ޕީއެންސީގެ އިސް ބޭފުޅުން އެ ޕާޓީގެ ކޮންގްރެސް ޖަލްސާގައި ބައިވެރިވެ ވަޑައިގަންނަވަނީ-- މިހާރު ފޮޓޯ
01 މެއި 2019 - 16:14
47 comments
ވެރިކަމާ ހަވާލުވުމަށް ފަހު މި ސަރުކާރުން އެތައް ބަޔަކު ވަޒީފާއިން ވަކިކޮށް، ސިޔާސީ މަގުސަދުގައި އެކި ފަރާތްތަކަށް ވަޒީފާގެ ބިރު ދައްކަމުންދާ ކަމަށް އިދިކޮޅު ޕާޓީ، ޕީޕަލްސް ނޭޝަނަލް ކޮންގްރެސް (ޕީއެންސީ)ން ބުނެފި އެވެ.
މިއަދު ފާހަގަކުރާ މަސައްކަތްތެރިންގެ މުނާސަބަތުގައި އެ ޕާޓީން ނެރުނު ނޫސް ބަޔާނެއްގައި ބުނީ، މަސައްކަތްތެރިންގެ ހާލާ މެދު ކަންބޮޑުވާ ކަމަށެވެ. އެހެންވެ، ވަޒީފާ އަދާކުރާ ފަރާތްތަކުގެ ހައްގުތައް ރައްކާތެރިކޮށް، ހަމަހަމަކަމާއި އިންސާފުން އަދި ގާނޫނީ ތަރަހައިގެ ތެރެއިން އަމަލު ކުރުމަށް ޕީއެންސީން ސަރުކާރަށް ގޮވައިލި އެވެ.
ޕީއެންސީގެ ނޫސް ބަޔާނުގައި ވަނީ ކުރީގެ ރައީސް އަބްދުﷲ ޔާމީންގެ ސަރުކާރުގައި މަސައްކަތްތެރިންނާ މެދު އެމަނިކުފާނު އަމަލުކުރެއްވި ގޮތާއި ވަޒީފާތައް އުފެއްދެވުމަށް ކުރެއްވި މަސައްކަތްޕުޅުތަކަށް ތައުރީފުކޮށްފަ އެވެ. އެގޮތުން ޔާމީންގެ ޒައާމަތުގައި ރާއްޖޭގައި ރެކޯޑް އަދަދަކަށް ވަޒީފާ އިތުރުކޮށްފައިވާ ކަމަށް ޕީއެންސީން ބުންޏެވެ.
"ކުންފުނިތައް އުފައްދައި، އާ ވަޒީފާތައް އުފައްދައި އަދި ތަފާތު ސިނާއަތްތަކުން ވަޒީފާގެ ފުރުސަތުތައް ފަހިކޮށްދީފައިވޭ. ވަޒީފާގެ މާހައުލުގައި ދިވެހިންނަށް އިސްކަންދީ، ބައެއް ވަޒީފާތައް ދިވެހިންނަށް ހާއްސަކުރި،" ޔާމީންގެ ސަރުކާރުގެ ދުވަސްވަރު ވެރިކަންކުރި ޕީޕީއެމާ އިއްތިހާދުވެފައިވާ ޕީއެންސީގެ ބަޔާނުގައި ވެ އެވެ.
އެ ޕާޓީން ބުނިގޮތުގައި، ރާއްޖޭގައި އާބާދީ އިތުރުވަމުންދާ ނިސްބަތަށް ބަލައި ވަޒީފާތައް ގިނަ ކުރަން ޖެހެ އެވެ. އެކަމަކު، ރައީސް އިބްރާހިމް މުހައްމަދު ސޯލިހްގެ ސަރުކާރުން ވެފައިވާ ވައުދާ އެއްގޮތަށް، މިދިޔަ ފަސް މަހުގެ ތެރޭގައި އެކަން ކޮށްފައި ނުވާ ކަމަށް ޕީއެންސީން ބުނެ އެވެ. އަދި ވަޒީފާ ނެތް މީހުންގެ އަދަދު އިތުރުވެ، ރައްޔިތުންގެ ބިކަވެ، މުޖުތަމައުގެ ތެރޭގައި މައްސަލަތައް އިތުރުވުމަކީ ބަލައިގަނެވޭނެ ކަމެއް ނޫން ކަމަށް ޕީއެންސީން ބުންޏެވެ.
