ރާއްޖޭގައި ކޮރަޕްޝަން އޮތް މިންވަރު ދައްކައިދޭ އަލްޖަޒީރާގެ ރިޕޯޓް
22 ފެބުރުއަރީ 2018 - 10:32
38 comments
ދުނިޔޭގެ ގައުމުތަކުގައި ކޮރަޕްޝަން އޮތް މިންވަރު އަންގައިދޭން ޓްރާންސްޕޭރަންސީން ނެރޭ ކޮރަޕްޝަން ޕާސެޕްޝަން އިންޑެކްސް (ސީޕީއައި) ގައި ކޮރަޕްޝަނާ ދެކޮޅަށް ފިޔަވަޅު އެޅުމުގައި މިދިއަ އަހަރު އެއްވެސް ކުރިއެރުމެއް ނުލިބޭ ގައުމުތަކުގެ ތެރޭގައި ރާއްޖެ ހިމެނިއްޖެ އެވެ.
ޓްރާންސްޕޭރަންސީ ރިޕޯޓުގައި ރާއްޖެއަށް ލިބިފައިވަނީ 33 ޕޮއިންޓެވެ. އެއީ 180 ގައުމުގެ ތެރެއިން 112 ވަނަ އެވެ. އޭގެ ކުރީ އަހަރު ރާއްޖެ އޮތީ ލިސްޓުގެ 95 ވަނާގަ އެވެ. އެހެންކަމުން މިހާރު އެވަނީ 17 ދަރަޖަ ދަށަށް ގޮސްފަ އެވެ.
މިފަހަރު ސީޕީއައިގައި ރާއްޖެ ހިމެނުނީ 50 ދަށުން ޕޮއިންޓް ލިބުނު ތިންބައިކުޅަ އެއްބައި ގައުމުގެ ތެރޭގަ އެވެ. ކޮރަޕްޝަނާ ދެކޮޅަށް ފިޔަވަޅު އެޅުމުގައި ރާއްޖެއަށް އެއްވެސް ކުރިއެރުމެއް ނުލިބެ އެވެ.
ޓްރާންސްޕޭރަންސީ މޯލްޑިވްސް އިން ބުނީ އެ ރިޕޯޓުން ދައްކައިދެނީ ކޮރަޕްޝަން އަށަގެންފައިވާ މިންވަރާ، ނޫސްވެރިކަމުގެ މިނިވަންކަމާއި ޖަމިއްޔާތަކަށް މަސައްކަތް ކުރަން އޮތް ފުރުސަތު ހަނިވެފައިވާ ވަރު ކަމަށެވެ.
ރާއްޖޭގެ މިހާރުގެ ސަރުކާރުގައި ކޮރަޕްޝަންގެ މައްސަލަތައް ވަރަށް ބޮޑަށް މައްޗަށް ގޮސްފައިވާ ކަމުގެ ހެކިތައް 2015 އިން ފެށިގެން ދަނީ ހާމަވަމުންނެވެ. އެގޮތުން މޯލްޑިވްސް މާކެޓިން އެންޑް ޕަބްލިކް ރިލޭޝަންސް ކޯޕަރޭޝަން (އެމްއެމްޕީއާރުސީ) ގެ ބޮޑު ޚިޔާނާތަކީ ފަހުގެ ތާރީޚެއްގައި ރާއްޖޭގައި ފަޅާއެރި އެންމެ ބޮޑު ޚިޔާނާތެވެ. އެ ޚިޔާނާތުގައި ދައުލަތަށް ގެއްލުނު އަދަދު މަދުވެގެން 1.22 ބިލިއަން ރުފިޔާއަށް އަރާނެ ކަމަށް ބެލެވެ އެވެ.
ސީޕީއައި ހެދުމުގައި ތަފާތު ތިން މަސްދަރަކުން މައުލޫމާތު ހޯދަ އެވެ. ޓްރާންސްޕޭރަންސީ މޯލްޑިވްސްއިން ބުނީ ރާއްޖޭގެ ހާލަތު ބެލުމަށް މައުލޫމާތު ނެގީ ވޯލްޑް ބެންކް ސީޕީއައި އާއި ގުލޯބަލް އިންސައިޓް ކަންޓްރީ ރިސްކް ރޭޓިންގެ އިތުރުން ވެރައިޓީސް އޮފް ޑިމޮކުރަސީ ޕްރޮޖެކްޓް ކަމަށެވެ.
