ޚަބަރު / އަބްދުﷲ ޝާހިދު (ކުރީގެ ފޮރިން މިނިސްޓަރު)

ރައީސް ޔާމީން އުޅުއްވަނީ ގާސިމް ނެތިކޮށްލަން: ޝާހިދު

ގުޅިފައިވާ ޕާޓީތަކުގެ ޖަލްސާއެއްގައި ޝާހިދު ވާހަކަ ދައްކަވަނީ.

އަހުމަދު އަދްޝަން، މިހާރު

12 ޖެނުއަރީ 2018 - 08:33

ރައީސް އަބްދުﷲ ޔާމީން އުޅުއްވަނީ ރާއްޖޭގެ އެންމެ ބޮޑު އެއް ވިޔަފާރިވެރިޔާ އަދި ޖުމްހޫރީ ޕާޓީގެ ލީޑަރު ގާސިމް އިބްރާހީމް ނެތިކޮށްލަން ކަމަށް ރައްޔިތުންގެ މަޖިލީހުގެ ހެންވޭރު އުތުރު ދާއިރާގެ އެމްޑީޕީގެ މެމްބަރު އަބްދުﷲ ޝާހިދު ރޭ ވިދާޅުވެއްޖެ އެވެ.

އިދިކޮޅު ފަރާތްތަކުން ގާސިމްގެ ރަށް، އދ. މާމިގިލީގައި ބޭއްވި ޖަލްސާގައި، ރައްޔިތުންގެ މަޖިލީހުގެ ކުރީގެ ރައީސް ޝާހިދު ވިދާޅުވީ ކުރީގެ ރައީސް މުހައްމަދު ނަޝީދާ އެއް މިންވަރަށް ގާސިމާ ދާތެރޭ ވެސް މި ސަރުކާރުން އަނިޔާވެރިވެއްޖެ ކަމަށެވެ.

މިހާރު ޖަރުމަންގައި ހުންނެވި ގާސިމަށް ރިޝްވަތުގެ މައްސަލަ ސާބިތުވެ، ކްރިމިނަލް ކޯޓުން ވަނީ ތިން އަހަރު ދުވަހުގެ ޖަލު ހުކުމެއް އިއްވައިފަ އެވެ. ބޭސްފަރުވާ އަށް އޭނާ ސިންގަޕޫރަށް ފޮނުވި ނަމަވެސް، ފަހުން ޖަރުމަނަށް ވަޑައިގެންފައި ވަނީ ސަރުކާރުގެ އެއްވެސް ހުއްދައެއް ނެތި ކަމަށް ހޯމް މިނިސްޓަރު އަޒްލީން އަހުމަދު ވަނީ ދާދި ފަހުން ވިދާޅުވެފަ އެވެ.

"...ގާސިމް ނެތިކޮށްލުމުގެ މަސައްކަތް މި ސަރުކާރުން ވަނީ ފަށާފައި. ބޭނުން ވަނީ ހަމައެކަނި ގާސިމްގެ ނެތިކޮށްލުމެއް ނޫން. އެ މަނިކުފާން ކުރައްވާފައިވާ މަސައްކަތްތައް ނެތިކޮށްލުން. "[ގާސިމް] އުފައްދާފައިވާ ތަކެތި ނެތިކޮށްލުން. ގާސިމްގެ މުޅި އުންމީދުތައް ނެތިކޮށްލުން،" ގިނަ އަދަދެއްގެ ބަޔަކު ދިޔަ ޖަލްސާގައި ޝާހިދު ރޭ ވިދާޅުވި އެވެ.

ގާސިމަށް ތައުރީފު ކުރައްވަމުން ޝާހިދު ވިދާޅުވީ، އެއީ ރާއްޖޭގެ ޒުވާނުންގެ އުންމީދާ ވެސް ވަރަށް ބޮޑަށް ގުޅިފައިވާ ބޭފުޅެއް ކަމަށެވެ. އަދި ގާސިމަކީ ކުރިއަށް ދާނެ މަގުތައް ހޯއްދަވައި ދެއްވާ ބޭފުޅެއް ކަމަށް ވެސް ޝާހިދު ވިދާޅުވި އެވެ.

Gulhifaivaa Siyaasee Partythakun baavvaa #MaamigiliJalsa kuriah dhanee #MaamigiliJalsa #RayyithungeBadhalu pic.twitter.com/oHznLgIQNq
— MDP Secretariat (@MDPSecretariat) January 11, 2018

އިދިކޮޅު ޕާޓީތަކުން ރޭ މާމިގިލީގައި ބޭއްވި ޖަލްސާގެ ތެރެއިން.

