ރައީސް އިބްރާހިމް މުހައްމަދު ސޯލިހް މިދިޔަ ފެބްރުއަރީ މަހު ސްރީ ލަންކާ އަށް ކުރެއްވި ރަސްމީ ދަތުރުފުޅުގައި، އެ ގައުމުގެ ބޮޑުވަޒީރު ރަނިލް، ރާއްޖޭގެ ފޮރިން މިނިސްޓަރު ޝާހިދާ ސަލާމް ކުރައްވަނީ.---ފޮޓޯ: ރައީސް އޮފީސް
02 މެއި 2019 - 19:56
20 comments
ސްރީ ލަންކާގައި ގިނަ ދިވެހިންތަކެއް ވިސާ ނެތި ދިރިއުޅެމުންދާ ކަމަށް އެނގިވަޑައިގެންފައިވާ ކަމަށާއި އެއީ ކަންބޮޑުވެވަޑައިގަންނަވާ ކަމެއް ކަމަށް ފޮރިން މިނިސްޓަރު އަބްދުﷲ ޝާހިދު މިއަދު ވިދާޅުވެއްޖެ އެވެ.
ލަންކާގައި ދާދި ފަހުން ދިން ބޮމުގެ ހަލަތަކުގައި 200 އަށް ވުރެ ގިނަ މީހުން މަރުވެފައިވާއިރު، އެ ގައުމުގައި މިހާރު ހިންގާ ފާސްކުރުމުގެ އޮޕަރޭޝަންތަކުގައި މިހާތަނަށް ވަނީ އަށް ދިވެއްސަކު ހައްޔަރުކޮށްފަ އެވެ. އޭގެ ތެރެއިން ގިނަ މީހުންގެ މައްސަލަ އަކީ ވިސާގެ މުއްދަތު ހަމަވެފައިވުން ކަމަށް ރާއްޖޭގެ ފޮރިން މިނިސްޓްރީން ކުރިން ވަނީ ބުނެފަ އެވެ.
މިކަމާ ގުޅޭ ގޮތުން "މިހާރު" އާ ވާހަކަ ދައްކަވަމުން މިނިސްޓަރު ޝާހިދު ވިދާޅުވީ، ލަންކާގައި ވިސާ ނެތި ދިރިއުޅެމުންދާ ދިވެހިންގެ ސާފު އަދަދެއް އެނގިވަޑައިގަންނަވާނީ އެ ގައުމުން މިހާރު ކުރިއަށް ގެންދާ ސްކްރީން ނިމުމުން ކަމަށެވެ. ލަންކާގައި ދިރިއުޅޭ މީހުން އެ ގައުމުގެ ޕޮލިސް ސްޓޭޝަންތަކުގައި ރަޖިސްޓަރީވާން އަންގަމުން އަންނަ ކަން އޭނާ ފާހަގަކުރެއްވި އެވެ.
ޝާހިދު ވިދާޅުވި ގޮތުގައި ލަންކާގައި ދިރިއުޅޭ ދިވެހިންގެ ތެރެއިން ގިނަ ބަޔަކު ވިސާ އާ ނުކުރަނީ ފަރުވާކުޑަކަމުންނެވެ. އެގޮތުން ވިސާ އާ ނުކުރާތާ 1-2 އަހަރު ވެފައިވާ މީހުން ވެސް ލަންކާގައި އުޅޭ ކަމަށް އޭނާ ވިދާޅުވި އެވެ.
އެކަމަކު، ވިސާ ނެތި ލަންކާގައި ދިރިއުޅޭ ދިވެހިންގެ މައްސަލަ އަށް ހައްލެއް ހޯދައި ދިނުމަށް މިހާރު ވެސް އެ ގައުމުގެ ސަރުކާރާ ގުޅިގެން މަސައްކަތްތަކެއް ފަށާފައިވާ ކަމަށް މިނިސްޓަރު ވިދާޅުވި އެވެ. އެއީ ސައްހަ ބޭނުމެއްގައި ލަންކާގައި ދިރިއުޅޭ މީހެއްގެ ވިސާގެ މުއްދަތު ހަމަވެފައިވާ ނަމަ ރާއްޖެ ނައިސް ވިސާ އާ ކުރުމަށް ފަހު، ލަންކާގައި އުޅެވޭނެ އިންތިޒާމެއް ހަމަޖެއްސުން ކަމަށް ޝާހިދު ވިދާޅުވި އެވެ.
