ރައީސް އިބްރާހިމް މުހައްމަދު ސޯލިހް މިއަދު ރިޔާސީ ބަޔާން އިއްވަވަނީ.
07 ފެބުރުއަރީ 2019 - 11:17
16 comments
ބޮޑެތި އާމްދަނީ ލިބޭ މީހުންނާއި މުއްސަނދިންގެ އަތުން އިންކަމް ޓެކްސް އަންނަ އަހަރު ނަގަން ފަށާނެ ކަމުގެ ޔަގީން ކަން ރައީސް އިބްރާހިމް މުހައްމަދު ސޯލިހް މިއަދު، ރައްޔިތުންނަށް ދެއްވައިފި އެވެ.
މި އަހަރަށް ރައްޔިތުންގެ މަޖިލިސް ހުޅުއްވައިދެއްވަން އިއްވެވި ރިޔާސީ ބަޔާނުގައި، ރައީސް ވިދާޅުވީ ޓެކްސްގެ ނިޒާމް މިހާރަށް ވުރެން ފުރިހަމަ ކުރަން ޖެހޭ ކަމަށެވެ. އެއް ބަދަލަކީ، އާމްދަނީ ލިބޭ ނިސްބަތަށް ބިނާކޮށް، އިންކަމް ޓެކްސް ނެގުން ކަމަށް ވިދާޅުވި އެވެ.
އެއީ، އެމަނިކުފާނުގެ ރިޔާސީ ކެމްޕޭންގައި ވެސް ވެވަޑައިގަތް ވައުދެކެވެ.
ރައީސް ވިދާޅުވީ އިންކަމް ޓެކްސް ނަގާނެ ގޮތުގެ ބިލެއް މި އަހަރުގެ ތެރޭގައި ރައްޔިތުންގެ މަޖިލީހަށް ހުށަހަޅާނެ ކަމަށެވެ. އެ ބިލް ފާސްކޮށް، އާމްދަނީން ޓެކްސް ނަގާނީ އަންނަ އަހަރު ކަމަށް ވިދާޅުވި އެވެ.
"އޭރުން، އަޅުގަނޑުމެން މިއެދޭ ޖަޒީރާވަންތަ ތަރައްގީގެ ހިތްފަސޭހަ ކަން ލިބެން ފަށާނެ،" ރައީސް ވިދާޅުވި އެވެ.
އެކަމަކު މިހާރުގެ ރައްޔިތުންގެ މަޖިލިހުގެ އެންމެ ފަހު ދައުރުގެ ފުރަތަމަ ޖަލްސާގައި ރައީސް ދެއްކެވި ވާހަކަފުޅުގައި ޓެކްސް ނަގަން ސަރުކާރުގެ ވިސްނުން ހުރި ގޮތުގެ ތަފްސީލެއް ނުދެއްވަ އެވެ.
އާ ރަައްޔިތުންގެ މަޖިލިހުގެ އިންތިހާބު އެޕްރީލް 6 ގައި އޮންނާނެ އެވެ.
ރައީސް ވިދާޅުވި ގޮތުގައި ރާއްޖޭގެ އިގްތިާސާދީ ދުވެލި އެތައް ގުނައަކުން ހަލުވި ވެފައި މިވަނީ ޓެކްސްގެ ނިޒާމް ތައާރަފް ކުރުމުންނެވެ. މުޅި ގައުމުގެ އިގްތިސާދީ ނަފާ އިން ދައުލަތަށް ލިބޭ މިންވަރު މިހާރަށް ވުރެން އިތުރުކުރުމަކީ ޖަޒީރާވަންތަ އިގްތިސާދަކަށް މުހިއްމު ކަމެއް ކަމަށް ވިދާޅުވި އެވެ.
ޓެކްސް ފައިސާ ބޭނުންކުރަން ނިންމާފައިވާ ގޮތް:
- ބޯހިޔާވަހިކަން ފޯރުކޮށްދިނުމަށް
- ބޮޑެތި ބަލިތަކަށް ފަރުވާ ހޯދަން ސަލާން ޖެހުން ހުއްޓުވަން
- ބޯފެނާއި ނަރުދަމާ ގާއިމުކުރަން
- ފޯރުންތެރިކަން ކުޑަ އާއިލާތަކަށް ދައުލަތުގެ އެހީތެރިކަން ދިނުމަށް
ޓެކްސް ނިޒާމް ތައާރަފް ކުރި އެމްޑީޕީގެ ވެރިކަމުގައި 2011 ވަނަ އަހަރު ވަނީ މުއްސަނދިންގެ އާމްދަނީން އިންކަމް ޓެކްސް ނަގަން މަޖިލީހަށް ބިލެއް ހުށަހަޅައިފަ އެވެ. އޭރު ވިސްނުން ގެންގުޅުނީ މަހަކު 30،000 ރުފިޔާ އަށް ވުރެ ބޮޑު އާމްދަނީއެއް ލިބޭ މީހުންގެ އަތުން އެ ޓެކްސް ނަގާ ގޮތަށެވެ.
