ޕީޖީ ވަކިކުރަން އުޅެނީ މެމްބަރުންނާ މެދު އަމަލުކުރި ގޮތުން

ޕީޖީ ބިޝާމް: އެކަމަނާ ވަކިކުރަން ހުށަހަޅަނީ މެމްބަރުން ހައްޔަރު ކުރުމާއި ދައުވާ ކުރުމުގައި އަމަލުކުރި ގޮތުގެ ސަބަބުން ކަމަށް ބުނެ -- މިހާރު ފޮޓޯ/ހުސެއިން ވަހީދު

މުއިއްޒު އިބްރާހިމް، މިހާރު

18 ނޮވެމްބަރ 2018 - 23:20

29 comments

ޕްރޮސެކިއުޓާ ޖެނެރަލް އައިޝަތު ބިޝާމްގެ އިތުބާރު ނެތްކަމުގެ މައްސަލަ ރައްޔިތުންގެ މަޖިލީހަށް ހުށަހަޅަން ބޭނުންވަނީ، މަޖިލީހުގެ މެމްބަރުން ހައްޔަރު ކުރުމުގަ އާއި އެ މެމްބަރުންގެ މައްޗަށް ދައުވާ ކުރުމުގައި ޕީޖީ އަމަލު ކުރެއްވި ގޮތުން ކަން "މިހާރު" އަށް އެނގިއްޖެ އެވެ.

ޕީޖީ ބިޝާމް އިސްތިއުފާ ނުދެއްވައިފި ނަމަ، އިތުބާރު ނެތްކަމުގެ މައްސަލަ މަޖިލީހަށް ވައްދާނެ ކަމަށް ސަރުކާރު ކޯލިޝަންގައި ހިމެނޭ މެމްބަރަކު މި ރޭ ވަނީ ވިދާޅުވެފަ އެވެ. އެނގިފައިވާ ގޮތުގައި ބިޝާމްގެ އިތުބާރު ނެތްކަމުގެ މައްސަލަ، އާ ސަރުކާރު ކޯލިޝަންގެ ޖޮއިންޓް ޕާލިމެންޓްރީ ގްރޫޕަށް ހުށަހަޅާ އިރު، އެ މައްސަލައިގައި މައިގަނޑު ގޮތެއްގައި ފާހަގަ ކޮށްފައިވަނީ މެމްބަރުން ހައްޔަރު ކުރުމާއި ދައުވާ ކުރުމުގައި ޕީޖީ އަމަލުކުރި ގޮތުގެ މައްސަލަ އެވެ.

އެގޮތުން މެމްބަރުން ހައްޔަރު ކުރުމުގައި އެކަށީގެންވާ ސަބަބުތަކެއް ހުރިތޯ ޕީޖީ ބައްލަވާފައި ނުވާ ކަމަށާއި މެމްބަރުންގެ އިމްތިޔާޒްގެ ގާނޫނާ ޚިލާފަށް މެމްބަރަކު ހައްޔަރުކޮށް، ބަންދުގައި ހުރި އިރު އެ ކަން ރަނގަޅު ކުރަން ޕީޖީ ވަގުތުން ވަގުތަށް އަންގަވާފައި ނުވާ ކަމަށް ވެސް އެ މައްސަލާގައި ބުނެފައިވާ ކަމަށް އެނގިފައިވެ އެވެ. އަދި ގާނޫނާ ޚިލާފަށް ބައެއް މެމްބަރުންގެ ބަންދުގެ މުއްދަތު އިތުރު ކުރި އިރު ވެސް، އެކަމުގައި ޕީޖީ ފިޔަވަޅެއް އަޅުއްވާފައި ނުވާ ކަމަށް ވެސް ބުނެފައިވެ އެވެ.

މީގެ އިތުރުން މެމްބަރެއްގެ ޣައިރު ހާޒިރުގައި ޖަލު ހުކުމް ކުރި އިރު ވެސް އެކަން ޕީޖީ ހުއްޓުވާފައި ނެތް ކަމަށާއި އެކަން ރަނގަޅު ކުރަން މަސައްކަތް ވެސް ކުރައްވާފައި ނެތް ކަމަށް އެ މައްސަލާގައި ބުނެފައިވެ އެވެ. ޣައިރު ހާޒިރުގައި ހުކުމްކުރީ މަޖިލީހުގެ މިހާރުގެ ރައީސް ގާސިމް އިބްރާހިމްގެ މައްޗަށް މިދިޔަ އަހަރު އެވެ. އެ ހުކުމް ހައި ކޯޓުން މިހާރު ވަނީ ބާތިލް ކޮށްފަ އެވެ.

މެމްބަރުންގެ މައްޗަށް ގާނޫނާ ޚިލާފަށް ޝަރީއަތް ހިންގަމުން ދިޔަ އިރު އެކަން ހުއްޓުވާފައި ނެތް މައްސަލަ ވެސް އެ މައްސަލައިގައި ފާހަގަ ކޮށްފައިވެ އެވެ. އެ ކަންކަމުގެ ސަބަބުން، ޖަލަށް ދާން ނުޖެހޭ ފަރާތްތަކާއި ބަންދުގައި ތިބެން ނުޖެހޭ ފަރާތްތަކެއް ބަންދުގައި ތިބި ކަމަށް އެ މައްސަލާގައި ބުނެފައިވެ އެވެ.

