15 ނޮވެމްބަރ 2018 - 21:14
14 comments
އާސަންދަ ކުންފުންޏާ ހަވާލުކޮށްގެން ހުޅުމާލެ ހޮސްޕިޓަލް ހިންގަން ފެށި ފަހުން ވޭތުވެދިޔަ ދެ އަހަރުގެ ތެރޭގައި އާސަންދަ ސްކީމުން 193 މިލިޔަނަށް ވުރެ ގިނަ ފައިސާ ހުޅުމާލެ ހޮސްޕިޓަލަށް ޚަރަދުކޮށްފައިވާ ކަމަށް އޮޑިޓް ރިޕޯޓުގައި ބުނެފި އެވެ.
އޮޑިޓާ ޖެނެރަލް ހަސަން ޒިޔަތު ސޮއި ކުރައްވައި އެ އޮފީހުން މިއަދު ނެރުނު ރިޕޯޓުގައި ބުނެފައިވާ ގޮތުގައި ހުޅުމާލެ ހޮސްޕިޓަލްގެ ޚަރަދުތައް މިދިޔަ އަހަރުގެ ނިޔަލަށް ވެސް ކޮށްފައި ވަނީ އާސަންދަ އިންނެވެ. އާސަން އިން ޚިދުމަތް ދިން ސިއްހީ މަރުކަޒުތަކަށް ދޭން ޖެހޭ ފައިސާ ނުދެވި ލަސްވެފައި ވަނީ އެހެންވެ ކަމަށް ވެސް އެ ރިޕޯޓުގައިވެ އެވެ.
އާސަންދަ އިން ހުޅުމާލެ ހޮސްޕިޓަލަށް ޚަރަދުކޮށްފައި ވަނީ، އެތަނުގެ ކެޕިޓަލް ޚަރަދުތައް ކުރަން 2016 ގައި 260 މިލިޔަން ރުފިޔާގެ ބަޖެޓެއް ވެސް ފާސްކޮޮށްފައި ވަނިކޮށެވެ.
ނަމަވެސް އާސަންދަ ކުންފުނިން އޮޑިޓް އޮފީހަށް މައުލޫމާތު ދީފައި ވަނީ އެގޮތަށް ހަރަދުކުރަން ޖެހުނީ ބަޖެޓްކުރި ފައިސާ އެ ކުންފުންޏަށް ދޫކޮށްފައި ނުވާތީ ހުޅުމާލެ ހޮސްޕިޓަލްގެ ހިދުމަތްތައް މެދު ނުކެނޑި ކުރިއަށް ގެންދިއުމަށް ކަމަށެވެ.
އޮޑިޓް ރިޕޯޓުގައި ބުނެފައިވާ ގޮތުގައި 2016 ވަނަ އަހަރާއި 2017 ވަނަ އަހަރު، ހުޅުމާލެ ހޮސްޕިޓަލަށް ބައެއް ތަކެތި ހޯދާފައި ވަނީ ލިބެން ހުރި ވަރަށް ވުރެ އަގުބޮޑުކޮށެވެ. އަދި ބައެއް ސާމާނު ހޯދާފައި ވަނީ ބޭނުން ކުރާނެ އިންތިޒާމު ވެސް ހަމަ ނުޖައްސައި ކަމަށް ރިޕޯޓުގައިވެ އެވެ. އެގޮތުން 5.7 މިލިޔަން ރުފިޔާ އަށް އެސްޓީއޯ މެދުވެރިކޮށް ހޯދެން ހުރި ތަކެތި އެހެން ބަޔަކު މެދުވެރިކޮށް 6.2 މިލިޔަން ރުފިޔާ އަށް ހޯދާފައިވާ ކަން ރިޕޯޓުގައި ފާހަގަކޮށްފައި ވެ އެވެ. އަދި ބޭނުންކުރާނެ އިންތިޒާމް ހަމަޖެހުމުގެ ކުރިން ހޯދި ތަކެތީގެ އަގު 81.6 މިލިޔަން ރުފިޔާ އަށް އަރާ ކަމަށް ވެސް ރިޕޯޓުގައިވެ އެވެ.
ހޮސްޕިޓަލަށް ސޮފްޓްވެއާއެއް ތައްޔާރުކުރި އިންޑިއާގެ ކުންފުންޏަކަށް 350،000 ޑޮލަރު ދިން އިރު އެ އަދަދަށްވާ ދިވެހި ފައިސާ ހޭދަކޮށްފައި ވަނީ އެމްއެމްއޭއިން ކަނޑައަޅާފައިވާ ރޭޓަށް ވުރެ ބޮޑުކޮށް ކަމަށް ވެސް ރިޕޯޓްގައި ފާހަގަކޮށްފައި ވެ އެވެ.
