މަޖިލީހުގެ ޖަލްސާއެއްގައި މެމްބަރުން: އަންނަ އަހަރުގެ މަޖިލިސް އިންތިޚާބުގައި މާލެއިން އިންތިޚާބު ކުރަންޖެހޭ މެމްބަރުންގެ އަދަދު އިތުރުވާނެ ކަމަށް އިލެކްޝަންސް ކޮމިޝަނުން ބުނޭ --- ފޮޓޯ/މަޖިލިސް
31 ޖުލައި 2018 - 21:02
17 comments
އަންނަ އަހަރު ބާއްވާ ރައްޔިތުންގެ މަޖިލީހުގެ އިންތިޚާބުގައި މާލެއިން އިންތިޚާބު ކުރަންޖެހޭ މެމްބަރުންގެ އަދަދު އިތުރުވެ، މަޖިލިސް މެމްބަރުންގެ ޖުމްލަ އަދަދު 87 އަށް އިތުރުވާނެ ކަމަށް އިލެކްޝަންސް ކޮމިޝަނުން ބުނެފި އެވެ.
މަޖިލީހުގައި މިހާރު ތިބެނީ ޖުމްލަ 85 މެމްބަރުންނެވެ. އެއީ މަޖިލީހުގެ އިންތިޚާބީ ދާއިރާތައް ކަނޑައެޅުމާ ބެހޭ ގާނޫނުގައިވާ ގޮތަށް، އާބާދީގެ ފުރަތަމަ 5،000 މީހަކަށް ނުވަތަ އެ އަދަދަށް އާބާދީ ހަމަނުވާ ނަމަ ދާއިރާތަކަށް ދެ މެމްބަރަކު އިންތިޚާބުކުރާ އުސޫލުންނެވެ. އަދި 5،000 އަށް ވުރެ އާބާދީ އިތުރުވާ ނަމަ، އިތުރުވާ ކޮންމެ 5،000 މީހަކަށް އިތުރު މެމްބަރަކު އިންތިޚާބުކުރާ އުސޫލުންނެވެ.
އަންނަ އަހަރުގެ މަޖިލިސް އިންތިޚާބުގެ އިންތިޚާބީ ދާއިރާތައް ކަނޑައަޅާފައިވާ ވަގުތީ ރިޕޯޓް އިލެކްޝަންސް ކޮމިޝަނުން މިއަދު އާންމު ކޮށްފައިވާއިރު، އެ ރިޕޯޓުގައިވާ ގޮތުން އަންނަ އަހަރުގެ މަޖިލިސް އިންތިޚާބުގައި ގޮނޑިތައް އިތުރުވާނީ މާލެއިންނެވެ. މާލެއިން މިހާރު މަޖިލީހަށް އިންތިޚާބު ކުރަނީ 13 މެމްބަރުން ކަމަށް ވިޔަސް، މާލޭގެ އާބާދީއަށް ބަލައި، އަންނަ އަހަރުގެ އިންތިޚާބުގައި 15 މެމްބަރުން މާލެއިން އިންތިޚާބު ކުރަންޖެހޭނެ ކަމަށް އެ ރިޕޯޓްގައިވެ އެވެ.
އެންމެ ފަހުން 2014 ގައި މަޖިލިސް އިންތިޚާބު ބޭއްވިއިރު މާލޭގެ އާބާދީ އޮތީ 63،000 ގައި ކަމަށް ވިޔަސް، މިހާރު ވަނީ 70.900 އަށް އަރައިފަ އެވެ. އަދި ވޭތުވެދިޔަ ހަ މަސް ދުވަހު ވެސް މާލޭގެ އާބާދީ އިތުރުވަމުން އަންނަ ކަން ވެސް އިލެކްޝަންސް ކޮމިޝަންގެ އެ ރިޕޯޓުގައިވެ އެވެ.
މާލޭއިން އިންތިޚާބުކުރަން ޖެހޭ މެމްބަރުންގެ އަދަދު އިތުރުވިޔަސް، އެ ރިޕޯޓުގައިވާ ގޮތުން އެހެން ދާއިރާތަކުން އިންތިޚާބު ކުރަންޖެހޭ މެމްބަރުންގެ އަދަދަށް އެއްވެސް ބަދަލެއް އަދި ނާދެ އެވެ. އެކަމަކު މިއީ ވަގުތީ ރިޕޯޓެއް ކަމަށްވާތީ އިންތިޚާބީ ދާއިރާތަކަށް ބަދަލު އައުމުގެ ފުރުސަތު އަދިވެސް އެބައޮތެވެ. ފައިނަލް ރިޕޯޓް ނެެރެން ޖެހޭނީ މިހާރު ހިނގަމުންދާ މަޖިލީހުގެ ދައުރު ހަމަވުމުގެ 150 ދުވަސް ކުރިންނެވެ.
