އައިސްކްރީމް ބައިސްކަލު ހުއްޓުވުމުން 405،000ރ. ދޭން ހުކުމްކޮށްފި

ހައި ކޯޓު: މާލޭގައި އައިސްކްރީމް ބައިސްކަލުގައި އައިސްކްރީމް ވިއްކުމުގެ ވިޔަފާރި ހުއްޓުވި މައްސަލާގައި ބަދަލު ދޭން ވަނީ އަމުރު ކޮށްފައި -- މިހާރު/ފޮޓޯ

މުއިއްޒު އިބްރާހިމް، މިހާރު

14 ނޮވެމްބަރ 2018 - 12:51

12 comments

އައިސްކްރީމް ބައިސްކަލުތަކެއްގައި އައިސްކްރީމް ވިއްކުމުގެ ވިޔަފާރި މީހަކު ކުރަމުން ދަނިކޮށް، މާލޭ ސިޓީ ކައުންސިލުން އެކަން ގާނޫނާ ޚިލާފަށް ހުއްޓުވި މައްސަލައިގައި ގެއްލުމުގެ ބަދަލަށް އެ މީހާ އަށް 400،000ރ. ދައްކަން ހައި ކޯޓުން އަމުރުކޮށްފި އެވެ.

މީގެ ހަތް އަހަރު ކުރިން 2011 ގައި މާލޭގައި އައިސްކްރީމް ބައިސްކަލުތަކެއްގައި މީހަކު އައިސްކްރީމް ވިއްކުމުގެ ވިޔަފާރި ކުރަމުން ދަނިކޮށް އޭރުގެ މާލޭ ސިޓީ ކައުންސިލުން ވަނީ އެކަން ހުއްޓުވައިފަ އެވެ. އެ މައްސަލައިގައި 2012 ގައި ސިވިލް ކޯޓުން ހުކުމް ކޮށްފައި އޮތީ އެ ވިޔަފާރި ހުއްޓާލަން އެންގުމުގެ ބާރު ސިޓީ ކައުންސިލަށް ނޯންނާނެ ކަމަށެވެ. އެކަމަކު ގެއްލުމުގެ ބަދަލު ހޯދަން ބައިސްކަލްތަކުގެ ވެރިފަރާތުން ދައުވާ ކުރުމުން ސިވިލް ކޯޓުން ނިންމާފައި އޮތީ ގެއްލުމުގެ ބަދަލު ނަގައިދެވެން ނެތް ކަމަށެވެ.

އެ މައްސަލަ އެ މީހާގެ ފަރާތުން އިސްތިއުނާފް ކުރުމުން ހައި ކޯޓުން އިއްޔެ ހުކުމްކުރީ ގެއްލުމުގެ ބަދަލަށް 405،000ރ. އެ މީހާ އަށް ދިނުމަށެވެ. އެ މީހާގެ ފަރާތުން އެދުނީ 1.1 މިލިއަން ރުފިޔާ ގެއްލުމުގެ ބަދަލަށް ނަގައިދިނުމަށް ކަމަށް ވިޔަސް، ހައި ކޯޓުގެ ހުކުމުގައިވަނީ ހުށަހެޅި ހެކިތަކަށް ބަލާއިރު އެ މިންވަރަށް އޭނާ އަށް ގެއްލުން ލިބުނު ކަން ސާބިތުނުވާ ކަމަށެވެ.

އެކަމަކު އެ ވިޔަފާރި ހުއްޓުވާލުމުން އެ މީހާ އަށް ލިބުނު ގެއްލުމަށް އަދުލުވެރި ބަދަލެއް ދިނުމުގެ ގޮތުން ހައި ކޯޓުން ނިންމީ އޭނާ އެ ވިޔަފާރި ކުރި އިރު ދުވާލަކަށް ލިބުނު އާމްދަނީ ރޭޓުން 90 ދުވަހަށް ވާ ފައިސާ ބަދަލުގެ ގޮތުގައި ނަގައި ދިނުމަށެވެ. ގެއްލުމުގެ ބަދަލަށް ހަތަރު ލައްކަ ރުފިޔާ ކަނޑައެޅީ އެ ގޮތަށް ހިސާބު ހެދުމަށް ފަހު އެވެ.

އެ މައްސަލަ ބެއްލެވި ތިން ފަނޑިޔާރުންގެ އިއްތިފާގުން ކުރި ހުކުމުގައި މާލޭ ސިޓީ ކައުންސިލްގެ މައްޗަށް އަންގާފައިވަނީ 405،000ރ އެއް މަސް ތެރޭގައި ދެއްކުމަށެވެ.

އެ މައްސަލަ ބެއްލެވީ ފަނޑިޔާރު ޝުއައިބު ހުސައިން ޒަކަރިއްޔާގެ އިތުރުން ފަނޑިޔާރު ހުސައިން ޝަހީދު އަދި އިސް ފަނޑިޔާރު ޝުޖާއު އުސްމާނެވެ.

