މާލޭ ސިޓީ ކައުންސިލްގެ ބައްދަލުވުން މިރޭ ކުރިއަށް ދަނީ.
15 މެއި 2019 - 23:58
140 comments
މާލޭގެ މަގުމަތީގައި ދުންފަތުގެ އިސްތިއުމާލް ކުރުން މަނާކުރަން މާލޭ ސިޓީ ކައުންސިލުން މިރޭ ފާސްކޮށްފި އެވެ.
ސިޓީ ކައުންސިލުން ބުނީ އެ އުސޫލަށް އަމަލުކުރަން ފަށާނީ ހަ މަސް ފަހުން ކަމަށެވެ.
"އެކަމާ ގުޅޭ ގަވައިދެއް ހަދައި، އެ ގަވައިދަށް އަމަލުކުރަން ފަށާނީ ހަ މަސް ފަހުން. މާލޭގެ މަގުތަކުގައި ދުންފަތުގެ އިސްތިއުމާލު ކުރުން މަނާވާނީ އޭގެ ފަހުން،" އެ މައްސަލަ ސިޓީ ކައުންސިލްގެ މިރޭގެ ބައްދަލުވުމަށް ހުށަހެޅުއްވި ކައުންސިލަރު ހުސައިން ޝަރީފު ވިދާޅުވި އެވެ.
"އެ ގަވައިދު ހަދާއިރު، ސަރުކާރުގެ ކަމާ ގުޅޭ މުއައްސަސާތަކާ އަޅުގަނޑުމެން ބައްދަލުކޮށް ފުޅާދާއިރާއެއްގައި މަޝްވަރާ ކުރާނަން."
މާލޭގެ މަގުތަކުގައި ދުންފަތުގެ އިސްތިއުމާލު ކުރުން މަނާކުރަން ފާސްކުރުމަށް ހުސައިން ހުށަހެޅުއްވިއިރު އެކަމަށް ތާއީދު ކުރެއްވީ ކައުންސިލަރު އަހުމަދު ޒަމީރެވެ. އެކަން ފާސްކުރީ މިރޭގެ ބައްދަލުވުމުގައި ބައިވެރިވެވަޑައިގެންނެވި ހަތް މެމްބަރުންގެ އިއްތިފާގުންނެވެ.
މާލޭގެ މޭޔަރު ޝިފާ މުހައްމަދަށް މިރޭގެ ބައްދަލުވުމަށް ވަޑައިގެންނެވޭ ގޮތް ނުވުމުން އަދި ޑެޕިއުޓީ މޭޔަރު ޝަމާއު ޝަރީފް މިވަގުތު މާލޭގައި ވަޑައިގެން ނޫޅުއްވާތީ ރިޔާސަތު ބެލެހެއްޓެވީ ކައުންސިލް މެމްބަރު މުއްމަދު ރަޝީދު (ބޯދިގު) އެވެ.
މިހާރު ދުންފަތުގެ އިސްތިއުމާލުކުރުން މަނާކޮށްފައި ވަނީ ސަރުކާރުގެ އިދާރާތައް ފަދަ ތަންތަނުގެ ކައިރީގަ އެވެ. އަދި ކެފޭ/ރެސްޓޯރަންޓުތަކުގެ ތެރެއިން ސިނގިރޭޓު ބޮވޭނީ ސަރުކާރުން ހުއްދަ ދީފައިވާ ތަންތަނުގައި އެކަންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޢެޑްމުންޑޯ
16 May 2019
މާކުރިންވެސް ނިންމަންޖެހޭ ކަމެއް ، މިއަށްވުރެ މާބޮޑެތި ބައިގިނަ ގައުމުތަކުގައިވެސް މަނާކޮއްފަ އޮންނަކަމެއްތީ ، މާލެ އެކަނިނޫން ރައްރަށުގެ މަގުމަތީގައި އާއި އޮޑިދޯނިފަހަރުގައިވެސް މަނާކުރަންވީ
ޖުުހާ
16 May 2019