"އެހެންވެ، 19 ވަނަ މަޖިލީހުގެ ތެރެއިންނާއި ސަރުކާރުގެ ތެރެއިން ވީހާ ވެސް އަވަހަކަށް މި ކަންކަން ހައްލު ކުރުމަށް ގޮވާލަމެވެ." ނޫސް ބަޔާނުގައި ވެ އެވެ.
ޔާމީންގެ ސަރުކާރުގެ ދުވަސްވަރު އެތައް ބަޔަކު ވަޒީފާ އިން ވަކިކޮށްފައިވާ ކަމަށް ބުނެ އޭރުގެ އިދިކޮޅު ޕާޓީތަކުން ކަންބޮޑުވުން ފާޅުކޮށްފައިވެ އެވެ. ހާއްސަކޮށް ސަރުކާރު ހިއްސާވާ ކުންފުނިތަކުގެ މުވައްޒަފުން ސިޔާސީ މަސައްކަތުގައި ގެންގުޅޭ ކަމަށް ބުނެ ގިނަ ބަޔަކު އޭރު ޝަކުވާ ކުރި އެވެ. އަދި އެ ދުވަސްވަރު، އުސޫލުތަކުން ބޭރުން ވަޒީފާ އިން ވަކިކުރި ބައެއް މީހުންނަށް ޝަރުއީ މަރުހަލާ އަށް ގޮސްގެން ވަނީ ވަޒީފާ އިޔާދަކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސުހާނީ
09 May 2019
ތިކަން އެނގޭ މިދިޔަ ސަރަރުކާރުގަ
ބޯގަޅި
02 May 2019
ބަލަގަ ކަލޭމެން ޕީ ޕީ އެމް އިން ވެރިކަންކުރިއިރު މީސްމީހުންނަށް ވަޒީފާދިންގޮތާއި ، ކަލޭމެން ސަރުކާރަށް އައިރު ތިބި މުޥައްޒަފުންނަށް ބިރުދެއްކުމަށް އެއްވެސް ކުށަކާނުލައި މުއްދަތެއްނެތްގޮތަށް ސަސްޕެންޑްކޮށް ވަޒީފާއިންވަކިކުރަމުންދިއަ މަންޒަރު އެއްމެކާރިން އެއްމެރީތިކޮށް ފެންނަމުންދިއައީ އަހަރަމެން ސަރުކާރުގެ ތެރޭގައި އުޅުނު މުޥައްޒަފުންނަށެވެ. ވަޒީފާއަކަށް އިޢުލާންކުރުމުގެކުރިން ވަޒީފާދޭންވާމީހާ މެޑަމްއޮފީހުން އޮންނަނީ އެތަނަކަށް އަންގާފައެވެ.
މާނާ
02 May 2019
ބަލަ އެމީހުން ގޯސްކޮށް ކަންކުރާކަމަށް ބުނެގެން ހެޔޮވެރިކަމެއް ކޮށްދޭން އައިބަޔަކީ ތިއީ.އެމީހުން ކުރީ ވައްކަމޭ ބުނެގެން ވައްކަން ނުކުރާނެ ކަމަށް ވަޢުދު ވެގެން އައި ބަޔަކީ ތިއީ. އެމީހުން ވަޒީފާގެ ބިރު ދައްކަނީ އޭ ބުނެގެން ވަޒީފާގެ ބިރުނުދައްކާނެ ކަމަށް ވަޢުދުވެގެން އައި ބަޔަކީ ތިއީ. އެމީހުން އަނިޔާވެރި ވާކަމަށް ބުނެގެން އޯގާތެރިވާނެކަމަށް ވަޢުދުވެގެން ވެރިކަމަށް އައިބަޔަކީ ތިއީ. އެގޮތަށް އެކަންވުމުން އެވާހަކަ ދެއްކޭނެ. މިހާރު އިދިކޮޅުގައި ތިބީތީ.