އެއްފަހަރާ ކުރެވެން ހުރި ބައެއް މަސައްކަތްތައް ބައި ބަޔަށް ބަހާލައި އެކި ފަރާތްތައް ލައްވާ ކުރުވާފައިވާ ކަމަށް ވެސް ރިޕޯޓުގައިވެ އެވެ. އެގޮތުން ބައިބަޔަށް ބަހާލައިގެން ކޮށްފައި ވަނީ 1.8 މިލިޔަން ރުފިޔާގެ މަސައްކަތެވެ. މަސައްކަތްތައް ކުރުވި ފަރާތްތަކަށް އެޑްވާންސް ފައިސާ ދީނުމުގައި ވެސް ހުޅުމާލެ ހޮސްޕިޓަލުން އަމަލުކޮށްފައި ވަނީ ރަނގަޅަށް ނޫން ކަން ރިޕޯޓުން އެނގެ އެވެ. އެގޮތުން މަސައްކަތުގެ އަގުގެ 50 ޕަސެންޓަށް ވުރެ އިތުރަށް އެޑްވާންސްކޮށް ދީފައި ވާއިރު ފައިސާ ދޫކޮށްފައި ވަނީ ބޭންކް ގެރެންޓީއެއް ވެސް ނުހޯދަ އެވެ.
ރިޕޯޓުގައި ބުނެފައި ވަނީ ހެލްތު އިންސުއަރެންސް ސްކީމްގެ ފައިސާ ނުގުޅޭ ކަންކަމަށް މިގޮތަށް ހަރަދުކުރާ ނަމަ ހިދުމަތްދޭ ތަންތަނަށް ދޭން ޖެހޭ ފައިސާ ލިބުން ލަސްވެ، ހުސްނުވާ އާސަންދައިގެ ހިދުމަތް ކުރިއަށް ގެންދަން ދަތިވެދާނެ ކަމަށް ދެކޭ ކަމަށެވެ.
"...މިގޮތަށް އާސަންދަ ސްކީމްގެ ބިލްތަކަށް ފައިސާ ދެއްކުމަށް ސަރުކާރުން ދޫކުރާ ފައިސާއިން ސްކީމާ ނުގުޅޭ ޚަރަދުތައް ކުރުމުން ހެލްތު އިންޝުއަރެންސް ސްކީމްގެ ބިލްތަކަށް ފައިސާ ދެއްކުމުގައި އާސަންދަ ކޮމްޕެނީއަށް ދަތިތަކާ ކުރިމަތިވާނެކަމުގައި ދެކެމެވެ،" ރިޕޯޓުގައި ބުނެފައި ވެ އެވެ. އަދި އާސަންދައިގެ ހިދުމަތް ފޯރުކޮށްކޮށްދޭ ފަރާތްތަކަށް ލިބެން ޖެހޭ ފައިސާ ލިބުން ލަސްވަމުން ދާނަމަ އެފަރާތްތަކުން ފޯރުކޮށްދޭ އާސަންދައިގެ ޚިދުމަތަށް ބުރޫ އަރައި، ސަރުކާރުގެ ސިޔާސަތާ އެއްގޮތަށް ދިވެހިރާއްޖޭގެ ހެލްތު އިންޝުއަރެންސް ނިޒާމު (ހުސްނުވާ އާސަންދަ) ކުރިއަށް ގެންދިއުމުގައި ގޮންޖެހުންތައް ކުރިމަތިވުމުގެ ފުރުސަތު އޮތްކަން ފާހަގަކުރަމެވެ،"
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މާންބެ
16 November 2018
ހުޅުމާލެ ހޮސްޕިޓަލް ސޮފްޓްވެއާރ އިދިވެސް އެއްކޮއް ޑެލިވާރ ނުކުރޭ، ނިމިފައިވާ ބައިތަކައް ބަލާއިރު ސޮފްޓްވެއާރ ސިފަވަނީ 1990ގެ އަހަރުތަކުގާ ހަދާފައިވާ އެއްޗެކާ!
އަޙްމަދު
16 November 2018
އާސަންދަ އަކީ ބަޔަކު މީހުން ވައްކަން ކުރާން ހަދާފައިވާ މުއައްސަސާއެއް!!
އޮނުތޫރި
16 November 2018
ފެމުނުގެ ބަނޑެއް ނުފުރޭނޭ ކިޔާދޯ
ދިލް
16 November 2018
ޔާމީން ސަރުކާރުގަ ހުޅުމާލެ އަކީ މެޑަމް ފާތުންގެ ހިތް، ރޯދަވީއްލުންތަކާއި ތަރާވީސްތަކާއި، ސަދަގާތު ފައުންޑެޝަންގެ ޙަރަކާތްތަކާއި، ހިތާނީ ކޭމްޕާ މިހެން ދެން ކިޔާނެކަމެއްނެތް. ޥީއިރު ދެން ކަން ހުންނާނޭ ގޮތް މިހިތަށްއަރަނީ.