ނަމަވެސް މިހާތަނަށް އެ މަސައްކަތް ކާމިޔާބުވެފައެއް ނުވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފަހުބައިސަ
07 February 2019
ޕްރައިމަރީއަށް އެކަނިވެސް ފަހެއްކަ ހައެއްކަ މިލިއަން ރުފިޔާ ހަރަދުކޮށްގެން ހޮވުނު މީހުން އިންތިހާބު ވެގެން އިންކަމްޓެކްސް ނެގޭނެ ދުވަހެއް ނާންނާނެ. ވަރަށް ސަލާން.
ޒަމީ
07 February 2019
އަދިވެސް ޔަޒީދުތަ މީރާގަ ހުރީ، ޔާމީނަށް ކެމްޕޭނުކޮށްދޭން އުޅެފަ މިހާރު ކޮޅުބަދަލުކޮށްލީތަ، މިފަހަރުވެސް ރައްޔިތުންގެ މަޖްލިސަށް ޔާމީނުގެ މެބަރުންނަށް ކެމްޕޭނުކުރަން ދޮރުންދޮރަށް ހިނގާނެތާ.
ފިނޭންސް މިނިސްޓަރ
07 February 2019
ނެގިދާނެ...އެކަމަކު ސަރުކާރުގެ ބޭކާރު ނުވަތަ އެހާ މުހިއްމުނޫން ސޯޝަލް ޕްރޮގްރާމްތައް (ވޯޓު ހޯދުމަށް އެނައުންސް ކުރަމުންދާ) ހިންގަން ބޭނުންވާ ފައިސާ ހޯދަން އަމިއްލަ މީހުން (ބިލިއަނަރުން ވާހަކައެއްނޫން) ބުރަ މަަަސައްކަތުން ހޯދާ އާމްދަނީން ޓެކްސް ނަގާކަށް މަށެއް ތާއީދެއްނުކުރަން.
އީސީސަރީފް
07 February 2019
މަވެސް ކިތަންމެ ފަހަރަކު ބުނިން ޔާމީނު ގާތު ތިކަންކުރާށޭ ވެރިކަމެއް މަނިކުފާނަކައް ނުލިބޭނޭ ރައްޔިތުން ރުޅިއައިސްވޯޓު ނުދީފާނެތީ ނުތިބޭށޭ ނަމަވެސް ގަބޫލެއް ނުކުރި އިބޫއައް ހުރިހާ މޮޅެއް ވިޔަފާރި ވެރިން ސައިޒުގަ ތިބޭނެ ކަމައްހީކުރަން ދެންކުރަން ޖެހޭކަމަކީ ކާބޯތަކެތީގެ އަގު ކޮންޓްރޯލު ކުރުން ގުދަން ތަކުގެ ކުލިމާފުކުރުން ރާޅުގަނޑު ސަރަހައްދުގަ ހުރި ތަންތަން ހިލޭ ވިޔަފާރި ވެރިންނައް ދޫކުރުން މައިލޯދަޅު 35 ކުރުދަޅު 55 ބަދަލުވެގެންދާނެ
އަހްމަދު
07 February 2019
މި ކަމަށް ކޮމެންޓް ކުރުމުގައި އެހާ ސަޕޯޓެއްނުލިބުނީ މިފައިސާ ނަގައިގެން ރައްޔިތުންނަށްމަންފާއެއްނުކޮށް ސަރުކާރުގެ ވަކިބަޔަކުކާލާ ނިންމާލާފަ ބަޑުދައްކާލަފަ ދިޔާމަވެސް އަޅާނުލާނެކަން އެގޭތީ.
