މަޖިލީހުގެ ނައިބު ރައީސް ރީކޯ މޫސާ މަނިކާއި (ކ) ކުޅުދުއްފުށީ ދެކުނު ދާއިރާގެ މެމްބަރު މުހައްމަދު ނަޝީދު.
09 ޑިސެމްބަރ 2018 - 14:22
13 comments
އަންނަ އަހަރު އޮންނަ ރައްޔިތުންގެ މަޖިލީހުގެ އިންތިޚާބުގައި ވާދަކުރެއްވުމާ މެދު އަދި ގޮތެއް ނުނިންމަވާ ކަމަށް މަޖިލީހުގެ ނައިބު ރައީސް އަދި ހުޅުހެންވޭރު ދާއިރާގެ ޕީޕީއެމްގެ މެމްބަރު ރީކޯ މޫސާ މަނިކާއި ކުޅުދުއްފުށީ ދެކުނު ދާއިރާގެ ޕީޕީއެމްގެ މެމްބަރު މުހައްމަދު ނަޝީދު މިއަދު ވިދާޅުވެއްޖެ އެވެ.
މާޗު މަހު ފަހުކޮޅު އޮންނަ މަޖިލީހުގެ އިންތިޚާބުގައި ޕީޕީއެމްގެ ޓިކެޓްގައި ވާދަކުރުމަށް 40 އަށްވުރެ ގިނަ މީހުންނަށް އެ ޕާޓީން ވަނީ ޓިކެޓު ދީފަ އެވެ. އަދި ޕީޕީއެމްގެ މަޖިލިސް މެމްބަރުންގެ ގޮތުގައި މިހާރު ތިއްބެވި މޫސަ އާއި ނަޝީދު ފިޔަވައި ހުރިހާ ބޭފުޅުންނަށް ވެސް ވަނީ ޓިކެޓު ދީފަ އެވެ.
މީގެއިތުރުން، ކުރީގެ ސަރުކާރުގެ ދެ މިނިސްޓަރުން ކަމަށްވާ ހައުސިން މިނިސްޓަރު ޑރ. މުހައްމަދު މުއިޒް އާއި ޑިފެންސް މިނިސްޓަރު އާދަމް ޝަރީފަށް އަދި ޓިކެޓް ހަވާލުކޮށްފައެއް ނުވެ އެވެ.
ނަޝީދު "މިހާރު" އަށް ވިދާޅުވީ މަޖިލީހުގެ އިންތިޚާބުގައި ކުރިމަތިލައްވާނެކަން ނުވަތަ ނޫންކަން ވެސް ނިންމަވާފައި ނުވާ ކަމަށެވެ. ނަޝީދަށް ޕީޕީއެމްގެ ޓިކެޓު ނުދިން މައްސަލައިގައި އެކަމާ ސުވާލު ކުރަން ވާނީ އެ ޕާޓީގެ އިސް ބޭފުޅުންނާ ކަމަށް އޭނާ ވިދާޅުވި އެވެ.
އެކަމާ އޭނާ އިތުރަށް އެއްވެސް ވާހަކައެއް ވިދާޅެއް ނުވެ އެވެ.
ސްވިޓްޒަލޭންޑްގެ ޖެނީވާގައި ހުންނަވައި، ރީކޯ މޫސަ ވިދާޅުވީ އޭނާ އަށް ޕީޕީއެމްގެ ޓިކެޓު ނުދިން މައްސަލަ، މާލެ ވަޑައިގެން އެ ޕާޓީގެ އިސް ބޭފުޅުން އަރިހުން ސާފު ކުރައްވާނެ ކަމަށެވެ. އަދި މަޖިލީހަށް ވާދަކުރައްވާނެ ދާއިރާއަކާ ގުޅޭ ގޮތުން ގޮތެއް ނުނިންމަވާ ކަމަށް މޫސަ ވެސް ވިދާޅުވި އެވެ.
ވޭތުވެދިޔަ ދެ ޓާމް ފުރުއްވި މޫސަ އާއި ނަޝީދަށް ޓިކެޓް ނުދީ އޮތް މައްސަލައިގައި ޕީޕީއެމްގެ ސެކްރެޓަރީ ޖެނެރަލް މުހައްމަދު ހުސެއިން ޝަރީފް (މުންދު) އަށް ތަކުރާރުކޮށް، ގުޅުމުން ވެސް ޖަވާބެއް ނުދެއްވަ އެވެ.
އާބާދީ އަށް އައި ބަދަލާ އެކު މޫސަ ތަމްސީލް ކުރައްވާ، ހުޅުހެންވޭރު ދާއިރާ އުވާލައި، ހުޅުމާލެ ދާއިރާގެ ނަމުގައި އިލެކްޝަންސް ކޮމިޝަން (އީސީ) އިން ވަނީ އާ ދާއިރާއެއް އުފައްދައިފަ އެވެ.
