ކޮރަޕްޝަންގެ މައްސަލަތައް ބެލުމަށް އުފެއްދި ކޮމިޝަންގެ މެމްބަރުންނާ ރައީސް އިބްރާހިމް މުހައްމަދު ސޯލިހާ ބައްދަލު ކުރައްވަނީ. --- ފޮޓޯ: ރައީސް އޮފީސް
14 ޑިސެމްބަރ 2018 - 15:05
17 comments
ކޮރަޕްޝަންގެ މައްސަލަތަކާއި ގޮތް ނޭނގޭ މަރުތަކުގެ ހަގީގަތް ހޯދަން ރައީސް އިބްރާހިމް މުހައްމަދު ސޯލިހް އުފެއްދެވި ދެ ކޮމިޝަނަށް ކަނޑައެޅި ބޮޑެތި ބާރުތައް ނެގުމަށް ފަހު، ރައްޔިތުންގެ މަޖިލީހުގެ މިނިވަން މުއައްސަސާތަކުގެ ކޮމިޓީން ބިލް ފާސްކޮށްފި އެވެ.
ގާނޫނުއަސާސީ އާއި މިހާރު ހުރި ގާނޫނުތަކާ ފުށުއަރާ ބައިތައް ބިލުން މި އުނިކުރީ، އެކަމާ މެދު ސިޔާސީ އިދިކޮޅު ފަރާތްތަކުގެ އިތުރުން ކޯލިޝަން ސަރުކާރުގެ ބައެއް ބޭފުޅުންނާއި ގާނޫނީ ދާއިރާގެ ބައެއް ތަޖުރިބާކާރުން ވެސް ކަންބޮޑުވުން ފާޅުކޮށްފައި އޮއްވަ އެވެ.
ސަރުކާރުގެ ފަރާތުން އަލިފުށީ ދާއިރާގެ އެމްޑީޕީގެ މެމްބަރު މުހައްމަދު ރަޝީދު ހުސެއިން ހުށަހެޅުއްވި ބިލުން ބާރުތަކެއް ނެގިޔަސް، ރިޔާސީ ކޮމިޝަނަކުން ޖިނާއީ މައްސަލައެއް ބަލަން ޖެހިއްޖެ ނަމަ، ޖިނާއީ އިޖުރާއާތުގެ ގާނޫނުގައި ބަޔާންކުރާ ފަދަ ތަހުގީގީ އިދާރާއެއްގެ ބާރު ގާނޫނާ އެއްގޮތްވާ ގޮތުގެ މަތިން ބޭނުން ކުރެވޭނެ ކަމަށް ބިލްގައި މިހާރު ވަނީ ބުނެފަ އެވެ.
މަރުގެ މައްސަލަތައް ބެލުމަށް އުފެއްދި ކޮމިޝަންގެ މެމްބަރުންނާ ރައީސް އިބްރާހިމް މުހައްމަދު ސޯލިހް، ރައީސް އޮފީހުގައި ބައްދަލުކުރައްވަނީ. --- ފޮޓޯ: ރައީސް އޮފީސް
ކޮމިޓީން އެގޮތަށް ބަދަލު ގެނައިއިރު، އެންމެ ފުރަތަމަ ބިލް ހުށަހެޅި އިރު އޮތީ ކޮމިޝަންތަކުން ކުރާ ތަހުގީގުތަކާ ގުޅިގެން ފުލުހުން މެދުވެރިކޮށް، ތަންތަން ބަލައި ފާސް ކުރުމާއި ކޯޓު އަމުރު ބޭނުންވާ ހާލަތްތަކުގައި އެފަދަ އަމުރަކަށް އެދުމުގެ ފުރުސަތު ވެސް ކޮމިޝަންތަކަށް ލިބޭ ގޮތަށެވެ.
މީގެ އިތުރުން ލިޔެކިޔުންތަކާއި އެހެނިހެން ތަކެތި ހޯދަން ތަންތަން ބަލައި ފާސްކުރުމުގެ ތެރޭގައި ފެންނަ ހެކިތައް ހިފެހެއްޓުމާއި ތުހުމަތު ކުރެވޭ މީހާގެ ބޭންކް އެކައުންޓާ ބެހޭ މައުލޫމާތު ހޯދުމާއި އެފަދަ އެކައުންޓުތައް ފްރީޒް ކުރުމަށް ބޭންކްތަކަށް އެންގުމުގެ ބާރާއި ޕާސްޕޯޓް ހިފަހައްޓަން އެންގުމާއި ކޯޓު އަމުރު ބޭނުންވާ ހާލަތްތަކުގައި އެފަދަ އަމުރަކަށް އެދުމުގެ ބާރު ވެސް އޮތީ ބިލުން ދީފަ އެވެ.
