅި ގައުމުގަ ކަރޮޕްޝަން.
ބާރަށު ޕްރިންސިޕަލް
06 January 2018
މި ބާރަށުގަ ހޯލް ހުރި އިމާރާތުގެ ތަޅުން ގަނޑު ތެޅި ކުދިން ކިޔަވަނީ ހިރަފުސް ވެލިގަނޑު ހުންނަ ކުލާހުގަ...ކުލާސްރޫމް އަޅަން އެތައް ފަހަރަކު ދިރާސާކޮށް އެކަން ފަށަން ވެސް ނޫޅެ..ބައެއް ދޮރުފަތްތައް ބިއްލޫރި ގަނޑު ތެޅިފަ..ކުޑަދޮރުތައް ނުހުޅުވެ...މާލޭގަ ސްކޫލާއި ..ޕާރކް ހަދާ ސްނޯ ބޭލުވީމަ ނިމުނީ...ތިޔަ ވެރިޔަކަހ ނޭގެ ރާއްޖޭގަ އެހެންބަޔަކު އުޅޭކަމެއްވެސް...މާލެ މީހުން ފިޔަވާ
އަލިބެއްޔާ
05 January 2018
ޕްރިންސިޕަލްގެ އޮފީސް ހުންނަންވާނީ އެއްމެ މަތީ ފުލޯގައި. އަދި ފުލޯގެ ދެބައިކުޅައެއްބައި އެ ރޫމަށް ބޭނުން ކުރަންވާނެ. އަނެއްހެން އެތާގައި ޕްރިންސިޕަލްއަށް އެޕާޓްމަންޓެއް ހުންނަން ވާނެ ފިސާރި ހައިބަތު ބޮޑުކޮށް. އެއްމެ ވިޔު ރީތިކޮށް.
އަހުމަދު އަލީ
05 January 2018
"އަމީން ކޮންސްޓްރަކްޝަނާ ހަވާލުކޮށްގެން 2015 ގައި އިމާރާތް ކުރަން ފެށި މި އިމާރާތުގައި 54 ކްލާސް ރޫމް ހުރެ އެވެ" 2015 ގައި ވެރިކަމުގައި ހުރީ ރައީސް ޔާމީނު. ސުކުރިޔާ ރައީސް ޔާމީނު
ސސސސ
05 January 2018
ސުކޫލްތައް މިހާ އުސްކޮށް ނެގުން އެއީ ރަގަޅު ކަެމެއްތަ؟ އެންމެ އުހަށްވެސް 4 ބުރިއަށް ވުރެ މައްޗަށް ނުނެގުމަށް ބުނޭ! މީޙުން އުޅޭ ގެދޮރުވެސް. ފެކްޓްރީއެއްތަ މީ؟
އަލީ.
05 January 2018
މޮޔަނުވޭ ޔާމިނު އުމުރުން ކިހާދުވަހެއްވެއްޖެ އެއީ އޭނާގެ ޖީބުން ނުވަތަ ހެޔޮފުޅުކަމުން ދެއްވި ހަދިޔާއެއްނަމަ ވެރިކަން ނުލިބޭއިރު ހުންނަންވާނީ ތިކަންނިމިފަ ތިޔައީ އެއކަލަ ޓެކްސް ގާއިމު ކޮއްދެއްވި ނަޝީދުގެ ހިތްވަރު ރައްޔިތުންގެ ޓެކްސްނިޒާމުން ކުރެވުނު ކަމެއް ޔާމީނައްވުރެ ނަޝީދައް ތިކަމުގެ ޝުކުރު މާހައްގުކަންބޮޑު
ނާން
05 January 2018
މޮޔަނުވެބަލަ ޓެކްސް ނިޡާމް ސުނިޔެއަށް ތައާރަފްކުރީ ކާކުތަ. ޢެމީހަކަށް ތިކަމުގެ ޝުކުރު މާހައްގުދޯ ނަޝީދުއަށް ވިސްނުން ދެއްވވﷲ. ޝުކުރު ކުރަންވީ ﷲ ސވ އަށް. ހަގީގަތަކީ ޓެކްސް ނަގައިގެންވެސް ނަޝީދުއަށް މިކަން ކުރަން ނޭނގި ހުއްޓާ ޔާމީން މިކަން ކުރިކަން. އެއީ ތަފާތަކީ
ސަލީމު އިދުރީސް
05 January 2018
ޔާމީނު ވަރު ވެރިޔެއް ނާދެއޭކިއާ ކޮމެއްޓު ކުރާއިރު އެގެންޖެހޭނެ، ޔާމީނު ސަރުކާރުންކަން ދައުލަތުގެ އެތައް ބިލިޔަން ރުފިޔާއައް ހިޔާނާއް ތެރިވީ! ތިކަހަލަ ކިތައް އިމާރާތް ކުރާހާ ފައިސާތޯ! މިސަބަބު މިއީ މިސަރުކާރައް އިހުލާތެސްރި ރައްޔަތުން ތާއީދު ނުކުރާ ސަބަބުކަން ހަދާންކޮއްދެން
ހުދުމުހުތާރު
05 January 2018
އަޅުގަނޑު އެދެނީ ރާއްޖެ 7 ސަރަައްދަކައް ބަހާލުމައްފަހު 7 ސިޓީ ގައިމުކޮއް ދައުލަތައް ރައްޔިތުން ދައްކާޓެކްސްފައިސާ ހަމަހަމަޔައް ހަރަދުކޮއްދިނުމައް މާލެފުޅު ސަރަހައްދުގަ ފެންވަރުގެ މަދަރުސާތަކާ ސުނޯޕާކާ އޭސީފެރީ ހުންނަ ކަމުގަވާނަމަ އެއީ ރައްޔިތުންގެ ޓެކްސްފައިސާޔައް ވެވޭ ހިޔާނާތެއް 25 ބުރީގެ ހޮސްޕިޓާ މާލެގަ އެކަނި ހުރެފަ 3000 ރުފިޔާ ދަތުރުފަތުރައް ހަރަދުކޮއްފަ ބޮޑުކުލިދީފަ ރައްޔިތުމީހާ ހިދުމަތްހޯދާނަމަ އެއީ ހިޔާނާތެއް ހދ ކުމުންދޫ ނުވަތަ ވައިކަރަދޫ މީހާ ކުޅުދުއްފުށީ ހޮސްޕިޓަލައް އޭސީނޫންފެރީގަ އައުންއެއީ ހިޔާނާތެއް ދައުލަތް ގާއިމުވަނީ ރައްޔިތުންގެ ކިބައިން ވީމާ މަދަރުސާތަކާ ހިދުމަތް ތަކަކީ ހަމަހަމަވާންޖެހޭނެ ކަންކަން ވަޒީރުބޭފުޅާގެ ދަރިފުޅު ތާހިރު ތާކު ބައިންދަން ބޭނުންވާނަަމަ ރައްޔިތުމީހާ ވޯޓުދިން ނިކަމެތި ރައްޔިތާގެ ދަރިވެސް އިންނަންވާނީ ސާފުތާހިރު ހިރަފުހާ ދުމުން ރައްކާތެރިތާކު ސްޓާފުރޫމުވެސް ރާއްޖެތެރެމީހާޔައް ލިބެންވާނެ
ސުނީމޭމް
05 January 2018
ހާދަ ލޯތްބޭ މިސަރުކާރުން ތަންތަން ހަދާލެއް.. ވަރަށް މޮޑާން ލުކްއެއް.. ހާދަ އޯވްސަމްއޭ