ފުލުހުން އެންދެރިމާގެ ކައިރީގައި ފޯރިމަރަނީ. އެތަނުގައި ފޯރިމަރާ ސަބަބެއް ފުލުހުން އަދި ނުބުނޭ.
29 ޖެނުއަރީ 2018 - 12:29
9 comments
އިދިކޮޅު ހަރަކާތްތަކުގެ އެންމެ އިސް ލީޑަރެއްގެ ގޮތުގައި ރާއްޖޭގައި މި ވަގުތު ހުންނެވި ކުރީގެ ރައީސް މައުމޫން އަބްދުލްގައްޔޫމް ދިރިއުޅުއްވާ ގެކޮޅު، މ. އެންދެރިމާގެ ކައިރީގައި ފުލުހުން އަދިވެސް ފޯރިމަރަމުން އެބަ ގެންދެ އެވެ.
މިދިޔަ ހޮނިހިރު ދުވަހު ފުލުހުން އެންދެރިމާގެ އަށް ވަދެ، އެގެ ފާސް ކުރީ ރައްޔިތުންގެ މަޖިލީހުގެ ދިއްގަރު ދާއިރާގެ މެމްބަރު އަހުމަދު ފާރިސް މައުމޫން މަޖިލީހުގެ މެމްބަރުންތަކަކަށް ފައިސާ ބެހި ކަމަށާއި މަޖިލީހުގެ މެމްބަރުންތަކަކާ ގުޅިގެން ވެރިކަން ވައްޓާލަން ގާނޫނާ ހިލާފަށް މަސައްކަތް ކުރި ކަމަށް ތުހުމަތު ކުރާ މައްސަލައިގެ ހެކި ހޯދުމަށެވެ. އެ މައްސަލައިގައި ފުލުހުން ވަނީ އެ ދުވަހު ފާރިސް ހައްޔަރު ވެސް ކޮށްފަ އެވެ.
ފުލުހުން އެންދެރިމާގެ ކައިރީގައި ފޯރިމަރާތާ 48 ގަޑިއިރު ވާން ކައިރިވެފައިވާ އިރު، އެސްއޯ ފުލުހުންގެ ދެ މީހަކު އެންދެރިމާގެ ދޮރު ކައިރީގައި މިއަދު ވެސް ފޯރި އަށް އެބަތިއްބެވެ.
މިކަމާ ގުޅިގެން ފުލުހުންގެ ބަހެއް ވަނީ ލިބޭ ގޮތް ނުވެފަ އެވެ.
ފާރިސް ދިރިއުޅުއްވާ ސްނޯ ރޯޒް އާއި އޭނާގެ ބައްޕާފުޅު ދިރިއުޅުއްވާ އެންދެރިމާގެ ބަލައި ފާސް ކުރުމަށް މިިދޔަ ހޮނިހިރު ދުވަހު ފުލުހުން އެ ދެ ގެއަށް ވަނީ ކްރިމިނަލް ކޯޓުން ނެރެފައިވާ އަމުރެއްގެ ދަށުންނެވެ. ނަމަވެސް ފާރިސްގެ މައްޗަށް ފުލުހުން ތުހުމަތުކުރާ މައްސަލައާ ގުޅުން ހުރި އެއްވެސް ހެއްކެއް އެ އިން އެއްވެސް ގެއަކުން ނުފެންނަ ކަމަށް ފުލުހުން ވަނީ ބުނެފަ އެވެ.
ފާރިސްއާ ގުޅުން ހުރި ތަންތަނުގެ ގޮތުގައި އެންދެރިމާގެ ފާސްކުރި ކަމުގައި ވިއަސް އޭނާގެ ކޮޓަރިއެއް އަދި އޮފީހެއް ވެސް އެ ތަނުގައި ނުހުންނާނެ ކަމަށް، މައުމޫން ވަނީ ވިދާޅުވެފަ އެވެ.
ސްނޯ ރޯޒް ބަލައި ފާސް ކުރުމަށް ފަހު ފުލުހުން ފާރިސް ހައްޔަރުކުރުމުން ކްރިމިނަލް ކޯޓުން އޭނާގެ ބަންދަށް ވަނީ 15 ދުވަސް އިތުރު ކޮށްދީފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކަޅުހޮއްކޮ
29 January 2018
ކުރިޔަށްއޮތް 48ގަޑި އިރުތެރޭ ރައީސް މައުމޫން ހައްޔަރު ކުރަން ނިންމައިފިކަމަށް މައުލޫމާތުލިބެނީ.
ސަޅިބެ
29 January 2018
ކުއްލި ކޯޓު އަމުރު ކުއްލިއަކަށް ހިމާޔަތް ދޭން ރެއަކާލާއިރު މިހިރީ އާރަށުގަ ހައްޔަރު ކޮއްފަ
ބުރުގާ
29 January 2018
ހައްޔަރުވެސް ކުރާނެ. އެންދެރިމާގެ ދައުލަތައްވެސް ނަގާނެ. ބަލަންތިބޭ!
ގޮއްޔެ.
29 January 2018
މި ޤައުމުގައި އެންމެ މީހެއްގެ ހަށި ރައްކަލަކަށް ހުރިހާ އެންމެން ޖަލުގެ ކުޑަ ގޮޅިއަށް. ދެން އެމީހާގެ ހަށިގަނޑުގެ ބިޔަ ކަމާއި ބޮޑުކަން ހުރިވަރު ތަޞައްވަރަށް ގެންނަމާ...
މައުމޫންބ
29 January 2018
އިންޓެލިޖެންސް މީހުންވެސް އެބަތިބި އެގޭ ކަންމަތީގައި
ޙުސޭނު
29 January 2018
ގެ ކޮޅޭ؟ އަހަރުމެން އުޅެނީ ގެ ގަޑު ގަ
ޢަބްދުﷲނާފިޒު
29 January 2018
ކުރަން އުޅޭ ކަންތައް ކުރާކަށް ރައްޔިތުން ފުރުސަތެއް ނުދޭނެ، މިހާރު ދެން ތިދަނީ މާމައްޗަށް، ކޯޓު އަމުރު ހޯދައިގެން ތިކަން ކޮށްފިއްޔާ މަސްރަހު ވަރަށް ގޯސްވާނެ، އެހެންވީމަ ތިވަރުކަމެއް ނުކުރާތި.
ދޮނާ
29 January 2018
ނުވާނެ، ހުވާ ނުވާނެ އެއްކަމެއްވެސް ކުރާކައް، އޭނާގެ ދިފާއު ގަ އާން ތި ތިބެނީ. ކަމެއް ކުރެވޭނެ ނަމަ މިތަނައް އަރާ ކޮމެންޓު ކުރާކައް ނޫން އިންނާނީ
ހޭކެނޑޭ
29 January 2018
ސަހަރޯ! މަމެންނަށް 1000 ޕަރސެންޓް ޔަޤީން ހައްޔަރު ކުރަން އުލެނީ ކަމަށް. ކޯޓު އަމުރު ލިބިނުހާ އަވަހަކަށް ހަށި ރައްކަލެއްގެ ގޮތުން ހައްޔަރު ކުރަނީ ކަމަށް ވާނީ.