ބީއެމްއެލް އިން އަލަށް ތައާރަފްކުރި ލޯނާ ބެހޭ މައުލޫމާތު އެ ބޭންކުގެ އިސްވެރިން އިއްޔެ ދެއްވަނީ. ފޮޓޯ: ބީއެމްއެލް
06 ފެބުރުއަރީ 2018 - 17:07
16 comments
އަމިއްލަ ގެދޮރު ކުއްޔަށްދީގެން އާމްދަނީ ލިބޭ ފަރާތްތަކަށް ފަސޭހަކަމާއެކު 500،000ރ. އާ ހަމައަށް ލޯނު ލިބޭ ޚާއްސަ ސްކީމެއް ބޭންކް އޮފް މޯލްޑިވްސް (ބީއެމްއެލް) އިން އިއްޔެ ތައާރަފުކޮށްފި އެވެ
އެ ބޭންކުން ނެރުނު ނޫސްބަޔާނެއްގައި ބުނީ، އެ ލޯނު މެދުވެރިކޮށް އަމިއްލަ އަދި ވިޔަފާރި ބޭނުންތަކަށް ފައިނޭންސް ކުރެވޭނެ ކަމަށެވެ. އެ ގޮތުން ގެއަށް ބޭނުންވާ ފަރުނީޗަރު ނުވަތަ އިލެކްޓްރޯނިކް ސާމާނު ހޯދުމަށާއި ކުދިންނަށް ތައުލީމް ހާސިލް ކޮށްދިނުމަށާއި ވިޔަފާރި އަށް ކުއްލިއަކަށް ބޭނުންވާ ފައިސާ ހޯދުމަށް ވެސް އެ ލޯނު ބޭނުން ކުރެވޭނެ ކަމަށް ބީއެމްއެލް އިން ބުންޏެވެ. މި ލޯނު ދޫކުރާނީ ކަސްޓަމަރުގެ އަމިއްލަ ގެދޮރު ރަހުނު ކުރުމަށް ފަހު ކަމަށް ވެސް އެ ބޭންކުން ބުނެ އެވެ.
މި ލޯނާ ބެހޭ ގޮތުން ބީއެމްއެލްގެ ޑައިރެކްޓަ އޮފް ބިޒްނަސް ކުލްދިޕް ޕަލިވާލް ވިދާޅުވީ، ބީއެމްއެލްއިން އަލަށް ތައާރަފްކުރި ލައިފްސްޓައިލް ލޯނަކީ ފަސޭހަކަމާއެކު، ކްރެޑިޓެއް ހޯދުމަށް ބޭނުންވާ ކަސްޓަމަރުންނަށް ވަރަށް އެކަށޭނެ ލޯނެއް ކަމަށެވެ. އަދި ކުލީގެ ގޮތުގައި އާމްދަނީ ލިބޭ މީހުންނަށް އަމިއްލަ ގެދޮރު ރަހުނު ކުރުމަށް ފަހު ފަސޭހަކަމާއެކު 500،000ރ. އާ ހަމައަށް ދޫކުރާ ލޯނަކަށް ވުމުން އެއީ ކަސްޓަމަރުންގެ މެދުގައި މަގުބޫލު ލޯނަކަށް ވާނެ ކަމަށް ވެސް އޭނާ ވިދާޅުވި އެވެ.
ބީއެމްއެލްއިން އިން މުޅި ރާއްޖެ ހިމެނޭ ބޭންކިން ވިއުގައާކާއެކު 20 އަތޮޅުގައި 34 ބްރާންޗާއި 33 ސެލްފްސާވިސް ބޭންކިން ސެންޓަރު އަދި 92 އޭޓީއެމް ބޭނުންކުރެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ވަރަށްސަލާމް
09 February 2018
ދިވެހިންގެ ބޭންކުން ހަމައެކަނި ގެދޮރު ހުރި މީހުންނަށް އިތުރަށް ގެދޮރު ގަނެވޭނެގޮތްތައް ހަދައިދިނުމަށް ތައާރަފްކުރި ކަމެއްތީ. ދިވެހިންގެ ބޭންކުގެ ނަމުގައި ހިންގިޔަސް ތީހަމައެކަނި ގެދޮރު ހުރިމީހުންގެ ބޭންކު.
1234
07 February 2018
އިންޓްރެސްޓް ރެޓް 12%
ހަނާ
07 February 2018
މަގޭ ހިތަށް އަރާ. ބޭންކަކަސް އެހެން ތަނަކަސް, ފެންވަރު ހުރި ދިވެހިން ނެތިގެންބާއޭ. ބިދޭސީން އެންމެ އިސް މަގާމުތަކުގައި މިބައިތިއްބަނީ.
ކުމުންދޫ އަލީ
07 February 2018
ދިވެހިން ކައްނެތް ކަމުން، ބޮޑެތި ވަޒީފާ ދިނަސް ފެންވަރު ހުންނަ ދިވެހިން އެކަށީގެންވާ ވަރަށް މަސައްކަތެއް ހަމަ ނުކުރޭ،،،،
މަހުޖަނުން
06 February 2018
މަހުޖަނުންނަށް އިންޓްރެސްޓް ދަށްކޮށް , ފަގީރުންނަށް ބޮޑުކޮށް. މިލޯނުގެ އިންޓްރަސްޓް 12% ކިހިނެއް.
ހެހެހެ
06 February 2018
އެހެންވީމާ މާލޭ ބޭފުޅުން އަނެއްކާވެސް އަނެއް މޮޅު ތިޔަ ދެއްވީ!
ލިޔާ
06 February 2018
މީ ހަމަ އެކަނި މާލެއަށްތަ? ލިޔާއިރު ލިޔާނަމަ.
އައެ
06 February 2018
އިންޓަރެސްޓު ރޭޓު ކޮބާ؟؟؟؟ މި ހަބަރުގެ އެންމެ މުހިންމު ޕޮއިންޓު ނެތެއްނު...
އެޑްމުންޑޯ
06 February 2018
ކޮބާ އިންޓްރެސްޓް ނަގާވަރެއްނރތެއްނު
އިބޫ ހުޅުމާލެ
06 February 2018
ދައްކައި ނިމޭއިރު 550،0000 ނުވާނެ އެއީ ނެތްގޮތެއް...
ޑިމޮކްރަޓިސްޓް
06 February 2018
މިކަހަލަ އެއްވެސް ހަބަރެއްގަ އިންޓްރެސްޓް ރޭޓެއް ނޭންގޭނެ......... ސަހަލަ އަދަދެއް ނީންނާނެ ހަމަ ޔަގީން......... ފަސޭހަ ހުރިހާ ލޯނެއްގެ އިންޓްރެސްޓް އަތެއް ނުފޯރާނެ........ ހަމަ ޔަގީން........ ޔަގީން.........