ހައި ކޯޓް މާލެ ސިޓީ ކައުންސިލް ސިވިލް ކޯޓް

12 ކޮމެންޓް, 80 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އައިސްމޭން

14 November 2018

90 ދުވަސް ތެރޭ 4 ލައްކަ؟ ނިކުންނަންވީ ދޯ އައިސްކްރީމު ހިފައިގެން!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުސެއިން

14 November 2018

އުހުނ. ކަލޭ ނުނިކުންނާތި. މާ ބޮޑަށް މުއްސަނދި ވެދާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފޫހި

14 November 2018

އަހަންނަށް އޮޅުން އަރަނީ މަގުމަތީގައި ހުއްދަނެތި ވިޔަފާރިކުރުން އެއީ ހުއްދަކަމެއްތޯ މި ލިއުމުން ސާފުނުވާތީ، އެމީހާ އެ ވިޔަފާރިކުރީ ހުއްދަނަގައިގެން ކަމުގައިވާނަމަ އެފަދަ ހުއްދަ އެހެންމީހުންނަށްވެސް ދޭންޖެހޭނެ. މިއީވާ ގައުމެއް. ހުޅުމާލޭގައި ބިމުގެ ކުލި އިންތިހާއަށް ބޮޑުއިރު އެއޮށްހިތްފަސޭހަ ބޮޑު ބިޔަ ބީޗްގައި ވަރުގަދައަށް ހިލޭ ވިޔަފާރިކުރަން ވަނީ ހުއްދަ ދީފަ. ސުވާލަކީ ބީޗަށް ހިތްހަމަޖައްސާލަން ދާނެ ތަނެއް އެބައޮތްބާއޭ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފޮނިކަލޯ

14 November 2018

އަޅުގަނޑު މެން ނިކަމެތިވީމަ "މީރާއިން" ބޭނުންހާގޮތެއް ހަދައި އަޅުގަނޑުގެ ކުޑަ ކުޑަ ވިޔަފާރިޔަކުން ތިންލައްކަ ރުފިޔާ ޖޫރިމަނާ ކޮށް އެދައްކައި މިޔަދު މިތިބީ ކުރާނެ ކަމެއްނެތި ހަދާނެ ގޮތްހުސްވެފަ ، ސަރުކާރުން ނިކަމެތި މީހުން އަދިވެސްދަނީ އިތުރައް ނިކަމެތި ކުރަމުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮރެންޖް

14 November 2018

2011ގައި ވެރިއަކަށް ހުރީ ރައީސް ނަޝީދު. ސިޓީ ކައުންސިލް ވެސް އެމްޑީޕީގެ ދަށުގަ. ޖަޒީރާ ރާއްޖެ މިއަށްވުރެ ތަފާތުވާނެތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

55559

14 November 2018

ނާހަމަ ތެދެެއް...90 ދުވަސް ތެރޭގައި އައިސް ކްރީމް ވިއްކައިގެން 400000 ރުފިޔާ. ނަމަނަމަ މި އުޅޭ މަހުޖަނުން ގާތު ނުބުނާތި...އެ ވިއްކަން ވެސް ފަށާފާނެ ގާސިމު ވެސް...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙާލި

14 November 2018

މޭޔަރުސިފާ އިސްތިއުފާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގުދޯ ވޯލްޑް

14 November 2018

އޭރު ހުންނަވާނީ ސަރަނގު އާދަމް މަނިކް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސޭކުބެ

14 November 2018

މިކަހަލަ ހުކުންތައް ދެފަހަރު ދެގޮތަށް ކުރާތީ މައްސަލައަކީ. މީހަކު ރިސޯޓެއް ހެދުމަށްޓަކައި ރަށެއް ކުއްޔަށް ހިފަން ދައުލަތަށް ފައިސާ ދައްކަން ބޭންކުން ލޯނެއް ނަގައިފަވަނިކޮއް އެގްރީމެންޓާ ޚިލާފަށް ރަށް ވަކިކުރުމުން ފަހުން ކޯޓުން އެރަށް އެމީހާއަށް ހަވާލުކުރުމަށް ހުކުންކޮށް ގެއްލުމުގެ ބަދަލުދޭން ނިންމި ހުކުމުގައި އެމީހާއަށް ލިބެނީ ހަމައެކަނި 6%ގެ ރޭޓުން ލޯނަށް ދައްކަންޖެހޭ ފައިސާކޮޅު އެކަނި. 13% ލޯނަށް ދައްކަންޖެހޭ. އަދި ކޮބާ ވިޔަފާރީގެ ފައިދާ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޭބީ

14 November 2018

405،000ރ ގެ ބަދަލަކަށް ހުކުމް ކުރިކަމަށް މިއޮތީ.... ލިޔުމުގައި ދެން މިއޮތީ.... މާލޭ ސިޓީ ކައުންސިލްގެ މައްޗަށް އަންގާފައިވަނީ 400،000ރ އެއް މަސް ތެރޭގައި ދެއްކުމަށެވެ...... ބާކީ 5،000ރ އަށް ވާންވީ ކިހިނެތް؟