06 ސެޕްޓެމްބަރ 2018 - 08:42
19 comments
އިދިކޮޅު އިއްތިހާދަށް ވެރިކަން ލިބިއްޖެ ނަމަ، އިހަވަންދިއްޕޮޅު ޒަމާނީ ފެންވަރަކަށް ތަރައްގީކޮށް އިގްތިސާދީ މަޝްރޫތައް ފައްޓަވާނެ ކަމަށް އެ އިއްތިހާދުގެ ރިޔާސީ ކެންޑިޑޭޓް އިބްރާހިމް މުހައްމަދު ސޯލިހް (އިބޫ) ރޭ ވިދާޅުވެއްޖެ އެވެ.
މި މަހުގެ 23 ގައި ބާއްވާ ރިޔާސީ އިންތިޚާބުގެ ކެމްޕެއިނަށް ހއ. އަތޮޅަށް އިއްޔެ ފެއްޓެވި ދަތުރުގެ ތެރެއިން، ހޯރަފުށީގައި ބޭއްވި ޖަލްސާގައި އިބޫ އެހެން ވިދާޅުވިއިރު، ރައީސް އަބްދުﷲ ޔާމީންގެ ސަރުކާރުން އިހަވަންދިއްޕޮޅުގައި ފަށާނެ ކަމަށް އިއުލާން ކުރި "އައިހެވަން" މަޝްރޫގެ އެއްވެސް އަމަލީ މަސައްކަތެއް ދައުރު ހަމަވާއިރު ވެސް ކޮށްފައި ނެތުމުން، މި ސަރަހައްދުގެ މީހުންނާއި އިދިކޮޅު އިއްތިހާދުގެ ބޭފުޅުން ގެންދަވަނީ ސަރުކާރަށް ފާޑު ކިޔަމުންނެވެ.
އިބޫ ވިދާޅުވީ، އިހަވަންދިއްޕޮޅަކީ ގުދުރަތީ ގޮތުން ވަރަށް މުހިންމު ސަރަހައްދެއްގައި އޮތް އަދި އޭގެ ބޭނުން ވަރަށް ފަސޭހައިން ކުރެވެން އޮތް ތަނެއް ކަމަށެވެ. ދިރާސާތައް ކުރުމަށް ފަހު، ޓޫރިޒަމާއި ޓްރާންޝިޕް ބަނދަރުތައް ފަދަ އިގްތިސާދީ މަޝްރޫތައް އިހަވަންދިއްޕޮޅުގައި، އިދިކޮޅު އިއްތިހާދުގެ ވެރިކަމެއްގައި ގާއިމް ކުރައްވާނެ ކަމަށް އޭނާ ވިދާޅުވި އެވެ.
"އަޅުގަނޑުމެންގެ ވެރިކަމެއްގައި މި ސަރަހައްދު ތަރައްގީ ކުރެވިގެން ދާނީ އިންޓަގްރޭޑެޓް ޕްލޭނެއްގެ ދަށުން. އެތަނުގައި ޓޫރިޒަމާއި ޓްރާންޝިޕް ބަނދަރު ފަދަ އަދި އޭގެ އެންމެ ފައިދާ ހުރި ގޮތް ދެނެގަނެ އެކަމެއް ކުރުމުގެ މަސައްކަތް ފެށިގެން ދާނެ،" އިބޫ ވިދާޅުވި އެވެ.
އޭނާ ވިދާޅުވި ގޮތުގައި، އެ މަޝްރޫއު ހިންގާނީ ބޭރުގެ ފަރާތްތަކުގެ އެހީގަ އެވެ.
މިސަރުކާރުން، އިހަވަންދިއްޕޮޅުގައި އެއާޕޯޓެއް ހެދުމަށް ނިންމާފައިވާ މާފިނޮޅުގެ ސަބަބުން މި ސަރަހައްދުގެ ހުރިހާ ރަށަކަށް ފަސޭހަ ވެގެން ނުދާނެ ކަމަށް ވެސް އިބޫ ވިދާޅުވި އެވެ. އަދި އިއްތިހާދުގެ ވެރިކަމެއްގައި މި ހއ. ގައި އެއާޕޯޓު ހަދާނީ ހުރިހާ ރަށަކަށް ފަސޭހަވާނެ ސަރަހައްދެއްގައި ކަމަށް ވިދާޅުވި އެވެ.
