ބަންދުގެ މުއްދަތު ޖެހުމަށް ކްރިމިނަލް ކޯޓަށް ވަޑައިގަތުމަށްޓަކައި ފާރިސް (ކުރީގައި) އާއި ސިޔާދު (ފަހަތުގައި) ޕޮލިސް ލޯންޗުން މިދިޔަ ބުދަ ދުވަހު ފައިބައިވަޑައިގަންނަވަނީ.---ފޮޓޯ: މިހާރު
22 މާޗް 2018 - 22:33
8 comments
ކުއްލި ނުރައްކަލުގެ ހާލަތުގެ ދަށުން ހައްޔަރު ކުރި ސިޔާސީ ބޭފުޅުންގެ ތެރެއިން ޝަރީއަތް ނިމެންދެން ބަންދުގައި ބެހެއްޓުމަށް ކޯޓުން އަމުރުކުރި ބޭފުޅުން މިއަދު މާފުށީ ޖަލަށް ބަދަލު ކުރިއިރު، ޒަރޫރީ ބޭނުންތައް ފުއްދަން ބޭނުންވާ ތަކެތި ފޯރުކޮށް ނުދޭ ކަމަށް ބުނެ އާއިލާތަކުން ކަންބޮޑުވުން ފާޅުކޮށްފި އެވެ.
ޝަރީއަތް ނިމެންދެން ބަންދުކޮށްފައިވަނީ ކުރީގެ ރައީސް މައުމޫން އަބްދުލް ގައްޔޫމާއި އުއްތަމަ ފަނޑިޔާރު އަބްދުﷲ ސައީދާއި ފަނޑިޔާރު އަލީ ހަމީދުގެ އިތުރުން ޖުޑީޝަލް އެޑްމިނިސްޓްރޭޓާ ހަސަން ސައީދެވެ. އޭގެ އިތުރުން ރައްޔިތުންގެ މަޖިލީހުގެ މެމްބަރުން ކަމަށްވާ އަހުމަދު ފާރިސް މައުމޫނާއި އަބްދުﷲ ރިޔާޒާއި އިލްހާމް އަހުމަދުގެ އިތުރުން ކުރީގެ ކޮމިޝަނާ އޮފް ޕޮލިސް އަހުމަދު އަރީފާއި ޔުމްނާ މައުމޫނުގެ ފިރިކަލުން މުހައްމަދު ނަދީމް އަދި ޖުމްހޫރީ ޕާޓީގެ ލީޑަރު ގާސިމް އިބްރާހިމްގެ ދަރިކަލުން ސިޔާދު ގާސިމް ހިމެނެ އެވެ.
އެއިން ބޭފުޅެއްގެ އާއިލާގެ ފަރާތުން ވާހަކަ ދެއްކި ބޭފުޅަކު ވިދާޅުވި ގޮތުގައި އެ ބޭފުޅުން ޖަލަށް ބަދަލު ކުރުމަށް ފަހު ދީފައިވަނީ ދަނޑި ސައިބޯންޏަކާއި ތުވާޔެއް އެކަނި ކަމަށެވެ. ޒަރޫރީ ބޭނުންތައް ފުއްދުމަށް ބޭނުންވާ އެހެން ތަކެތި ނުދޭއިރު އެތަކެތި އާއިލާގެ ފަރާތުން ހަވާލު ކުރެވޭނެ ގޮތެއްވެސް ނުވި ކަމަށް އާއިލާއިން ވާހަކަ ދެއްކި ބޭފުޅާ ވިދާޅުވި އެވެ.
މާފުށީ ޖަލުގައި ބަންދުކުރާ މީހުން ބޭނުންވާ ތަކެތި ޖެހެނީ ޖަލުގައި ހުންނަ ފިހާރައަކުން ގަންނާންށެވެ. ތަކެތި ގަތުމަށް ފައިސާ ދައްކަން ޖެހެނީ މާލޭގައި ހުންނަ ކަރެކްޝަންސްގެ އޮފީހަށެވެ.
އާއިލާގެ ފަރާތުން ވާހަކަ ދެއްކި ބޭފުޅާ ވިދާޅުވީ މިއަދު ހަވީރު އެ ބޭފުޅުން ޖަލަށް ބަދަލުކުރުމާއެކު ކަރެކްޝަނަށް ފައިސާ ޖަމާކުރަން ދިއުމުން އެކަން ވާނީ އަންނަ އާދިއްތަ ދުވަހުގައި ކަމަށް ބުނެފައިވާ ކަމަށެވެ. ތަކެތި ދޫކުރާނީ ފައިސާ ޖަމާކޮށްދޭތާ ހަތަރު ދުވަސް ފަހުން ކަމަށް ކަރެކްޝަނުން އަންގާފައިވާ ކަމަށާއި އެއީ ވަރަށް ބޮޑަށް ކަންބޮޑުވާ ކަމެއް ކަމަށް އޭނާ ވިދާޅުވި އެވެ.
