މާލޭގެ އަރަބިއްޔާ ސްކޫލްގެ ބިމުގައި ހަދާފައި ހުރި ފްލެޓް: މި މަޝްރޫއުގައި ފްލެޓް ލިބި، ފައިސާ ނުދެއްކުނު މީހުންގެ ފްލެޓްތައް ވަނީ ވިއްކަން ހުޅުވާލާފައި.
11 ފެބުރުއަރީ 2018 - 11:15
16 comments
ޓާޓާ އިން އެޅި ފްލެޓްތަކުގެ ތެރެއިން ވިއްކަން ހުޅުވާލި ހުރިހާ ފްލެޓެއް އަދި ނުވިކޭ ކަމަށާއި ކުރިމަތިލުމުގެ ފުރުސަތު އަދިވެސް އެބަ އޮތް ކަމަށް ހުޅުމާލެ ޑިވެލޮޕްމެންޓް ކޯޕަރޭޝަން (އެޗްޑީސީ) އިން މިއަދު ބުނެފި އެވެ.
ކުރިން ގާކޮށި އޮތް ބިމާއިި އަރަބިއްޔާ ސްކޫލް ހިންގި ބިމުގައި އިމާރާތްކުރި 264 ފްލެޓުގެ ތެރެއިން 105 ފްލެޓް ވިއްކާލަން އިއުލާންކުރީ، އެ ފްލެޓްތައް ލިބުނު މީހުން ދައްކަން ޖެހޭ ފައިސާ ސަރުކާރަށް ނުދެއްކުމުންނެވެ.
އެ ފްލެޓުތައް ވިއްކަން ފުރަތަމަ ފޯމު ދޫކުރަން އޮތީ ޑިސެމްބަރު، 4، 2017 ގަ އެވެ. އޭގެ ދެ ދުވަސް ކުރިން އެތައް ބަޔަކު ކިޔޫގައި ޖެހުނެވެ. އެހެންކަމުން ބޮޑު ކިޔޫއެއްގައި ރައްޔިތުން ޖައްސައިގެން ފްލެޓް ދޫކުރުމަކީ ސަރުކާރުން ގަބޫލުކުރާ ކަމެއް ނޫން ކަމަށް ބުނެ މެދުކަނޑާލުމަށް ފަހު، މިހާރު ފްލެޓް ވިއްކަނީ އޮންލައިން ޕޯޓަލްއެއް މެދުވެރިކޮށެވެ.
އެޗްޑީސީގެ މެނޭޖިން ޑިރެކްޓަރު މުހައްމަދު ސައިމަން "މިހާރު" އަށް ވިދާޅުވީ ދެ މިލިއަން ރުފިޔާ ދައްކައި ބައެއް މީހުން މިހާރު ފްލެޓް ގަނެފައިވާ ކަމަށެވެ. އެކަމަކު އެއީ ކިތައް ފްލެޓް ކަމެއް އޭނާ ވިދާޅެއް ނުވެ އެވެ.
"ފްލެޓްތަކަށް ބޮޑު ތަރުހީބެއް ލިބޭ، އަދިވެސް ކުރިމަތިލުމުގެ ފުރުސަތު އެބަ އޮތް. ސޭލް ނިމެންދެން ކުރިމަތިލެވޭނެ،" ސައިމަން ވިދާޅުވި އެވެ.
ފްލެޓް ވިއްކަނީ ދެ މިލިއަން ރުފިޔާ އެއްފަހަރާ ދެއްކޭނެ ކަމުގެ ލިއުމެއް ނުވަތަ ބޭންކުން ލޯނު ހަމަޖެހޭ ކަމުގެ ލިއުން ދޭ ފަރާތްތަކަށެވެ. އުމުރުން 21 އަހަރު ވެފައިވާ ދިވެހި ކޮންމެ ރައްޔިތަކަށް މި ފްލެޓްތަކަށް ކުރިމަތިލެވެ އެވެ.
