ރިންގް ރޯޑުން ވެހިކަލްތަކެއް ދުއްވާފައި ދަނީ: މާލޭ ރިންގް ރޯޑު ހަދާފައި ވަނީ އީއައިއޭ ނުހަދައި.---ފޮޓޯ: ހުސައިން ވަހީދު/މިހާރު
18 އޮކްޓޯބަރ 2018 - 12:38
95 comments
ތާރު އަޅައިގެން، މާލޭ ބޮޑު ތަކުރުފާނު މަގު ހެދުމުގެ މަޝްރޫއު ނުވަތަ ރިންގު ރޯޑުގެ މަސައްކަތާއި ފުވައްމުލަކުގެ ރިންގު ރޯޑުގެ މަސައްކަތް ތިމާވެއްޓަށް ގެއްލުންވާ ގޮތަށް ކުރިއަށް ގެންގޮސްފައިވާތީ، އެންވަޔަރަމެންޓަލް ޕްރޮޓެކްޝަން އޭޖެންސީ (އީޕީއޭ) އިން ހައުސިން މިނިސްޓްރީ އަނެއްކާވެސް ޖޫރިމަނާކޮށްފި އެވެ.
މާލޭގެ ބިމުން ގަވާއިދާ ޚިލާފަށް ފެން ނެގި މައްސަލައިގައި 100،000ރ. އިން ޖޫރިމަނާކުރި ހައުސިން މިނިސްޓްރީ މިފަހަރު ޖޫރިމަނާ މިކުރީ، ގާތްގަނޑަކަށް 300،000ރ. އިންނެވެ.
އެންމެ ބޮޑު އަދަދަކުން މިފަހަރު ޖޫރިމަނާކުރީ، މާލޭގެ ދެކުނު ފަރާތާއި އުތުރު ފަރާތުގައި ހުރި ރުއްތަކާއި ގަސްތައް ކަނޑާލި މައްސަލައިގަ އެވެ. ސިނަމާލެ ބްރިޖާ ގުޅޭ މަގުތައް ހަދައި އެ މަގުތަކުގައި ޕާކްކުރާނެ ތަންތަން ލާން، ގިނަ އަދަދެއްގެ ގަސްތައް ހައުސިން މިނިސްޓްރީން ކަނޑާލީ ހުއްދަ ހޯދުމެއް ނެތި، ގަވާއިދާ ޚިލާފަށް ކަމަށް އީޕީއޭ އިން ބުންޏެވެ. މި މައްސަލައިގެ ޖޫރިމަނާގެ ގޮތުގައި 191،250 ރުފިޔާ ހައުސިން މިނިސްޓްރީން ދައްކަން ޖެހެ އެވެ.
އީޕީއޭ އިން ބުނިގޮތުގައި ބޮޑުތަކުރުފާނު މަގުގެ ވަށައިގެން ތާރު އަޅައި ރިންގު ރޯޑުގެ ނަމުގައި އެ މަޝްރޫއު ކުރިއަށް ގެންދިޔައީ އީއައިއޭ ނުވެސް ހަދަ އެވެ. އަދި އެ މަޝްރޫއުން ތިމާވެއްޓަށް އަސަރު ފޯރާނެ މިންވަރާ ގުޅޭ ލިޔުން ހޯދަން އެ އެޖެންސީ ހުށައަޅާފައި ނުވާ ކަމަށް ކަމަށް ބުންޏެވެ.
އީއައިއޭއާ ނުލައި ރިންގު ރޯޑު ހެދި މައްސަލައިގައި، ޖޫރިމަނާކުރީ 20،000 ރުފިޔާ އިންނެވެ.
ފުވައްމުލަކު ރިންގު ރޯޑު ހަދާފައި ވަނީ ވެސް، އީޕީއޭ އިން ބުނިގޮތުގައި، އީއައިއޭއާ ޚިލާފަށެވެ. އެ މައްސަލައިގައި ހައުސިން މިނިސްޓްރީ ޖޫރިމަނާކުރީ 60،000 ރުފިޔާ އިންނެވެ.
މި ފައިސާ އެއް މަސް ދުވަހުގެ ތެރޭގައި ދައްކަން އީޕީއޭ އިން ވަނީ އަންގައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބަހޫ
20 October 2018
ދެން ގަސް އިންދަމާ ބަހީ !!