އެކަމަކު ކޮމިޓީން ބިލަށް ބަދަލު ގެނައި އިރު، އެ ހުރިހާ ބާރުތަކެއް ވަނީ އުނިކޮށްފަ އެވެ.
ނަމަވެސް ރިޔާސީ ކޮމިޝަންތަކުން ބަލާ މައްސަލައަކާ ގުޅިގެން ކޮމިޝަނަށް މީހުން ހާޒިރު ކުރުމާއި ކޮމިޝަނުން ބޭނުންވާ ކޮންމެ ލިޔުމެއް ނުވަތަ އެ ނޫން ވެސް ހެކި ހޯދުމާއި އެކިއެކި ފަރާތްތަކުގައި ހުންނަ އެ ނޫން ވެސް ތަކެތި ހުށަހަޅަން އެންގުމުގެ ބާރު އޮވެ އެވެ.
ރިޔާސީ ކޮމިޝަންތަކުގެ ނަމުގައި ބިލަށް ގެނައި ބަދަލުތަކުގެ ތެރޭގައި، ކޮމިޝަންތަކުން ބަލަން ޖެހޭނީ ވަކި މުއްދަތެއްގެ ތެރޭގައި ހިނގާފައި ހުރި ކަންކަން ކަމަށް ވިޔަސް، އެ ބައި ވެސް މިހާރު ވަނީ އުނިކޮށްފަ އެވެ. ބިލް ފުރަތަމަ ހުށަހެޅި އިރު، އޮތީ ޖެނުއަރީ 1، 2012 އިން ނޮވެމްބަރު 17، 2018ގެ ނިޔަލަށް ހިނގި ކަންކަން ބެލުމުގެ ޒިންމާ އެވެ.
ދެ ކޮމިޝަނުން ހޯދާ ޖިނާއީ މައްސަލަތައް ބަލައި، ދައުވާކުރަން ޕްރޮސެކިއުޓާ ޖެނެރަލް އޮފީހުގައި ވަކި އިދާރާއެއް ހަދަން ޖެހޭ ގޮތަށް ބިލްގައި ކުރިން އޮތް މާއްދާ ވެސް މިހާރު ވަނީ އުނިކޮށްފަ އެވެ.
ބިލަށް ގެނައި އިސްލާހުގައިވާ ގޮތުން ކޮމިޝަނަކުން ތަހުގީގު ކުރާ މައްސަލައެއްގައި ހިމެނޭ ޖިނާއީ ބައިތަކުގެ ތަހުގީގު ފުރިހަމަވުމާ އެކު ދައުވާކުރަން ފޮނުވަން ޖެހެނީ ޕްރޮސެކިއުޓާ ޖެނެރަލް އޮފީހަށެވެ. މަދަނީ ގެއްލުމުގެ ބަދަލު ހޯދުމާއި މުދަލާއި ފައިސާ އަނބުރާ ހޯދުމުގެ ކަންކަން ހިމެނޭ ނަމަ، އެފަދަ މައްސަލަތަކުގައި ފިޔަވަޅު އެޅުމަށް ފޮނުވަން ޖެހޭނީ އެޓާނީ ޖެނެރަލްގެ އޮފީހަށެވެ.
ކޮމިޝަންތަކުން ތަހުގީގުކޮށް، ފޮނުވާ މައްސަލައެއް ޕްރޮސެކިއުޓާ ޖެނެރަލް އޮފީހަށް ލިބޭތާ 15 ދުވަހުގެ ތެރޭގައި ދައުވާ ކުރުމާ މެދު ގޮތެއް ނިންމަން ޖެހޭނެ ކަމަށް ބުނާ މާއްދާ އާއި ދައުވާ ކުރަން ފޮނުވައިފި ނަމަ، ގިނަވެގެން ދެ މަސް ދުވަހުގެ ތެރޭގައި އެ މައްސަލައިގެ ޝަރީއަތް ނިންމަން ވާނެ ކަމަށް ހިމެނި މާއްދާ ވެސް ވަނީ އުނިކޮށްފަ އެވެ.
މަޖިލީހުގެ ކޮމިޓީއެއްގައި މެމްބަރުން ބައިވެރިވެވަޑައިގަންނަވަނީ --ފޮޓޯ: ހުސައިން ވަހީދު/މިހާރު
ކޮމިޝަންތަކުގައި ހިމެނޭ މެމްބަރުންނާއި މުވައްޒަފުންގެ މުސާރަ އާއި އިނާޔަތްތައް ހަމަޖެއްސުމުގެ ބާރު ވަނީ ދީފަ އެވެ. އަދި ކޮމިޝަންގެ މަސައްކަތްތައް ކުރުމަށް އޮފީހަކާއި ކޮމިޝަންގެ ބަޖެޓު ހަމަޖައްސަން ވާނެ ކަމަށް ވެސް ރިޔާސީ ކޮމިޝަންތަކުގެ ބިލަށް އަލަށް އިތުރު ކުރި ބައިތަކުގެ ތެރޭގައި ހިމެނެ އެވެ.