ނަޝީދާއި މޫސަ އަކީ މަޖިލީހުގައި ހިމެނިވަޑައިގަންނަވާ މެމްބަރުންގެ ތެރެއިން އެންމެ ތަޖުރިބާކާރު ދެ މެމްބަރުންނެވެ. ނޫސްވެރިކަމުގެ މިނިވަންކަމަށް ގިނަ މަސައްކަތްތަކެއް ކުރެއްވި ނަޝީދަކީ މިހާރު އަމަލުކުރަމުން އަންނަ ގާނޫނުއަސާސީ ޑްރާފްޓް ކުރުމުގައި އިސް ދައުރެއް އަދާކުރެއްވި ބޭފުޅެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނޫނު1234
10 December 2018
ކޮބާ ހޮޅުދޫ ދާއިރާގެ އަލިބެ؟؟؟؟
ހުދަންބަރު
10 December 2018
ތި މެންބަރުކަމަކީ ވެސް ހަމަ ރައީސުލް ޖުމްހޫރިއްޔާކަން ކަހަލަ ކަމެއް. ދުވަހަކުވެސް ފޫއްސެއްނުވޭ. އެހެންތާވާނީ އެހާ ފަސޭހަ ހޮޅުއަށީގަ ހަޅޭއްލަވާފަ ކުޑަދޮޅުގަ ސައިބޮއިގެން ގެޔަށް.. އަހަރަކު 6 މަސްދުވަސް ޗުއްޓީ.. މަހަކު 80 ހާސް ރުފިޔާ،، އާ ކާރާ ޑުރައިވަރާ، ސިންގަޕޫރުން ބޭސްފަރުވާ ލިބޭ، ހުޅުމާލެއިން 2 ގޯތި ގަންނަހާ ފައިސާއަށް ޓްރާންސްފަރ ވެވޭ.. ޑްރީމް ޖޮބް...ޕިސް ޕިސް . އަހަރެމެން މިތިބެނީ ހުކުރު ފިޔަވާ ބަންދެއް ނެތި ދުވާލަކު 8 ގަޑީއިރު
ޓުކުރި އަޒީ
10 December 2018
ފުރަތަމަކަމަކައް ބަލަންވީ އެމްޑީޕީ މީހެއްތޯ. އޭގެފަހަތައް އަންނާނީ އިންސާނިއްޔަތުކަމުގެބައި. ދެންއޮންނަބައި މަލައްވާ ބުނުވަންނޫޅޭ.
އައިމޮން
09 December 2018
މުޅި އުމުރަށް އެއްވެސް މެމްބަރަކަށް މަޖްލީހުގެ ގޮނޑި ދޭކަށްނުޖެހޭ! މިދިޔަ ދެ ދައުރުގަ މަޖްލީހަށް ހޮވުނު އެއްވެސް މީހަކު އަލުން ހޮވައިފިނަމަ އެ ހޮވާ ދައިރާތަކުގެ ރައްޔިތުންނަކީ ވަރަށް ނޭނގޭ ބައެއް! ތިޔަ ތަނަށް ގާނޫނު އިނގޭ، ތައުލީމީ ޒުވާނުން ހޮވާބަލަ! ފިލްމުސްޓާރުންނާ، ވިޔަފާރިވެރިން ވަންނަންޖެހޭ ތަނެއް ނޫން ރައްޔިތުންގެ މަޖްލިސްއަކީ
ޒައިދު
10 December 2018
ތީ މަބުނާ ވާހަކަ ... މިފަހަރުވެސް ހަމަހުރިހާ މެންބަރުން ކުރިމަތިލާން ތެޅި ފޮޅެނި. ބަލަ ރާއްޖޭގެ މުއްސަނދިކަން ބެހިގެން ދާން އެބަޖެހޭ.. 1 ބުރުން މުއްސަނދިވީމަ ދެން ފައިބާ،، އެހެން މީހުން ވެސް ފައިސާ ފައިސާ ބޭނުމޭ..
ދަތްނެތްކުއްޖާ
09 December 2018
ތި ދެވެރިންގެ ސިޔާސީ ކެރިއަރ ރައްޔިތުން މިހާރު ނިންމައިފި. މިހާރު ތިއީ ބާކީ ވެފައި ތިބި ބައެއް.
2019 ޔަޤީން
09 December 2018
އެއްވެސް ދާއިރާއަކަށް ކުރިމަތިލައިގެން ނުހޮވޭނެހެން ހީވާތީ މަޑުން އެތިބީ. ނޫސްވެރިންވެސް ވެއްޖެތަ އެމީހުންގެ އަނގަ ގޮއްވަން.
ސުވާލެއް
09 December 2018
އެމީހުން ނިކުންނަން ޖެހޭ ތޯއެވެ?
ޓާޒަން / ބ.ހިތާދޫ
09 December 2018
ވާއޯ. މޫސަ ސަޅި. ހީވަނީ ބުރުސްލީހެން.
ކެނެޑީ
09 December 2018
ބްރޫސް ލީ ހުރޭތަ އެގޮތަށް ބްރޫސްލީ ހުންނަނީ ކަރާޓީ ހެދުމުގަ
އިޙްސާސް
09 December 2018
މޫސަ ބާކީވީދޯ. ޕޕއމ އިންވެސް އަދި އެހެން ޕާޓީއަކުންވެސް ފުރުސަތެއް ނެތް. ފަހަރެއްގަ ގސމ ހެއްލިދާނެ.
ހާމިދު ޝާހިދު
09 December 2018
މި ދެބޭފުޅުންނަށް މިގޮތައް މެދުވެރިވީ، ނާކާމިޔާބީގައި އެހެން ގޮތަކަށް ކޮޅު ބަދަލުކުރައްވާ އެހެން ގޮތެއް އިހްތިޔާރު ކުރެއްވީމާ. ވާހަކަފުޅުތަކުގެ ރާގު ބަދަލު ކުރެއްވީމަ. ތިމާ ވަކިކޮޅެއް ނަގައިގެން އުޅުއްވަނިކޮށް އެކޮޅު ދައްވިއެއްކަމަކު މޮޅުވި ކޮޅަށް ޖެހޭކަށެއް ކޮންމެހެން ނުޖެހޭނެ. އެކަމަކު، މި 2 މެމްބަރުންވެސް މަސައްކަތްކުރައްވާފައިވަނީ އަމިއްލަ އިހްތިޔާރުގައި، އަމިއްލަ ގޮތްތަކަކަށް. ހާއްސަކޮށް ނަޝީދުގެ ކިބައިން އެކަން ވަރަށްބޮޑަށް ފެނުނު.