އިންތިހާބީ ރައީސް އިބޫ(ވ) އާއި ރައީސް ޔާމީން (ކ)
16 ނޮވެމްބަރ 2018 - 22:41
157 comments
ކުރިއަށް އޮތް ފަސް އަހަރަށް ރައީސް ކަމަށް އިންތިޚާބު ކޮށްފައިވާ އިބްރާހިމް މުހަންމަދު ސޯލިހް (އިބޫ) އާއި އިންތިޚާބީ ނައިބު ރައީސް ފައިސަލް ނަސީމް ހުވާ ކުރެއްވުމުގެ ރަސްމިއްޔާތުގައި މިހާރުގެ ރައީސް އަބްދުﷲ ޔާމީން ބައިވެރިވެވަޑައި ނުގަންނަވާ ގޮތަށް ހަމަޖައްސައިފި އެވެ.
ރައީސް ޔާމީންގެ ތަރުޖަމާން އިބްރާހިމް މުއާޒް ކުރެއްވި ޓްވީޓެއްގައި ވިދާޅުވީ، ގަލޮޅު ދަނޑުގައި ބާއްވާ ބޮޑު ރަސްމިއްޔާތުގައި ރައީސް ޔާމީން ބައިވެރިވެވަޑައިނުގަންނަވަނީ "މިއަދާ ހަމައަށް ދިވެހި ރާއްޖޭގެ ރައްޔިތުންގެ ބޮޑު ހައްގެއް ގެއްލި، އިންސާފު ނުލިބިފައިވާ ކަމަށް ގަބޫލުފުޅު ކުރެއްވޭތީ އާއި އެމަނިކުފާނަށް ތާއީދު ކުރައްވާ އެތައްް ހާސް ސަޕޯޓަރުންގެ އެދިވަޑައިގަތުމަށް އިހުތިރާމް ކުރެއްވުމުގެ ގޮތުން" ކަމަށެވެ.
މާދަމާ ހަވީރު 5:00 ގައި ބާއްވާ މި ރަސްމިއްޔާތަށް މިހާރު އަންނަނީ ތައްޔާރުވަމުންނެވެ. މި ރަސްމިއްޔާތުގައި ދުނިޔޭގެ އެންމެ އިސް ލީޑަރެއްގެ ގޮތުން ބައިވެރިވެ ވަޑައިގަންނަވާނީ އިންޑިޔާގެ ބޮޑުވަޒީރު ނަރެންދުރަ މޮދީ އެވެ. މީގެ އިތުރުން ހަމަ މި ރަސްމިއްޔާތަށް ސްރީ ލަންކާގެ ކުރީގެ ރައީސް ޗަންދުރިކާ ބަންޑާރަނަޔަކަ މިއަދު ވަނީ ރާއްޖެ ވަޑައިގެންފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަހަރުމެންގެ ހައްގު
18 November 2018
ސާބަހޭ ރައީސް ޔާމީން! ތެން ކިޔޫ ޔާމީން! ތީ މޭން އެއް!
ABDULLLAH JALEEL
17 November 2018
މިއަދަކީ ޔާމީނުގެ ސިޔާސީ ހަޔާތުގެ ޖަނާޒާ ދުވަސް. ޔާމީނު މިރާއްޖޭގެ ރައްޔިތުންގެ މަޖްލިސްގެ އެއްވެސް ދާއިރާއަކަށް ނޮހޮވޭނެ. އަދި ޔާމީނަކީ ސިޔާސި ޕާޓީއެއް ހަދާލެވޭވަރުގެ ހިތްވަރެއް ހުރިބޭފުޅެއްވެސް ނޫން. ދެންނެވޭނީ ޔާމީނަށް އޮތީ ވަރަށް ބަނަ ދުވަސް ވަރެކޭ. ޔާމީނު ތިޔަ އަނަދަވަޅަށް ވެއްޓުމުގެ އަސްލަކީ އަނިޔާވެރިކަމާއި، ބޮޑާކަން.
އެޔާމީނު
17 November 2018
ގަޓު ހުރި މީހުން ބޭރުގައުމުތަކުގައި ތިބެފައި ބްރިޖަށް ނާރާނަމޭ ކިޔާފައި ކަނޑުމަގުން މާލެ އެރީ، ދުވަސް ކޮޅަކުން އެއްކަލަ ބްރިޖު ބަންދުކޮށްގެން ތިމާމީހުން އެކަނި ބްރިޖުން ދަތުރު ކުރީ. އަނެއްކާ ބްރިޖު ހުޅުވި ރަސްމިއްޔާތަށް ނުގޮސް އެމީހުންގެ ބޮޑުވަޒީރު ބްރިޖު މަތިން އުފުލިއިރު މިމީހުން ލަދެއް ނުގަނޭ. ކޮބާ ގަޓު ހުރުމަކީ.