އޮންލައިންކޮށް ފްލެޓް ވިއްކުމަކީ ދެ ފުށް ފެންނަ ގޮތެއް ނޫން ކަަމަށް ބުނެ ކުރާ ތުހުމަތުތަކަށް ރައްދު ދެއްވައި ސައިމަން ވިދާޅުވީ ފްލެޓް ވިއްކަނީ ޝަރުތު ހަމަވެ، އެންމެ ފުރަތަމަ ފައިސާ ދައްކާ މީހުންނަށް އިސްކަންދީގެން ކަމަށެވެ. އެކަމުގައި އެއްވެސް މައްސަލައެއް އުޅޭތޯ މުއައްސަސާތަކުން ބެލޭނެ ކަމަށް ވެސް ވިދާޅުވި އެވެ.
"ޓާޓާ ފްލެޓްތަކަށް ސަރުކާރުން ބޮޑު ލޯނުތަކެއް ނަގާފައި އޮތީ، އެ ލޯނުތައް ރިކަވާކުރެވެން އަންނަނީ ފްލެޓްތައް ވިއްކައިގެން،" ސައިމަން ވިދާޅުވި އެވެ.
ތިން ކޮޓަރި އާއި ދެ ފާޚާނާ އަދި ބަދިގެ ހިމެނޭ ފްލެޓްތަކުގެ ތެރެއިން ގާކޮށިން 75 ފްލެޓް ވިއްކާ އިރު، އަރަބިއްޔާ ބިމުން ވިއްކަނީ 30 ފްލެޓެވެ. ބައެއް މީހުންނަށް ފައިސާ ނުދެއްކުނީ، މި މަޝްރޫއު ހުޅުވައިލި އިރު ފްލެޓްތައް ވިއްކަން ކަނޑައެޅި އަގަށް ވުރެ މާ ބޮޑު އަގަކަށް ވިއްކަން ނިންމުމާ ގުޅިގެން އުފުލަން ޖެހުނު މާލީ ތަކުލީފުތަކާ ހެދި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ގާކޮށި
12 February 2018
މިއީވެސް ވަރަށް ހެއްވާ ކޮށް ކުރާ ކަމެއް. އެއް ފަހަރު ރަޖިސްޓަރ ވެފަ ކަމެއް ދިމާވެގެން ކުރިއަށް ނުގެންދެވުނަސް އުމުރަށް ފުރުސަތު ގެއްލޭ. އެ ހެޔޮ ބޭންކް ގެރެންޓީއާއި ދެން ހުރި ލިޔުންތައް ހަމައަށް ހުއްޓަސް ވެސް. ހީވަނީ ކޮންމެ ކަމެއްގަ ވެސް ޖެއްސުން ކުރަން އުޅޭހެން.
އައިޝާ
11 February 2018
ޕޯރޓަލްއަށް ދިއައީމާ އަރަނީ "ރެޖިސްޓަރ ކުރުން މިވަގުތު ވަނީ ބަންދު ކުރެވިފައި" މީގެސިއްރަކީކޮބާ؟
ސަކީނާ
11 February 2018
އަހަރެން މިފަސްގަޑަށް އުފަންވީތީ ދެރަވޭ..
އސލމ
11 February 2018
އަހަރެންވާ ބިރު ގަނޭ ތިއިން ފްލެޓަކާ ވައި އެޅެން ވެސް. ޕެންޝަން ލާރިއާ ބޭންކުން ލޯނު ހޯދައިގެން ތިކަން ކުރަން އުޅެފި ނަމަ ވެސް ވެރިޔާ ނުރު ހިއްޖެއްޔާ މިހާރު މިހިރަ މަޤާމުން ވަކިކޮށް ޖަލަށްލާ އަހަރެންގެ ފާހާނާ ޖަންކްޝަން ތެރޭން ވެސް ފެނި ދާނެ މިލިއަނުން ޑޮލަރ
ކިޔާނާ
11 February 2018
ހޫމް ހޫމް. ވީހާ ވެސް ބޮޑު އަގެއް ކީމާ ހުހެއް ނުވާނެނުން!
11 February 2018
އޮްންލަިން ޕޯޓަލްޢޭ...އެ އޮތީ ވަގުތީ ގޮތުން ބަްދުކޮއްފަ....
