ގެއްލުނު ކުދިން ހޯދުމަށް އެމްއެންޑީއެފުން ބޭނުންކުރި ޑައިވިން ރޮބަޓް-- ފޮޓޯ: އެމްއެންޑީއެފް
24 އެޕްރީލް 2018 - 19:37
23 comments
އައްޑޫގައި މޫދަށް އެރި އުޅެނިކޮށް ގެއްލުނު ދެ ކުދިން ހޯދުމަށް ޑައިވިން ރޮބަޓެއް ބޭނުންކޮށްގެން ކަނޑު އަޑީގެ ބޮޑު ސަރަހައްދެއް ބަލައިފި އެވެ. ނަމަވެސް އަދިވެސް އެ ކުދިން ނުފެނެ އެވެ.
މިދިޔަ ހޮނިހިރު ދުވަހު ސ. ހިތަދޫގައި މޫދަށް އެރި އުޅެނިކޮށް ގެއްލުނީ އުމުރުން 17 އަހަރުގެ އަލީ ފަހުމީ އާއި 14 އަހަރުގެ މަޔާމިން އަލީ އެވެ.
އެމްއެންޑީއެފްގެ އިންފޮމޭޝަން އޮފިސަރު އިބްރާހިމް އާޒިމް ވިދާޅުވީ ޑައިވިން ރޮބަޓް ބޭނުންކޮށްގެން އެ ކުދިން ގެއްލުނު ސަރަހައްދުގެ ކަނޑު އަޑި ބަލާފައިވާ ކަމަށެވެ.
ގެއްލުނު ދެ ކުދިން ހޯދަން އެމްއެންޑީއެފުން މަސައްކަތް ކުރަނީ-- ފޮޓޯ: އެމްއެންޑީއެފް
މީގެ އިތުރުން ވައިގެ މަގުން ހެލިކޮޕްޓަރު ބޭނުންކޮށްގެން އޮއިހުރި ގޮތަށް ބަލައި، ކޯސްޓްގާޑުގެ ޑައިވަރުން މޫދުގެ އަޑި ބަލައިފައިވާ ކަމަށް ވެސް އާޒިމް ވިދާޅުވި އެވެ.
އެމްއެންޑީއެފުން ބުނީ އެ ދެ ކުދިން ހޯދުމަށް ސިފައިންގެ ހުރިހާ ވަސީލަތެއް ބޭނުން ކުރާނެ ކަމަށާއި އޮޕަރޭޝަން ހުއްޓުމެއް ނެތި ކުރިއަށް ގެންދާނެ ކަމަށެވެ.
ގެއްލުނު ކުދިން ހޯދުމަށް އެމްއެންޑީއެފުން ބޭނުންކުރި ޑައިވިން ރޮބަޓް-- ފޮޓޯ: އެމްއެންޑީއެފް
ގެއްލުނު ދެ ކުދިންގެ ތެރެއިން ފަހުމީ މޫދަށް އެރުނު އިރު ލައިގެން ހުރި ސޯޓް ވަނީ ފެނިފަ އެވެ. ދެ ކުދިން ހޯދުމުގެ މަސައްކަތް ކުރާ ޓީމްގައި ހިމެނޭ ފުލުހުންގެ ބަޔަކަށް އެ ސޯޓު ފެނުނީ ހިތަދޫގައި އިމާރާތްކޮށްފައިވާ ފްލެޓްތަކާ ދިމާލު ފުއްޓަރު ފަރާތު ފަރުމަތިންނެވެ. އެއީ، ފަހުމީގެ ސޯޓުކަން އާއިލާ އިން ވެސް ވަނީ ކަށަވަރުކޮށް ދީފަ އެވެ.
