ހެލްތް މިނިސްޓްރީ ހިންގާ ބިލްޑިން: އަތޮޅުތަކުގެ ހޮސްޕިޓަލްތަކަށް ގިނަ އަދަދެއްގެ ޑޮކްޓަރުން ހޯދަން ވަނީ އިއުލާން ކޮށްފައި -- ފޮޓޯ/މިހާރު
29 ޖެނުއަރީ 2019 - 12:34
17 comments
އަތޮޅު ހޮސްޕިޓަލްތަކާއި ސިއްހީ މަރުކަޒުތަކަށް 480 އަށް ވުރެ ގިނަ ޑޮކްޓަރުން ހޯދަން ހެލްތު މިނިސްޓްރީން އިއުލާންކޮށްފި އެވެ.
އިއްޔެ ކުރި އިއުލާނުގައިވާ ގޮތުން އަތޮޅުތަކުގެ ހޮސްޕިޓަލްތަކާއި ސިއްހީ މަރުކަޒުތަކަށް ހޯދަނީ 319 ޖެނެރަލް ޑޮކްޓަރުންނާއި 164 ސްޕެޝަލިސްޓް ޑޮކްޓަރުންނެވެ. އެ މަގާމުތަކަށް ކުރިމަތިލުމުގެ ފުރުސަތު އަންނަ މަހުގެ 14 ވަނަ ދުވަހުގެ ނިޔަލަށް އޮންނާނެ ކަމަށް އެ އިއުލާނުގައިވެ އެވެ.
ސްޕެޝަލިސްޓް ޑޮކްޓަރުންނަށް މުސާރަ އާއި އިނާޔަތްތަކާ އެކު މަހަކު 41،000ރ. ލިބޭނެ އެވެ. އަދި އިތުރު ގަޑި އާއި އެ މަގާމުގެ އިތުރު އިނާޔަތްތައް ލިބޭނެ އެވެ.
ޖެނެރަލް ޑޮކްޓަރުންގެ ތެރެއިން ސީނިއާ މެޑިކަލް އޮފިސަރުންނަށް މުސާރަ އާއި އިނާޔަތްތަކާ އެކު 25،000ރ. އާއި 30،000ރ. އާ ދެމެދުގެ އަދަދެއް ލިބޭއިރު، މެޑިކަލް އޮފިސަރުންނަށް 23،000ރ. އާއި 26،000ރ. އާ ދެމެދުގެ އަދަދެއް ލިބޭނެ އެވެ. އަދި އިތުރު ގަޑީގެ ފައިސާ އާއި އިތުރު އިނާޔަތްތައް ލިބޭނެ ކަމަށް އެ އިއުލާނުގައިވެ އެވެ.
ޖެނެރަލް ޑޮކްޓަރުންނާއި ސްޕެޝަލިސްޓުން ބޭނުންވާ އަތޮޅުތަކުގެ ހޮސްޕިޓަލްތައް އެ އިއުލާނުގައި ހިމަނާފައިވެ އެވެ. އޭގެ ތެރެއިން ސްޕެޝަލިސްޓް ޑޮކްޓަރުން އެދޭ ތަނެއްގައި އެ މީހަކަށް މަސައްކަތް ކުރެވޭނެ ކަމަށް ވެސް އެ އިއުލާނުގައިވެ އެވެ،
މީގެ އިތުރުން 100 އަށް ވުރެ ލެބޯޓްރީ ޓެކްނޮލޮޖިސްޓުުންނާއި 25 ރޭޑިއޯގްރާފަރުންނާއި 17 ފިޒިއެތޮރަޕިސްޓުން ހޯދަން ވެސް ހެލްތް މިނިސްޓްރީން ވަނީ އިއުލާންކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބުރަދާ
30 January 2019
މަކަރާއި ހީލަތުގެ ކަމެއް. އިންޑިޔާގެ ވަގު ސެޓްފިކެޓް ހިފައިގެން ރާއްޖެ ލޫޓްވަން ކުރާ ކަމެއް. ދިވެހި ޑޮކްޓަރުން ތަމްރީނު ވިޔަ ނުދީ އިންޑިޔާ ލުޓޭރުން ބޭނުންވަނީ، ރާއްޖެ ލޫޓުވާ ލުމަށް. ދިވެހިން ހޭލަންވެއްޖެ.