މުޙުއްމާ
02 May 2019
އަދުރޭ ދެން ރައްޔިތުން ހޫރާ އެއްލާލީމާ އަގަމަޑުންލައިގެން ހުންނަންވެއްޖެނުން. ކިހާބުޑުއުދަގުލެއް. މިކަލޭގެ ޖަލަށް ލައިގެން ނޫނީ ދިވެހިންނަށް ހަމަ ނޭވާލައގެން އުޅެވިއަކަ މިކަލޭގެ ނުދޭނެ.
އަރުވާލި އާދަނުގެ ސިޔާސީ ހާސަރު
02 May 2019
އަސްލުވެސް އޯމައި ގޯޑް. ނުވާނެ ( އެ ) ދައްކާކަށް.
އީދުކަޅުބެ
02 May 2019
ކަލޯ ހަސަނާ، ހަސަނަށް ހީވަނީ ދެންތީވެސް ހުސް ހަސަނު ހެން.
މުހައްމަދު25
02 May 2019
ލަދު ނުގަންނަކަން މިމީހުން ، ކުރިން ލިބުނު އުފަލާ އަރާމުގެއްލުނީމާ ވާނީ ތިޔަފަދަ އިހްސާސް ތަކެއް ،ކިތައް މީހުންނައްތޯ އަނިޔާވެރިވީ އާރާއި ބާރު އޮއްއިރުގަ ..
ހަހަހހަހަ
02 May 2019
ކަލޭމެންތަ ތިހެން ތިތިޔަނީ. ޔާމީން ރިޔާސީ އިންތިހާބުންބަލިވެ ވެރިކަމުގަ ހުރި މަހެއްހާ ދުވަހުގެ ތެރޭގަ ދެންއަންނަން އޮތް ސަރުކާރުން ވަޒީފާތަކަށް މީހުން ނުލާން އާދޭސްކޮށްކޮށް އޮއްވަ ކަލޭމެންގެ އައުވާނުން އެތައްތަނަށްލީ. އޭރުވެސް އެމީހުންބުނި އެކަހަލަ މަގާމުތަކުގެ ޒިންމާ މިސަރުކާރުން ނުނަގާނެކަމަށް. އަނގަހުޅުވާލިޔަސް ކަލޭމެންވާނީ ފަލީހަތް. ބޮޑުތަނުން ފެއިލްވެފަ ތިތީތީ އަނގަމަޑުންލައިގެން ތިބެބަލަ ދެންވެސް ރައްޔިތުން ކަލޭނެން ބަލައެއްނިގަނޭ
ނުހޮވުނު މެންބަރުގެ ޕާރޓީ
02 May 2019
ނިމިދިޔަ 5 އަހަރަކީ މުޅި ދިވެހި ތާރިޚުގައިު އެންމެ އަނިޔާވެރި 5 އަހަރު އެއަށްވުރެ ބިރުދެއްކި އެއަށްވުރެ އަނިޔާވެރި ދުވަސްތަކެއް ނާންނާނެ
ބޯގަޅި
02 May 2019
ސައްތަ ސައްތައިން ތާއީދު ، ވަރަށްކާރިން ތިމަންޒަރުފެނި ތަޖްރިބާކުރެވިފަ ވަނީ
އެޑަމް
02 May 2019
ކޮންމެސަރުކާރެއްވެސް ފެއިލްވީމާ ރައްޔިތުންވާވައްދަން ތިކަހަލަ ވާހަކަދައްކާނެ ކަލޭމެންތިގޮވާކޮސް އަޑުއަހާނެބާޔަކު އަދިއެއް މިޤައުމަކުނެއް މާދަން ތިވާހަކަދަންކަން މަޑުކުރޭތިއަޗާތަޅާމީހުންގެ ސަރީއަތްވެސް އަދިނުނިމޭ