އެމްޑީޕީގެ މުޒާހަރާއަކުން އިލްޔާސް ލަބީބް ހައްޔަރުކުރަނީ: މިއަދު އޭނާ ފުލުހުންގެ ބެލުމުގެ ދަށަށް ގެންދިޔައީ ސުވާލުކުރަން ކަމަށް ފުލުހުން ބުނޭ. --ފޮޓޯ: އެމްޑީޕީ
31 އޯގަސްޓް 2016 - 18:45
5 comments
ރައްޔިތުންގެ މަޖިލީހުގެ ހުޅުމީދޫ ދާއިރާގެ ކުރީގެ މެމްބަރު އިލްޔާސް ލަބީބް ކެފޭއެއްގެ ތެރޭގައި އިންނަވަނިކޮށް މިއަދު ހަވީރު ފުލުސް އޮފީހަށް ހާޒިރުކޮށް ފޯނު އަތުލައިފި އެވެ.
އެމްޑީޕީގެ ނައިބު ރައީސް މުހައްމަދު ޝިފާޒް ވިދާޅުވީ އެ ޕާޓީގެ ސ. ހުޅުދޫ ދާއިރާގެ ރައީސް އިލްޔާސް ހައްޔަރުކޮށްގެން ފުލުސް އޮފީހަށް ގެންދިޔަ ސަބަބެއް އެނގިވަޑައި ނުގަންނަވާ ކަމަށެވެ. އޭނާ ދޫކޮށްލީ ފޯނު އަތުލުމަށް ފަހު ކަމަށް އެމްޑީޕީން ބުންޏެވެ.
އިލްޔާސް ލަބީބް ހައްޔަރުކުރި ކަމަށް ސޯޝަލްމީޑިއާގައި ފެތުރި ވާހަކަ ދޮގުކުރައްވައި ފުލުހުންގެ މީޑިއާ އޮފިޝަލް ވިދާޅުވީ އޭނާ ފުލުސް އޮފީހަށް ހާޒިރުކުރީ ތަހުގީގުކުރަމުންދާ މައްސަލައަކާ ގުޅިގެން ކަމަށެވެ. ނަމަވެސް އެކަމުގެ ތަފްސީލެއް ނުދެއްވަ އެވެ.
އިދިކޮޅު އިއްތިހާދުން މާލޭގައި ބާއްވާ ހަރަކާތްތަކުގައި އިސްކޮށް އުޅުއްވާ އިލްޔާސްގެ ފޯނު އަތުލިއިރު އެ އިއްތިހާދުގައި އިސްކޮށް ހަރަކާތްތެރިވެވަޑައިގަންނަވާ ގިނަ ބޭފުޅުންނާ ގުޅޭ ތަހުގީގުތައް ފުލުހުން އަންނަނީ ކުރަމުންނެވެ. އެ މައްސަލަތަކުގައި ބައެއް ބޭފުޅުންގެ ފޯނު އަތުލައިގެންނާއި ފުލުސް އޮފީހަށް ހާޒިރުކޮށްގެން ވެސް ތަހުގީގު ކުރިއަށް ގެންދެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރާޅު
31 August 2016
މިއަށް މިކިޔަނީ ކީކޭ ޕިންކް ކުދިން ކިޔަނީ ޑިމޮކްރެސީ އޭ. ތިމާޔާ ދެކޮޅަށް ކުޑަވެސް ބަހެއް ބުނާ މީހަކު ޕޮލިހަށް ހާޒިރުކުރުމަށް ފަހު ފޯނުއަތުލުން، ޖަލަށް ލުން، ބިރުދެއްކުން މިއީ އެންމެފަހުގެ ޑިމޮކްރެސީ އެވެ.
ރަބަރޭ
31 August 2016
މަރަށް ތެޅެނީ.
އިހުރު
31 August 2016
ގޮތްހުސްވެ ދެލޯ މުދުނަށް އަރާ ހަތަރެސްކަން ހަމަވީމާ. ތިހުރިހާ ނުހޮރުއްޕާނެއް ޖެހޭނެ. އިރާދަ ކުރެއްވިއްޔާ މިކަމުން ވެސް ސަލާމަތްވާނެ ދުވަހެއް އަންނާނެ.
ދޭބަލަ
31 August 2016
ސ. ހުޅުދޫ ދާއިރާގެ ރަންރީނދޫ ކުދިންގެ ލަބިއްޓޭ ކީއްކުރަންތަ މަމެންގެ މާލޭގައި އުޅެންވީ؟ އެއިރަށް ހައްޔަރެއް ވެސް ނުކުރާނެ އަދި ފޯނެއް ވެސް އަތުނުލާނެއެވެ. ދޭބަލަ ދެން ރަށަށް.
ޔާގޫންބާ
31 August 2016
ތިހާ ސިއްރުކުރަންޖެހޭ މައްސަލައެއް އޮވޭތަ. މިރާއްޖެ ނޫނީ މިހާތަހުގީގު ގިނަ ކަމެއް ސާފުނުވާ ގައުމެއް ނޯންނާނެ. އަދި ތަހުގީގު ކުރިޔަށްދާތީ ކަމާބެހޭ މައުލޫމާތެއް ދެވެންނޯންނާނެ. ތިފުލުހުންނަށް މިހާރު ބޭނުންވަނީ ޓްރޭނިންނެއް ނޫން. ބޮލުތެރެއިން ފައިސާ ފޮހެވޭ ކަހަލަ ބޭހެއް.