އިންތިޚާބީ ދާއިރާ ކަނޑައެޅުމުގެ ގާނޫނުގައިވާ ގޮތުން، އިލެކްޝަންސް ކޮމިޝަންގެ ވަގުތީ ރިޕޯޓާ މެދު ޝަކުވާ އުފުލުމުގެ ފުރުސަތު މިއަދުން ފެށިގެން 21 ދުވަސް ވަންދެން ޕާޓީތަކަށާއި ވަކިވަކި ފަރުދުންނަށް ވެސް އޮންނާނެ އެވެ. އަދި އެ ޝަކުވާތަކާ މެދު އިލެކްޝަންސް ކޮމިޝަނުން ނިންމާ ނިންމުމާ މެދު ހިތްހަމަނުޖެހޭ ނަމަ އެ މައްސަލައެއް ހައި ކޯޓުގައި އިސްތިއުނާފް ކުރުމުގެ ފުރުސަތު ވެސް އޮންނާނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބޮޑުކަމެއް
01 August 2018
މިހާރު ތިބި މީހުން މަދީތަ؟ އެއްކަމެއްވެސް ކުރާ ބައެއް ނޫން. އަމިއްލަ ޖީބަށް ބަރުވީމަ ނިމުނީ.
ކިޔަވާ މީހާ
01 August 2018
ހެޔޮނުވާނެ ތިތަނަށް ވައްދާ މީހުންގެ ޒަމާނާ އެކަށީގެން ވާ ތަޢުލީމާ ތަޖުރިބާގެ ފެންވަރެއް ކަޑައަޅާ ބަލަ! އޭރުން ވިކެން ވެސް ޖެހިލުން ވާނެ. މިހެންބުނީމާ، އެހެންމީހުން ލައްވާ އެސައިންމަންޓް ހައްދައިގެން ހައެއްކަ މަހުން، ބެޗުލަރސް ނުވަތަ މާސްޓަރސް ހަދައިގެން އުޅޭ މީހުން ފެތޭކަހަލަ ކްރައިޓީރިއާ އެއްނޫން ހަދާނީކީ! އެކަހަލަ މީހުން ފިލްޓަރކުރަން ވެސް ރަގަޅުވާނެ ދަށްވެގެން އޯލެވަލް ހުރެގެން މިކަހަލަ ސެޓްފިކެޓްތައް ހިފައިގެން އުޅޭ މީހުން. ހަގީގަތުގައިވެސް ވަރަށް ޖޭ ވޭ ނުކިޔަވާ ތިބެ މަޖިލީހާ، ސިޔާސީ މަގާމުތަކަށް އަރާތިބެ ބޮޑު މުސާރަ ނަގާތީ. އެހެން މީހުން ވެއްޖިއްޔާ ނޯމަލް ސްޓްރީމުން ގޮސް ނަގާފައިވާ ޑިޕްލޮމާ ނުވަތަ ބެޗުލަރސް ޑިގްރީ އޮންނަންޖެހޭ، ހައެއްކަ ހަތެއްކަ ހާސް ރުފިޔާ ލިބޭ ވަޒީފާއަކަށް ކުރިމަތިލަން ވިޔަސްވެސް!
ކަނބުރޭ
01 August 2018
ބަނގުރާ އޫރު މަހަކީ އިގްތިސާދު ކަމަށް ބުނީ ތިބުނާ ކިޔަވައިގެން ހުރިމީހާ ގާނޫނުއަސާސީ ގެ މައިގަނޑު މަސްދަރަކީ އިސްލާމްދީން ކީރިތި ގުރުއާން މިހާރު އެއުޅެނީ ރިސްވަތު ހަލާލްކުރަން
ޢަލިދީދީއައްޑޫސިޓީ
01 August 2018
ރައްޔަތުން ހޮވާ މަންދޫބުންނަކީ ވެސް ތަޢްލީމީ ގޮތުން ޒަމާނާ ފައިހަމަ ކޮށްލެވޭ ވަރުގެ ބަޔަކަށް އެބަވާންޖެހޭ. އެހެންކަމުން، 2019 ވަނަ އަހަރު ބޭއްވޭ ރައްޔަތުންގެ މަޖިލިސް އިންތިޚާބުގެ ކުރިން، މަޖިލިސް މެންބަރުންގެ ޝަރުޠުގެ ތެރެއަށް، މެންބަރުންގެ ތަޢްލީމީ ފެންވަރު ހިމެނުމަކީ ވަރަށް މުހިންމުކަމެއް. އަންނަ ސަރުކާރަކުން، މިބަދަލު ޤާނޫނު އަސާސީ އަށާއި ޤާނޫނަށް ގެނެސް ދެއްވާނެކަމުގައި އުއްމީދުކުރަން. މިހާރު އޮތް މަޖިލިސް އިން ފީހޮވައިލެވޭނެ ގޮތް، އެމީހުން ކަންކުރާމަގުން، އެބަހޯދަންޖެހޭ!
