މަހިބަދޫ ދާއިރާގެ އެމްޑީޕީ ކެންޑިޑޭޓުގެ ނަން ނަގައިފި

އިލެކްޝަންސް ކޮމިޝަނުން ބޭއްވި ނިއުސް ބްރީންއެއްގެ ތެރެއިން: މަހިބަދޫ ދާއިރާގެ އެމްޑީޕީގެ ކެންޑިޑޭޓު އަލީ އަހުމަދުގެ ނަން ވަނީ އަނބުރާ ގެންގޮސްފައި.---ފޮޓޯ: މިހާރު

17 މާޗް 2019 - 15:22

13 comments

އަންނަ މަހު ބާއްވާ ރައްޔިތުންގެ މަޖިލިހުގެ އިންތިޚާބުގައި އދ. މަހިބަދޫ ދާއިރާ އަށް އެމްޑީޕީގެ ޓިކެޓުގައި ވާދަކުރައްވާ ކެންޑިޑޭޓު އަލީ އަހުމަދުގެ ނަން އޭނާ ނަގައިފި އެވެ.

މި އިންތިޚާބުގައި މަހިބަދޫ ދާއިރާ އަށް އެމްޑީޕީގެ ކެންޑިޑޭޓާ އެކު ކުރިން ފަސް ކެންޑިޑޭޓަކު ވާދަކުރި އެވެ.

އެކަމަކު، ސަރުކާރު ހިންގާ ކޯލިޝަންގެ މައި ޕާޓީ އެމްޑީޕީގެ ކެންޑިޑޭޓުގެ ނަން ނެނގުމުން ދެން އެ ދާއިރާ އަށް ވާދަކުރައްވާނީ މިހާރު ވެސް މަހިބަދޫ ދާއިރާގެ ޕީޕީއެމްގެ މެމްބަރު އަހުމަދު ތޯރިގް (ޓޮމް) އާއި އަދާލަތު ޕާޓީން އަލީ އާޒިމާއި އަމިއްލަ ދެ ކެންޑިޑޭޓެއް ކަމަށްވާ އަހުމަދު ސުނީލް އާއި އަހުމަދު ހުސައިން އެވެ.

މަހިބަދޫ ދާއިރާގެ އެމްޑީޕީގެ ކެންޑިޑޭޓުގެ ނަން ނެގިއިރު، އެއީ އެމްޑީޕީ އާއި އަދާލަތު ޕާޓީގެ މަޝްވަރާގެ ދަށުން އެމްޑީޕީން ވާދަނުކުރަން ކުރިން ވާހަކަ ދެއްކި ހަ ދާއިރާގެ ތެރޭގައި ހިމެނޭ ދާއިރާ އެކެވެ.

މަހިބަދޫ ދާއިރާގެ އިތުރުން ދެން އަދާލަތަށް ދޫކޮށްލަން އެމްޑީޕީން ވިސްނީ ވައިކަރަދޫ ދާއިރާ، މަކުނުދޫ ދާއިރާ، ކާށިދޫ ދާއިރާ އަދި މިލަންދޫ ދާއިރާގެ އިތުރުން ފުވައްމުލަކު ދެކުނު ދާއިރާ އެވެ. އެކަމަކު މަހިބަދޫ ދާއިރާ ފިޔަވައި އެހެން ދާއިރާ އަކުން އެއްބަސްވި ގޮތަށް ނަން އަނބުރާ ނުނަގަ އެވެ.

އެންމެ ފަހުން 2014 ވަނަ އަހަރު ބޭއްވި ރައްޔިތުންގެ މަޖިލިހުގެ އިންތިޚާބުގައި ވެސް މަހިބަދޫ ދާއިރާ އަށް ކުރިމަތިލެއްވި އެމްޑީޕީގެ ކެންޑިޑޭޓު ވަނީ ގުރުއަތަށް ފަހު ނަން އަނބުރާ ނަގައިފަ އެވެ. މި ފަހަރު ވެސް އެމްޑީޕީގެ ކެންޑިޑޭޓުގެ ނަން މި ނެގީ ގުރުއަތަށް ފަހު އެވެ.

އިލެކްޝަންސް ކޮމިޝަން ރައްޔިތުންގެ މަޖިލީހުގެ އިންތިޚާބު 2019 އދ. މަހިބަދޫ އެމްޑީޕީ އަދާލަތު ޕާޓީ މެމްބަރު އަހުމަދު ތޯރިގް (މަހިބަދޫ)

13 ކޮމެންޓް, 85 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަބީ

19 March 2019

ޓޮމް އެއީ އިޚްލާސް ތެރި ކަމާއެކު އަތޮޅަށް މަސައްކަތް ކޮށްދެއްވި މެމްބަރެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަހީދު

18 March 2019

މިކަމުން ފިލާވަޅު ލިބިގެން އަލީ އާދިލު ގެމަނަފުށީ ދާއިރާއިން ނަން ނެގުމަށް ގޮވާލަން. މިދާއިރާގައި ޖޭޕީ ބަޔަކު ނެތް. އެމްޑީޕީ އާއި ޕީޕީއެމްގެ ދާއިރާއެއް މީ. ފަނި ނަހަދާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަންނުބުނީ

17 March 2019

ތާއިދުނެތްކަން އެގެނީ އެހެންވެނެގީ އަމިއްލަ ނަމުގަ ކުރިމަތިލާފަ ތިބިމީހުންގެތެރޭން މޑޕ މީހާ ހުންނާނީ. ވިސްނާ ރައްޔިތުން މޑޕ ކުޅޭނެ މިކަހަލަ ކިތައްމެ ކުޅިއެއް.