މަށަށް އެންމެ އުނދަގޫ ވަނީ ޕޯސްޓް ބިލްޑިން ކައިރީ ހުންނަ މެރާކީ ކޮފީޝޮޕް ބޭރުގަ އޮންނަ ގުރޫޕާ ހެދި. ވޭޕު ދުމާ ސިގިރޭޓު ދުމާ ކުޑަކުދިން މޫނަށް ބުރުވާ ގުރޫޕެއް. މިކަން ހުއްޓުވައި ދެއްވުން އެދެން
ހާރުދަމުސޯނާ
16 May 2019
ރަގަޅު ހިތަށްހަމަޖެހޭ ނިންމުމެއް. އެކަމަކު މިގަވާއިދު ތަންފީޒު ނުވާނަމަ މިއީ އެއްވެސް ބޭނުމެއްނެތް ނެތްކަމެއް. އަދި އޭރުން މިގަވާއިދަށާއި ދެންވެސްވާ މިބާވަތުގެ އެހެން ގަވާއިދުތަކަށް ހުރިމަތްތެރި ނުވާމީހުން އިތުރުވުން ނޫންކަމެއްނުވާނެ .މިއޮތްމަގުމަތީ ދުންބޯންތިބޭ ބަންގާޅީންނާއި މަދު ދިވެހިންގެ ދުމުން އަހަރުމެންނާއި ދަރިން ސަލާމަތްކުރެވޭނެގޮތް ވެއްޖެނަމަ ކިތަމެހާވެސް ރަގަޅު. އަދި މަގަށް ކުނިއެޅުމާއި އެތަންމިތަނަށް ކުޅުޖެހުންވެސް ހުއްތުވަންވީ.
ފައި
16 May 2019
މިމަހުގައި ލިބުނު އެންމެ އުފާވި އެއް ޙަބަރު ... ކިހާވަރަކުން ދާނެބާ!!!
ޓާޓާ
16 May 2019
ވަރަށް ރަގަޅު ބެސްޓް ޝުކުރިއްޔާ
އިމަނާ
16 May 2019
ކޮންމެ ޑޮލަރެއްގެ ފަހަތުގައިވެސް ޕޮލިހެއް ބެހެއްޓިއެއްނޫންތޯ. ތިކަންވެސް ވާނެ. ކުރިޔަށް، ބާރަށްކުރިޔަށް.
ދެރަކަމެއް
16 May 2019
އަވަށްޓެރި އިންޑިއާގެ ތްރިޝޫރުގަވެސް ސިގިތެޓް ބޯތަނެއް ނުފެނޭ. ވަރަށް ފަސޭހަ. އެ ދުންތަކުން ސަލާމަކަން ލިބުނީމަ....
ހުދަންބަރު
16 May 2019
ވަަރަށް އުފާވެރި ހަބަރެއް؟ މިހާރު ކުރު މަގަކުން ހިނގާލާފަ ދާއިރު 5 ބަންގާޅިންނާ 2 ދިވެހިންގެ އަނގައިންނެރޭދުން ބޮއިގެން ނޫނީ އެމަގު ނިމެންދެން ނުހިނގޭ،، އަސްލުގަ މަގުމަށްޗަށް ވުރެ ބޮޑު ޕަބްލިކު ޕްލޭސް އެއް ނޯންނާނެ. މަގުމަތީގަ ބޮއެވިގެން ނުވާނެ.
ލޯމާފާނު
16 May 2019
ޓެކްސީގެ އަގުތައް، ހުޅުމާލޭ ބީޗް ހަޓްތައް، މަގުމަތީ ޕެލެޓްތައް، ދެން އޮތީ ދުންފަތް. ނުވާވަރު ކަންކަން ކުރަން ނޫޅެބަލަ. ވެރިމީހާ ވެސް އުޅެނީ ވާވަރު ކަންކަން ކުރަން، މިސާލަކަށް ކުނި ކެހުން، އާބާތުރަ ފިލުވުން، ކަސްރަތު ކުރުން.
ލޯއަބް
16 May 2019
ބުނަންރަނގަޅު ވާހަކައެއް ތަންފީޒް ނުކުރެވޭ ޤާނޫުނު ނުހަދާ މިހާރުވެސް ޤާނޫނުތައް ވަރަށްގިނަ