ބްރިޖް ސަރަހައްދުގެ މޫދު ސާފު ކުރުމުގެ ޕްލޭނެއް އެބަ އޮތް: ސީސީސީސީ

ބްރިޖު ހެދުމުގެ ތެރޭގައި ރާޅުގަނޑަށް ޖަމާވެފައި ހުރި ކުނިބުނި: މި ސަރަހައްދު ސާފުކޮށް ކުނިބުނި ނައްތާލާނެ ކަމަށް ސީސީސީސީ އިން ބުނޭ -- މިހާރު ފައިލް ފޮޓޯ

ހަސަން މުހައްމަދު، މިހާރު

22 އޮކްޓޯބަރ 2018 - 13:05

13 comments

މާލޭ ލޮނުޒިޔާރަތްކޮޅު މޫދުތެރެ އަށް އެޅިފައި ހުރި، ބްރިޖު ހަދަން ބޭނުން ކުރި ދަގަނޑު ހޮޅިތަކާއި އެ ނޫން ވެސް ކުނިބުނި އެއްކޮށް ސާފު ކުރާނެ ކަމަށް، ސިނަމާލެ ބްރިޖު ހެދި ޗައިނާ ކޮމިނިއުކޭޝަން އެންޑް ކޮންސްޓްރަކްޝަން ކޮމްޕެނީ (ސީސީސީސީ) އިން މިއަދު ބުނެފި އެވެ.

ސީސީސީސީގެ ޕްރޮޖެކްޓް މެނޭޖަރު ވަންގް ޗާއޯ މިއަދު ނެރުއްވި ބަޔާނެއްގައި ވިދާޅުވެފައި ވަނީ ބްރިޖުގެ މަސައްކަތް ކުރި އިރު، ކަނޑަށް ކުނި ނޭޅުމަށް ހާއްސަ ފިޔަވަޅުތަކެއް އަޅާފައިވީ ނަމަވެސް މިފަދަ މަސައްކަތެއް ކުރާ އިރު މޫދަށް ކުނިއެޅުން މުޅިން ނުހުއްޓުވޭނެ ކަމަށެވެ.

"ކޮންސްޓްރަކްޝަނުގައި ބޭނުން ކުރި ބައެއް ސާމާނު ކަނޑު އަޑީގައި ހުރުމަކީ މިފަދަ މަސައްކަތްތަކުގައި އާންމު ކަމެއް. ކަނޑަށް އެޅޭ ތަކެތި މަދު ކުރުމަށް، ބްރިޖު ހެދުމުގެ މަސައްކަތުގެ ތެރެއިން ގިނަ ފިޔަވަޅުތަކެއް އެޅުނު ނަމަވެސް އެކަން މުޅިން ހުއްޓުމަކީ ކުރެވޭނެ ކަމަކަށް ނުވި،" ވަންގް ޗާއޯ ވިދާޅުވެފައިވެ އެވެ.

ސިނަމާލެ ބްރިޖު ހެދި އިރު ކަނޑަށް އެޅުނު ކުނިތައް ނެގުމުގެ ޕްލޭނެއް ގެންގުޅޭ ކަމަށާއި އެ ޕްލޭނާ އެއްގޮތަށް ކުނިބުނިތައް ސާފުކޮށް ނައްތާލާނެ ކަމަށް ވެސް އެ ބަޔާނުގައިވެ އެވެ.

"މި ކުންފުނިން ކުރާ މަސައްކަތްތަކުން އުފެދޭ ކުނިބުނި ނައްތާލުމަށް ވަރަށް ފުރިހަމަ ޕްރޮގްރާމްތަކެއް ހަމަޖެހިފައި ހުރޭ. އެގޮތުން ސިނަމާލެ ބްރިޖުގެ މަސައްކަތުގައި އުފެދުނު ކުނިބުނި ނައްތާލުމުގެ ޕްލޭނެއް ވެސް އަޅުގަނޑުމެން އެބަ ގެންގުޅެން،" އޭނާ ވިދާޅުވެފައިވެ އެވެ.

މާލޭ ރާޅުގަނޑު ސަރަހައްދަށް ބްރިޖު ހެދިއިރު އެކި ގޮތްގޮތުން ޖަމާވެފައިވާ ދަގަނޑާއި ކުނިބުނި ވެސް ޕްލޭނާ އެއްގޮތަށް ސާފު ކުރާނެ ކަމަށް އެ ބަޔާނުގައިވެ އެވެ.