"މި ސަރުކާރުން ގާސިމާ ދޭތެރޭ އެ އަމަލު ކުރައްވާ ގޮތުން އަޅުގަނޑުމެންނަށް ފެނިގެން މި ދަނީ ހަމައެކަނި އެ މަނިކުފާން ނެތިކޮށްލުމަށް ކުރާ މަސައްކަތެއް ނޫން. އެ ނެތިކޮށްލަނީ ދިވެހި ޒުވާނުންގެ އުންމީދު. އަދި ޒުވާނުން އުންމީދު ކުރަމުން ދާން އޮތް އެއް ހަރުފަތް،" ޝާހިދު ވިދާޅުވި އެވެ.

ރޭގެ ޖަލްސާގައި އޭނާ ވިދާޅުވިގޮތުގައި، މި ސަރުކާރު މިހާރު އޮތީ ބަލިވެ، ރޫޅެން ފަށައިފަ އެވެ. އަދި ގުޅިފައިވާ ޕާޓީތަކުން މި އަހަރުގެ ރިޔާސީ އިންތިޚާބު ބޮޑު ތަފާތަކުން ކާމިޔާބު ކުރާނެ ކަމަށް ވިދާޅުވި އެވެ.

"އަޅުގަނޑުމެން މިހާރު މިދާ މިސްރާބުގައި ކުރިއަށް ދާންވީ. ނަސްރު ލިބޭނެ. ފަހަތަ ލިބޭނެ. ކާމިޔާބީއާ ހަމައަށް ވާސިލުވުމަކަށް މާ ގިނަ ދުވަހެއް ދެން ނެތް،" ޝާހިދު ވިދާޅުވި އެވެ.

އެމްޑީޕީ މެމްބަރު ގާސިމް އިބްރާހިމް (މާމިގިލި) އަބްދުﷲ ޝާހިދު (ކުރީގެ ފޮރިން މިނިސްޓަރު) ޖުމްހޫރީ ޕާޓީ އދ. މާމިގިލި އިދިކޮޅު ފަރާތްތައް

26 ކޮމެންޓް, 49 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ފެމުނު

13 January 2018

ރިސޯޓު ހަދާށޭ ކިޔާފަ ބޮޑެތި ރަށްތަކާއި މަސައްކަތް ކުރާށޭ ކިޔާފައި ބޮޑެތި ބިންތައް އަތުލާއިގެން ނުހަދާ ދިހަ ބާރަ އަހަރުވާއިރު އެސަރަހައްދުގެ ރައްޔީރުން ގެސްޓު ވިޔަފާރި ކޮށްގެންނާއި ވަޒީފާ ހޯދައިގެންނާއި އެތައް ގޮތަކުން ލިބެންއޮތް އާމްދަނީ ގައި ޤާސިމް އަތްއަޅާ ހިފަހައްޓައިގެން ހުރުމުން ރައްޔިތުންކަށް ލިބުނު ގެއްލުންވެސް އެއީ ގާސިމް ގެ އޯގާތެރިކަން ކަމަށް ތި ޝާއިދު ގަބޫލު ކުރައްވަނީތޯ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޗިމްވާރޭ

12 January 2018

ސަރުކާރަށް ދައްކަންޖެހޭ ދަރަނި ޚަލާސް ކުރަން އެންގުމަކީ ނެތިކޮށްލުމަށް ވަނީނަމަ އެހާ ގިނަ އަދަދެއްގެ ފައިސާއިން ބިލިއަނުން ގުނޭހާ ފައިސާ ސަރުކާރަށް ނުލިބި ރައްޔިތުންނަށް ފޯރުކޮށްދޭންޖެހޭ ހިދުމަތަށް ބުރޫއެރުމުން އެނެތިކޮށްލެވެނީ ރައްޔިތުންގެ ހައްގުކަމަށް އަބްދުﷲ ޝާހިދު ހަމަ އެއްވެސް ވަރަކަށް ނުދެކެންތޯއެވެ. ސިޔާސީ މަންފާ ހޯދުމަށް މީހުން ކުރާ ވިޔާނުދާކަންކަން ތިގޮތަށް ދިފާޢުކޮށްދީ ހިތްވަރުދޭނަމަ ގައުމު ސީދާ މަގަށް އެޅިދާނެކަމަށް އަބްދުﷲ ޝާހިދު ދެކެނީތޯއެވެ. ބަސްމަގުން ބޮޑަށް ފާޑީ ގައުމު އިސްލާހުވުމަށް ބޭނުންވާ ވަރަށްވުރެ ކޮންމެހެންވެސް ވެރިކަން ހޯދުމަށް އުޅޭ އުޅުމަކާ ނޫންތޯއެވެ. ވަރަށް ވިސްނަންވާނެ ނޫންތޯއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހުމަދު އިބްރާހިމް