ޙުސްއަނި
16 November 2018
ތިނޫން ދިމާލެއް މި ގައުމުގަ އެބަހުރިތަ؟މުޅިންވެސް ތަންތަނުގެ ވެރިންނަށް ލާފަ ތިބި މީހުންގެ ނާގާބިލުކަން ފެންނަނީ.. ޑަބަލް ކޯސްޓުގަ ކަން ކަން ކޮށްފަ ހުރީ ވާއެއް ނުވާއެއް ނޭގޭ ކަހަލަ.ފައިދާ އެއް ގެއްލުމެއް ނުބަލާ މަޖްލީހުން ބިޑް ކުރުމުގެ އުސޫލަށް ބަދަލު ގެނެސް އެފަދަ ފަރާތްތަކަށް ފުރުސަތު ލިބޭގޮތަށް ކަން ކޮށްފަ ހުރީ ކާކު ބުނެގެން ކަން އިގޭނީ ހަމަ އެކަން ކުރި ބަޔަކަށް.
ޙުޅުމާލެ
16 November 2018
މުވައްޒަފުންގެ އިތުރުގަޑީގެ ފައިސާ ކަނޑާ ދަތިކުރަމުން ދަނީ.ެކމަކަު ވެރިންނށް އޯޓީ ލިބޭ.ހަދާނުނިމި ބޭނުންކުރަން ނުފަށާ ސޮވްޓްވެއްރ އަކަށް ތިވަރަށް ޚަރަދުކޮށްލީ.ހުޅުމާލެ ހޮސްޕިޓަލުގައި ބޭނުންކުރަނީ އައިޖީއެމްެޗް ގެ ސޮވްޓްވެއަރ އެއް.3އަހަރުވީ މީހަކަު ގެނެސްގެން ތިއެއް ހާވާތާ.ނިކަން މިވާހަކަވެސް ގެނެސްދީބަލަ
ސަނަދު
16 November 2018
ކޮބާ ޑުރައިވަރު އަތުން ހަލާކުވި ކާރު ހެދުމަށާ ތަކެތި ހަރުކުރަން ހެދީ ކިހިނެތް؟ ހޮސްޕިޓަލުގައި ބޭނުންކުރާ ހުރިހާ ވެހިކަލް ތަކެއްގެ އާސަންދަ ސްޓިކާ ނައްޓާލީ ޕީޕިއެމް ކެމްްޕޭންގައި ބޭނުންކުރަން.މިހާރު ކޮންމެ ވެރިޔަކު ކޮންމެ ތާކަށް ދާންޖެހުނަސް ކާރުގައި ގޭދޮށަށް ދަނީ.ސަރުކާރު ޚަރަދުގައި އަމިއްލަ ދަތުރު
ޙެއްރަބޭ
15 November 2018
9 މަސްވީއިރު އާސަންދައިގެ އެންމެ ރުފިޔާއެއްވެސް ނުލިބިގެން މިއުޅެނީ. މިލިޔަނަކާތްވެއްޖެ. ޚިހިނެއް މިކަންކުރަނީ.
ޢަބްދުﷲނާފިޒް
15 November 2018
ހޮސްޕިޓަލަށް ސޮފްޓްވެއާއެއް ތައްޔާރުކުރި އިންޑިއާގެ ކުންފުންޏަކަށް 350،000 ޑޮލަރު ، އެކަމަކުވާ، ރަނާ ޖަވާހިރުން ތައްޔާރުކުރި ސޮފްޓްވެއާއެއްތަ! ކިތައް މީހުނަށް ހަދިޔާ ލިބުނުބާ!
ބޮޑު ބަންޑާރަ
15 November 2018
މިތަނަކީ ވަކި ކަނބަލެއްގެ އޯޑަރަށް ހިންގިތަނެކޭ ބުނާއަޑުއެހިން . އަދި ދެވެރިޔަކު އެކަކު އަނެކަކަށްވުރެ ބާރުގަދަ ކުރަންއުޅެނިކޮށް ކަނބަލަކު އެންގި ގޮތައް އިސްވެރިން ހަމަޖެއްސިވާހަކަވެސް އެހިން . މިކަހަލަ ކަމަކާކަން މިއޮތީ އެނގިފަދޯ
ޓަކުރު
16 November 2018
އެއީތެދެއް.4މަސްވަންދެން ފުލްމުސާރަދީފަ ކެމްޕޭނަށް ފޮނުވާފަތިބި ކިތައްމީހުން ތިބި.ޕަންޗް ކޮށލީމަ ފުލް އޯޓީ .ރައްޔިތުންނަށް ޚިދުމަތްދޭން ތިބި މީހުންނށް ނޯ އޯޓީ.އަނެއކާ އެގުރޫޕު އެހާތަނަށް ގަދަ.އިންޓަވިއުކުރުމެއް ނެތި އެތިބަ ވައްދާލަނީ ޖަގަހައިގަ އުޅޭކުދިންކޮޅު.
ނަލީ
16 November 2018
ކަމަށް އެކަށީގެންނުވާ ވެރިން ހަމަޖައްސައިގެން ތަން ހަލާކުވީ.