އައިމޮން
17 November 2018
ބަލަ ބުރިޖު އެޅީކީ ޔާމިނާ ފާތުމަގެ އަމިއްލަ މުދާ މޯގޭޖްކޮށްފަ ނެގި ލޯނަކުން ނޫން އިނގޭތޯ؟ ދިވެހި ފަސްފަނޑަށް އުފަން، އަދި ކުރިއަށް އުފަންވާންތިބި ދިވެހި ކުދިބޮޑު ހުރިހާ ރައްޔިތުންގެ ބޮލުގައި ބޮޑުވެގެންވާ ދަރަނި އަޅުވާފަ، ދައުލަތުން ނެގި ލޯނުތަކުން! އެހެންވެ ދިވެހި ކޮންމެ ރައްޔިތަކަށްވެސް ބުރިޖު ބޭނުންކުރެވޭނެ! އެއީކީ ދަރުބާރު ފެކްޝަނަށް ނިސްބަތްވާ މީހުންގެ އެކަނި އެއްޗެއްނޫންކަން ގަބޫލުކޮށްބަލަ މޮޔަ ވާހަކަ ނުދައްކާ!!
ޝާއިރާ
17 November 2018
ވަހީދު ހުވާކުރި އިރު އަންނި އެރަސްމިއްޔާތަށް ވަޑައިގެންނެވިތޯ؟ ޔާމީނަށް މަލާމާތް ކުރަން ލަދުގަންނަން ޖެހޭނެ. އެވަރުގެ ތަރައްޤީއެއް އަދި ދިވެހި ތާރީޚުން ނުފެނޭ.
ބެއްޔާ
17 November 2018
ޔާމީނު މިއަދު އޮތީ މޮޅިވެރި ކަމުގެ ސާލު ލައިގެން އާރަށުގައި! އޮވެފަ މީހާރު ހުންނެވީ ގޭގަ ހަމަ އެސާލު ލައިގެން! ގަޓެއްނުހުންނާނެ! ދެން އަވަހަށް ކުދިންކޮޅެއް ނެރިގެން ބޮލުގަ ފޮތި އައްސައިގެން ދީނޭ ކިޔާ މުޒާހިރާ ކުރަން ނިކުމޭ! އެކަންވެސް ނެތް ކުރެވޭކައް! މުޒާހިރާ ކުރާ ގަވައިދު އަމިއްލަޔަށް އެކުލަވާލާ! އެއެކުލަވާލި ޤަވައިދު މިހާރު ވަނީ އަމިއްލަ ލޮލަށް ހެރިފަ! މުޒާހިރާ ކުރާއިރަށް އެސްއޯ ފުލުހުން ފޮނުވާނަން!
އެޔާމީނު
17 November 2018
ވަހީދަށް ހުވާ ލައިދިނީ އަންނިތަ؟
ޙާލުގެ ދުލުން
17 November 2018
ބަޔަކުންނަށް ހަޖަމްވިޔަސް ނުވިޔަސް ރައީސް ޔާމީން އަކީ މިޤައުމު ދެކުނު އެންމެ ހިތްވަރުގަދަ ކެރޭ ރައީސް.ހުރިހާ ކަމެއްގައިވެސް
ޢަބްދުﷲނާފިޒް
17 November 2018
ޔާމީން ބައިވެރިވެވަޑައިނުގަންނަވަނީ "މިއަދާ ހަމައަށް ދިވެހި ރާއްޖޭގެ ރައްޔިތުންގެ ބޮޑު ހައްގެއް ގެއްލި، އިންސާފު ނުލިބިފައިވާ ކަމަށް ގަބޫލުފުޅު ކުރެއްވޭތީ" ތަރުޖަމާނު މުއާޒު، އެހެންވީމަ ތިކަމުގެ ފުރިހަމަ ޒިންމާ ރ ޔާމީނު ނަންގަވަންޖެހޭނެ، މިނިމުނު ފަސް އަހަރު ވެރިކަމުގަ ހުރީ ރ ޔާމީނު ރައްޔިތުންގެ ހައްޤު ގެއްލުނީ ރ ޔާމީނުގެ ވެރިކަމުގަ ރައްޔިތުންނާ ދޭތެރޭ އޭނާ ކަންކޮށްފަ ވާގޮތުން، ވަރަށް ސަލާމް.
