ރައްޔިތުންގެ މަޖިލީހުގެ ޖަލްސާއެއް ހިނގަމުން ދަނީ. - ފޮޓޯ: މަޖިލިސް
07 ނޮވެމްބަރ 2018 - 20:05
6 comments
އަންނަ އަހަރަށް ލަފާކޮށް، އިންތިޚާބީ ރައީސް އިބްރާހީމް މުހައްމަދު ސޯލިހެ ގެ ފަރާތްޕުޅުން ފިނޭންސް މިނިސްޓްރީ އަށް ފޮނުވި 29.6 ބިލިއަން ރުފިޔާގެ ބަޖެޓް އަންނަ ހަފުތާގައި މަޖިލީހަށް ހުށަހަޅަން ނިންމައިފި އެވެ. މަޖިލީހުގެ އަމީން އާއްމު ފާތިމަތު ނިއުޝާ މިރޭ ވިދާޅުވީ އަންނަ ހަފުތާގައި މަޖިލީހުގެ ޖަލްސާތައް ފަށައި ބަޖެޓު ހުށަހެޅުން ވެސް އޮންނާނެ ކަމަށެވެ. ދެ މަސް ދުވަހުގެ މެދުކެނޑުމަކަށް ފަހު މަޖިލީހުގެ ޖަލްސާތައް ފަށާފައިވަނީ މިދިޔަ މަހުގެ ފަހުކޮޅެވެ. ޖަލްސާތައް ކުރިއަށް ގެންދިއުމުގައި ގޮންޖެހުންތަކާ ކުރިމަތިވީ، މަޖިލީހުގެ ރައީސްކަމުގައި ހުންނެވި އަބްދުﷲ މަސީހުގެ އިތުބާރު ނެތްކަމުގެ މައްސަލަ ހުށަހެޅުމަށް ފަހު ދިމާވި ކަންތައްތަކުގެ ސަބަބުންނެވެ. ނަމަވެސް މިދިޔަ ބުރާސްފަތި ދުވަހު މަޖިލީހުގެ ރައީސްގެ މަގާމުން މަސީހު އިސްތިއުފާ ދެއްވުމުން، އެ މަގާމަށް ޖުމްހޫރީ ޕާޓީގެ ލީޑަރު މާމިގިލީ ދާއިރާގެ މެމްބަރު ގާސިމް އިބްރާހިމް ވަނީ އިންތިޚާބު ކޮށްފަ އެވެ.
ފިނޭންސް މިނިސްޓްރީގެ އޮފިޝަލަކު ކުރިން ވިދާޅުވީ 29 ބިލިއަން ރުފިޔާގެ ބަޖެޓު ހުށަހަޅާފައިވަނީ އިންތިހާބީ ރައީސް އިބްރާހިމް މުހައްމަދު ސޯލިހު (އިބޫ) ގެ ސަރުކާރުން ބޭނުންވާ ކަންކަން ހިމަނައިގެން ކަމަށެވެ.
ގާނޫނުއަސާސީގައިވާ ގޮތުން ކޮންމެ އަހަރެއް ފެށުމުގެ ކުރިން އެ އަހަރަކަށް ދައުލަތުން ހިނގާނެ ކަމަށް ލަފާ ކުރެވޭ ހަރަދާއި ދައުލަތަށް ލިބޭނެ ކަމަށް ލަފާކުރާ އާމްދަނީގެ ހިސާބު ހިމެނޭ ބަޖެޓެއް ހުށަހަޅަންވާނެ އެވެ. މާލިއްޔަތު ގާނޫނު ބުނާ ގޮތުން އޮކްޓޯބަރުގެ ނިޔަލަށް މަޖިލީހަށް ބަޖެޓު ހުށަހަޅަން ޖެހެ އެވެ. އާ ސަރުކާރުގެ ބަޖެޓު ފިނޭންސަށް ފޮނުވީ މިިދިޔަ އޮކްޓޯބަރު މަހުގެ 31 ވަނަ ދުވަހެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޢަލީދީދީ
08 November 2018
ގުޅިފަޅުން ފުލެޓުގަތް ފަރާތްތަށް ވަނީ ލައްކައިން ލާރިދައްކާފަ! ލާރި ދެއްކިތާ 9 އަހަރު ވާއިރު ފުލެޓުނުދީ 2 ކޮޓަރީގެ ވުޖޫދުގަވެސް ނެތް ކުޑަތަންކޮޅެއް ބޭނުމެއްނެތް! ބަދަލު ދޭންޖެހޭނެ! އެންމެ މަދުން ދެއްކިފަރާތްތަކުނެ 250،000 ދެއްކިއިރު އަނެއްބައިފަރާތްތަކުން 680،000 އަށް ވުރެ ގިނަ ރުފިޔާ ދިންއިރު މީގެ ބަދަލު ސަރުކާރުން ދޭންޖެހޭ! މިއީ ސަރުކަާރުގެ ވަރަށް ބޮޑު އިހުމާލެއް! ޕީޕީއެމް 18 މީހަކަށް ވަނީ މިދިޔަ އަހަރު މުޢިއްއުޒު ފުލެޓުދީފަ!ކޮބައިތޯ އިންސާފު.
ވަހީދު
08 November 2018
ޖަޒީރާކޮށް ހިންގަން ހާދަ ފައިސާއެކޭ މި ބޭނުންވަނީ.
ރައްޔިތުން
08 November 2018
ހުރިހާ ކަމެއް މާލެއަށް ..ރާއްޖެތެރޭ ނެތް
ބޭގަރާރުދިލްބަހާރު
08 November 2018
ތިޔަ ބަޖެޓުގައި އޮތީ ކޮންއެއްޗެއްތޯ ބަލާލާހިތުން ކެތްމަދުވެފައި މިހުންނަނީ..ހީވަނީ އިބޫގެ ބަޖެޓު ވ ކަމުދާނެހެން
މިޙަ
08 November 2018
އާދެ. އެންމެ ބޮޑު ބަޖެޓް. ކިހާ ވަރެއްބާ ކަޓަކީ
އައިޝަތު
07 November 2018
މިދިޔަ އަހަރުގެ ބަޖެޓުގަ ހިމެނުމަށް އެދެވުނީ މެޓާނިޓަި ވޯޑުތައް ރަގަޅުކުރުމަށް، މާލޭގައި ލައުންޑްރީ މެޓް ހެދުމަށް އަދި ދިވެހި ކެއުން ލިބޭ ފުޑްކޯޓެއް އަޅާ ދިނުމަށް. މެޓާނިޓީ ވޯޑްތައް ރަގަޅު ކުރުމަށް މަސައްކަތް ކުރެވުނު ކަމެއް ނޭގެ، މާލޭގައި މަލްޓި ޕާޕޯސް ބިލްޑިންގެއް އަޅާ ވާހަކައެއް އޮތް އެކަމަކު އެއީ ލޯންޑްރީމެޓާއި ގުޅުން ހުރިކަމެއް ކަމެއް ނޭގެ. ފުޑްކޯޓު ހިޔެއް ނުވޭ ފީސިބަލްހެނެއް. ޕާކިން ސްޕޭސް އަކަށް އެތަން މާރަގަޅުވާނެ ފީނަގައިގެން .