މަރުގެ މައްސަލަތަކާ ގުޅޭ ކޮމިޝަންގެ މެމްބަރުންނަކީ ގާނޫނީ ވަކީލު ހުސްނުއް ސުއޫދާއި އަބްދުﷲ މުނާޒާއި އާދަމް އިބްރާހީމާއި ވަކީލު ފަރީޝާ އަބްދުﷲ އާއި ކުރީގެ ނޫސްވެރިޔާ މިސްބާހް އައްބާސް އެވެ.
ކޮރަޕްޝަންގެ މައްސަލަތައް ތަހުގީގުކޮށް، ދައުލަތުން ގެއްލިފައިވާ ފައިސާ ހޯދަން އުފެއްދެވި ޕްރެޒިޑެންޝަލް ކޮމިޝަން އޮން ކޮރަޕްޝަން އެންޑް އެސެޓް ރިކަވަރީގައި ތިއްބަވަނީ ޕޮލިސް އިންޓެގްރިޓީ ކޮމިޝަންގެ ކުރީގެ ރައީސް ފާތުމަތު ސަރީރާ އާއި ފިނޭންސް މިނިސްޓްރީގެ ކުރީގެ ސްޓޭޓް މިނިސްޓަރު އަހުމަދު އަސްއަދާއި އާސް އަބްދުﷲ އާއި ނަދީމް އިބްރާހީމް އަދި އައިމިނަތު ހަސަނެވެ.
ބިލްގައި ދެ ކޮމިޝަނަށް ދިން ބޮޑެތި ބާރުތަކެއް އުނިކޮށްފައި ވަނީ ދެ ކޮމިޝަނަށް ގާނޫނަކުން ބޮޑެތި ބާރުތަކެއް ދިނުމަކީ ގާނޫނު އަސާސީއާ ޚިލާފް ކަމެއް ކަމަށާއި އެފަދަ ބާރުތަކެއް އެ ދެ ކޮމިޝަނަށް ދީފި ނަމަ، ސުޕްރީމް ކޯޓަށް ވަޑައިގަންނަވާނެ ކަމަށް ކުރީގެ ރައީސް އަބްދުﷲ ޔާމީން ވިދާޅުވެފައިވަނިކޮށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ވާލުސޮރު
15 December 2018
ރާއްޖޭގަ އަދުލުއިންސާފަށް އެޅިފައޮތް އެންމެ ބޮޑު ހުރަހަކީ ސޭޓު. ރާއްޖޭގަ އުފެދޭ ކޮންމެ ސަރުކާރަކަށްވެސް "ސޭޓުވައިރަސް" އަރާނެ.
އިބުރާއިމު ނައުޝާދު
14 December 2018
ސޭޓުގެ ޕާޓީގައި މިވަގުތު ތިބީ 10،0029 މީހުން އެއީ މީގެ 2 މަހާ ބަލާއިރު%0.12 ގެ ކުރިއެރުމެއް. ( ދިހަ ހާސް ނަވާވީސް ) ދިހަހާސް ހަމަކުރީ ރިސޯރޓުތަކުން ބޯގިނަކޮށްގެން އަހަރުގެ ބަޖެޓުން ލިބޭފައިސާކޮޅު ނުލިބިދާނެ ކަމުގެ ބިރުގައި..ސޭޓުގެ ސަރުކާރު މިވަރުން ހިފެހެއްޓޭނެކަމަކަށް ގަބޫލުކުރަން ދަތި. ސޭޓު ސަރުކާރުގައި އުޅޭ ބޮޑުކޯޓުން ދެކެ ރައްޔަތުން އިންތިހާއަށް ނަފުރަތު ވާތީ ފޯރމެއްދޫކޮށްލިޔަސް ހަޑިމުޑުދާރު ބަހުން ހަޅޭލަވަނީ.. ސޭޓު މިކަމެއްނުވާނެ ދޯ..