ހޯރަފުއްޓަށް ކޮށްދެއްވާނެ ކަންކަން ހާމަކުރައްވަމުން އިބޫ ވިދާޅުވީ، މި ރަށުގެ ސިއްހީ ނިޒާމް ރަނގަޅުކޮށް، މަގުތައް ޒަމާނީ ފެންވަރެއްގައި ހައްދަވައި ދެއްވާނެ ކަމަށެވެ. އަދި މި ރަށުން މަސްވެރިންނަށް އައިސް ލިބޭނެ އިންތިޒާމް ހަމަޖައްސަވާނެ ކަމަށް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ގަބޫ
06 September 2018
އިބޫ ދައްކާ ވާހަކަތައް ގަބޫލު ކުރަން ދަތި. އިބޫ އަށް ވެސް ލޯނު ނުނަގަ ނުވަތަ ބޭރުގެ އެހީ އާއި ނުލާ ހަލުވި ސްޕީޑްގައި ތިހުރިހާ ތަރައްގީގެ މަޝްރޫއު ތަކެއް ނުހިންގޭނެ.
ހައިއްޓެ
06 September 2018
މަނިކުފާނު ތި އުޅުއްވަނީ އަދި ތަންކޮޅެއްފަހަތުގަ . ރައީސް ޔާމިން ވަނީ ތި މަސައްކަތްފަށާ އިހަވަންދިއްޕޮޅުގަ ބިޔަ ބޮޑު މަޝްރޫއެއް އިއުލާނުކޮށް އެކަމުގަ ހުރިހާ ކަމެއް ފަށަން ތައްޔާރުވެފަ . އެމަނިކުފާނުގެ ދެވަނަ ދައުރުގަ އޭގެ ޢަމަލީ މަސްކަތް އިންޝާﷲ ފެށިގެންދާނެ.
ހޮޓްކިންގ
06 September 2018
ރޭ ހޯރަފުށީގައި އިބޫ ވާހަކަ ދެއްކިއިރު ޓީވީން ބަލަން އިނިން. ވަރަށް ކޮށަކޮށައިގެން އެއްޗެއް ބަލައިގެން ވާހަކަ ދެއްކި. އަހަރެން ހިތާމަ ކުރަން އެބޭފުޅާ އެހާލަތުގައި ދެއްކެވި ވާހަކަ ފުޅަށް. އޭގައި ވިދާޅުވާން އުޅުނީ ކީކޭކަންވެސް ސާފު ނުވި. ދެން ކޮންމެވެސް ވާހަކަފުޅެއް ދެއްކެވި.
ލިންދާ
06 September 2018
އިންޑިއާ މީހުންނަށް ނުދޭތި ތިޔަތަން.. ފެމުނުތަކެއް ހެން އެ ތިބެނީ ބަލަހަށްޓައިގެން ތިޔަ ސަރަހަށްދަށް. 2 އަހަށް ދިނަސް މުޅި އުމުރަށް ތިބޭނެ ހަޔާތްކުޑަ ގޮތް ކުޑަ އީގޯ ބޮޑު ބައެއް. އެހެން ޤައުމުތަކުގެ ސިޔާދަތާ އިސްތިޤުލާލަށް އިޙްތިރާމްކުރަން ނުދަންނަ ބޮޑާ ކިބުރުވެރި ބައެއް.