ގެއްލުނު ދެ ކުދިން ހޯދަން އެމްއެންޑީއެފުން ބެލި ސަރަހައްދު-- ފޮޓޯ: އެމްއެންޑީއެފް
ގެއްލުނު ދެ ކުދިންނާ އެކު މޫދަށް އެރި އުޅުނު 16 އަހަރުގެ އަލީ ރާއިފް ވަނީ ސަލާމަތް ކުރެވިފަ އެވެ. އޭނާ ސަލާމަތްކުރީ އައްޑޫގައި އުޅޭ އަޑު އިވުމުން މަހްރޫމް ވެފައިވާ އަދި ވާހަކަ ނުދެއްކޭ ބީރު މީހެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޝޮކް
25 April 2018
ހިފެހެއްޓުމެއްނެތި މީގެ ތަފްސީލު ގެނެސްދިން ކޮމެންޓު ކުރި ބޭފުޅުންނަށް ޝުކުރުވެރިވަން..އަސްކަރިއްްޔާގަ މިހާ ފެންވަރު ރގަޅު ވަސީލަތްތަށް ހުރީމަ އުފާކުރަން...ރޢޖޭގެ ޢީއީޒެޑް ބެލެހެއްޓުން ވަރުގަދަ ކުރަން ބޮޑު ޒަމާނީ މަނަވަރެއްވެސްހޯދަން ޖެހޭ ކުރިޔަށް ދިވެހި ސިފައިން
އައްޑޫ ބެއްޔާ
25 April 2018
ލިބެންހުރި ހުރިހާ ވަސީލަތެއް ބޭނުންކޮށްގެންވެސް ފެނިއްޖެނަމަ ރަނގަޅެވެ. ސީލަޔަން-2 އެއް ދިވެހި އަސްކަރިއްޔާގަ އޮތްކަން އެނގުމަކީ، ކަނޑުގެ ދަރިއެއްގެ ގޮތުން ހާދަ ހިތްހަމަ ޖެހުނު ކަމެކެވެ. 30،000 ޑޮލަރުގެ އަގުހުރި ތި ވަސީލަތުން އެތަކެއް ދިވެހިންނަށް މަންފާ ކުރާނެކަމީ ޝައްކެއްއޮތް ކަމެއްނޫނެވެ.
ބުރުގާ
25 April 2018
ގެއްލުނު ދެ ކުދިން ހޯދަން އަލިކުރާ ޓޯޗު ބޭނުންކުރަންވީނު. އެހެންޏާފަހެ...
ޢަބްދު
25 April 2018
ރޮބޮޓްގެ ވާހަކަ ދައްކާ ކުދިންނަށް ބުނެލަން. ސީ ލަޔަން 2 އަކީ 30،000 ޑޮލަރުގެ އަގުހުރި ވަރަށް ފީޗާސް ގިނަ “ރިމޯޓްލީ އޮޕަރޭޓެޑް އަންޑާވޯޓާ ވެހިކަލް” ނުވަތަ “އާރް.އޯ.ވީ” އެއް. 1،000 ފޫޓު ނުވަތަ 300 މީޓަރު އަޑި ބަލާލެވޭކަމުން އެކަނިވެސް އޭތީގެ ފައިދާ ދަނެގަނެވޭއިރު އޭތި ބޭނުން އެކުރަނީ ގެއްލުނު ކުދިން ފެނޭތޯ... ޑައިވަރުންނަށް ނުދެވޭ ފުންމިން އޭތިބޭނުންކޮށްގެން ބެލޭތީ... ޑައިވަރުންނަށް ވުރެ އަވަހަށް ބޮޑުސަރަހައްދެއް ބަލައި ހޮދުމުގެ ޤާބިކުކަން ލިބިގެންވާ އެއްޗަކަށް ވަތީ... މިއީ މާ އާދައިގެ ލަޓޯފަޓޯ އެއްޗެއްކަމަށް ކޮމެއްޓުކުރި ބޭފުޅުންގެ މަޢުލޫމާތައްޓަކައި ދަންނަވާލީ. ވަރަށް ސަލާމް
އަންދޭ
26 April 2018
އޭގެ ރޮބަޓެއް ނޫން އާރް އޯ ވީގެ ދަންކޮޅެއް އާދައިގެ އެއްޗެއް އެމްއެންޑީއެފުން ބޭނުން އެކުރީ..ފޮޓޯއިން ވަރަށް ސާފު
ގުރާބު
25 April 2018
ތިޔައްކިޔަނީ އަންޑަ ވޯޓާރ ޑްރޯން އޭ... ތީގަ ރޮބަޓްގެ އެއްވެން ކަމެއް ނެތް.... ވިލިގިލިކާރިން ގެއްލުން މީހާވެސް ތި ބުނާ ރޮބަޓަކަށް ފެނުނޯލަ.. އެމީހާވެސް ނެގޭނެ ގޮތެެއް ނުވީ..
