"މަ ހޭނެތި ދާނޭ" ލަވައިގެ މަންޒަރެއް.
22 ޖެނުއަރީ 2019 - 07:33
30 comments
ކުރީގެ މަޝްހޫރު ދެ ތަރިން ކަމަށްވާ އައިޝަތު ޝިރާނީ އާއި އަހުމަދު ގިޔާސްގެ މަޝްހޫރު ވީޑިއޯ ލަވަ "މަ ހޭނެތިދާނޭ" އާ ބެހޭ ގޮތުން މިހާރު ދެކެވެނީ އެހެން ވާހަކައެކެވެ. މި ލަވަޔަށް ބޮޑު މަގުބޫލުކަމެއް ލިބުނު އިރު، މިއީ ޝިރާނީގެ އެންމެ ފާހަގަކޮށްލެވޭ އެއް މަސައްކަތެވެ. މިއީ ޝީރާނީ ކުޅުނު ފުރަތަމަ ވީޑިއޯ ލަވަ ވެސް މެ އެވެ.
"ހޭނެތޭ" ވަރަށް ނަށާލާ މި ލަވައިގެ ވާހަކަ އަނެއްކާ މި ދެކެވެނީ ލަވައިން ފެންނަ ނެށުމުގެ ސްޓެޕްތައް ހުރީ ހަމަ ސީދާ ހިންދީ ލަވަޔަކުން ކޮޕީކޮށްފައިކަން އެނގުމުންނެވެ.
ކޮލާޖްކޮށްފައިވާ ދެ ލަވައިގެ ވީޑިއޯ ބަލައިލާށެވެ.
ފޭސްބުކްގައި މިހާރު ވައިރަލް ވެފައިވާ މި ވީޑިއޯ އިން އެކަން ވަރަށް ރީތިކޮށް މިއޮތީ ފެންނާށެވެ. ލަވަ ތަފާތަސް "މަ ހޭނެތިނާދޭ" ގައި މިއޮތީ 1994 ގައި ރިލީޒްވި، އަކްޝޭ ކުމާރާއި މަދޫގެ ފިލްމު "އީލާން" ގެ ލަވަ "ސުބާ ހުއީ ޝާމް ހުއީ" ލަވައިގެ ސްޓެޕްތައް ހަމަ ދާދި އެއްގޮތަކަށް ކޮޕީކޮށްފަ އެވެ.
އެކަމަކު، "މަ ހޭނެތިދާނޭ" ގެ ސްޓެޕްތަކަކީ ކޮޕީއެއްކަން އެނގުނީ އެ ލަވަ ނެރުނުތާ 25 އަހަރު ފަހުން ހެއްޔެވެ؟
ކޮންމެ ގޮތެއް ވިޔަސް، "މަ ހޭނެތިދާނޭ" ގެ މަގުބޫލުކަން ބޮޑުވި ވަރުން މި ލަވައަކީ އެކިއެކި ހަފުލާތަކުގައި ގެނެސްދޭ ޑާންސްތަކާއި ލަވަ ސެޓްތަކުގައި ވެސް ކޮންމެހެން ވެސް ހިމަނަން ޖެހޭ ލަވައެއްގެ ގޮތުގައި އޮތީ ވެފަ އެވެ.
އެވޯޑް ހަފުލާތަކުގެ ސްޓޭޖް އައިޓަމްތަކުގެ ތެރޭގައި "މަ ހޭނެތިދާނޭ" މިހާތަނަށް ވަރަށް ގިނައިން ފެނިފައވެ އެވެ. އަދި މި ލަވައިގެ އާ ވާޝަނެއް ޑައިރެކްޓަރު އަމްޖަދު (އަމްޖޭ) އިބްރާހީމް، ކުރީގެ ބަތަލާ އާމިރާ ހިމަނައިގެން ގެނެސް ދީފައިވެ އެވެ.
އަދި މި އަހަރުގެ ޖުލައި މަހު ރިލީޒްކުރާ ޑާކް ރެއިން އެންޓަޓައިންމަންޓްގެ ފިލްމު "މާމުއި" ގެ ދިވެހި ލަވަތަކުގެ ސްޓެޕްތަކަށް ދޭ ޓްރިބިއުޓްގައި ވެސް "މަ ހޭނެތިދާނޭ" ގެ ހަރަކާތްތަކުގެ ހަނދާން އާކޮށް ދޭނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކުމާރުތުންގަ
25 January 2019
ނެށުން އެއްގޮތް ވިޔަސް އެނުބެލޭނެ ކޮޕީ ރާގެެއްކަމަށް.
ކިއްލިބާޝާ
23 January 2019
ހާދަ ބޮޑު އޮޅުވާލުމެކޭ.
ކޭކުބެ
22 January 2019
މުޅިން އެހެން ރާގެއް
ފަލަޑޭ
22 January 2019
މަ ހޭނެތިއްޖެ ގިޔާސް އަކްޝޭ ކޮޕީ ކުރީމަ
ޟާނު
22 January 2019
މިހާރުމީހުން މާފަހަތުގަ ތިއުޅެނީ ތީ މާކުރުންވެސް ކޮޕީލަވައެއްކަންއިގެ ހުސެން ސިހާބުގެ ހިތްއަދު ރޮނީއޭ ނުދާށޭ ވެސް ކޮޕީލަވައެއް އެއީ
ސުޒޭން
22 January 2019
ޝިރާނީ ވަރަށް ހުނަރުވެރި.
ފިލަމް
22 January 2019
އިންޑިޔާމީހުންވެސް ބައިވަރު އެހެން ގައުމުތަކުގެ ފިލްމުތައް ކޮޕީކޮށްގެން ހަދާ. ސާޗްކޮށްލަބަލަ އޭރުން ފެންނާނެ ހީވެސް ނުކުރާ މަޝްހޫރު އެތައް ފިލްމެއް އެއީ އެހެން ގައުމުތަކުގެ ފިލްމުތަކުގެ ކޮޕީކަން. މިއީ ހުރިހާ ތަނެއްގަވެސް މިކަން ހިނގާގޮތް.
ހަހަ
23 January 2019
ހެވޭ.. ހަމަ ކޮޕީ ކޮއްފަ އެއޮތީ. ދެން ލަލަލާ
އަމްޖެ
22 January 2019
ތިވާނީ ހަމަަ އިއްތިފާގަކަށް، ފައްތާހުގެ ގޮވިއްޖެ ނަދުރު ގޮތަށް
ބަހޫބަލީ
22 January 2019
ކޮޕީ ސްޓެޕްސް ތަކެއް ދަސްކޮށްދީގެން ޑާންސް ދަސްކޮށްދޭ މީހާ ހޯދާ ފައިސާ ބައި އަޅަން ޖެހޭނެތަ؟ މިބުނީ މިފައިސަަގެ އެއްބައި އިންޑިއާއަށް ދާން ޖެހޭނެތަ!!
ބާބާ
22 January 2019
ގިޔާސަކީ ވަރަށަ "މޮޅު ޑާންސަރެކޭ" ކިއާ އަޑުއިވެނީ. އެފެންވަރުގެ ބޭފުޅަކުވެސް ހިންދީލަވައިގެ ހުރިހާ ސްޓެޕްތަކެއް މިލަވައަށް ފައްތާލީމާ މިލަވައިގެ ކޮރިއޮގްރަފާއަށް ދޭންޖެހޭ ޕޭމަންޓް ހައްގުވަނީ ކޮންބޭފުޅަކާމެދު ސުވާލު އުފެދޭ!