"އެ ކަހަލަ ފުރުސަތެއް ހޯދައި ދެވޭތޯ މި މަސައްކަތް ކުރަނީ،" މިނިސްޓަރު ވިދާޅުވި އެވެ.
ޝާހިދު ވިދާޅުވި ގޮތުގައި ލަންކާގައި ދިރިއުޅޭ ދިވެހިންގެ ތެރެއިން ގިނަ ބަޔަކު ވިސާ އާ ނުކުރަނީ ފަރުވާކުޑަކަމުންނެވެ. އެގޮތުން ވިސާ އާ ނުކުރާތާ 1-2 އަހަރު ވެފައިވާ މީހުން ވެސް ލަންކާގައި އުޅޭ ކަމަށް އޭނާ ވިދާޅުވި އެވެ.
ފޮރިން މިނިސްޓަރު ޝާހިދު "މިހާރު" އާ މިއަދު ވާހަކަ ދައްކަވަނީ.---ފޮޓޯ: ހުސައިން ވަހީދު/މިހާރު
"އެ ކަހަލަ ކަންކަން ދިމާވީމާ އަޅުގަނޑުމެން ރައްޔިތުންނަށް ލުއި ހޯދައިދޭން މި ކުރާ މަސައްކަތަށް އަންނަނީ އިތުރު ހުރަހެއް. އެ ގައުމެއްގައި ތިބޭއިރު އެ ގައުމެއްގެ ގާނޫނާއި ގަވައިދަށް ހުރުމަތްތެރިކޮށް ހިތާ ބަޔަކަށް ވާން ޖެހޭ،" ޝާހިދު ވިދާޅުވި އެވެ.
ދިވެހިންގެ ގެ ދެވަނަ "ގެ" ކަމަށް ދެކޭ ލަންކާގައި އެކި ބޭނުންތަކަށް 13،000 އެއްހާ ދިވެހިން ދިރިއުޅެ އެވެ.
ދިވެހިންނަށް އެކި ގައުމުތަކުން ވިސާގެ ލުއި ހޯދައިދިނުމަށް މި ސަރުކާރުން ވަނީ ޚާއްސަ މަސައްކަތްތަކެއް ފަށައިފަ އެވެ. އަދި ބައެއް ގައުމުތަކުން ވަނީ ވިސާގެ ލުއިކަން ރާއްޖެ އަށް ދީފަ އެވެ.
ލަންކާ އިން ހައްޔަރު ކުރި ދިވެހިންގެ ތެރޭގައި އިސްލާމިކް ސްޓޭޓް (އައިއެސް) ގެ ފޮތެއް ފެނުނު މައްސަލައިގައި ހިމެނޭ ދެ މީހަކު ވެސް ހިމެނެ އެވެ. މި މައްސަލައިގައި ހައްޔަރު ކުރި އެމްޑީޕީގެ އިސް ދެ އެކްޓިވިސްޓުންގެ ބަންދަށް ލަންކާގެ ކޯޓުން ވަނީ 13 ދުވަސް ޖަހައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މުބީނުު މާރނީ
03 May 2019
ކުޑަ ކުޑަ އަލިފާން ދަނޑި އަކުން ބޮޑު ހުޅު ގަނޑެއް ފަޅައިދާނެ. ދިވެހިން އުޅެނީ ވިސާ ނެތިޔޭ ކިޔާ ލަންކާ ތެރެއަށް އަޑު ފެތުރިއްޖެ ނަމަ ހުރިހާ ދިވެހިންގެ ފުރާނައަށް ގެއްލުންވާ ހިސާބަށް ހިގައިދާނެ. މުސްލިމެއްގެ ކުށެއް ނުފެނިފަ އެތިބެނީ. އެމްބަސީ އިން "ކުރަން ނު ޖެހޭ" ކަމަކަށް ވިޔަސް، ފަރުވާ ކުޑަމީހުނަށް ވިސާ ހަމަވީމާ ގުޅާލުމަކީ ކޮންމެހެން ކުރަން ވެއްޖެ ކަމެއް. "ބަށި" ކުޅުމަށް ވުރެ ރަނގަޅު ވާނެ.
