28 މާޗް 2019 - 10:21
8 comments
އައްޑޫގެ ކަރަންޓަށް ދިމާވެފައިވާ މައްސަލަ އަށް މި ވަގުތު ވަގުތީ ހައްލުތަކެއް ގެނައި ނަމަވެސް، މިކަމަށް ދާއިމީ ހައްލެއް ގެނެވޭނެ ގޮތްތަކެއް ހޯއްދަވާނެ ކަމަށް ރައީސް އިބްރާހީމް މުހައްމަދު ސޯލިހު އިއްޔެ ވިދާޅުވެއްޖެ އެވެ.
ކުރިއަށް އޮތް ރައްޔިތުންގެ މަޖިލީހުގެ އިންތިހާބާ ދިމާކޮށް ކެމްޕޭނަށް އައްޑު އަށް ކުރެއްވި ދަތުރުފުޅުގައި ފޭދޫގައި ވާހަކަ ދައްކަވަމުން ރައީސް ވިދާޅުވީ ކަރަންޓް ކެނޑޭ މައްސަލައަކީ ހައްލު ނުވެ، އައްޑު އަށް ދިމާވެފައިވާ އެންމެ ބޮޑު އެއް މައްސަލަކަން ފާހަގަކުރެއްވޭ ކަމަށެވެ.
"މިއީ އަޅުގަނޑުމެން މިހާރުން މިހާރަށް ވަގުތީ ހައްލެއް ހޯދުމަށްޓަކައި ކުރަންޖެހިފައި ހުރި ކަމެއް. އެގޮތުން އެއީ ފެށުމެއް ކަމަށް ތިބޭފުޅުން ބައްލަވާ، މި ސިޓީގެ ކަރަންޓުގެ މައްސަލަ އިރާދަކުރެއްވިއްޔާ ދާއިމީ ހައްލު ކުރެވޭ ކަހަލަ ގޮތަކައް މަސައްކަތް އަޅިުގަނޑުމެން ކުރާނަން،" ރައީސް ވިދާޅުވި އެވެ.
ރައީސް މިއަދު އައްޑު އަށް ވަޑައިގެންނެވި އިރު، އައްޑޫގެ އާބާދީގެ ބޮޑުބައި ދިރިއުޅޭ އަވަށްތަކަށް ކަރަންޓް ދޭ މަރުކަޒީ އިންޖީނުގޭގެ ޖެނެރޭޓަރަކަށް މައްސަލައެއް ޖެހިގެން ކަރަންޓް ކަނޑަމުންދާތާ މިހާރު ހަފުތާއެއްހާ ދުވަސް ވަނީ އެވެ.
Addu City ge gulhifaivaa rahrasha mihaaru dhimaavefaiva karantuge massala aa gulhigen, Raees @ibusolih Addu Central Power Station ah vadaigen haalathu ballavaalavvaa, massala hallukurumah kurevemun dhaa massakaithakaa gulhey gothun thanuge fannee muvazzafunna mashvara kuravvaifi. pic.twitter.com/JlIe97jJyn
— Fenaka Corporation Ltd (@TeamFenaka) March 27, 2019
ރައީސް ވިދާޅުވި ގޮތުގައި މި މައްސަލަ އަށް ވަގުތީ ހައްލަން ގެންނަން ބޭނުންވާ ސާމާނު މާދަމާ ހިސާބު އައްޑު އަށް ފޯރާނެ އެވެ. ރައީސް މިއަދު އައްޑު އަށް ކުރެއްވި ދަތުރުގެ ތެރޭގައި ވަނީ މަރުކަޒީ އިންޖީނު ގެއަށް ވަޑައިގެން އެތަނުގެ މަސައްކަތް ހިނގާ ގޮތާ ބެހޭ މައުލޫމާތު ވެސް ހޯއްދަވައިފަ އެވެ.
އައްޑު އަށް ކަރަންޓްގެ ހިދުމަތް ދޭ ފެނަކަ ކޯޕަރޭޝަނުން ބުނި ގޮތުގައި ކަރަންޓް ކެނޑޭ މައްސަލަ އަށް ވަގުތީ ހައްލެއް ހޯދައި ދިނުމުގެ ގޮތުން 1.2 މެގަވޯޓް އަދި 800 ކިލޯވޯޓް ގެ ދެ ޖެނެރޭޓަރު ސެޓާއި، 2،000 ކިލޯވޯޓާއި 1،500 ކިލޯވޯޓްގެ ދެ ޓްރާންސްފޯމަރު އައްޑު އަށް ގެންދާނެ އެވެ.