ޓްރާންސްޕޭރަންސީން ބުނި ގޮތުގައި ވޭތުވެދިޔަ ހަ އަހަރުގެ ތެރޭގައި ރާއްޖޭގައި ނޫސްވެރިކަމުގެ މިނިވަންކަމާއި އެއްވެއުޅުމާއި ހިލާފުފާޅު ކުރުމުގެ މިނިވަންކަން ދަށަށް ގޮސްފައިވާ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޑޮކްޓަރުންގެ ސިޓީ / އައްޑޫ ސިޓީ
22 February 2018
ރާއްޖޭގައި ފުޅާދާއިރާއެއްގައި “ކަޅުފައިސާގެ މުއާމަލާތް ހިންގާ” ކަން އަޅުގަނޑުމެނާއި ދުނިޔޭގެ ސަމާލު ކަމަށް މަޝްހޫރު ހަބަރު ޓީވީ ޗެނަލް އަލްޖަޒީރާގެ “ސްޓީލިންގ ޕެރަޑައިސް” އިން ދެއްކި މަންޒަރާއި ހަބަރުން. . . . ކުރީގައި ނުވަތަ އޭރު މިކަންކަން ކޮށްފައިވާނަމަ “މިހާރުވެސް މިކަން ކުރާނެ” ކަން ޔަޤީންވާތީ ހިޔާނާތުގެ ފަސާދަ ހުއްޓުވުމަށް ރާއްޖެ އެތެރެކުރާ އަދި ބޭރުވާ ފައިސާގެ ސަައްހަކަން ކަށަވަރުކޮށް އެފައިސާގައި “ކަޅުފައިސާ ނުހިމެނޭކަން” ޔަޤީން ކުރާންޖެހޭ.
ކުރިކީލަ
22 February 2018
އެއްކޮޅުވެސް އިދިކޮޅުވެސް، އެންމެންވެސް ތިބީ ކޮރަޕްޓު ވެފަ. ސަހަލު އެކަކުވެސް ނެތް.
ތުނިޔަ
22 February 2018
ސަހަލު އެކަކުވެސް ނެތީމަ ނޫންތޯ އެއްމެންގެ މައްސަލަ އެއްހަމަޔަކުން ބަލާ ފިޔަވަޅު އަޅަންވީ! އިދިކޮޅު މީހުންގެ ކޮރަޕްޝަން މައްސަލަތަށް ގޫގުލް ސްޕީޑްގަ ބަލޢިރު، އެއްކޮޅުމީހުން މީހު ހުރިހާ ނުބައި ކަމަކުން އިސްތިސްނާވޭ! މިއެއްނޫންތޯ މިޤައުމުގަ ޖެހޭ މައްސަލަޔަކީ.
މާލޭ މީހާ
22 February 2018
ފާޅުގަ ކޮރަޕްޝަނާ ދެކޮޅަށް ނިކުންނަށް ކެރުނު ސަރުކާރުމީ ، ސާބާހޭ ރައީސް ޔާމީން ކުރައްވާ މަސައްކަތަށް ، ރައީސް ޔާމީން އަކީ މިގައުމުގެ ތާރީޚް ދުއް އެއްމެ ގާބިލް ވެރިޔާ ކަމާ ދޭތެރޭ ޝައްކެތްނެތް . ( އއ )
އޮފީސް
22 February 2018
ޝުކުރިއްޔާ ކޯޑިނޭޓަރ. މިއަދުގެ ކޮމެންޓަށް ވާ ފައިސާ ބަލާ އަވަހަށް އޮފީހަށް ދުރުވެދެއްވާ.