"މިވާގޮތުން އަށް ދުވަސް ފަހުން އެބޭފުޅުންނަށް ތަކެތި ލިބެން އޮތީ. ދަތް އުނގުޅޭނެ ގޮތެއް ނެތް. ޝޭމްޕުލެއް ނުލިބޭ، ވަރަށް ހާލުގައި ތިއްބެވީ،" ކަންބޮޑުވުން ފާޅުކުރަމުން އޭނާ ވިދާޅުވި އެވެ.
އެ ކަންބޮޑުވުންތަކާއި ގުޅިގެން ކަރެކްޝަންގެ ބަހެއް ހޯދުމަށް މީޑިއާ އޮފިޝަލް ގުޅުމުން ފޯނަށް ޖަވާބެއް ނުދެއްވާތީ އެފަރާތުގެ ބަހެއް ވަނީ ލިބޭގޮތްނުވެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޝާންއަލީ
23 March 2018
ޚުށެއް ސާބިތުވުމުގެ ކުރިން އެއްވެސް މީހަކަށް އަދަބު ދިނުމަށް އޮތް އެއްވެސް ތަނެއް އިސްލާމީ ޝަރީއަތަކު ނެތް .
ހުވާ
23 March 2018
ދަނޑި ސައިބޯންޏޭ؟ މަށަކަށް ތީ ލޮލުންވެސް ދުއް އެއްޗެއްނޫން. ވާހަކަ ބޮޑުކޮށްލިޔަސް ތީދެން ބޮޑުވަރު.
ޢަލިދީދީއައްޑޫސިޓީ
23 March 2018
7 އޮ ކްލޮކް ރޭޒަރު ތިލަޔާ ދަނޑި ސައިބޯނި ލިބިވަޑައިގަންނަވާނީ ބާޒާރުގެ ފިހާރަތަކުން
މަކޫ
23 March 2018
މީ މިފަދަ މީހުނަށް ކަންތައް ވާންވީ ގޮތް
1828
23 March 2018
އަދަބު ކަނޑަ އަޅާނީ ކޯޓުން. އެ ނޫން އިތުރު އަދަބެއް ދޭގެން އަދި ދެވިގެން ނުވާނެ އެއްވެސް މީހަކަށް.
ޒަންޖަބީލު
23 March 2018
ތިމާ ހިތްނުރުހޭ މީހަކަށްވީމަ ނުހައްގުން ދެރަގޮތް މެދުވެރިވީމަ އެކަމާ އުފާ ކުރާއިރު ތިމާ ހިތްރުހޭ މީހަކަށް ނޫނީ ތިމާއަށް އެފަދަ ގޮތެއް މެދުވެރިވެއްޖެނަމަ ދެން ކިޔާނީ ކީކޭ؟
ޢަލިދީދީއައްޑޫސިޓީ
23 March 2018
ދޫނިދޫ ޖަލު ބަލަން ބަޔަކު އަންނަންއުޅޭތީވެ އަވަހަށް އެންމެން މާފުށްޓަށް ބަދަލުކޮށްފަ، ޕްރިފެބްރިކޭޓެޑް ގޮޅިތަކެއް ރާއްޖެއިން ބޭރުން ގެނެސް ރާވަން އުޅޭކަމުގެ އަޑު މިރޭ މަގުމަތިން އިވުނު. އޭރުންތާ މިމީހުން ބަންދުކުރީމަ އަރާމުގައި ތިބެވޭނީ. ހިޔަޅުބައެއް ތެދެއް މިބުނީ.
1828
23 March 2018
ތިއީ ކުރާކަމެއް. ބަޔަކު ބަލަން އަންނަންޔަ ކަންކަން ރަނގަޅު ކުރަން، އެތަނެއްގެ ވެރިމީހާ ނިކަން މަސައްކަތް ކުރާނެ. އެކަމަކު މިހާރު ކޮންމެ ބަޔަކު އަޔަސް ބަލާފައި ދާންޖެހޭނީ. ދެން ނެރޭނީ ރިޕޯޓެއް. އެ ރިޕޯޓަށްވެސް ސަރުކާރުން އަމަލު ކުރިއްޔަ ތާ؟