އިބްރާ
06 September 2018
ޒަމާނީ ފެންވަރަކީ ކޮބައިތޯ؟ ރައީސްކަމަށް ޔާމީނު ހޮވަންޖެހޭ ސަބަބުތަށް. 1. މުޒާހިރާތަކުން އަމާންވެފައިވާ ފަސްއަހަރު ޔަގީންކުރުމަށް 2. ކޮންމެ ސަރުކާރަކީވެސް ކޮރަޕްޝަންހުރި ސަރުކާރެކެވެ. ކޮރަޕްޝަނާއި އެކުވެސް ގައުމު ތަރައްގީކޮށްދޭނެކަމުގެ ޔަގީންކަންހޯދުމަށް. 2. އެކައުންޓްގައި ހުރި ޑޮލަރުން ކޮންމެ ދުވަހަކު 1600އަށްވުރެ ގިނަ ޑޮލަރު ނެގުމުގެ ޔަގީންކަން ހޯދުމަށް. 3. ފިތުނަ އުފައްދާ މީހުން ހައްޔަރުކޮށްގެންވެސް ގައުމަށް އަމާންކަން ހޯދައިދޭނެކަމުގެ ޔަގީންކަން ހޯދުމަށް. 4. ގައުމު ހަލަބޮލިވާވަގުތުގައިވެސް އިސްތިއުފާ ނުދޭނެކަމުގެ ޔަގީންކަން ހޯދުމަށް 5. ބޭރުގެ ނުފޫޒުން ގައުމު ސަލާމަތްކޮށްދޭނެކަމުގެ ޔަގީންކަން ހޯދުމަށް. 6. އިތުރު 25ބުރިޔާއި ބުރިޖުތަށް ރާއްޖެއިން ފެންނާނެކަމުގެ ޔަގީންކަން ހޯދުމަށް.
ނިންޖާ
06 September 2018
އެއަރޕޯޓުގެ ލޮކޭޝަނޭ ކިޔައިގެން އިބޫއާ ސައްލެ ތިޔަ ޖެއްސެވީ ބައި ގޯލެއް.. އުލިގަމު ތުރާކުނު މޮޅަދޫ ހޯރަފުށީގެ ވޯޓުން ގެއްލުމުގެ ފުރުސަތު ވަރަށް ބޮޑު. ލޮކޭޝަނާ ކުޅެން ނޫޅޭ ލޭއޮހޮރުވުމެއް އެއީ..
ބްރޯ
06 September 2018
ކޮންމެ ވެސް އެއްޗެކޭ ކިޔާފަ ތި ސަރަހައްދު އިންޑިއާއަށް ދޭން ތި ރާވަނީ. އިންޑިއާ އެއޮތީ ތި ތަނަށް ބުޅާ މަސްގަނޑަށް ބަލާހެން ބަލައިގެން. މި މީހުން ނުބައި ރޭވުމުން މި ރާއްޖެ ސަލާމަތް ކުރައްވާށި!
ހުސޭނު ކުޅުދުއްފުށިން
06 September 2018
ބަލާލީމަ އިނގޭ ފޮޓާއަށް ވެފަ އިން ވަރު. ހާދަ ޑްރާމާ ބޮޑު ބައެކޭ މިއީ
ނުބައިހާނު
06 September 2018
މާފިނޮޅުގަ އެއާޕޯޓު ނާޅާނަމޭ ބުނީމާ ލައްކަ ވޯޓު ހޯރަފުށިން ގެއްލިދާނެ. ހުވަހަންދޫގަ އެއާޕޯޓު އަޅައިފިއްޔާ އުލިގަމު ތުރާކުނު މޮޅަދޫ މީހުންނަށް ދަތިވެދާނެ. އެކަމަކު ތަކަންމާރަންދުއަށް ކައިރިވާނެ. ގިނަ ވޯޓު އޮންނާނީ ތަކަންމާރަންދޫގަ އުލިގަމު ތުރާކުނަށްވުރެ.
ލޮކޭޝަން
06 September 2018
ރާއްޖެ ޓީވީގެ އޯނަރު ހޯރަފުށީ ސައްލެއަށްތޯ ނޫނީ ތި ސަރަހައްދުގެ އޮޔާވަޔާ ދިރާސާކޮށް ޓްރެފިކްމޮޑެލިންގއާ މާސްޓަރ ޕުލޭނު ހެދި އެމެރިކާގެ ބޮސްޓަން އަދި ސިންގަޕޫރުގެ ޖުރޮންގު މީހުންނަށް ތޯ ބޮޑަށް އެނގޭނީ ތިޔަ ސަރަހަށްދުގަ އެއަރޕޯޓު އޮންނަންވީ އެންމެ ރަނގަޅު ލޮކޭޝަން؟