މިދިޔަ ރިޔާސީ އިންތިޚާބުގެ ނަތީޖާ އަށް ފަހު، ބައެއް ދައުވާތައް ޕީޖީން އަނބުރާ ގެނައުމާއި ބައެއް ތުހުމަތުތަކުގައި ބަންދުގައި ތިބި މީހުން މިނިވަން ކުރުމުން، ކުރިން އެ ދައުވާތައް ކުރީ ގާނޫނީ ހުއްޖަތެއް ނެތިކަން ސާފުވާ ކަމަށް އެ މައްސަލާގައި ފާހަގަ ކޮށްފައިވާ ކަމަށް ވެސް އެނގިފައިވެ އެވެ.

ރައްޔިތުންގެ މަޖިލިސް ޕްރޮސެކިއުޓާ ޖެނެރަލް މަޖިލީހުގެ މެމްބަރުން އައިޝަތު ބިޝާމް

29 ކޮމެންޓް, 118 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ފޮނިކަލޯ

19 November 2018

މިއާޓިކަލް ކިޔާލުމުން ދޭހަވޭ ބިޝާމް ކުރަން ޖެހޭ އެއްވެސް ކަމެއް ކޮށްފަ ނުވާކަން ދެން މިހުރިހާދުވަހު މަޤާމުގައި ހުރެ ކުރީ ކޮންކަމެއްބާ.......؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

Watch Dog MV

19 November 2018

ޔާމީން ހިންގި ހުރިހާ ޖަރީމާއެއްގެ އެއް ހިއްސާދާރު ތީ. ވަގުތުން ބޭރުކުރަންޖެހޭ ކަތުރު ފަންޏެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނޫސް ބަލާމީހާ

19 November 2018

ރާއްޖޭގެ ރައްތަކާއި ފަޅު ގިރި ކަނޑު ނަހަމަ ގޮތުގައި ވިއްކުމުގެ ފުރުޞަތު ރައީސްމީހާއަށް ފަހިކޮށްދިން މަޖިލީހުގައި ތިބި މެމްބަރުންނަކީ ރައްޔިތުންނަށާއި ޤައުމަށް ޚިޔާނާތް ތެރިވިބައެއް. މެމްބަރ ކަމުގެ ހުވަޔާ ޚިލާފުވެފައިތިބިބައެއް . މިޖަރީމާ ހިންގި އެއްމެންގެ މައްޗަށް ޝަރީޢަތްކޮށް އަދަބުލިބެންޖެހޭނެ. އަދި އެނގިތިބެ ނުޙައްޤު އަނިޔާގެ ހުކުމްތައްކުރި ފަނޑިޔާރުންވެސް ދޫކޮށްގެންނުވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖައިސާމް

19 November 2018

ޕީޖީ ވަކި ކުރަން ޖެހޭ. އެކަމު ވަކި ކުރަން ޖެހޭ އެންމެ މުހިންމު ސަބަބަކީ މެމްބަރުންނަށް ހެދި ގޮތުންނެއް ނޫން. ބިޝާމު ވަކި ކުރަން ޖެހެނީ އެތަކެއް އާންމު ރައްޔިތުންނަށް ދިން އަނިޔާއާ ޔާމިނު އެޅިހާ ބަތަކަށް ރިހަވީމަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޯލާ

19 November 2018

1 ފެބުރުވަރީ 2018 ގެ ހުކުމަށް ތަބާ ނުވުމަކީވެސް މަގާމުން ވަކިކުރަންޖެހޭ ސަބަބެކެވެ. އެހެން ނޫންނަމަ އަނިލް އާއި ޝިޔާމް އާއި ނަވާޒުގެ މަށްޗަށް ދައުވާ ކުރަން ޖެހޭނެއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝިޒުނާ/ހިތަދު /އައްޑު

19 November 2018

ތިޔަ މީހުންގެ މައްޗަށް އަދި ހަމަ މިއާއި އެކު މަޖިލީހުގައި ތިބޭ މެމްބަރުންގެ މައްޗަށް ޖިނާއި ރތަހުގީގު ހިންގަން އެބަޖެހޭ.. ރާއްޖޭގެ ރައްތަކާއި ފަޅު ގިރި ކަނޑު ވިކުމުގެ މޭންޑޭޓު އެއްވެސް މިހަކަށް ނޯންނާނެ ނަމަވެސް ބާރުއޮވެ ގާނޫނުތައް ފާސްކޮށް ރައްޔަތުންގެ ރެފެރެންޑަމަކައް ދާންޖެހުންވެސް ބާޠިލުކޮށް ޖަރީމާ ހިންގި އެއްމެންގެ މައްޗަށް ޖިނާއީ ތަހުގީގުކޮށް އަދަބުލިބެންޖެހޭ.. ކުރިޔައް އޮތް ޖީލިތަކިގެ ހައްގައްޓަކައި..ހުކުމްކުރި ގާޒީންތައްވެސް ދޫކޮށްގެންނު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަބްދުﷲ

19 November 2018

މެމްބަރުން މީވަކި ތާހިރު ބައެއްބާ؟. ވިކޭ އަދި ގަނެވޭ، ވަރަށް ޗީޕް ބައެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހުމަދޭ

19 November 2018

މަޖިލިސް މެމްބަރުން ނަކީ މިގައުމަށް މުޗީބާތަކަށްވެއްޖެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މޯޑް

19 November 2018

މީނާއަކީ ވީ އެންމެ އަވަހަކަށް މި މަގާމުން އެއްފަރާތް ކުރަންޖެހޭ. ޔާނީމުގެ ސަރުކާރުން އިންސާނިޔަތާއި ޚިލާފަށް ހިންގާފައިވާ ބޮޑެތި ޖަރީމާތަކުގައި މީނާގެ ފުރިހަމަ ބައިވެރިވުންވޭ.