ގުޑުގުޑާ
07 February 2019
ރައްޔެތުއްގެއަތުގައި ލާފޮޗެއްއޮތީކޮއްމެވެސްގޮތަކުއްއަތުލާނެ ނުދީފީޔާޖަހާވެސްގައްގައްނާނެ މިއީމިމީހުނައްކުރެވޭނޭހާވެސްކަމަކީ
ލ.އަތޮލު
07 February 2019
މިކަމުގެ ސަބަބުން ފަގީރުން ވާނީ ނިކަމެތި...
ފޫހި
07 February 2019
އިންކަމް ޓެކްސް ވިޔަފާރިފައުދާއިން ޓެކްސް މިއީ ހަމައެކަކު އަތުންނަގާ ޓެކްސް. ސުވާލަކީބުރަ މަސައްކަތް ކުރާމީހާ އެކަނިހޭ ދައުލަތަށް ފައިސާ ދައްކަންޖެހޭނީ. އަދި ކޮފީ ތަކާއި ޑްރާމާ ބެލުމުގައި ވަގުތު ބޭކާރު ކުރާމީހާހަމަ ދައުލަތުން ހަރަދުކޮށްގެން ބަލަންވީހޭ. މިގައުމުގައި މަސައްކަތް ކުރުމުން ފައިސާ ނުލިބޭނެ ހަމަ އެކަކުވެސް ނޫޅޭނެ. އޭގެ މިސާލެއް ބަންގާޅު މީހުން .
އަލީގ
07 February 2019
ތިބުނާ ކޮފީތަކާ ޑްރާމާ ބަލާ މީހާއައްވެސް ފައިސާދެނީ ދައުލަތަކުންނޫނޭ ހަމަ ތިބުނާ ބުރަ މަސައްކަތްކުރާމީހާ. "ބައްޕާ ލާރިއެއްނެތް ކޮފީއެއްބޯލަން. ބައްޕާ ސިގިރޭޓެއްގަނެލަން. ބައްޕާ ރައްޓެހިނާއެ ދަތުރުދާން. ބައްޕާ ލަންކާއައް ޖައްސާލަން" ހަމަ ބުނެލީ އެކުދިންނައް ލާރިއެލިބުނީ. އަނެއްކޮޅުން އަނެއްބަޔަކު ހުރިހާ ޗެނަލަކުން ދައްކާ ހުރިހާ ޑްރާމާއެއްބަލާނެ އެއައްވެސް ހަމަ ފައިސާދައްކަނީ ތިބުނާ ބުރަމަސައްކަތްކުރާމީހާ.
މަރޭމިތުރު
07 February 2019
އިންކަމް ޓެކްސް ނުދައްކާ ފަރާތްތައް ޝަރީއަތައް ހާޒިރުކޮށް އަދި މުދާ ހިފެހެއްޓުމުގެ ބާރު ސަރުކާރަށް އޮންނަންޖެހޭ!!!!މިކަމުގައި ފައިސާހޯދުމަށް ވަކިބަޔަކު ތިބެންޖެހޭނެ ހަމަޖައްސާފައި! އެބަޔަކު ތިބެންވީ ފުލުހުންގެ ހިމާޔަތްވެސް ލިބިގެންކަމަށް ދެކެން.
އައިޝަތުއަލީ
07 February 2019
މަރޭގެ ކޮމެންޓުތައް ވަރަށް ބާރުގަދަ ދިވެހިބަސް ކައިގެންދޯތިހުރީ/
ޔޫސުފް
07 February 2019
ތިޔަ ގޮތެއް ކަމަކު ނުދޭ. އިންކަމް ޓެކްސް އަކީ މަސައްކަތް ކުރާ ހުރިހާ އެންމެންގެ އަތުން ނަގަން ޖެހޭ އެއްޗެއް. 30000 ލިބޭ މީހާ އަތުން ނަގާފަ 25000 ރުފިޔާ ލިބޭ މީހާ އަށް ކާން ދިނީމަ ތީގެ އިންސާފަކީ ކޮބާ? އެހެން ނޫނަސް ސަރުކާރުން ދޭ ތައުލީމާ ސިއްޙީ އަދި ނަރުދަމާގެ ޙިދުމަތްތަށް ފެންވަރު ރަނގަޅު ނުކޮށް ތިކަން ކުރުމާ ދެކޮޅު. އިންކަމް ޓެކްސް ދަށްކާ މީހާ އިތުރު ޙިދުމަތް ތަކަށް ފައިސާ ޙަރަދު ކުރަން ނުޖެހޭ ނިޒާމެއް އޮންނަން ޖެހޭ