ރ މ.ވައިނުޖެހޭއާގެ.
03 May 2019
ބަށި ކުޅުމަކީ އެންބަސީ އަކުން ކުރަން ޖެހޭ ކަމެއް ނޫން. ފުޓްބޯޅަ ކުޅުމާއި ޖިމް ހިންގުމާއި ގުރުއާން ކްލާސް ހިންގުމަކީ އެމްބަސީ އަކުން ކުރަން ޖެހޭ ކަމެއް ނޫން. މިކަން ކަން ކުރުމަށް ވުރެ ވިސާ ހަމަ ވީމާ ހަނދާން އާލާކޮށްލަ ދިނުން މާ މުހިއްމު ވެފާ އެހެން ދިވެހީންނަށް ރައްކާތެރި ވެފާ އެންމެންނަށް ފައިދާ ބޮޑު. ލަންކާ އެންބަސީ އަކީ ބަލަގަ ކެމްޕޭން ޖަގަހަ އެއް ނޫނޭ !!!
ބޮޑު ބަލާ ސޭނަ
03 May 2019
ވިސާނެތް އެންމެން 1 އަހަރު ޖަލުގަ ތަޅުވާލާފަ ޑިޕޯޓުކޮއްލީމަ ހުންނާނީ ފިލާވަޅު ދަސްވެފެ. އެހެން ނޫނިއްޔާ ކަލޭމެން ރާއްޖޭގަ ތިބޭ.
ޞޮކީ
03 May 2019
ލުޠުފީ ފެނޭތޯ ބަލައިލަބަލާ!!
ްއަދުރޭ
02 May 2019
ނަންވާނީ ބަންގާޅީން... ދިވެހިން ބޭގު ގައުމުތަކުގަ އުޅެނީ ރާއްޖޭގަ ބަންގާޅީންއުޅޭހެން.
ހަމްދަރުދީ
02 May 2019
މިކަންތައްގަޑު ފެށުނުތަނާނޫސްތަކުގަ ބުނަމުން އަންނަނީ 15000 ވުރެގިނަ ދިވެހިން ދިރިއުޅޭ ކަމައް މިހާރު ކިއަނީ އެއްދުވަހު ކިއާނެ 14000 ހާހޭ މިހާރު މިއޮތީ 13000 ކަމައް މިވަނީކިހިނެއްބާ ކޮންމެގޮތެއްވިސް ގިނަދިވެހިންތަކެއް ެބައުޅެ ލަނކާގަ ލަންކާސަރުކާރައް ތެކްސްދައްކައިގެން މި މީހުންއަތުން ދިވެހިދައުލަތައް ލޯލާރިއެއްވެސް ޓެކްސް ގެގޮތުގާނުލިބޭ މިމީހުންނައްވެސް ޢާސަންދަވެސް ލިބޭ
ރަތަ މިނިހާ
03 May 2019
ބްރޯ ހާދަ ރުޅިއައިއްސައި! ފަހަރެއްގައި ވެދާނެ ދޯ މިދުވަސްވަރު ގިނަ ދިވެހިންތައް ލަންކާއިން ފުރަފުރައިގެން ރާއްޖެއަންނަ ވަރަކުން އަދަދު މަދުވަނީކަމަށް ވެސް.....ލޮލް!.. ލަންކާގައި ދިރިއުޅޭ ގިނަ ދިވެހިންނަކީ ރާއްޖޭގައި ކޮންމެވެސް ކަހަލަ ވިޔާފާރިއެއް ކުރާ ފަރާތެއް ނުވަތަ އެފަދަ ފަރާތްތަކުގެ ބެލުމުގެ ދަށުން އުޅޭ މީހުން! އެފަދަ ވިޔަފާރިތަކުން ރާއްޖޭގައި ޓެކްސް ދައްކާނެ ކަމަށް ބެލެވެނީ!