ފެނަކަ އިން ބުނީ ކައިރި މުސްތަގުބަލެއްގައި އައްޑު އަށް 4 މެގަވޯޓާއި 2 މެގަވޯޓް ގެ ދެ ޖެނެރޭޓަރު ސެޓް ވެސް ހޯދުމުގެ މަސައްކަތް ކުރަމުންދާ ކަމަށް ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޑުރެކިއުލާ
28 March 2019
ބުރޯ، ދާއިމީ ހައްލު ހޯދާގޮތް ބުނެދެންތަ؟ އަހަރަކު އެތައް ސަތޭކަ މިލިއަން ގެއްލުމުގަ ކ.މާލެސަރަހައްދަށް ކަރަންޓު ދޫކުރާއިރުވެސް 13 މެގަވޮޓް ބޭނުންކުރާ ހުޅުމާލޭގަ އެބަހައްޓަނީ 50 މެގަވޮޓްގެ އިންޖީނު، މަސައްކަތަށް އަހަރެއްވެސް ނުނަގާ. ނޫހަކުވެސް ނުޖަހާ، ރައިސުލްޖުމްހުރިއްޔާ ވައުދުވާކަށްވެސް ނުޖެހޭ، ކަރަންޓުވެސް ނުކަނޑާ. ހަމަ އެއްދައުލަތެއް.
މުޙަންމަދު
28 March 2019
ހަމަ އެއް ދައުލަތެއް އެކަމަކު ތަފާތު ވެރިއެއްދޯ އޭރުގަ ހުރީ!
އިހްލާސް
28 March 2019
ކަރަންޓް ދޭންހުނަ އިންޖީނަކަށް ކަމެއް ވެއްޖާ އެކަމެއް ވަރަށް އަވަހަށް ހައްލުކޮށްދޭ ފަދައިން ބުރަ މަސައްކަތް ކުރާ މުވައްޒަފުނަށްވެސް ރަގަޅު އުޖޫރައެއް ދެއްްވާ،
އަޝްރަފު
28 March 2019
ވާވަރު މީހުން ވެރިކަން ކޮށްފައި ހިގަނއްޖެ! އެމީހުން ވައްކަން ނުކުރާ ނަމަ އެވަރުގެ ބަޔަކު ނެތް ހަމަ!
ޖައިލަމް
28 March 2019
ކިސުމަތު ވާލޯންކޯ (އައްޑޫ ވާލޯން) މިލްތާހޭ ވޯޓުކޭ ބަދުލޭ ކަރަންޓު!
ހިގޮ
28 March 2019
މަ ހީކުރީ ސެލްފީއެއް ނަގަނީ ކަމައް
ރަދީފް
28 March 2019
އިންތިހާބާއި ދިމާކޮށް ރައްޔަތުން ހައްލަން ދައްކާ ދަޅައަކަށް ނުވެއްޖެނަމަ އެއީ އުފާވެރިކަމެއް.އެހެނީ އަހަރެންގެ ވެސް މައިންބަފައިން އަދި ތިމާގެ ގިނަ ބަޔަކު އައްޑޫގަ އުޅޭއިރު ކަރަންޓްގެ މައްސަލަ ހައްލުވެއްޖެނަމަ އެމީހުންނަށް ލުއިފަސޭހަތަކެއް ލިބޭނެކަން ކަށަވަރުވެ ޔަގީންވޭ.ނަމަވެސް އަސްލަމަށް ވޯޓް ދެވެން ނެތް ވާހަކަ ދަންނަވަން.ވ.ވެދުން
ލާރޖްކޮށްޖައްސާށޭ
28 March 2019
އައްޑޫގެ ކަރަންޓަށް ދާއިމީ ހައްލެއް ހޯދައިދޭނަން ކަމަށް ރައީސް އިބޫ ވިދާޅުވި ނަމަވެސް ފެނަކަ އާއި ތިކަން ހަވާލު ކޮށްގެން ތިޔާ ކަން ނުވާނެއޭ އަދި ސަރުކާރުގެ ބަޖެޓުން ވެސް ތިޔާ ކަން ނުވާނެއޭ ތިޔާ ސޯލަރ ޕެނަލޭ ކިޔައިގެން ފަތުރާ ޕްރޮޕެގެންޑާ އިން ކިއެއްވެތޭ އައްޑޫ އަށް ކަރަންޓް ނުދެވުނީ މިހޫނު މޫސުމުގައި ތިޔާ ކަން ތިޔާ ހެނެއްނުވާނެއޭ ތިޔާއީ އިންޖީނުގެ އެއް ނޫނޭ މިހާރު ތިޔާއީ ގެރި ގެންގުޅޭ ގަރާޖް އެކޭ ތިޔާ ތަން ދޫކޮށްލާ އަލުން ތަނެއް ހިއްކައިގެން