ޑިމޮކްރަސީއަށް ގެއްލުންވާނެ އެއްވެސް ކަމެއް ނުކުރަން ގޮވާލައި އެމެރިކާއިން އިންޒާރު ދީފި

އިންތިޚާބީ ރައީސް އިބޫ، އެމެރިކާގެ އިސް ޑިޕްލޮމޭޓް އެލިސްއާ އިއްޔެ ބައްދަލުކުރައްވަނީ.--ފޮޓޯ: އިންތިޚާބީ ރައީސްގެ އޮފީސް

އާސިމާ ނިޒާރު، މިހާރު

11 އޮކްޓޯބަރ 2018 - 12:25

17 comments

ޑިމޮކްރަސީގެ ނިޒާމަށް ގެއްލުން ލިބޭނެ އެއްވެސް ކަމެއް ނުކުރަން ގޮވާލައި އެމެރިކާއިން ރާއްޖެ އަށް ވަރުގަދަ އިންޒާރެއް ދީފި އެވެ.

އިންޑިޔާގެ ނިއުސް އޭޖެންސީއެއް ކަމަށްވާ ޕްރެސް ޓްރަސްޓް އޮފް އިންޑިޔާ (ޕީޓީއައި) އަށް، އެމެރިކާގެ ސްޓޭޓް ޑިޕާޓްމަންޓުގެ ތަރުޖަމާނު ދެއްވި އިންޓަވިއުއަކާ ހަވާލަދެއްވައި ދަ އިންޑައިން އެކްސްޕްރެސްގައި މިއަދު ބުނެފައި ވަނީ، ޑިމޮކްރަސީ އަށް ގެއްލުން ލިބޭ ގޮތަށް ކަންތައް ކުރާ ނަމަ އެކަށީގެންވާ ފިޔަވަޅު އަޅާނެކަމުގެ އިންޒާރު ދީފައިވަނީ، އެ ގައުމުގެ ސްޓޭޓް ޑިޕާޓްމަންޓުގެ ދެކުނު އަދި މެދުތެރޭ އޭޝިއާގެ ކަންކަން ބަލަހައްޓާ ބިއުރޯގެ އިސްވެރިޔާ އެލިސް ވެލްސް ރާއްޖެ އަށް ވަޑައިގެން ސިޔާސީ ލީޑަރުންނާއި ސަރުކާރުގެ އޮފިޝަލުންނާ އެކު ބޭއްވެވި ބައްދަލުވުމުގަ އެވެ.

މިދިޔަ އަންގާރަ ދުވަހު ރާއްޖެ ވަޑައިގެން، އެމެރިކާގެ އިސް ޑިޕްލޮމެޓް ވަނީ ސިޔާސީ އިސް ބޭފުޅުންނާއި ސަރުކާރުގެ އިސް އޮފިޝަލުންނާ ބައްދަލުކުރައްވައިފަ އެވެ. އޭގެ އިތުރުން، މިދިޔަ މަހުގެ 23 ވަނަ ދުވަހު ބޭއްވި ރިޔާސީ އިންތިޚާބު ކާމިޔާބު ކުރެއްވި އިދިކޮޅު ކޯލިޝަންގެ ކެންޑިޑޭޓް އިބްރާހިމް މުހައްމަދު ސޯލިހު (އިބޫ) އާ ވެސް ބައްދަލުކުރައްވާފައި ވެ އެވެ.

ފޮރިން ސެކްރެޓަރީ އަހުމަދު ސަރީރާއި ބައްދަލުކުރައްވައި އެލިސް ވަނީ ދެ ގައުމުގެ ގުޅުން ހަރުދަނާކުރުމާ ބެހޭގޮތުން މަޝްވަރާކުރައްވައިފަ އެވެ.

