12 މެމްބަރުންގެ ގޮނޑީގެ މައްސަލަ މިއަދު ސުޕްރީމް ކޯޓުގައި

ގޮނޑި ގެއްލިފައިވާ ކަމަށް އިލެކްޝަންސް ކޮމިޝަނުން ނިންމި ބައެއް މެމްބަރުން: މެމްބަރުންގެ ގޮނޑި ނުގެއްލޭ ކަމަށް ސުޕްރީމް ކޯޓުން މިދިޔަ މަހު ނިންމި ނިންމުން ބާތިލްކުރަން ހުށަހެޅީ ދައުލަތުން --ފޮޓޯ/މިހާރު

މުއިއްޒު އިބްރާހިމް، މިހާރު

27 މާޗް 2018 - 09:10

9 comments

ރައްޔިތުންގެ މަޖިލީހުގެ އިދިކޮޅު 12 މެމްބަރެއްގެ ގޮނޑި ނުގެއްލޭ ކަމަށް މިދިޔަ ފެބްރުއަރީ މަހުގެ ފުރަތަމަ ދުވަހު ސުޕްރީމް ކޯޓުން ނިންމި ނިންމުން ބާތިލް ކުރަން ދައުލަތުން ހުށަހެޅި މައްސަލައިގެ ޝަރީއަތް މިއަދު ފަށަން ސުޕްރީމް ކޯޓުން ހަމަޖައްސައިފި އެވެ.

މިދިޔަ މަހުގެ ފުރަތަމަ ދުވަހު ސުޕްރީމް ކޯޓުން ނެރުނު އަމުރުގައި ވަނީ މަޖިލީހަށް އިންތިޚާބުވާ ޕާޓީން ވަކިވެއްޖެ ނަމަ ނުވަތަ ވަކިކޮށްފި ނަމަ ނުވަތަ އެހެން ޕާޓީއަކަށް ބަދަލުވެއްޖެ ނަމަ މެމްބަރުކަމުން ވަކިވާ ގޮތަށް މިދިޔަ ޖުލައި މަހު އެ ކޯޓުން ކުރި ހުކުމް ބާތިލް ކުރާ ކަމަށެވެ. އަދި އެ ހުކުމުގެ ދަށުން 12 މެމްބަރެއްގެ ގޮނޑި ގެއްލިފައިވާ ކަމަށް އިލެކްޝަންސް ކޮމިޝަނުން ކަނޑައެޅިޔަސް، އެ ހުކުމުގެ ދަށުން އެއްވެސް މެމްބަރެއްގެ ގޮނޑި ނުގެއްލޭނެ ކަމަށް އެ އަމުރުގައި ކަނޑައެޅި އެވެ.

އެ އަމުރުގެ އެ ބައި ބާތިލްކުރަން އެޓާނީ ޖެނެރަލްގެ ފަރާތުން މައްސަލަ ހުށަހެޅުމުން ސުޕްރީމް ކޯޓުން ކުރިން ވަނީ ވަގުތީ އަމުރެއް ނެރެ، ކުރީގެ އަމުރުގެ އެ ބަޔަށް އަމަލު ކުރުން މަޑުޖައްސާލަން އަންގައިފަ އެވެ.

އެ މައްސަލައިގެ ޝަރީއަތް ސުޕްރީމް ކޯޓުގައި މިއަދު ހެނދުނު ފަށަން ހަމަޖެއްސިއިރު މީގެ ކުރިން ދެ ފަހަރަށް އެ މައްސަލައިގެ ޝަރީއަތް ފަށަން ހަމަޖެއްސުމަށް ފަހު ކެންސަލްކުރި އެވެ.

އިދިކޮޅު 12 މެމްބަރެއްގެ ގޮނޑި ނުގެއްލޭ ކަމަށް ސުޕްރީމް ކޯޓުން ކަނޑައެޅި ބައި ބާތިލް ކުރަން އެޓާނީ ޖެނެރަލްގެ ފަރާތުން މައްސަލަ ހުށަހަޅާފައި ވަނިކޮށް، މަޖިލީހުން މިހާރު ވަނީ ޕާޓީން ވަކިވާ ނުވަތަ ވަކިކުރާ މެމްބަރުންގެ ގޮނޑި ގެއްލޭ ގޮތަށް އެންޓި ޑިފެކްޝަން ގާނޫނެއް ފާސްކޮށްފަ އެވެ. އަދި 12 މެމްބަރުން އެ ގާނޫނުގެ ތެރެއަށް ވަންނާނެ ގޮތް ހެދުމަށްޓަކައި މިދިޔަ އަހަރުގެ ޖުލައި މަހާ ހަމައަށް އެ ގާނޫނު ހިނގާ ގޮތަށް ވެސް މަޖިލީހުން ވަނީ ފާސްކޮށްފަ އެވެ.

އެންޓި ޑިފެކްޝަން ގާނޫނުގެ ސައްހަކަމުގެ މައްސަލަ ވެސް މިހާރު އޮތީ ސުޕްރީމް ކޯޓުގަ އެވެ. އިދިކޮޅު ބައެއް މެމްބަރުންގެ ފަރާތުން ހުށަހެޅި އެ މައްސަލަ މިހާރު އޮތީ ހުކުމް އިއްވުމުގެ މަރުހަލާގަ އެވެ.