ކާފަ ދ
03 May 2019
މަރުވާ އަދަދު އިތުރުވާތީ އަދަދު މަދުވަނީ
ތެމާ
02 May 2019
ދިވެހިން ހީކުރަނީ ރާއްޖޭގައި ބަންގާޅީންނަށް ފިލައިގެން އުޅެވޭތީ ލަންކާ ދިވެހިންނަށްވެސް ފިލައިގެން އުޅެވޭނެކަމަށް ދޯ ނޫނޭވާރަނގަޅުބައެއްމީ އަވަހަށް ސަރުކާރުން އުޅޭ މިމީހުނަށް ލާރިދައްކައިގެން ރާއްޖެއަށް ގެނެވޭތޯ މިއޮތީވާ ގައުމެއް
ގްރީންޗިލީ
02 May 2019
މިހާރު އުޅޭ ދިވެހިންނަކީ ގޮތާ ފޮތް އެއްލާލައި އުޅޭ ބައެއް ދިވެހިންގެ އަބުރާޝަރަފް ނަގާލައިފި ފިރިހެނުން ފަހަތަށް ބޯހުޅި ޖަހާފަ އަންހެނުން ބޯ ކޮށާފަ މުޅި ލަންކާ ތރޭގަ ސޯޓު ބުރި ލައިގެން ލަންކާ މީހުންނަށް ވުރެ ކުރީގަ ދުނިޔޭގަ ތަރުބިއްޔަތު ނެތި ގިނަ ބަޔަކު ނެތި ފެންނާނީ ރާއްޖެއިން
އަލްޖިބްރާ
02 May 2019
ތިޔަތަންތަނުގައި އުޅޭ ބައެއް ދިވެހިންގެ ވިޔާނުދާކަމުން އެކަންތަކުގެ ދުއްތުރާ ޤަވާއިދުން އުޅޭ މީހުނަށްވެސް އެބަޖެހެއެވެ. ދެން މީހަކު ދިވެހިންނާ މެދު ނުރަގަޅު ވާހަކައެއް ދައްކައިފިނަމަ އެވާހަކައެއް ދެއްކި މީހަކަށް ވުރެ ނުބައި މީހަކު މިއުޑު ބަޅު ކުރެއްވި ހަސާބުގައިވެސް ހުރިކަމަކަށް ނުވާނެއެވެ. މިއީ މިއަދު ގިނަ ދިވެހިންގެ ފެންވަރެވެ.
ތިމާވެށީ
02 May 2019
އެމްބަސީ ނަމަކަށް ހުންނަ ތަނެކެވެ.
ނެޑް
02 May 2019
އެމްބަސީ އަކުން ނޫން ލަންކާގައި އުޅޭ ދިވެހީންގެ ވީސާ ޖަހައިދެނީކީ.
ނާމް
03 May 2019
އެންބަސީން ޖެހޭ ދޯ ދިވެހިން ހާޖަތަށް ދިޔާމަ ދޮވެދޭންވެސް ދާން؟
މުބީނު މާރނީ
03 May 2019
އާނ ހާއްޖަތަށް ދިޔައިމާ ދޮވެނުދީފި ނަމަ އެހެން ދިވެހީންގެ ފުރާނަ އަށް ގެއްލުންވާ ހިސާބަށް ހިގައިދާނެ. ލަންކާ ގަ ހުންނަ ހުރިހާ އެމްބަސީ އަކުން ވެސް ވިސާ ހަމަ ވެއްޖެ ނަމަ އެކަން އަންގާ. ބޮޑު ހަރަދު ކޮށްފަ އެންބަސީ އެއް ބެހެއްޓުމެއްގެ ބޭނުމެއް ކޮބާ. ބައިނަލް އަގްވާމީ ގޮތުން ވެސް ވިސާ އާއި ނުލާ މީހަކު އުޅޭތޯ ބެލުމަކީ އެމްބަސީގެ ޒިންމާ އެއް.