ޜެފިއުޖީ މީހާ
14 December 2018
ބޯހިޔާވެހި ކަމުގެ ކަންތަކާ އުފެއްދި ކޮމިޓީގެ ހަބަރު ކިހިނެއްތޯ؟ ހައުސިންގ މިނިސްޓީ އަދި މިދަނީ މިޑިއާ ވަރަށް ބީރައްޓެހިކޮށް، އުފާވެރި ހަބަރެއް ލިބޭނީ ކިހާހިސާބެއްގަ ތޯ؟
އަބްދޫ
14 December 2018
ގާނޫނުއަސާސިގެ 115 ގެ ގ ގަ ބުނަނީ މައްސަލަ ތަހުގީގު ކުރަން ވަކި ވަގުތީ ކޮމިސަނެއް ހަެދާނެ ވާހަކަ .ފައިސާއާ ބެހޭ ކޮމިސަނެއްނަމަ މަސައްކަތް ކުރަންވާނީ އެންޓިކަރެޕްސަން ކޮމިސަންގެތެރޭގަ ހިންގޭ ވަކި މައްސަލައެއް ބެލުމުގެ ވަގުތީ ކޮމިސަނެއްގެގޮތުގާ . ވަކި އިދާރާއެއްގެ ގޮތުގާ މިކޮމިސަނެއްނުހިންގޭނެ
ކަލޯމާ
14 December 2018
ތީތި ހަމަ ނުޖެހެނީ އެމްޑީޕީ ވެރިކަމުގެ އެއްވެސް ކަމެއް ބެލެން ނެތީމަ. މައުމޫންވެރިކަމުގައި އެއްވެސް މީހެއްވެސް މަރެއް ނުވެ ދޯ؟
ފިކުރު
14 December 2018
ގިނަބަޔަކު ދަވްލަތުގެ މުދަލާއި ފައިސާ ނަންގަވާފައިވާނަމަ/ މީހުން މަރާފައިވާނަމަ، މައްސަލަތައް ބަލަން ބޭނުންވާހާ ބާރުތައް ދޭންޖެހެއެވެ. މަރުވި މީހުންނާއި ގެއްލުނުފައިސާ،އާއި ނުހައްގުން އަދަބު ދެވިފައިވުމަކީ ކުޑަކަމެއްހެއްޔެވެ. ފުލުހުންނާއި ގާނޫންތައް އޮވެމެ އިންސާފު ގާއިމުނުކުރެވުމުގެ ޒިންމާއާއި ޙަވާލުވާނީ ކޮންފަރާތަކުންތޯއެވެ. ބާރުތައް އިމެއްނެތި ދީގެންވެސް ސަލާމަތާ ރައްކާތެރިކަމާއި އިންސާފު ހޯދަން މަސައްކަތް ކުރާންޖެހެއެވެ.
ޢަލީމް
14 December 2018
ބާރުތައްނެގީ މަޖިލިސް މެމްބަރުން ތިކޮމިޝަނަށް ދާންޖެހޭތީ.
ނައީމު
14 December 2018
ރަނގަޅު މެމްބަރުންގެ ސަލާމަތައް ވައްކަންކުރީ އެމީހުނާށް ބައި އެޅިގެން
ޅިޔަނާ
14 December 2018
ބާރުތައް ގާނޫނާ އެއް ގޮތަށް ލިޔުނަސް ދެކޮމިސަނުގަވެސް ނެތް ތަހުގީގުގެ ގަދަ މިހުން. ކޮރަޕްސަން ކޮމިސަނުގަ ނެތް ފައިނޭންސަލް ކުރައިމްގެ ދާއިރާގެ ލޯޔަރެއްވެސް. ޢަދި އެކްސްޕާޓަކު ލައްވަ ކުރުވިޔަސް ރިވިއުކުރެވޭނެ ވަރުގެ ލޯޔަރެއްވެސް. ފަންނީ ގާބިލް ފައިނޭންސް ގެ މީހެއް ނެއް. ޢައްސަދަކީ މާ ގާބިލް މީހަަކަށް ނުވިތާ ކޮރަޕްޝަންގެ ތުހަމަތު އެބައޮތް.
ޛަލީ
14 December 2018
ކަމިޝަންގެ ދަތްތައް އުފުރާލީ. ސޭޓުގެ އުދަގޫ.
އިބްޝާ .
14 December 2018
އެއްވެސް މީހަކު ހީނުކުރާތި ފައިސާގެ ދަށުލައިގެން އަބަދަށް މިގައުމުގެ ރައްޔިތުން ނިކަމެތިކޮށްފަ ބޭތިބޭނޭ .. ވެރިކަމުގެ ބޭނުމުގަ ވަގުންހިމާޔަތް ކުރަމުންދާއިރު އެބައިމީހުންގެ ފަރާތުން ތިމާއަށްލިބުނު ތިއަނިޔާތައް ހަދާންނެތުނީމަ އެއަށްކިޔަނި "ރައީސްކަމުގެ ސިކު" ވަގުންނާއި ބަގާވާތްކުރި މީހުންގެ ތަހުގީގުނުކޮށް ދޫކޮށްލާނެކަމަށް ހީނުކުރާތި .. އެކަންކުރާނީ އެކަންކުރުމުގެ ހިއްވަރު ހުރި ސަރުކާރުން .. އިރާދަކުރެއވިއްޔާ ދެން މިގައުމުގާ އުފެދޭނީ އެސަރުކާރު ..