އަލަތު
25 April 2018
ދެލޯފުޅާ! ޑްރޯން ކިޔަނީ ޕައިލެޓަކާނުލާ އުދުހޭ ވައިގެ އުޅަނދުތަކަށް. ތިޔައީ ރޮބޮޓެކޭ ނުބުނެވެންވީ ސަބަބެއްނެތް. ރޮބޮޓް އެކޭ މިކިޔަނީ އޭގެ ޒާތުގައި ދެވޭ ކޮމާންޑަކަށް ހަރަކާތްތެރިވެވޭ ކޮންމެ މެޝިނަކަށް. ތިޔައީ ރޮބޮޓެއް! އަނޑާރ ވޯޓާރ ކެމެރާ ސިސްޓަމެއް. އެކަމަކު ހަމަ ހިލާ ޑްރޯނެއްނޫން.
ލަކީ
25 April 2018
އިރާދަކުރެއްވިއްޔާ އަދި ފެންނާނެ. އާއިލާއަށް ކެއްތެރިކަން ދެއްވާންދޭވެ....
ޒިންދަގީ
24 April 2018
ގޯޕްރޯއަކަށްވުރެ ތަންކޮޅެއް އަގުހެޔޮ ރޮބަޓެއްތީ..
އައްޑޫ ބެއްޔާ
25 April 2018
ގަނެދޭންވީނުން މަށަށް؟ ދީފާނަން 1000 ޑޮލަރު. އެހެންނާ، އެއޮތީ ބްރޭންޑް ނަމާއި ސީރިސް ވެސް ފޮޓޯއިން ފެންނަން. ތިޔައީ ގާތްގަނޑަކަށް 30،000 ޑޮލަރުގެ އަގުހުރި އެއްޗެއް.
މަޒްނާ
24 April 2018
ލަފާކުރެވޭ ގޮތުގައި 4 ލައްކަ 80 ހާސް ރުފިޔާގެ ވެލި ހުރި ރޮބަޓެއް.
ޟަފް
25 April 2018
ޥެލިއު
އަސްލުހާލަތު
25 April 2018
90 ޑޮލަރަށް އެމޭޒަންގަ އެބަހުރި ސާރޗްކޮށްލައްވާ
ޖާހިލު ހާލަތު
25 April 2018
ފޮޓޯވެސް ބަލާނުލަންދޯ؟ 90 ޑޮލަރުގެ ރޮބޮޓިކް އަނޑާރވޯޓާރ ކެމެރާއެކޭ؟ ޕައްލަންބެގާތަށް އަލިފުބާ ކިޔަވަންދޭބަ!
އަސްލުހާލަތު
26 April 2018
ފޮޓޯ ބަލާފަ މިބުނީ.. ތިއީ އާރު އޯ ވީގެ އެމެޗަރ ބޭނުންތަކަށް ގެންގުޅޭ ރޮބަޓެއް..ޕުރޮޕެޝަނަލް ޔޫސްއަށް ބޭނުން ކުރާ ވައްތަރެއް ނޫން އަދި.އެމޭޒަން އަލީ އެކްސްޕުރެސްއަށް ވަދެ ބަލާލަބަލަ ދޮގެއްތޯ މިބުނީ.. ހަމަ 90 ޑޮލަރު.. އޮޅުވާލަން ނޫޅޭ
ޙަދީޖާ
24 April 2018
ކީއްވެތޯ ސުމެއިދު ގެއްލުނު ދުވަހު ތިޔަ ރޮބޮޓް އޭ ކިޔާ އެއްޗެއް ބޭނުން ނުކުރީ.... ތިޔަ ރޮބޮޓް ނުއުޅުއްވަނީތޯ އެދުވަހު ރާއްޖޭގައި...
ޭައައްޑޫ
25 April 2018
ސުމައިދު ހޯދުން އަދި އެރޭ ވެސް މެދުކަނޑާފަ އޭގެ އަނެއްދުވަހު ފެށީ!!
ޔަގީނޭ
24 April 2018
ތަމެން ތިޔަ ރޮބޮޓު ބޭނުން ކޮއްގެން ކޮންމެވެސް ސިޔާސީ މީހަކު ހޯދާނީ.
ޅަލަލަ
25 April 2018
ކަލޭމެން ތިއުޅެނީ އަދިވެސް ރޮބޮޓް އަކާ ހެދި އަޅެފަހެ މީހަކު އަޖައިބެއް ނުވާނެތަ ގައިމު މިއުޅެނީ ދެކުދިން ގެއްލިގެން ވިއްޔާ