"ބްރިޖު ހަދަމުންދިޔަ އިރު ވެސް، ބައެއް ކުނިބުނި ނައްތާލުމުގެ މަސައްކަތް ވާނީ ކޮށްފައި. ބްރިޖު ހަދަން ބޭނުން ކުރި ބައެއް ދަގަނޑު ހޮޅިތައް އަދި ޕްލޭޓުތައް ބާންޏާއި އޮއިވަރުގެ ސަބަބުން ވަނީ ރާޅާ އަޅާ ސަރަހައްދަށް ގޮސްފައި. މި ތަކެތި އެ ތަނުން ނަގައި ސާފު ކުރުމުގެ މަސައްކަތް ވެސް ކުރި އަށް ދާނެ،" ވަންގް ޗާއޯގެ ބަޔާނުގައިވެ އެވެ.

ކޮންސްޓަރަކްޝަން ކުންފުނިތައް ސިނަމާލެ ބްރިޖު ސީސީސީސީ ސެކަންޑް ހާބަ އިންޖިނިއަރިން ޗައިނާ ރާއްޖެ-ޗައިނާ

13 ކޮމެންޓް, 57 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ދީދީ

23 October 2018

ތި ދަގަންޑު ނުނެގިޔަސް އޯކޭ، އޭގަ ދެން ފަޅާނީ މުރަކަ އަދި ފޅައް ދިރުން ލިބޭނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަކުނި ކާ

22 October 2018

ބީ ބީ ބީ ބީ އޭ ކިޔާނެކަމެއްނެތް ތިޔަ ފާލަންގަބޑު ހަދަން ޓެކުސް ދީ ދީ މަހަފުސް ވެއްޖެ އަދި ތިކިޔަނީ ފާލަންގަޑު ކަރިއަށް އަޅާފައިވާ މޮހޮރު ކޮޅު ކަލޭމެން ލައްވާނަގަން ޕުލޭނެއް އުފައްދަން މީތަންކޮޅެއް ބޮޑުވަރު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަމާލީދު

22 October 2018

ވަންޗޯ އެބުނީ ތެދެއް.. ކުނި އަޅާނީ.. ދެން ކުނި ކަހާނީ...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޯޓުދެލި

22 October 2018

ރާއްޖޭގެ ފަރުތަކާއި ފަޅުތަކަށް ކުނިއެޅުމަކީ މަނާކަމެއް، ކުނިއަޅައިގެން ޖުރިމަނާކުރާތާ އަނެއް ދުވަހު މާލޭ ސަރުކާރުން ފަރުމައްޗަށް ފަސްއަޅާ ހިއްކާލާފަ އޮންނަނީ، ގޯތިތެރެއަށް އަޅާލަން ކަށިވެލިކޮޅެއް ނެގުންވެސް މަނާ، ކަށިވެލިކޮޅެއް ނަގައިގެން ޖުރިމަނާ ކުރާތާ އަނެއްދުވަހު މާލޭ ސަރުކާރުން ހައިމާކު ޖަހާ 15 ފޫޓަށް ކޮނެ ނަގާފަ އޮންނަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

1234

22 October 2018

ޖާބިރު ވިދާޅުވީ ތިކީ ބްރިޖެއްނޫނޯ.. ތީ ފާލަމެކޯ. ފާލަމަކީ ރަށް އަރާ ފައިބާން އެއްކޮޅު މޫދަށް އަނެއްކޮޅު ރަށުގެ އެއްގަމަށް ގުޅިފަ ހުންނަ އެއްޗެއްކަންވެސް ނޭނގޭތީ ދެރައި. މިކަހަލަ ބޮޑެތި ޕްރޮޖެކްޓްތައް ނިމޭއިރު ހުންނާނެ ވަގުތުން ފުރިހަމަ ނުވާކަންކަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލިން

22 October 2018

ކޯއްޗެއްގަ އޮތީ "ފާލަމަކީ ހަމައެކަނި ރަށް އަރާ ފައިބާން އެއްކޮޅު މޫދަށް އަނެއްކޮޅު ރަށުގެ އެއްގަމަށް ގުޅިފަ ހުންނަ އެއްޗެކޭ" ދެތަނެއް ގުޅުވައިދޭ މިފަދަ ބިނާތަކަށް ވެސް ފާލަން ކިޔޭނެ.