ޓެކްސީއެއް ބްރިޖުމަތިން ދަތުރުކޮށްފައި ދަނީ.-- ފޮޓޯ: ނިޝާން އަލީ/ މިހާރު
22 ނޮވެމްބަރ 2018 - 17:40
27 comments
ޓެކްސީ ކުރުމުގެ ހުއްދަ ހޯދުމަށްޓަކައި ދައްކަން ޖެހޭ 50،000 ރުފިޔާގެ ފީ ނެގުން، ޓްރާންސްޕޯޓް އެންޑް ސިވިލް އޭވިއޭޝަން މިނިސްޓްރީން މިއަދު އުވާލައިފި އެވެ.
މި ސަރުކާރުގައި އެ މިނިސްޓްރީން ބޭއްވި ފުރަތަމަ ނޫސްވެރިންގެ ބައްދަލުވުމުގައި މިނިސްޓަރު އާއިޝަތު ނަހުލާ ވިދާޅުވީ، ސަރުކާރުގެ ފުރަތަމަ ހަތް ދުވަހުގެ ތެރޭގައި ކުރާނެ ތިން ކަމެއް ރައީސް އިބްރާހިމް މުހައްމަދު ސޯލިހު (އިބޫ) ކަނޑައަޅާފައިވާ ކަމަށެވެ. އޭގެ ތެރޭގައި ހިމެނެނީ ޓެކްސީ ބޯޑުން ފީ ނެގުން އުވާލުމާއި މަގުމަތީގައި ބަހައްޓާފައިވާ ގިނަ ދުވަސްވީ އުޅަނދުތައް ނެގުމުގެ އިތުރުން ދައުލަތުގެ ބޭނުމަށް ހާއްސަކޮށްފައިވާ ފަޅުތަކުގެ ތެރެއިން މިވަގުތު ދޫކުރެވެން ހުރި ތަންތަން ދޫކުރުމެވެ.
އެ ހުރިހާ ކަމެއް ވެސް ތަންފީޒުކޮށްފައިވާ ކަން އޭނާ ފާހަގަކުރެއްވި އެވެ.
އައިޝާ ވިދާޅުވީ މަގުތަކަކީ ރައްކާތެރި ތަނަކަށް ހެދުމުގެ މަސައްކަތް ފަށާފައިވާ ކަމަށެވެ. އެގޮތުން މަގުތަކުގައި ބަހައްޓާފައިވާ ގިނަ ދުވަސްވީ އުޅަނދުތައް ޓްރެފިކް ފުލުހުން ނަގަން ފަށާފައިވާ ކަމަށް އޭނާ ވިދާޅުވި އެވެ.
"މިއަދު އެ ތިން ކަންތައް ވެސް މި ވަނީ ނިންމާފައި. ޓެކްސީ ބޯޑުގެ ފީ ކަނޑާލައި ގެޒެޓްކުރަން ފޮނުވާފައި ވާނީ. އާދިއްތަ ދުވަހުން ފެށިގެން އެ ބަދަލު އަންނާނެ،" އައިޝާ ވިދާޅުވި އެވެ.
ޓްރާންސްޕޯޓް އޮތޯރިޓީގެ ޑެޕިއުޓީ ޑިރެކްޓަރު މުހައްމަދުު ރަފީއު ވިދާޅުވީ ރިންގް ރޯޑާއި ބްރިޖް ސަރަހައްދުގައި ނުރައްކާތެރި އެކްސިޑެންޓުތައް ހިނގަމުންދާ ކަމަށެވެ. އެކަމާ ހިތާމަކުރައްވާ ކަމަށާއި ނަމަވެސް އެތަނުގެ ޓްރެފިކް ފްލޯ ޑިޒައިންކޮށްފައިވަނީ ރަނގަޅަށް ކަމަށް އޭނާ ވިދާޅުވި އެވެ. އެހެންވެ ސަލާމަތީ ވަސީލަތްތަކާއެކު ދަތުރުކުރުމަށް ޓްރާންސްޕޯޓް އޮތޯރިޓީން ވަނީ އިލްތިމާސްކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރާއްޖެތެރޭ މީހާ.
24 November 2018
ވަރަށް ރަނގަޅު ނިންމުމެއް. އެކަމަކު ވައިގެ ބަނދަރުން ދަތުރަކަށް 100 ރުފިޔާ ނެގުމަކީ ހަލާލު ގޮތެއް ކަމަށް ނުދެކެން.