ޑިމޮކްރަސީ އަށް ގެއްލުންދޭ ފަރާތްތަކާ ދެކޮޅަށް ފިޔަވަޅު އަޅާނެކަމުގެ އިންޒާރެއް އެމެރިކާއިން ދީފައިވަނީ، ރިޔާސީ އިންތިޚާބާ ބެހޭ ދުސްތޫރީ މައްސަލައެއް، އެ އިންތިޚާބުގައި ނާކާމިޔާބީއާ ކުރިމަތިލައްވަން ޖެހިވަޑައިގެންނެވި ޕީޕީއެމްގެ ކެންޑިޑޭޓް ރައީސް އަބްދުﷲ ޔާމީން ސުޕްރީމް ކޯޓަށް އިއްޔެ ހުށަހެޅުއްވި ފަހުންނެވެ. ކޯޓުން ވަނީ އެ މައްސަލަ ބަލައިގެންފަ އެވެ.

އެ ތަރުޖަމާނު ވިދާޅުވީ ޑިމޮކްރަސީއާ ހިލާފަށް ކުރާ ކަންތައްތަކާއި މިނިވަން އަދި އިންސާފުވެރި އިންތިޚާބެއް ބާއްވަން ހުރަސްއަޅާ ފަރުދުންނާ ދެކޮޅަށް ފިޔަވަޅު އަޅާނެ ކަމުގެ އިންޒާރު، އިންތިޚާބުގެ ކުރިން ވެސް ދީފައިވާނެ ކަމަށެވެ.

"ޑިމޮކްރަސީ ފުނޑާލަން ކުރާ އެއްވެސް ކަމެއްގައި އެމެރިކާ އަދި އެމެރިކާއާ ގުޅުންހުރި ގައުމުތަކުން ބަލައެއްނުގަންނާނަން. ރައްޔިތުން ނިންމި ނިންމުން ބަލައިގަނެ އެކަމަށް އިހުތިރާމްކުރުމަކީ ވަރަށް މުހިއްމު ކަމެއް،" ޕީޓީއައިއާ ވާހަކަދައްކަވަމުން ސްޓޭޓް ޑިޕާޓްމަންޓުގެ ތަރުޖަމާނު ވިދާޅުވި އެވެ.

ރާއްޖޭގެ ޑިމޮކްރަސީ ހަރުދަނާކުރުމަށާއި ދައުލަތުގެ ހިންގުން ހަރުދަނާކުރުމަށާއި ކޮރަޕްޝަން ނައްތާލުމާއި އިގުތިސޯދާއި ވިޔަފާރީގެ ގުޅުން ހަރުދަނާކުރުމާއި ތިމާވެށި ހިމާޔަތްކުރަން ގުޅިގެން މަސައްކަތް ކުރަން ބޭނުންވާ ކަމަށް ވެސް ތަރުޖަމާނު ވިދާޅުވި އެވެ.

މިދިޔަ މަހުގެ 23ގައި ބޭއްވި އިންތިޚާބު ކާމިޔާބުކުރެއްވީ އިދިކޮޅު ކޯލިޝަންގެ ރިޔާސީ ކެންޑިޑޭޓް އިބްރާހިމް މުހައްމަދު ސޯލިހު (އިބޫ) އެވެ.

އިދިކޮޅު ފަރާތްތައް ޑިމޮކްރަސީ ރައީސް އިބްރާހިމް މުހައްމަދު ސޯލިހް ރާއްޖެ-އެމެރިކާ ރައީސް އަބްދުﷲ ޔާމީން ޑިޕްލޮމެޓިކް ގުޅުން

17 ކޮމެންޓް, 77 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހަލޯ

11 October 2018

ކަލޭމެން ބުނާ ސިސްޓަމްތަ މިތާވެސް އޮންނަން ޖެހޭނީ. ޑިމޮކްރަަސީ އަށް ގެއްލުންދޭން އަޒުމު ކަނޑައަޅައިފިން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކައްތުބޭ

11 October 2018

ކޮބާ ޑިމޮކްރަސީ އަކީ. ޑިމޮކްރަސީގައި މެޖޯރިޓީ ރޫލްސް. އެކަމު އެމެރިކާނުން ތިތިބީ 3މިލިއަން ވޯޓު މަދުންލިބުނުމީހާ ވެރިކަމައް ލައިގެންނޫންތަ! ރާއްޖޭވެސް އެމެރިކާ ގެ ޑިމޮކްރަސީ ޢޭ ގެނެވޭތޯ ބަލަނީ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮލެޖް ބޯއީ

11 October 2018

ތަރުޖަމާނު ތިހަދަނީ ދޮގު. ވެރިޔާ މާލެ އައިސް ބައްދަލުވުން ތައް ބޭއްވި އިރު މައްސަލަ ކޯޓަށް ނުވައްދާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގޯތި

11 October 2018

ހަމަ ހިނި އަންނަނީ، އެންމެ ރަނގަޅަށް ޑިމޮކްރަސީ އެނގޭނީ އެމެރިކާއަށް. ރައްޔިތުންގެ ވޯޓު ދިން މީހާއެއް ނޫން ވެރިކަމުގަ އެހުރީ. ވެރިކަމުގަ އެހުރީ އިލެކްޓޯރަލް ކޮލެޖުން ވޯޓު ދިން މީހާ. އެވެސް، ރަޝިޔާގެ އެހީގަ. އެމެރިކާއިން ދަންނަ ޑިމޮކްރަސީއަކީ ޤައުމުތަކަށް އެއްވެސް އަސާސެއް ނެތި އަރާ އެ ޤައުމުތަކުގެ ތެލާއި އެއްޗެހި ވަގަށް ނަގާ އެ ޤައުމުތައް ފުނޑާލުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝިޔާމް

11 October 2018

ޑެމޮކޮރެސީއަކީ ފުޑާލަންވެފައި އޮތް ބުއްދި ހަމަނުޖެހޭ ނިޒާމެއް. އެކަން ފެނިގެންދޭ މި ނިޒާމު އޮތް ހުރިހާ ޤައުމަކުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝާއިރާ

11 October 2018

ނަޝީދު ވެރިކަމަށް ހޮވުނީމަ އިނގިރޭސިން ވަރަށް ފުއްޕި. އެކަމަކު ރައްޔިތުން ނުކުމެ ސައިޒުކޮށްލިދޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮލަމާފުށި

11 October 2018

ތިކަންކުރަން މިހާރު މާލަސްވެއްޖެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑިމޮކްރޮސީއޯ

11 October 2018

ޑިމޮކްރަސީއަށް ގެއްލުންނުދޭންވެގެން ދޯ ރަޝިޔާބޭނުންކޮށްގެން ވޯޓަށް މަކަރު ހަދައިގެން އެމެރިކާގެ ވެރިކަން ޓްރަމްޕްހޯދީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަޅިއޭ

11 October 2018

ވަރަށް ސަޅިި!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދޮންބީފާނު

11 October 2018

އެހެންތަ؟ އިރާގުން ހޯދި ހަތިޔާރު ފުނިވަރުތައް ގެނެސްދޭން ވީނު ޑިމޮކްރަސީ ހަރުދަނާ ކުރަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފޫހި

11 October 2018

އިރާގާއި ސީރިއާއި ލީބިޔާއަށް އަރަންފުރުޞަތުލިބުނީ އެ ގައުމުތަކުގެ ވެރިންގެ ސަބަބުން. އެފަދަ ފުރުޞަތެއް ރާއްޖޭން ނުދިނުމަށް ގޮވާލަން. ރައްޔިތުން ނުރުހުމުން ވެރިކަމުގައި ދެމިހުންނަން ކުރާ މަސައްކަތް ބަލައެއްނުގަންނަން. ވެރިކަމަކީ ވަކިބައެއްގެ ތަރިކައެއްނޫން.