ތިން އަހަރު ތެރޭ ހުރިހާ ސްކޫލެއް ރިވިއުކޮށް ނިންމަނީ

ސްކޫލުތައް ރިިވިއުކުރާނެ ކޯޑިނޭޓަރުން ތަމްރީނުކުރަން މިއަދު ބޭއްވި ބައްދަލުވުން.--ފޮޓޯ: އެޑިއުކޭޝަން މިނިސްޓްރީ

އާސިމާ ނިޒާރު، މިހާރު

13 ޖުލައި 2016 - 19:51

ރާއްޖޭގައި ހިންގާ ހުރިހާ ސްކޫލެއް ރިވިއު ކުރުމުގެ މަސައްކަތް ކުރި އަށް އޮތް ތިން އަހަރުގެ ތެރޭގައި ނިންމާލެވޭނެ ކަމަށް އެޑިއުކޭޝަން މިނިސްޓްރީން މިއަދު ބުނެފި އެވެ.

ސްކޫލުތައް ރިވިއުކުރަން ރާއްޖޭގެ އެކި ކަންކޮޅުތަކުން ކަނޑައެޅި ކޯޑިނޭޓަރުން ތަމްރީނުކުރުމުގެ ދެ ވަނަ ބުރު ފެށުމުގެ ރަސްމިއްޔާތުގައި ވާހަކަދައްކަވަމުން އެ މިނިސްޓްރީގެ ސްޓޭޓް މިނިސްޓަރު ޑރ. އަބްދުﷲ ނަޒީރު ވިދާޅުވީ ސްކޫލުތައް ރިވިއުކުރުމުގެ ގައުމީ އޮނިގަނޑެއް އެކުލަވާލައި އެ އަށް އަމަލުކުރަން ފަށާފައިވާ ކަމަށެވެ.

"މިހާރު"އާ ވާހަކަދައްކަވަމުން ނަޒީރު ވިދާޅުވީ ސްކޫލުތައް ރިވިއު ކުރާނީ ތިން ދަރަޖައަކަށް ބަލައިގެންނެވެ. އެއީ އާއްމު ސްކޫލުތަކުގެ އިތުރަށް އަތޮޅު ސްކޫލާއި އަތޮޅު ތައުލީމީ މަރުކަޒުގެ ދަރަޖަ ކަމަށް އޭނާ ވިދާޅުވި އެވެ.

މި ރިވިއުގައި ސްކޫލުތަކުގައި ކިޔަވައި ދެނީ ކަރިކިއުލަމްގައި ހުރި މަގުސަދުތައް ހާސިލްވާ ގޮތަށްތޯ އާއި ސްކޫލުތަކަށް ދޭ ބަޖެޓުން މާލިއްޔަތު ގާނޫނާ އެއްގޮތަށް ހަރަދު ކުރޭތޯ ބަލާނެ ކަމަށް ނަޒީރު ވިދާޅުވި އެވެ. އަދި ކިޔަވައިދޭން ބޭނުން ކުރާ ވަސީލަތްތަކާ މެދު ބެލެނިވެރިން ހިތްހަމަޖެހޭތޯ ވެސް ބަލާނެ ކަމަށް އޭނާ ވިދާޅުވި އެވެ.

"މީގެ މަގުސަދަކީ ޕްރޮފަޝަނަލްކޮށް ސްކޫލުތަކަށް ދިމާވާ މައްސަލަތަކަށް ހައްލު ހޯޯދައި ދިނުން،" ނަޒީރު ވިދާޅުވި އެވެ.

ރާއްޖޭގެ 22 ސްކޫލެއް މިހާތަނަށް ރިވިއުކޮށްފައި ވާއިރު، މި އަހަރު ތެރޭގައި އިތުރު 46 ސްކޫލެއް ރިވިއު ކުރާނެ ކަމަށް މިނިސްޓްރީން ބުންޏެވެ.

ސްކޫލް ތައުލީމް އެޑިއުކޭޝަން މިނިސްޓްރީ ކިޔަވާކުދިން ޑރ. އަބްދުﷲ ނަޒީރު

7 ކޮމެންޓް, 4 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ކޮމެންޓޭ

13 July 2016

ތިން އަހަރޭ ކިތައް ހާސް ސްކޫލްބާ ތިޔަ ރިވިއުކުރަނީ. ތިޔަ ރިވިއު ނިމިގެން ކަމެއް ރަނގަޅުވާނީ ކިތަށް ޖީލު ފަހަށްބާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިބޫ

13 July 2016

ރިވިއު ކުރާއިރު، ފާހަގަ ކޮށްލަން ބޭނުން ސްކޫލްތަކުގެ މުގައްރަރު އެކުލަވާލާއިރު ބެލެނިވެރިންނާއި އާމު ރައްޔިތުން ޚިޔާލު ހޯދަންޖެހޭނެ. ތާރީޚާ ސަގާފަތް އަދި ތަރުބިއްޔަތު މިމާއްދާތައް ހުރިހާ ގުރޭޑަކަށް ކިޔަވައި ދޭންްޖެހޭނެ. ރާއްޖޭގެ އަމިއްލަ އިމްތިޙާނެއް ފަރުމާކޮށް ކުރަންވެއްޖެ. އިނގިރެސިންގެ އިމްތިޙާނު ދޫކުރަންޖެހޭ ވަގުތު އަތުވެއްޖެ. ބޭކާރު މާއްދާތަކާއި އެއްޗެތި ކިޔަވައި ދިނުން ހުއްޓާލަންޖެހޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލީހަމީދު

13 July 2016

ތީވަރައް ރަނގަޅު ކަމެއް ފެންވަރު ނެތްޓީޗަރުން ބޭރުކޮއްލާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހޔ65

13 July 2016

ހިނި އަނަނޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލީ

25 August 2016

ހިނި އަންނާނެ ބަޔަކު ރަނަގޅުކަމެއް ކުރަންޏާ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުމަރު

13 July 2016

ތިޔައުޅެނީ ސްކޫލުތަކުގެ ދަރަޖަ ކަނޑައަޅައި ބައިބައިކުރަން، ތިކަމުގެ ސަބަބުން ހަމަ ހަމަކަން ގެއްލޭނެ، ރާއްޖޭގެ ހުރިހައި ސްކޫލެއްވެސް އޮންނަންވާނީ އެއް އޮނިގަނޑަކަށް އެއް މަގުސަދެއް ހާސިލްވާގޮތަށް