މަރޭމިތުރާ
17 November 2018
ގައުމީ ލަދެއް ޔާމީނު ލައިމިގަތީ! ގައުމުގެ ރަސްމިއްޔާތައް ދާން ނުކެރިކަތީ!
ކޮކްޓެއިލްރައީސް
17 November 2018
އެކަމަކު ގަޓު ރާއިސް އޯ، މީ ކަޓު ރައީސް އެއް ނޫންބާ!
އެޔާމީނު
17 November 2018
އަންނިގެ ވެރިކަން ރައްޔިތުން ނުކުމެ ވައްޓާލީމަ ނުގަންނަ ލަދެއް ޔާމީން ގަންނާކަށް ނުޖެހޭނެ. އެންމެ ފަހު ދުވަހަކީ މިއަދު. މިއަދު ވެސް ޔާމީންގެ ސަރުކާރުން ބޯހިޔާވަހިކަން ރައްޔިތުންނަށް ޔަގީންކޮށްދެވޭތޯ މަސައްކަތް ކުރި. ތާރީޚު ލިޔާ މީހުންގެ ސަފްހާތައް ފުރާލާނީ ތަރައްޤީގެ މަޝްރޫއުތަކުގެ ވާހަކައިން. ޖަލަށްވަން މީހުންނާއި ހައްޔަރުވި މީހުންގެ ވާހަކަ ނުލިޔާނެ، އެކަންކަން ފެންނަން ވެސް ނޯންނާނެ.
Dhaandhoo
17 November 2018
ޙިއްވަރެއް ، ބުންވަރެއް ، އަދި ހަރުދަނާ ކަމެއްވެސް ނެތްމީހަކަށް ނުކެރޭނެ ތިވަރު ކަމެއް ކުރާކަށެއް
އެޔާމީނު
17 November 2018
ހިއްވަރު ހުންނަ މީހުން ނުދާނެ ތިމާމީހާއަށް ވަގަށް ގޮވާ އައުގުރާނަ ގޮވާމީހުންގެ ފަހަތުން އަތްޖަހަން. އަމިއްލަ ނަފްސަށް އިހްތިރާމް ކުރާ މީހަކު ނުދާނެ ތިމާއި އަނބިދަރިންނަށް މަލާމާތްކޮށް ލަވަހަދައިގެން އެލަވަ ކިޔާމީހުންގެ ފަހަތުން. ހަމަހޭގައި ތިބެގެން ވާހަކަ ދައްކަބަލަ.
އެޔާމީނުގެބޯއި
17 November 2018
ލަވަހަދައި ވަގަށްގޮވައި މަލާމާތްކުރަނީ ހަމަ އެއްވެސްް ހައްގަކާއި ނުލައި ވިއްޔާ. ޖަލުތައް ފުރާލީ. މުޅިރާއްޖޭގައި ހުސް ޓެރަރިސްޓުން. އަރިހުގައި ތިބި ދެތިން މީހަކު ފިޔަވައި އެކުގައި މީހަކު ނެތް. ހިންގި ހުރިހާ ޕްރޮޖެކްޓެއް ހިންގާފައިއޮތީ ހެދި ނެހެދިއެއް ނާންގާ. މުޅިރާއްޖޭގައި އޮތީ ބިރުވެރިކަން. މުޅިދުނިޔެއާއި އޮތީ ގުޅުން ކެނޑިފައި.
ފޮނިޓައްޕު ހަސަނު
17 November 2018
ހާދަަ ގަޓެއް ނެތޭ.
އެޔާމީނު
17 November 2018
ގަޓު ހުރުމަކީ ތާކަށް ދިއުމާއި ނުދިއުމެއްނޫން. ޤާނޫނާއި ޚިލާފުވާ މީހުންނަށް މޫނަށް ކަނދުރާއަކަށް ނުބަލާ އެއޮންނަ އަދަބެއް ދޭން ކެރޭ މީހުންނަކީ ގަޓު ހުންނަ މީހުން. ބޭރުގެ ބާރުތަކަށް ގައުމު ދީލާނުލާ މީހުންނަކީ ގަޓު ހުންނަ މީހުން. އެމީހުންނަށް ފަހުން ވެސް އިހްތުރާމެއް ލިބޭނީ.