ރާއްޖޭގެ ކަނޑުގެ ސަރަހައްދުގައި ޑްރަގް ޓްރެފިކް ކުރަން އުޅެނިކޮށް އަތުލައިގަތް އީރާނުގެ ބޯޓު.
13 މެއި 2019 - 11:23
ރާއްޖޭގެ ކަނޑުގެ ސަރަހައްދުގައި މަސްތުވާތަކެތި ޓްރެފިކް ކުރަން އުޅެނިކޮށް މިދިޔަ އަންގާރަ ދުވަހު އަތުލައިގަތް އީރާނުގެ ބޯޓު އަދިވެސް ބަލައި ފާސްކޮށް ނުނިމޭ ކަމަށް ފުލުހުން މިއަދު ބުނެފި އެވެ.
ފުލުހުންނާއި ސިފައިން ގުޅިގެން ހިންގި ޖޮއިންޓް އޮޕަރޭޝަނެއްގައި އަތުލައިގަތް ބޯޓު މާލެ ގެންނަނިކޮށް ވަނީ ވިލިމާލެ ކައިރީގައި އޮންނަ ފަރަކަށް އަރައިފަ އެވެ. ފުލުހުން ބުނީ އެ ބޯޓް މިހާރު ފުންކޮށްފައިވާ ކަމަށެވެ. ނަމަވެސް ބޯޓް ގެންދިޔަ ތަނެއް ނުބުނެ އެވެ.
އެ ބޯޓް އަތުލައިގަތް ދުވަހު ފުލުހުން ބުނީ އެ ބޯޓުން ގާތްގަނޑަކަށް 50 ކިލޯގެ މަސްތުވާތަކެތި ފެނިފައިވާ ކަމަށެވެ. އަދި އިތުރު މަސްތުވާތަކެތި ހުންނާނެ ކަމަށް ބަލައި ފާސް ކުރަމުން އަންނަ ކަމަށްވެސް އެ ދުވަހު ބުންޏެވެ.
Iran boat in 50 kilo ge masthuvaathakethi fenijje
The most trusted news source in the Maldives
Mihaaru
އީރާން ބޯޓުން 50 ކިލޯގެ މަސްތުވާތަކެތި ހޯދުން--
ބޯޓް ބަލައި ފާސްކޮށް ނުނިމޭ ކަމަށް ފުލުހުން ބުނި ނަމަވެސް އިތުރު ތަފްސީލެއް އަދި ނުދެ އެވެ.
އަތުލައިގަތް ބޯޓުގެ ހަތް ފަޅުވެރިން ހައްޔަރުކޮށްފައި ވާއިރު އެ މީހުންގެ ބަންދަށް ކޯޓުން ވަނީ 15 ދުވަސް ދީފަ އެވެ.
މަސްތުވާތެކެތި ރާއްޖެއަށް އެތެރެކުރަން އުޅެނިކޮށް އީރާނުގެ ބޯޓްތައް މީގެ ކުރިން ވެސް ވަނީ އަތުލައިގެންފަ އެވެ. އަދި ވަރަށް ފަހުން ވަނީ ގދ. ހުޅުވާރުލުގައި ވަޅުލާފައި ހުއްޓާ 149 ކިލޯގެ މަސްތުވާތަކެތި ހޯދައިފަ އެވެ. އެ މައްސަލާގައި ދިވެހިންތަކެއް ވެސް ހައްޔަރު ކޮށްފައިވެ އެވެ.
Copyright © 2024 Mihaaru · Terms and Conditions · Privacy Policy
ކޮމެންޓްތައް
އައްޓަމަސް
13 May 2019
ތިހާބޮޑުބޯޓެއްބަލަން 5 އަހަރުވަރު ބޭނުންވާނެ! ހާދަ ގާބިލްބަޔެކޭ ދިވެހިފުލުހުންނަކީ؟!
ރީނާ
13 May 2019
ކޮމިޓީ އެއް އެކުލަވާލާ މަހަކު 30000 ރުފިޔާ ވަރު ދީފަ. ކޮމިޓީ އަށް ލާ ގާތް މީހުން ކޮޅު...
މަގޮލަާ
13 May 2019
ޢެކަށީގެންވާވަރައް ހެކިނެތިއްޔާ ދޫކޮއްލަންފނޭ
ޙިނި
13 May 2019
ސަމްތިން ފިޝީ ގޮއިންއޯން
ހަސަން ނުވަވަނަ
13 May 2019
ތިކަން ބަލަން ކޮމިޓީއެއް ހަދާކަށް ނުވޭތަ ނަމުން ސާލިހޫ. ސެލްފީ ސަރުކާރު. ނާގާބިލް ސަރުކާރު. އިންޑިއާގެ ގޮނޑިކޮއްކޮ ސަރުކާރު. މެރަތަން ސަރުކާރު.
ކޮރަލް
13 May 2019
ތިކަހަލަ ބޯޓް ފަހަރުގަ ޑްރަގް ގެ އިތުރުން ކޮންމެ ވެސް ވަރަކަށް ރަނާ ޖަވާހިރު ހުރުމަކީ އެކަށީގެން ވާކަމެކެވެ. ނޫސްވެރީން ސުވާލުކޮށްލަން ރަނގަޅުވާނެއެވެ.
ނުރަބޯ
13 May 2019
ބޯޓް ފަރަށްއަރުވާލީ ގަސްތުގަކަމަށް ބެލެވެނީ. އެންމެ 50ކިލޯ މަސްތުވާތަކެތި ހިފައިގެން އެހާދުރުން ދަތުރުކޮށްފަ އަންނާނެކަމަށް ޤަބޫލެއް ނުކުރެވޭ. މިހާރު ތީގަހުރި ބާކީ އެއްޗެހި އެކި ގޮތްގޮތަށް ވިއްކާ ނިމިފަ ހުންނާނީ.
ކާނި
13 May 2019
މިހާރު ތިޔަ މަސައްކަތާ މެދު ޝައްކު އުފެދިއްޖެ މާ ބޮޑަށް ވެސް.
ޢަޖައިބު
13 May 2019
ހާދަދުވަހެއް ފަހުން މިހުރިހާދުވަހު ބޯޓް ކައިރީ ޑިއުޓީއަށް ހުރީތަ؟ ތީގަ ބާކީ ހުރި އެތިކޮޅު ގެންގޮސްފި. ސަރުކާރުގެ ޕްލޭން އާ އެއްގޮތަށް
ހޭހަން
13 May 2019
ދޮގުނުލާ ތެދަށް ބުނެބަލަ. ތިމީހުން އެބޯޓު އަތުލައިގަނެގެން ގެންނަނިކޮށް ބޯޓު އުރުނޭކިޔާ؟! ސުވާލަކީ ބޯޓު އުރުނީހޭ؟ ނުވަތަ ހަމަ ގަސްދުގާ ބޯޓު އަރުވާލީހޭ؟ އަރުވާލިކަމަށްވާނަމަ ތިމީހުންނަކީ ފިނޑިބައެއް. އުރުނުކަމަށްވަންޏާ ތިމީހުންގެ އެއްވެސް ކުޅަދާނަކަމެއް ކަނޑުމައްޗަކަށް ނެތް.