އައިޖޭ
11 February 2018
ޓާޓާ އިން 347.5މިލިއަންރުފިޔާ އަށް 319ފްލެޓް އަޅާދިނީ، އެއީ 1،089،342ރ އަށް ފްލެޓެއް.. އެކަމު ސަރުކާރުން ތިޔަ ނަގަނީ ފްލެޓަކަށް 2މިލިއަން ރުފިޔާ... މިއީ ފުކެއް ބޮޑުވަރު https://mihaaru.com/news/1514
ދަންނަމީހާ
11 February 2018
އައިޖޭ މެން އަގު ކުރަނީ ހަމައެކަނި ނަގުދު ފައިސާއިން ދޭ އެއްޗެހި އެކަނިތަ؟ ކޮބާ އެ ދެ ތަނުގަ ފުލެޓް އެޅީމަ ޓާޓާ މީހުންނަށް މާލޭގެ އެންމެ މުހިއްމު ހިސާބުން ދިން 2 ބިން. މި ތަންތަން އަގުމަގު ކުށްފަ އެތަންތަނަށް ފައިސާދައްކަން އެޗް.ޑީ.ސީ އިން ނެގި ލޯނުތަކުގެ އިންޓަރެސްޓް ލީމަ މީގެން ތަނެއްގެ އަގު 2 މިލިއަނަށް ޖެހޭނެ. ތިމާއަށް ފެންނަވަރަށް ބަލައިގެން ކޮމެންޓް ނުކުރިއްޔާ ލަދުގަންނަންޖެހޭވަރު ކުޑަވާނެ
ދެރަ
11 February 2018
މިތާ އުޅެންވީ މުއްސަދިން. އެމީހުން ދަރިދަރި މިނިމީން ދާންދެން ފްލެޓް ތަކާ ބިން ތަކާ ގަނެފި. އަދިވެސް ނިކަމެއްޗަކަށް ލިބޭ އެއްޗެއްނެތް. ނިކަމެތިންނަށް މަޖްބޫރު ކުރަނީ ފްލެޓެއް ބޭނުމިއްޔާ ޕާޓީ ޖަގަހަ އަށް ގޮސް އަޅުވެތި ވާން. ސަލާން ޖަހަން.
އައިޝަ
11 February 2018
ގަންނަން ހެޔޮވާ ވަރުގެ ފްލެޓް ތަކެއް ނޫން މީ. ދެ ފާހާނާ އަބަދު މައްސަލަ ޖެހިފަ. މިހާރު ތަންތަން ހަލާކުވާން ފަށައިފި. އެއްވެސް ކޮލިޓީ އެއް ނެތް. އެކަމަކުވެސް ދެ މިލިއަން ރުފިޔާ. ހެޔޮވާނީ ކިހިނެއް.؟ އަދި އެތާ ޖެހޭ މައްސަލަތައް އެޗްޑީސީ އަށް ހައްލު ކުރެވެނީ އެއް ނޫން. އެތާ އުޅޭ މީހުންނަށް ބޮޑު ތަކުލީފެއް. އެހާ ބޮޑު އެޑްވާންސެއް ނަގާފަ ވެރި ފަރާތުންވެސް މަައްސަލަ ހައްލު ނުކޮށްދޭ. ކުއްޔަށް ދެވުނީމަ ނިމުނީ. ކުލި ބަލާ ވަރަށް ހެވިފަ އަންނާނެ. އެތާ އުޅޭ މީހުންގެ ހާލަތު ނުވިސްނާ. މީ ވަރަށް ދެރަ ކަމެއް.
ކްރިޓިކްސް
11 February 2018
ލޯން ނަގަން ބެންކް އަށް ދިޔާމަ އެބަ ބުނޭ މަހަކު ހަރަދަށް ކަޑާފަ 20،000 ރުފިޔާ ސާފު ފައިދާގެ ގޮތުގަ ހުންނަން ޖެހެއޭ. މީ މުއްސަނދިންނަށް ހަދާފަ ހުންނަ ލޯނު. އެފޯޑަބަލް ހައުސިންގްއޭ ނުކިޔާވެސް ލޯނު ދޭވޭނެ މުއްސަނދިންނަށް...