ރައްޔިތުންގެ މަޖިލިސް ސުޕްރީމް ކޯޓް އިދިކޮޅު ފަރާތްތައް އެޓާނީ ޖެނެރަލް މަޖިލީހުގެ މެމްބަރުން

9 ކޮމެންޓް, 20 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޢެޓަރ

27 March 2018

އެޓާނީ ޖެނެރަލް، އަކީ ވަކި މީހަކު ނުވަތަ ވަކިފިކުރެއްގެ ހިމާޔަތުގައި މަސައްކަތް ކުރުމަށް ކަނޑައޅާފައި ހުންނަ މަގާމެއްތޯ.. ނުވަތަ ރައްޔަތުންގެ ހައްގުގައި ވަކާލާތު ކުރުމަށް ހަމަޖައްސާފައިވާ މަގާމެއްތޯ؟؟ ރަގަޅު ޖަވާބަ އަކީ ކޮކާ..؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޓިނު

27 March 2018

ތި ގޮޑިއެއްގަ އަޅައިގަނެގެން މުޅި ގައުމު ހާލާކުވެ. ފަޑިޔާރުންނާ .މަޖްލިސް މެމްބަރުން ހައްޔަރުކޮށް . ދުނިޔޭގައި ގައުމުގެ އަގުވެއްޓި ދާއިރުވެސް ތިއުޅެނީ ތިކަމަކުން އަރައިނުގަނެވިގެން ؟ މާދަން އެގޮޑިތައް ގެއްލުނު ކަމަން ނިންމާނެ . ޢެހެން ނޫނީ އެ ތިނެތި ތިބޭނީ ޖަލުގައި ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަނާ

27 March 2018

އަނިޔާވެރިންނަށް އަނިޔާވެރިވެ ރައްޔިތުންގެ ހައްގުތައް ނަގާލުމަށް ގިނަ ފުރުޞަތުލިބި, އާޚިރުގާ އަނިޔާވެރިން ހޯދިކަންތައް އަނިޔާވެރިންނަށް ހުރި ގެއްލުމެއްކަމުގައި ވެގެންދެއެވެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދަލޭ

27 March 2018

އަނިޔާވެރިން ރައްޔިތުންގެ ހައްގުތަކަށް އަރައިގަނެ ދުނިޔެ ދޫކޮށް ދިއުމުން އާޚިރުގައި އަނިޔާ ލިބުނު މީހުންނަށް, އަނިޔާވެރިން ކޮށްފައިވާ ހެޔޮ ޢަމަލުތައް އަނިޔާލިބުނު މީހުންނަށްލިބި, އަނިޔާލިބުނު މީހުން ކޮށްފައިފާ ފާފަތައް ބޮލުގައިއެޅިގެންދާނެ?!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހިކުމަތް

27 March 2018

ޕާޓީގެ ޓިކެޓްގައި ހޮވުމަށް ފަހު ޕާޓީ އިން ވަކިވާ މެމްބަރުންގެ ގޮޑި ގެއްލޭ އުސޫލެއް ޤާނޫނަކުން ކަނޑައަޅަން އަފުން ވެސް ބޭނުމެވެ. އެކަމަކު މިހާރު ޤަނޫނުގްއި އޮތީ މާ ބޮޑުވަރެކެވެ. ޚާއްސަ ކޮށް މިކަހަލަ ޙަރުދަނާ ކަމެއް ނެތް ޕާޓީ ތަކެއް އޮންނަ ނިޒާމެއް ގައެވެ.އެކަކު އަނެކަކަށް ޒާތީ ވެފައި ތިބޭ ނިޒާމެއްގައެވެ. މި ނިޒާމުގައި ޕާޓީ އިން ވަކި ކުރާ މެމްބަރުންގެ ގޮޑި ޣެއްލޭނެ ކަމަށް"މުތުލަޤަށް" ބުނެފައި ވުމަކީ ރަގަޅު ގޮތެއް ނޫނެވެ.އެކަމުގައި ކޮންމެވެސް ހިފެހެއްޓުމެއް އޮންނަން ވާނެއެވެ. ޕާޓީ އިން ވަކިވާ މެމްބަރުންގެ ގޮޑި ވެސް ގެއްލޭ ހިސާބަށް ދިއުމުގެ ކުރިން ދާއިރާގެ ރައްޔިތުންގެ ވިސްނުން ބަލަން ރަގަޅެވެ. އަދި އެއްވެސް ހާލެއްގައި ޤަނޫނުގެ ކުރިން ހިގާ ނިމިފައިވާ ކަންކަމުގެ މައްޗަށް ޤާނޫނު ހިންގަން އޮތުމަކީ މާ ބޮޑު ބާތިލް އުސޫލެކެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވިސްނާ

27 March 2018

ތިކަން ނިމޭނެގިތް މޮޅަށް ދެނެވޮޑިގެންވަނީ ﷲ މި ދުނިޔޭގައި ބޭއިންސާފު ވެއްޖެނަމަ, އެބަޔަކު އާޚިރަތުގައި އެކަންދެކޭނެއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖަލު މަޖްލީސް

27 March 2018

ތި 12 މެމްބަރުން ރިލީޒް ވާ އިރަށް އަނެއް 13 މެމްބަރުން ޖަލަށް.. މަޖްލީހުގެ މެޖޯރިޓީ މިހާރު އޮތީ ޖަލުގައި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލޯރެންކަބީލާ

27 March 2018

މަޖިލީސްތޯ؟ ސަރުކާރެއްވެސް މިހާރު ޖަލުން ހެދިދާނެ. ރައީސަކު އެބަހުރި. ނައިބުރައީސަކު އެބަހުރި ޑިފެންސްމިނިސްޓަރަކު އެބަހުރި. އުއްތަމަ ފަނޑިޔާރަކުއެބަހުރި. ފިނޭންސް މިނިސްޓަރަކު އެބަހުރި.ޕޮލިސްކޮމިޝަނަރަކު އެބަހުރި. މިހެންދެންކިޔާނެކަމެއްނެތް.ވަރުދަގަ ޖަލުސަރުކާރެއް އެބައޮތް.