ހައިތަމްގެ ކެމްޕެއިން ޖަގަހައިގައި ބިއްލޫރިގަނޑު ތަޅާލާފައި. --
23 މާޗް 2019 - 11:41
11 comments
އަންނަ މަހުގެ ހަ ވަނަ ދުވަހު އޮންނަ އާންމު އިންތިޚާބުގައި، އެމްޑީޕީގެ ޓިކެޓުގައި މައްޗަންގޮޅި ދެކުނު ދާއިރާ އަށް ވާދަކުރައްވާ އަހުމަދު ހައިތަމްގެ ކެމްޕެއިން ޖަގަހަ އަށް ރޭ ފަތިހު ގެއްލުންދީފި އެވެ.
ހައިތަމް މިއަދު "މިހާރު" އަށް ވިދާޅުވީ މައްޗަންގޮޅި ސަހަރާ ކައިރީގައި ހުންނަ ކެމްޕެއިން ޖަގަހައިގެ ބިއްލޫރިގަނޑު ތަޅާލައި، އެ ސަރަހައްދުގައި ދަމާފައި ހުރި ބައެއް ބެނާތައް ވެސް ނައްޓާލާފައިވާ ކަމަށެވެ. އޭނާ ވިދާޅުވި ގޮތުގައި، މިއީ ބަޔަކު ދިން އިންޒާރެއް ކަމަށް ގަބޫލުކުރެއްވެ އެވެ.
"ގާ ބުރިއެއް އެއްލައިގެން ޖަގަހައިގައި ހުރި ބިއްލޫރިގަނޑެއް ތަޅާލާފައި ހުރީ. އަދި ދާއިރާގެ އެކި ހިސާބުތަކުގައި ދަމާފައި ހުރި ބެނާތައް ވެސް އެބަހުރި ނައްޓާލާފައި. މަގު ހުރަހަށް ދަމާފައި ހުރި ބެނާތައް ނަގާފައި، އެހެން ކެންޑިޑޭޓެއްގެ ބެނާތައް ދަމާފައި ހުރީ،" ހައިތަމް ވިދާޅުވި އެވެ.
އޭނާ ވިދާޅުވީ ޖަގަހަ އަށާއި ބެނާތައް ނައްޓާލުމުގެ ސަބަބުން ކެމްޕެއިން ޓީމުގެ ބައެއް މީހުންނަށް ބިރުވެރިކަމާ ކުރިމަތިލާން ޖެހިފައިވާ ކަމަށެވެ.
މާލޭގެ މަގެއްގައި ދަމާފައި ހުރި ހައިތަމްގެ ކެމްޕެއިން ބެނާއެއް ނައްޓާލާފައި.
"ބައެއް މީހުން ޖެހިލުން ވާނެ ކެމްޕެއިންގައި ދެން އުޅެން،" ހައިތަމް ވިދާޅުވި އެވެ.
އޭނާ ވިދާޅުވި ގޮތުގައި މިދިޔަ ބުރާސްފަތި ދުވަހުގެ ފަތިހު މާފަންނު އިހްސާން ފިހާރަ ކައިރީގައި ހުރި ހަ ސައިކަލެއް ރޯކޮށްލި އިރު، އެތަނުން އެއް ސައިކަލް ދުއްވަނީ އޭނާގެ ކެމްޕެއިންގައި އިސްކޮށް އުޅޭ މީހެކެވެ. އެހެންވެ މިފަދަ ކަންކަމުން އެއީ އިއްތިފާގެއް ނޫން ކަމަށް އޭނާ ތުހުމަތުކުރައްވަ އެވެ.
ނަމަވެސް ދާއިރާގެ ގޮނޑި ހޯއްދަވަން ކުރާ މަސައްކަތުގައި ފަހަތަށް ޖެހިވަޑައިނުގަންނަވާނެ ކަމަށް ހައިތަމް ވިދާޅުވި އެވެ. އަދި މިކަމުން ކެމްޕެއިނަށް ބުރުލެއް ވެސް ނާރާނެ ކަމަށް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އައްބާސް
24 March 2019
ވަރަށް އަޑިނުބައި މީހެއް ހައިތަމް އަކީ!
