ކޮރަޕްޝަން ފަޅާ އަރުވާލާ މީހުންނަށް ހިމާޔަތް ދިނުމުގެ ބިލް މަޖިލީހަށް ހުށަހަޅައިފި

މެމްބަރު އީވާ: ކޮރަޕްޝަން ހާމަކުރާ މީހުންނަށް ހިމާޔަތް ދޭ ބިލް ސަރުކާރުގެ ފަރާތުން މަޖިލީހަށް ހުށަހެޅުއްވީ އީވާ --ފޮޓޯ/މިހާރު

މުއިއްޒު އިބްރާހިމް، މިހާރު

09 ޑިސެމްބަރ 2018 - 15:47

7 comments

ކޮރަޕްޝަން ފަޅާ އަރުވާލާ މީހުންނަށް ހިމާޔަތް ދިނުމާ ބެހޭ ބިލް ސަރުކާރުން ރައްޔިތުންގެ މަޖިލީހަށް ހުށަހަޅައިފި އެވެ.

ސަރުކާރުގެ ތެރޭގައި ހިނގާ ޚިޔާނާތާއި ކޮރަޕްޝަން ފަޅާ އަރުވާލާ ފަރާތްތަކަށް (ވިސްލް ބްލޯކުރާ ފަރާތްތައް) ހިމާޔަތް ދިނުމުގެ ބިލް ސަރުކާރުގެ ފަރާތުން މަޖިލީހަށް ހުށަހެޅުއްވީ ގަލޮޅު އުތުރު ދާއިރާގެ މެމްބަރު އީވާ އަބްދުﷲ އެވެ. އެ ބިލުގެ ފުރަތަމަ ކިޔުން މާދަމާގެ ޖަލްސާ އަށް ވަނީ އެޖެންޑާ ކޮށްފަ އެވެ.

ކޮރަޕްޝަން ފަޅާ އަރުވާލާ މީހުންނަށް ހިމާޔަތް ދިނުމާ ބެހޭ ގާނޫނީ އޮނިގަނޑެއް ރާއްޖޭގައި މިހާރަކު ނެތެވެ. އެފަދަ ގާނޫނެއް ވުޖޫދަށް ގެނައުމަކީ ރައީސް އިބްރާހިމް މުހައްމަދު ސޯލިހްގެ ރިިޔާސީ ވައުދެކެވެ.

ކޮރަޕްޝަން ފަޅާ އަރުވާލާ މީހުންނަށް ހިމާޔަތް ދިނުމުގެ ބިލެއް މަޖިލީހަށް ހުށަހެޅިއިރު، ރާއްޖޭގައި ފަހުގެ ތާރީޚުގައި ހިނގި އެންމެ ބޮޑު ކޮރަޕްޝަންގެ މައްސަލަ ކަމަށްވާ މޯލްޑިވްސް މާކެޓިން އެންޑް ޕަބްލިކް ރިލޭޝަންސް ކޯޕަރޭޝަން (އެމްއެމްޕީއާރުސީ)ގެ ޚިޔާނާތާ ގުޅޭ މައުލޫމާތުތަކެއް އާންމުކުރި މައްސަލާގައި ބީއެމްއެލްގެ ކުރީގެ މުވައްޒަފެއް ކަމަށްވާ ގާސިމް އަބްދުލްކަރީމްގެ މައްޗަށް ވަނީ ޖިނާއީ ދައުވާކޮށް، ކުށް ސާބިތުވެފަ އެވެ.

ހުއްދަ ނޫން ގޮތެއްގައި މައުލޫމާތު އާންމު ކުރުމުގެ ދައުވާކޮށް، ގާސިމްގެ މައްޗަށް ކުށް ސާބިތުވެ ޖަލު ހުކުމެއް އިއްވިޔަސް ހުކުމުގެ މުއްދަތު ހަމަވުމުން އޭނާ މިދިޔަ އަހަރު ވަނީ މިނިވަންވެފަ އެވެ. އޭނާ އަށް ދައުވާކޮށް، ޖަލަށްލި މައްސަލާގައި ގިނަ ބައެއްގެ ފާޑު ކިޔުން ސަރުކާރަށް އަމާޒުވި އެވެ.

ކޮރަޕްޝަނާ ދެކޮޅަށް ވަރުގަދަ ފިޔަވަޅުތަކެއް އެޅުއްވުމަކީ ރައީސް އިބްރާހިމް މުހައްމަދު ސޯލިހުގެ ރިޔާސީ ވައުދެކެވެ. އެގޮތުން ކޮރަޕްޝަންގެ ސަބަބުން ގެއްލުނު ފައިސާތައް ހޯދައި، ޒިންމާވާން ޖެހޭ ފަރާތްތަކުގެ މައްސަލަތައް ތަހުގީގު ކުރުމަށް ރިޔާސީ ކޮމިޝަނެއް އުފައްދަވާފައިވާއިރު، ކޮރަޕްޝަނާ ދުރުގައި ތިއްބެވުމަށް ވަޒީރުންނަށް ވެސް ރައީސް ވަނީ އަންގަވައިފަ އެވެ.