އަމުުރު
23 November 2018
ކޮމެންޓްތައް ކިޔާލުމުން މަށަށް އެނގުނު އެއްކަމަކީ ދިވެހިންނަށް ރަނގަޅު އެެއްގޮތްވެސް ނޯންނާނެކަން.
ާަަަàަ
23 November 2018
ސައިކަލުގައި ތިންމީހުންނާ އެކުވެސް ދުއްވޭގޮތް ހަދަންވީ އޭރުން ވެސް ބޮޑުހައްލެއްލިބޭނެ.
އަހުމަދޭ
23 November 2018
އެހެންވިއްޔާ ޓެްކްސީ ދަތުރުގެ ކުލި ވަރަށް ކުޑަވާންޖެހޭނެ.
ހުސެން
23 November 2018
ކޮބާ ޓެކުސީބޯޑްގެ ފީ ކަނޑާލުމުން ލިބޭ ފައިދާއަކީ؟
އެއްމިލިއަންދެރުފިޔާ
23 November 2018
ޓެކްސީ ކކުރާމީހަކަށް މަހަކު ޖެހެނީ ގާތްގަންޑަކަށް ކިހާވަރެއް؟ ފައިދާ މިބުނީ
ޔާނު
23 November 2018
15000 ހާސް ރުފިޔާ
ސިފޫ
23 November 2018
ޢަނެއްކާ ފަހެ ގާސިމްގެ ޓެކްސީ ލައިނެއް އޮންނަނީތަ ސާބަސް ކޮބާތަ އެއްކަލަ ނިކަމެތި ރައްޔިތުމީ ހާގެ ޖީބް ފޫދުއްވާލަނީ.ތަ ..އަނެއްކާ ބަންގާޅީންނައް ތެކްސީކުރުމުެ ހުއްދަދެނީތޯ.ވެދާނެކަމެއްބާ..
ރާއްޖެތެރޭ މީހާ.
24 November 2018
ކިހިނެއް ވެގަނެގެން ތިއުޅެނީ. އަމިއްލަ އަށް ގަމާރުކަން ފާޅުކުރަނީ ބާ؟
ކަނޑިކި
22 November 2018
ދުވާލު ލޮރީދުއްވުމުގެ ހުއްދަ ދެއްވާ
އަހަންމާގެ ދޮންރަހާ
22 November 2018
ޓެކްސީތަކުން ދަތުރަކށް އެމީހން ހިތަށްއެރި އަގެއް ނަގަންވީ. އެކަންތަށް ބަލާ ހައްލު ކުރެވޭނެ ތަނެއްވެސްމި ރާއްޖެއަކު ނެތް.
ޑޮންކީ
22 November 2018
ޓެކްސީތަކަށް ކަސްޓަމަރަކު އިންދާ އެހެން ޖަސްޓަނަރުން އެރުވުން ހުއްޓުވަންޖެހޭ... ނޫނީ 3ން 4ރު ކަސްޓަމަރުން އަރުވަން ނުވަތަ އަރަން ބޭނުންކުރާ ޓެކްސީތަށް އެނގޭނެފަދަ ނިޒާމެއް ވަކި ކުލައެއް ޖައްސައިގެންނަމަވެސް ވަކިކުރެވޭނެ ނުޒާމެއް ވ ހިތްގައިމުވާނެ....
ޕީސް
23 November 2018
ޓެކްސީގަ އިން ކަސްޓަމަރުގެ ހުއްދަޔާއެކު އެރުވުމުން މައްސަލައެއް ނެތް. އަރުވަން ޖެހޭނީ ހުއްދަ ނަގައިގެން. މީ ދުނިޔޭގެ ވަރަށް ގިނަ ގައުމުތަކުގަ ކުރާ ކަމެއް. ތިމާވެއްޓާވެސް ރައްޓެހި ކަމެއް މީ. އެކަމަކު ހެދި ދާނެ ގޮތަކީ ޓެކްސީ ޝެއަރ ކުރަން ޖެހިއްޖިއްޔާ ޓެކްސީ ކުލިން ބައެއް ކަނޑާލުން. މިސާލަކަށް 5 ރުފިޔާ ކަނޑާލެވިދާނެ. އޭރުން އެންމެނަށްވެސް ފައިދާ.