ސޭކުބެ
22 February 2018
ކަރަޕްޝަން ހުއްޓުވަންތިބި މީހުން އެންމެ ބޮޑަށް ކަރަޕްވެފަތިބީ ދެން ކިހިނެއް ތިކަން ހުއްޓުވާނީ. މިތާ އޮތީ ރިޔާސީ ކަރަޕްޝަން
ޕާރޕްސް
22 February 2018
ޤައުމު ކައްވާލަން އުޅޭ ބައެއްގެ އަތުން ޤައުމު ސަލާމަތްކުރީ ރައީސް ޔާމީން، މިކަން ހަޖަމް ކުރާން ދަތިވެގެން ބަޔަކު އުޅެނީ
މޯޑް
22 February 2018
އަސްލުވެސް ދެން ލާހިކެއްނޫން އެހެން ބަޔަކަަށް ކާން ހިތައްވެސް އަރުވާލަން. ހޯދިޔަސް ނުފެންނަ ހިސާބަށް ބައިތުލްމާލް ރައްކާތެރިކަމާ އެކީ ގެންގޮސްފަ އެވަނީ!
ރާއްޖެތެރޭ މީހާ
22 February 2018
ކޮރަޕްޝަން ހިންގީ ކޮން ސަރުކާރަކުންކަން ދިވެހިންނަށް އިނގޭ . ކޮރަޕްޝަން ހިންގިވަރަކީ ރައީސް ކަމުންވެސް އަމިއްލައަށް އިސްތިއުފާ ދީފަ މުޅި ޓީމް ގޮވައިގެން ރާއްޖޭގެ އިން ބޭރުގައި ތި އުޅެނީ ކޮންތާކުން ހޯދި ފައިސާ ތޯ . އެއްވެސް ވަޒީފާއެއް އަދާނުކޮށް ކިހިނެއްތޯ އެހެން އުޅެވޭނީ . ސަރުކާރު ހިންގިއިރު ދަވާލި ފައިސާ އިން އެ އުޅެނީ ރާއްޖެއިން ބޭރުގައި. މުޅި ޤައުމު އެއްކޮށް ދަވާލީ އެމްޑީޕީ ވެރިކަމުގައި ކަން ޔަޤީން . ( ދއ )
އާމީން
22 February 2018
އެމް ޑީޕީން ހިންގި ކޮރަޕްޝަނުން މި ދިވެހި ގައުމު ސަލާމައްކުރައްވާފާން ދޭން
އުދުހޭ
22 February 2018
ޔާމީނަށް މީހުން ނަފްރަތުކުރަނީ މިހެންވެ
ދާންދޫ އާސިފް
22 February 2018
އެމްއެމްޕީއާރުސީ ދަވާލި އަދީބު މިހާރު އެމްޑީޕީ އަށް ވެއްޖެ ހުދުފޮތިކޮޅަކަށް . އެހެންވީމާ ކޮންބަޔެއްތޯ ކޮރަޕްޝަން އަށް ތާއީދުކުރަނީ . ރައީސް ޔާމީން ސަރުކާރުގެ ކޮންމެ މީހަކު ކޮރަޕްޝަންގެ އަމަލެއް ހިންގިފިއްޔާ އެމީހަކަށް އެ ކަމުގެ ހައްގު އަދަބު ލިބޭނެ . އެމް ޑީ ޕީ ގެ ސަރުކާރުން ކެރުނު ތޯ އެ މީހުންގެ ވެރިކަމުގެ ހިންގި ކޮރަޕްޝަންގެ މައްސަލަބަލާ ފިޔަވަޅު އަޅަން .
ސުލްޠާން
22 February 2018
ތިޔަބައިމީހުން ތީ މާރަނގަޅު ބަޔެއް ނަމަ ސަރުކާރުން ކުރާ ރަނގަޅުކަންތަކުގެ ވާހަކަ ވެސް ދައްކަންވީތާ؟ ގައިމު ކިތައް މީހުންނަށް ބޯހިޔާވަހިކަން ލިބިގެން މިދަނީޯ، ގައިމު އިގްޞާދު ރަނގަޅުކުރުމަށް ކިތަށް ކިތަށް އިޤްޠިޞާދީ މަޝްރޫޢު ތަކެއް ހިނގަމުން މިދަނީ.