ރައްޔިތުންގެ މަޖިލިސް ކޮރަޕްޝަން މެމްބަރު އީވާ އަބްދުﷲ ރާއްޖެ ކޮރަޕްޝަން އެންޓި ކޮރަޕްޝަން ޑޭ އެމްއެމްޕީއާރްސީގެ ކޮރަޕްޝަން

7 ކޮމެންޓް, 49 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ބީވާ

10 December 2018

ގާނޫނޫ ހެދިޔަސް ނިމުނީކީ ނޫން، ކިތަންމެ ގިނަ ގާނޫނުވެސް ހެދިދާނެ، މި ގާނޫނުތަކަށް އިންސާފު ވެރިކަމާއެކު އަމަލުކޮށް ވަކި މީހަކަ ވަކި ފަރުދަކަށް ނުބަލާ ތަންފީޒު ކުރެވިގެން މީހުން ހަރުދަނާވެ ގައުމު ކުރިޔަށް ދާންޖޭގޮތަ ދާނީ، އީވާގެ ބިލަށް އާދަގެ މީހެއްގެ ގޮތުން ވަރަށް ތާޢީދު ކުރަން..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުހައްމާ

10 December 2018

ތިޔަ ބިލަށްވުރެ އަހަރެމެންނަށް މާ މުހިންމު ބިލެއް އެބައޮތް. ހުށަހަޅުއްވައިދެއްވާ. އެ ބިލަކީ، ފުލުސް އޮފީހަށް ކަންކަން ރިޕޯޓްކުރާ މީހުންނަކީ ކޮބައިކަން މައްސަލަ ބަލަން ފެށުމުގެ މާކުރިން ކުށްވެރިންނަށް އެނގުން ހުއްޓުވުމުގެ ބިލް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުނބުށެން

10 December 2018

ބީއެމްއެލްގެ މުވައްޒަފާމެދުވެސް ފިޔަވަޅުއެޅީ އެތާނގެ ގަވާއިދާ ނުވަތަ އެގްރީމަންޓަކާ ޚިލާފަށް ޢަމަލުކުރި ކަމަށް ބުނެއެވެ. ވީމާ އެބުނާފަދަ އުސޫލުތައް ތިޔަ ޤާނޫނުން ބާޠިލްކުރަން ޖެހޭނެއެވެ. ނޫނީ ދެންވެސް ހަމަ އެބުނާ އުސޫލުތަކުގެ ދަށުން މީހުން ކުށްވެރިވަމުން ހިނގައި ދާނެއެވެ. ކޮރަޕްޝަނަށް މަގުފަހިވާހެން ހަދާފައިހުރި ހުރިހާ ގަވާއިދުތަކާއި އެއްބަސްވުންތައް ތިޔަ ޤާނޫނަށް ޢަމަލުކުރަން ފެށުމާއެކު ބާޠިލްވާނެކަމަށް ތަފްޞީލްކޮށް ބަޔާންކުރަންވީއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މާރަނގާ - އައްޑޫ ސިޓީ

10 December 2018

އިސްލާމްދީނުގެ މަތިވެރި އުސޫލެއް ﷲ ގެ ވަރުދަގަ އަމުރެއް ކަމުގައިވާ ރިޝްވަތާއި ހިޔާނާތުގެ ފަސާދައިން ދިވެހިންދުރުކުރުމަށް މުޖުތަމައު ސަލާމަތްކޮށްދިނުމަށް މުސްލިމް ދައުލަތެއްގެ ހަޒާނާއާއި ރައްޔިތުން ސަލާމަތް ކުރުމަށް ތިޔަނެންގެވި އިސްނެގުމަށް ތާއީދު ކުރަން. * * ޔާމީން ސަރުކާރުން ހިންގި ހިޔާނާތް ރާއްޖޭގައި ބެލުމަށް ދަތިވާނެތީ ޝިންގ ޔޮއާން 18 ގެ މައްސަލަ ތަޙްޤީގު ކުރާމީހުނާއި ގުޅިގެން ބޭރުގައި މިކަންކުރެވޭތޯ ބައްލަވާދެއްވާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލާމަސީލު

09 December 2018

އެމްއެމްޕީއާރސީގެ ހިޔާނާތް ފަޅާ އަރުވާލި ގައުމީ ބަތަލު (ބޭންކް އޮފް މޯލްޑިވްސްގެ މެނޭޖަރ) ގާސިމް ޖަލަށްލާ އޭނަގެ އަނބިދަރިން ހާލުގަ ޖެއްސި ބީއެމްއެލްގެ ވެރިންނަށް ހަރުކަށި ފިޔަވަޅު އެޅުމަށް ގޮވާލަން. އަދި އަންނަން އޮތް ޖީލަށްޓަކާ މިކަހަލަ ވެރިންނަށް ފިލާވަޅު ދިނުމަށް ގޮވާލަން...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދާދޭ

09 December 2018

އަނެއްކާ ދެން އޮންނަ މަޖިލީހަކުން ތިބިލް އުވާލާފާ ތިބިލުން އުފެދޭ ގާނޫނީ ބާރުވެރިކަމަށް ބަލައި ކޮރަޕްޝަންގެ މައްސަލަ ހުށަހެޅި އެންމެން ޖަލަށް ނުލާނޭބާ. ތިބާވަތުގެ ކަންކަން ގާނޫނު އަސާސީގެ ތެރެއަށް ނުލާނަމަ އޯވަނައިޓަކުން ގާނޫނު ނައްތާލަފާނެ. މިހާރުވެސް ފެނިގެން މިދަނީ އެމަންޡަރު.