ތނސމމ
01 August 2018
ކޮން ކަމެއް ކުރާ ބަޔެއް ދީލާލާ ކޮޅަކަށް ވޯޓް ވިއްކުން ނޫން ކަމެއް އޮނަނީ އެއް ނޫން މި އަހަރު އެކަނި ވެސް ތިތާ ތެރޭ ކުޅުނު ޑްރާމާ ކުޑަތަ؟ ޥަކި ބަޔަކު ބޭނުންވަ ގޮތަކަށް ވޯޓް ކޮންޓްރޯލް ކުރަން ގަތް ގަނޑު ވެސް އެއޮތީ ފެންނަން. 85 މެމްބަރުން ތިބެގެން ނުވާ ކަމެެއް 87 މެމްބަރުން ތިބެގެން ވަކިވާނީ ކިހިނެއް؟ މެމްބަރުންގެ އަދަދު މަދު ކޮށް ސިޔާސީ ގޭމް ނުކުޅެވޭނެހެން ހަރުދަނާ ޤާނޫނު ތަކެއް ފާސް ކޮށް ރައްޔިތުން ހޮވާފަ ތިބި ދާއިރާ ތަކަށް ހައްޤު ގޮތުގަ މަސައްކަތް ކޮށް ނަތީޖާ ދައްކަބަލަ.
އާދަމް ޝަރީފް
01 August 2018
މިހާރު މެމްބަރުންގެ އަދަދު މާގިނަ . މަޖިލިސް މެމްބަރުންގެ އަދަދު 50 ނުވަތަ 60 އަށް ތިރިކުރާނެ ފޯމިއުލާ އަކަށް ގާނޫނު އަސާސީ އިސްލާހުކުރަން އެބަޖެހޭ. މަޖިލިސްގެ އަޣްލަބިއްޔަތު އޮންނަ ޕާރޓީއެއްގެ ބޮޑުވަޒީރަކު ހުންނަގޮތަށް ވެރިކަމުގެ ނިޒާމް ބދަލުކުރާނަމަ މެމްބަރުން 60 އަށްވުރެ އިތުރވިނަމަވެސް 75 މެމްބަރުންނަށްވުރެ އިތުރުނުވާނެގޮތަކަށް ހަދަންފެންނަނީ .
ހައިފައި
01 August 2018
100 މެންބަރުން ތިއްބަސް.. އިންޝާ ﷲ މާލެއަކުން ފިޔާތޮށި ގޮޑިއެއް ނުނެގޭނެ... މި ރަށައް މާލެ ކިޔަނީ އަދި މިތާ ވެރިކަން ކުރަނީ.. މިރަޓު މީހުން ގަމާރުނޫންވީމަ...
ކޭވަ
01 August 2018
ބަޔަކު މާލޭ ދަފްތަރުގަ މިޖައްސަނީ ކަމަކުތާދޯ.. ފައްކާ ގުއި ރޯނުގަ ޖެހިފަ މިއޮތީ....
އުނބުށެން
01 August 2018
އާބާދީގެ ނިސްބަތުން ބަލާނަމަ އަދިވެސް ރާއްޖޭގެ މަޖިލީހުގެ މެންބަރުން ގިނަކަމަށް ބުނެވެއެވެ. އެހެންވީއިރު ޤާނޫނު އަސާސީއަށް އިޞްލާޙެއް ގެނެސްގެންވެސް އަހަރުން އަހަރަށް އިތުރުވަމުން ނުދާނެގޮތެއް އަދިވެސް ހަދާކަށް ނުވޭބާވައެވެ. މިދާގޮތަށް ދަންޏާ ދޭތެރެ ދޭތެރެއިން މަޖިލިސްކުރާ ތަންވެސް އަލުން ހަދަންޖެހިދާނެތާއެވެ. ނޫނިއްޔާ އެތަންވީ ފުއްޕާހަމެއްހެން ބޭނުންވަރަކަށް ބޮޑުކޮށްލެވޭ ކަހަލަ ގޮތަކަށް ހަދާށެވެ.
އާދަނު
01 August 2018
ރައްޔިތުންގެ މަޖްލިސް މެމްބަރުން އިތުރުކޮށްގެން ރައްޔިތުންނަށް ވާނެ އިތުރު ފައިދާތކަެއްނޯންނާނެ. މިކަންވެސް އިސަލޙްކޮށް ކުދަ މަޖްލިސް އެއް ބާއްވަންވީ.
ގޫގުލާ
01 August 2018
މި މީހުނަށް 10000 ދިނަސް ބޮޑު.. ޑީލް ހަދާ ވޯޓު ވިއްކައިގެން ލާރި ލިބޭނެ.. ގައުމު ހަނާވާ އިރުވެސް މިމީހުން ދޯ އިތުރު ވަނީ؟ އެހެން ތަންތަންތާގެ މުއަޒަފުން މަދު ކުރުމަށް ވުރެ މެންބަރުންގެ މަދުކޮއް މުސާރަ ކުޑަ ކުރީޔާ ބަޖެޓައް މާ ލުއިވާނެ..