ދިރާގާއި ޔޫއެންޑީޕީ ގުޅިގެން ހިންގާ ފިލްމް ފޯ ޗޭންޖު ޕްރޮގްރާމުގެ ބައެއް ބައިވެރިން.-- ފޮޓޯ: އަހުމަދު ނިޝާތު/ މިހާރު
21 ޖޫން 2018 - 12:09
މުޖުތަމައުގައި ހުރި މައްސަލަތައް ދައްކުވައިދޭ ގޮތަށް ކުރު ފިލްމު ހަދަން ދަސްކޮށްދޭ "ފިލްމް ފޯ ޗޭންޖް" ޕްރޮގްރާމް 21 ބައިވެރިންނާއެކު މިއަދު ފަށައިފި އެވެ.
މުވާސަލާތީ ކުންފުނި ދިރާގާއި ޔޫއެންޑީޕީ ގުޅިގެން ކުރިއަށްގެންދާ މި ޕްރޮގްރާމުގައި، ޑޮކިއުމަންޓްރީ ސްޓައިލްގެ ކުރު ފިލްމު، ވީހާ ވެސް މަދު އާލަތްތައް ބޭނުންކޮށްގެން ހަދަން ދަސްކޮށްދޭނެވެ.
ދިރާގާއި ޔޫއެންޑީޕީ ގުޅިގެން ހިންގާ ފިލްމް ފޯ ޗޭންޖު ޕްރޮގްރާމުގެ ބައެއް ބައިވެރިން.-- ފޮޓޯ: އަހުމަދު ނިޝާތު/ މިހާރު
މިއީ ޒުވާނުންނަށް ހާއްސަކޮށްގެން މި ޕްރޮގްރާމް ކުރިއަށްގެންދާ ދެ ވަނަ ފަހަރެވެ.
ޔޫއެންޑީޕީގެ އޮފިޝަލަކު ވިދާޅުވީ، މިދިޔަ އަހަރުގެ ޕްރޮގްރާމަށް ވެސް ވަރަށް ރަނގަޅު ތަރުހީބެއް ލިބުނު ކަމަށެވެ. އެ ޕްރޮގްރާމްގެ ތެރެއިން ޒުވާނުން ހެދި ކުރު ފިލްމުތައް، ފިލްމް ފެސްޓިވަލަކަށް ހުށަހަޅާފައިވާ ކަމަށް ވިދާޅުވި އެވެ.
އޭނާ ވިދާޅުވި ގޮތުގައި، ހަފުތާއެއްގެ މުއްދަތަކަށް ކުރިއަށްގެންދާ ޕްރޮގްރާމުގައި ކިޔަވައިދޭނީ އެކަމުގެ ތަޖުރިބާކާރުންނެވެ. އެހެންވެ އެކަމަށް ޝައުގުވެރިވާ ޒުވާނުންނަށް ވެސް ވަރަށް ގިނަ ކަންތައްތަކެއް ދަސްވެގެން ދާނެ ކަން އޭނާ ފާހަގަކުރެއްވި އެވެ.
ދިރާގާއި ޔޫއެންޑީޕީ ގުޅިގެން ހިންގާ ފިލްމް ފޯ ޗޭންޖު ޕްރޮގްރާމުގައި ކިޔަވައިދޭ ދެ ބޭފުޅުން.-- ފޮޓޯ: އަހުމަދު ނިޝާތު/ މިހާރު
"ފިލްމް ފޯ ޗޭންޖް" ގައި ހިމެނޭނީ ދެ ބައެކެވެ. އެއީ ދާއިރާގެ ތަޖުރިބާކާރުންނާ އެކު ކުރިއަށް ގެންދާ ޓްރެއިނިން ޕްރޮގްރާމުގެ އިތުރުން، ބައިވެރިން ފިލްމު ހެދުމުގެ ބައެވެ. ބައިވެރިން ގްރޫޕުތަކަށް ބަހާލައިގެން، ކޮންމެ ގްރޫޕަކުން ކުރު ފިލްމެއް ހަދާނެ އެވެ. އެ ފިލްމުތައް ހަދާނީ ޔޫއެންޑީޕީން ކަނޑައަޅާފައިވާ ދެމެހެއްޓެނިވި ތަރައްގީގެ ލަނޑުދަނޑިތަކުގެ ތީމްތަކަށެވެ.
މިދިޔަ އަހަރު ބޭއްވި "ފިލްމް ފޯ ޗޭންޖު"ގެ ބައިވެރިންތަކެއް ތައްޔާރުކޮށްފައިވާ ވީޑިއޯއެއް.
Copyright © 2024 Mihaaru · Terms and Conditions · Privacy Policy
ކޮމެންޓްތައް
މަގޭބުނީ
21 June 2018
ކޮބާތަ ތި ހަދާ ކުރުފިލްމު ތައް؟ ދައްކާތަ؟ މުޖުތަމައުގަ ހުރި ނުރަނގަޅު އާދަތަކަށް ފިލްމު ތައްހަދައި ގެން ޕީ.އެސް.އެމް އަދި ޕްރަިވެޓް ޓީވީ ޗެނެލް ތަކުން ގެނެސްދީބަލަ....، އޭރުންދޯ މިކަންތައްތަކަށް މީހުން އެވެއަރ ވާނީ.........، ހާދަގިނަ ހެޑްލައިންސްތައް ލިބޭނެޔޭ މިހާރު ފިލްމް ތައްހަދަން......