ައަހަންމަދު
19 October 2018
އީ.އައި.އޭ ހަދައިގެން ނުހައްގުން ފައިސާ ނަގާ އީ.ޕީ.އޭ ގެ ބޮޑުންގެ ޖީބަށް ވަނަންއޮތް ލާރިކޮޅެއް ނުވަނީމަ ހާ ދަ ވަރެކޭ ދޯ މިވީ.
ބަލަބަލަ
19 October 2018
އަޅެ މީވެސް ހަމަ ސަރުކާރެއްނޫންތަ. ފެން ކޮޅު ނަގާވާރޭ ވެހުނީމަ
ހުއްޗު
19 October 2018
ނާޒިމާ ބޭނުން ވާގޮތައް މޭކަޕް ނުކުރެވުމުން 100000 ރުފިޔާއިން ނާޒިމާ ޖޫރިމަނާ ވެއްޖެ! ހައުސިން ރުފިޔާ މަތިން ފައިބަނީވިޔަށް!
ކޮއްކީ
19 October 2018
2017 ށ.މާއުނގޫދޫގަ ޕާކެއް އަޅަންވެގެން ދުވަސްވީ ހިޔާލިބޭ ނިކަގަސް ކަނޑާލީ ހުއްދަލިބިގެން؟ މަގުހަދާވެގެން ޒުވާނުން ތަކެއް ނިކުމެ ކަނޑޫ ގަސްތައް ކަނޑާލީ ހުއްދަލިބިގެން؟ މައްސަލަ ބަލާނެ ބައެއް ނެތް. ހުރިހާ އެންމެން ވެސް އުޅޭނީ އަމިއްލަ އެދުމާގެން. ރުފިޔާ ލިބޭ ކޮޅަކަށް ބަރުވާނެ
ޝާއި
19 October 2018
ހުއްދަ ހޯދިޔަސް އަދި ނުހޯދިޔަސް އެމަގު، އެގަސްތައް ނުކަނޑައި ފުޅާ ނުކުރެވޭނެ. ފުޅާ ނުކުރެވުނީމަ ތޮއްޖެހޭނެ އެމަގާއި އެމަގާއި ގުޅިފައި ހުރި މަގުތައް. ދެން އަހަންނަކަށް ނޭނގެ ޔާމީން ކުރި އެއްކަމެއް ވެސް ރަނގަޅެއް ނުވި.
ހަނާ
19 October 2018
ތި އޮފީހުގެ ވެރިންނަށް ލިބެންޖެހޭ ފައިސާ ނުލިބުނީތޯ.
ޔޫޕެ
19 October 2018
ތީހަމަ ނައިބެގެ ހާލަތު އަހަރެ ނަމަމިހާޙު ތިޔަފިޔަވަޅުއެޅީސް މަގާމްގެ ދަހިވެތިނޫޅައް އެހިފަރުމަތިން ޒޫޜިމަނާކޮ ނައިބެ އޭޜުހީމޮޔަވެފަތަހުރ މިސަރުކާރު ބަދަލުވާފެށީމާ ހުރިހާކަމެތިޔަފެނުނީ
ގަމާރި
19 October 2018
ވަރަށް ޖޯކު ތިޔަ ކަންތައް. ވެރިކަން މަކަރާއި ޙީލަތުން ވައްޓައިލާއިރަށް މިޔޮށް ފަޅާ އަރަނީ މުއައްސަސާ ޔަކުގަ ތިބި ދެފުށް ކެހެރި އަދި ޔާމީން ސަރުކާރާ ދެކޮޅަށް އެ ސަރުކާރުތެރޭ ތިބެގެން ޖަރީމާ ހިންގި ފަރާތްތައް. ޟިސާލަކަށް، މަރުކަޒީ ބޭންކް، ހައުސިންގ ، އީ. ޕީ. އޭ.
ޑރ ސަރަގު
19 October 2018
ތިހެން ޖޫރިމަނަކުރިން ތިކަންކުރާމުވައްޒަފުން ކަހެރިވަކެކޭވެސް ހިތައްނާރާނެ. ޙަދަންވިގޮތަކީ ތިކަމުގަޒިންމާވާމީހުން 13 އަހަރައް ޖަލައްލާންވީ އެރުން ތިބޭނީހޭއަރާފަ.