ކައުންސެލަރު
24 March 2019
އަޑިއަޑިން ރާވައިގެެން ފޭރޭބީދައިން މީހުންގެ ސިމްޕަތީހޯދަން މިކަމަކީ އަޑިއަޑިން ރޭވިގެން ތިމާމެން ކުރިކަމެއްނޫންބާ؟
ކޮއްޕާ
24 March 2019
ކޮބާތޯ އެއްކަލަ މާ މޭޔަރު ވެގެން ހަޅޭލަވަމުން ކުރީގެ ސަރުކާރައް ޖެއްސުންކޮއް މާލެ އަދިރިއޭ ގޮވި ޝިފާ. .. ދަންވެގެން ފިހާރަތައް ނިވާލީމަ މަގުތައް އޮންނަނީ އަދިރިކޮހް ކޮންލަމެއްބާ ކުރީ މިއޮތީގައިމުވެސް ކަމަނާގެ ސަރުކާރު އަދިވެސް ދުވޭ ކެމްޕެއިނައް. .
މަރޭމިތުރު
23 March 2019
ފަނޑިޔާރެއްގެ ވާހަކަ ކޮމެންޓެއްގައި ޖަހާއިރައް މިހާރު އޮންލައިނުން ފިޑިވެފައި ތިބެނީ އކޮމެންޓްވެސް ޖަހާލަދޭން ތިބެނީ ނުކުޅެދޭހާލަތަކަށް ގޮސް ކަކުލުހުޅުން ދޫވެ ކުރުނީސްކުރާފަދަ ހާލަތެއްގަ. މިކަމުގެ އަޑީގައި ތިބެނީ ފަނޑިޔާރުންގެ ބައެއް!
ކޮއްޕާ
24 March 2019
ފަޑިޔާރުން ބޮލައް ނުކަޑާ މިކަން ކަމުގެ އަޑީގަ ތިބެނީ ތިބައިމީހުންގެ ތާއީދު އޮން ލޯޔަރުން ކުއްވެރިން ސަލާމަތް ކުރަން ގުރޫޕް ހަދާފަ އުޅެނީ އެމީހުން..
ސުދާ
23 March 2019
ސްޓަންޓެއް
ގަރޫޑާ
23 March 2019
ބިއްލޫރިގަނޑު ބަދަލުކޮއްލާފަ ތިޔަ އެއްކޮޅު ނައްތާލާފަހުރި ބެނާތަކުގެ ކޮޅުތައް އައްސާލަން 3000 ވެސް ހަރަދުނުވާނެ. މީހުންގެ ސަޕޯޓުނެތުނީމަ އަމިއްލަޔައް ސަޕޯޓުހޯދާލަން އެމްޑީޕީގެ ކެންޑިޑޭޓުން އާންމުކޮއް ކުރައްވާކަމެއް.
ހަމަހޭ
23 March 2019
ޕަބްލިސިޓީ ސްޓަންޓެއް އެކަމަކު ދެރަކަމަކި ވަރައްބާވެފައޮތް އޯލްޑް ސްޓަންޓެއް، ޕާޓީކުދިންލައްވާ އެމްޑީޕީ މީހުންނޫނީ އާންމުކޮއް ނުކުރުވާކަމެއް.
ހޭކެނޑޭ
23 March 2019
މޑޕ ގެ ސަރުކާރެއް އޮވެ މިފަދަ ޖަރީމާ ތައް ހިންގާ ފަރާތް ތައް ނުހޯދޭ ސަބަބު ބަލަންޖެހޭ. މިހިރަ މިހިރަ ކަންކަމީ މާލޭގެ މަގުތަކުގައި އިންދާފައި ހުރި ފެންފޯ ރުއްތައް ކެނޑުން ކަހަލަ ކަމެއް. ފުލުހުން މާލޭގެ މަގުތަކުގައި ހަރުކޮއްފަހުރި ސީސީޓީވީ ކެމެރާ ތަކުގެ ބޭނުން ކޮބާބާ!
ނެތީމޭ
23 March 2019
ތިޔާ ތަމެން ޕަބްލިސިޓީ ސްޓަންޓް ޖައްސަންވެގެން ތަމެން އަޑީގައި ތިބެގެން ކުރުވާ ކަންކަމޭ ބުނަން މަމެން ނެތީމޭ...
ރަދީފް
23 March 2019
ވަރަށް ފިނޑި އަމަލެއް.އެއްވެސް ބައެއްގެ މުދަލަށް ގެއްލުންދީގެން ނުވާނެ.