މާރަނގާ - އައްޑޫ ސިޓީ
29 January 2019
ޕްރޮފެޝަނަލް ގިންތީގެ ވަކިން ހާއްސަކޮށް މެޑިކަލް ޑޮކްޓަރުންނާއި ދާއިރާގެ ބޭފުޅުން ހޯދުމަށް އެޕްލައިކުރަން އެންމެ 02 ހަފުތާގެ މުއްދަތެއްދީފައިއޮތީ މިކަމުގައި ނުބައިމަގެއް ހުޅުވާފައިވާތީތޯ؟! * * މިހާ ގިނައަދަދަކަށް މެޑިކަލް ޑޮކްޓަރުން ހޯދާއިރު ޔުނިސެފާއި World Heath Organization ފަދަ އިދާރީ ދާއިރާތަކުގެ އެހީއާއި ލަފާ ހޯދާ އަދި އެތަންތަނުގެ އޮފިޝަލް ވެބްސައިޓްގައި އިސްތިހާރު ކުރެވިދާނެތޯ ބެއްލެވިންތޯ؟ ނަމަކަށް އިއުލާން ކުރުމަކުން ނުފުދޭނެ.
ވިލްސް
29 January 2019
ޑޮކްޓަރުން ހޯދިޔަސް އަދި ނުނިމޭނެ. އެ މީހުންނަށް ބޭނުންވާ ބޭހާއި މެޝިނަރީސްތައް ވެސް ހޯދާނެ ކަމަށް އުއްމީދު ކުރަން
ނަދާ
29 January 2019
ބުރުގާ ކޮންމެހެން އެއްޗެއް ކިޔަން ނޭގެނަޏާ ނުކިޔާ ހުރެބަ ސުމާޓު ފޯނެއް އޮތީ ތިބުރުގާ އަތުގަ އެކަންޏެއް ނޫނޭ
ށ.އަތޮޅު މީހާ
29 January 2019
މަމެން ރަށަށް ތީގެން ބައެއް ލިބޭނެކަމަށް އުންމީދުކުރަން.
ހަދީޖާ/ހެލްތު ވޯކަރު
29 January 2019
މިނިސްޓަރު އަމީން އައި ފަހުން އެ ބޭފުޅާވަނީ ހެލްތު މިނިސްޓްރީގައި އަތޮޅުތަކުގެ ކަންތައްތައް ބަލާނެ ހާއްސަ ޑެސްކެއް ގާއިމުކޮށް އަަތޮޅުތެރޭގެ ސިއްހީ މަރުކަޒުގެތަކުގެ ޝަކުވާ ސީދާ ހެލްތު މިނިސްޓްރީއަށް ހުށަހެޅޭނެ ގޮތް މަގުފަހިކޮށްދީފައި. މިއީ އަޅުގަނޑުމެންނަށް ލިބުނު ވަރަށް ބޮޑު ކުރިއެރުމެއް. މިހާރު އަޅުގަނޑުމެންނަށް އިނގޭ ހެލްތު މިނިސްޓްރީއާއި އަޅުގަނޑުމެންގެ ހެލްުތު ސެންޓަރުތަކާ ހުރީ ގުޅިފައިކަން އަދި އެ ގުޅުމުގެ ސަބަބުން އެދެވޭ ބަދަލު އަންނަކަން.
ފޮނިޓައްޕު ހަސަނު
29 January 2019
ތި ޑޮކްޓަރުން ހޯދާއިރު ހަރުދަނާ އުސުލެއްގެ ދަށުން ކަރަޕްޝަނަށް މަގުފަހި ނުވާނެ ގޮތަކަށް ކުރުން މުހިއްމު.
ޖިހާދު
29 January 2019
މިއީ ނޫންތޯ ރައްޔިތުންގެ ލާރި ހަރަދު ކުރަންޖެހޭ ކަންކަމަކީ.. ދިވެހިންނަށް ލިބޭ ހިދުމަތުގެ ފެންވަރު ރަނގަޅު ކުރުމުގައި ސިއްހަތު ވަޒީރު ތިޔަ ދައްކަވާ ނަމޫނާއަށް ހަމަ ސާބަސްދެން.. މި ގައުމު ބިނާކުރެވޭނީ ތިފަދަ ދަރިންނަން..
ދދދދ
29 January 2019
ކީއްވެ އެަވަރަށް ތަމްރީން ނުުކުރީ؟
އިންށަން
29 January 2019
ބޭރު ޑޮކްޓަރުންވެސް ޖިހޭނެ ރާއްޖެ ގަބޫލު ކުރާ ތަނެއްގަ އިންޓާންޝިޕް ހަދާފަ ހުންނަން. ނެތިއްޔާ އަހަރެމެން ލައްވާ 2 ފަހަރައް އިންޓާންޝިޕް ހަދުވަނީ ކީއްވެ؟ އިންޓާންޝިޕް ގެ ސެޓިފިކޭޓް ނެތިއްޔާ ލައިސެންސް ނުދީ އެގްޒާމް ހަދުވާ.