އެމްޑީޕީގެ ރިޔާސީ ކެންޑިޑޭޓަކު ކަނޑައަޅަން ބޭއްވި ޕްރައިމަރީގައި، ވޯޓުލުން ކުރިއަށް ގެންދަނީ: ރިޔާސީ އިންތިހާބުގެ ވޯޓާސް ލިސްޓަށް އެމްޑީޕީން ވަނީ ގިނަ އަދަދެއްގެ ޝަކުވާ ހުށަހަޅާފައި. --ފޮޓޯ: ނިޝާން އަލީ/މިހާރު
20 ޖޫން 2018 - 17:50
3 comments
ރިޔާސީ އިންތިހާބުގައި ވޯޓުލުމުގެ ހައްގު ލިބިފައިވާ މީހުންގެ ލިސްޓާ ގުޅޭ 800 އަށް ވުރެ ގިނަ ޝަކުވާ އިދިކޮޅު އެމްޑީޕީން އިލެކްޝަންސް ކޮމިޝަނަށް މިއަދު ހުށަހަޅައިފި އެވެ.
އެމްޑީޕީން ބޭއްވި ނޫސްވެރިންގެ ބައްދަލުވުމުގައި އެ ޕާޓީގެ ޗެއާޕާސަންގެ ނައިބު އަލީ ނިޔާޒް ވިދާޅުވީ ވޯޓާސް ލިސްޓާ ގުޅޭ 861 ޝަކުވާ ހުށަހަޅައި، އެ މައްސަލަަތަކަށް ހައްލު ހޯދައިދޭން އެ ޕާޓީން އިލެކްޝަންސް ކޮމިޝަންގައި އެދިފައިވާ ކަަމަށެވެ.
އޭނާ ވިދާޅުވި ގޮތުގައި އުމުރުން 18 އަހަރު ނުފުރޭ 711 މީހުންގެ ނަން ވޯޓާސް ލިސްޓުގައި ހިމަނާފައިވެ އެވެ. މަރުވެފައި ތިބި 108 މީހުންގެ ނަން ލިސްޓުގައި ހިމެނޭއިރު 38 މީހެއްގެ ނަން ލިސްޓުގައި ތަކުރާރުކޮށް، ތިން މީހެއްގެ އެޑްރެސް ދިމާނުވާ ކަމަށް ވެސް ނިޔާޒް ވިދާޅުވި އެވެ.
"އިތުރަށް ހުރި ޝަކުވާތައް މިރޭ 10 ޖަހާއިރު، އަޅުގަނޑުމެން އިލެކްޝަންސް ކޮމިޝަނަށް ހުށަހަޅާނަން،" ނިޔާޒް ވިދާޅުވި އެވެ.
ވޯޓާސް ލިސްޓަށް ޝަކުވާ ހުށަހެޅުމުގެ މުއްދަތު ހަމަވަނީ މިރޭ 10:30 ގަ އެވެ.
ނިޔާޒް ވިދާޅުވީ ވޯޓާސް ލިސްޓުގައި ހުރި މައްސަލަތައް އެމްޑީޕީގެ ގޮފިތަކުން ބަލަމުން އަންނައިރު، ގާތްގަނޑަކަށް ހާހެއްހާ ޝަކުވާ އިލެކްޝަންސަށް ހުށަހެޅޭނެ ކަމަށް ލަފާކުރެއްވޭ ކަމަށެވެ. އެ ޝަކުވާތައް ބަލައި އިލެކްޝަންސުން އާއްމުކުރަން ޖެހޭނީ ސައްހަ ވޯޓާސް ލިސްޓެއް ކަމަށާއި އެއީ އެ ކޮމިޝަނުގެ ގާނޫނީ ޒިންމާއެއް ކަމަށް ވެސް ވިދާޅުވި އެވެ.
އިލެކްޝަންސުން އާއްމުކޮށްފައިވާ ވޯޓާސް ލިސްޓުގައިވާ ގޮތުން، ސެޕްޓެމްބަރު މަހު އޮންނަ ރިޔާސީ އިންތިޚާބުގައި 263،000 މީހުންނަށް ވޯޓު ލިބުމުގެ ހައްގު ލިބިގެންވެ އެވެ. އެ ކޮމިޝަނުން ބުނެފައި ވަނީ އެ ލިސްޓަށް ހުށަހަޅާ ޝަކުވާތަކަށް ފަސް ދުވަހުގެ ތެރޭގައި ޖަވާބެއް ދޭނެ ކަމަށެވެ. އެ ޖަވާބާ މެދު ހިތްހަމަނުޖެހޭ ނަމަ، ހައި ކޯޓަށް ދިއުމުގެ ފުރުސަތު އޮންނާނެ އެވެ.
އެ ކޮމިޝަނުން ބުނެފައިވާ ގޮތުގައި ރިޔާސީ އިންތިހާބުގެ ވޯޓާސް ލިސްޓަކީ، އެންމެ ފަހުން ބޭއްވި ލޯކަލް ކައުންސިލް އިންތިހާބުގެ ވޯޓާސް ލިސްޓަށް ވުރެ ފުރިހަމަ ލިސްޓަކަށް ވާނެ އެވެ. ލިސްޓު ތައްޔާރު ކޮށްފައި ވަނީ ޑިޕާޓްމެންޓް އޮފް ނެޝަނަލް ރެޖިސްޓްރޭޝަން (ޑީއެންއާރު)ގެ މައުލޫމާތުތައް އަސްލަކަށް ބަލައިގެންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
usmaan
20 June 2018
މަރުވެފައިވާ ކިތަންމެ ބައެއް މިފަހަރުވެސް ހިމަނާފަ އެބައޮތް.
ރައްޔިތުން
20 June 2018
ދިވެހިންނަށް ގޯތި/ބިން ދިނުމަށް ވައުދު ނުވާ މެނިފެސްޓޯއަކަށް، އަދި ރިސޯޓް ހިއްސާ މުވައްޒަފުންނާ ކައުންސިލަށް ދިނުމަށް ނުލާ މެނިފެސްޓޯއަކަށް ވޯޓެއް ނުލާނަން. ގޯތި ކަންތަކުގައި ރަށް ފުރިއްޖެއްޔާ އެއޮތީ ޖެހިގެން އޮންނަ ރަށް. 1000 ރަށް އެބަ އޮތް. މަދުތަ. ފެރީ އަޅާލީމަ ނިމުނީ. އަހަރެމެން އެރަށްރަށުގައި ހަދާ ގެސްޓް ހައުސްތަކުންވެސް އެކަން ހަމަޖައްސާލާނަން. ވަރަށް ވެދުން.
ދެ ކޮމަންޑޫ
20 June 2018
ފްލެޓަކަށް ވޯޓެއް ނުލާނަން. ވޯޓު އޮތީ ގޯއްޗަށް. ބިމަކީ 2 ތިން މަހުޖަނުން އެކަނި އޮތް އެއްޗެއްނޫން. އޭގެ ފުރަތަމަ ހައްގު ވެރިންނަކީ އަހަރެމެން ރައްޔިތުން