12 January 2018

ގާސިމް ނެތިކޮށްލެވެނީ އަމިއްލަ އަށް... މައްސަލަ ޖެހުނު ހިސާބަކީ ދައުލަތަށް ދައްކަންޖެހޭ 2.4 ބިލިއަން ރުފިޔާ ދޭން އެންގުން... ސިޔާސީ ކުޑައެއްގެ ދަށުގައި ރައްޔިތުން ވާވައްދައިގެން ނޫޅުއްވާ ، ދައުލަތަށް ދައްކަން ޖެހޭ ފައިސާ ދައްކަވާ...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަބްދުއްލާ

12 January 2018

މި ގައުމަށް ލިބެމުންދާ ގެއްލުމުގެ އެންމެ ބޮޑު ހިއްސާ އުފުލަންޖެހޭ ފަރާތަކީ ގާސިމް ދެން ނަސީދު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޒަކީ

12 January 2018

ޝާހިދު މެންނައް ވާނީ މިއަދު ގާސިމް އޭ ކިޔާފަ ނުގޮތަކައް ގޮވާލިއަސް އަނިޔާ އައް. ހުޅުމާލޭ އިންޑަސްޓްރިއަލް ޒޯންގަ ކިތައްބިންތޯ އޮތީ. ހުރިހާ ތަނެއްގަ އޮތީ ހުޔާ ވިނަ.އެއްކަމެއްވެސް ނުކުރެ.ސިމެންތި ފެކުޓަރީ މީހުންގެ މަސައްކަތަކީ ދަބަރު ކަހާ ދަވާދު ލުން. ތެޔޮވިއްކީ ވެސް މާލެ އައްވުރެ 1.50 ލިޓަރެއް އަގު ބޮޑު ކޮއް.މިއަދު އެސްޓީއޯ އިން މާލެއާ އެއް އަގެއްގަ ހުޅުމާލެ ވިއްކަމުން އެދަނީ..ގާސިމައް ކީއްވެތޯ މިދިޔަ 12 އަހަރު މާލެއާ އެއްއަގެއްގަ ނުވިއްކުނީ.. ގާސުމްގެ އަބަދުވެސް ވިސްނުމަކީ ވެރިކަން.. ރައީސުލްޖުމުހޒުރިއްޔާ އަލްފާސިލް ބުރުމާ ގާސިމް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހްމަދު

12 January 2018

ޝާހިދު ތިޔަބައިސާކަނޑަނީ ގާސިމު ހަރަދުކުރާތީ އެހެންނޫންނަމަ ތިޔައިންމީހަކުދައްކާވެސްނުލާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަބްދުﷲ ވާހިދު

12 January 2018

ވަކި ގާސިމް ނެތިކޮށްލާކަށް ނޫޅެ، އެމީހެއްގެ ސައިޒަށް އެމީހަކު ފިޓުކޮށްލީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަބްދުﷲ ނާހިދު

12 January 2018

އަބްދުﷲ ޝާހިދު އެމްޑީޕީގެ ރިޔާސީ ކެންޑިޑޭޓްކަން ބޭނުންވުމުން ސައިޒް ކުރިގޮތަށޯ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހިތާމަހުރި

12 January 2018

ގާސިމްގެ ނާޖާއިޒް ބޭނުންކުރެވެމުންދާއިރު އެކަން ގާސިމަށް ނުފެންނާތީ ހިތާމަހުރި. މާލީ ގޮތުން ގާސިމް ހުލިވެއްޖެކަން ޔަގީންވެއްޖިއްޔާ ތިޔަކުރާ ޚުޝާމަދުތައް ހުއްޓޭނެ. ފެންކައްކާ ބޮލީގެ އިއްޒަތް މިހާރު ތިޔަ ދެނީ.