އަބުރުގެ ގާނޫނާއި ދެކޮޅަށް ނޫސްވެރިން މުޒާހަރާ ކުރަނީ: އެ ގާނޫނު ފާސްކުރީ ނޫސްވެރިންނާއި އާންމުންގެ ކަންބޮޑުވުންތަކަށް ހައްލު ހޯދައި ނުދީ -- ފޮޓޯ: އިމޭޖަސް.އެމްވީ
04 ސެޕްޓެމްބަރ 2016 - 15:14
5 comments
އަބުރު ރައްކާތެރިކުރުމާއި ޚިޔާލު ފާޅު ކުރުމުގެ މިނިވަންކަމުގެ ގާނޫނުގެ ގިނަ މާއްދާތަކެއް ބާތިލްކުރުމަށާއި އެ ގާނޫނަށް އަމަލުކުރުން ވަގުތީ ގޮތުން މަޑުޖައްސާލުމުގެ އަމުރަކަށް އެދި ވަކީލުންތަކެއް މިއަދު ހައި ކޯޓަށް މައްސަލަ ހުށަހަޅައިފި އެވެ.
އާންމުންނާއި ނޫސްވެރިން ކަންބޮޑުވުން ފާޅުކުރަމުން ދަނިކޮށް މިދިޔަ މަހު ރައްޔިތުންގެ މަޖިލީހުން ފާސްކޮށް، ރައީސް ތަސްދީގު ކުރެއްވި އެ ގާނޫނުގެ ގިނަ މާއްދާއެއް ބާތިލްކުރަން މައްސަލަ ހުށަހެޅީ ގާނޫނީ ވަކީލް މައުމޫން ހަމީދާއި ވަކީލް ހަސަން މައާޒް ޝަރީފާއި ވަކީލް އިބްރާހިމް ޝަމީލެވެ.
އެ ގާނޫނުގެ މާއްދާތައް ބާތިލްކުރުމުގެ އިތުރުން އެ މައްސަލަ ކޯޓުން ނިމެންދެން އެ ގާނޫނަށް އަމަލު ކުރުން ހުއްޓުވުމުގެ އަމުރެއް ނެރެދިނުމަށް ވެސް އެ ދައުވާގައި އެދިފައިވެ އެވެ.
މީގެ އިތުރުން ބާތިލްކުރަން އެދިފައިވާ މާއްދާތައް އުނިކޮށް، މިނިވަން ޑިމޮކްރެޓިކް އުސޫލުތަކާއި އެއްގޮތަށް އެ ގާނޫނު ހަ މަސް ދުވަހުގެ ތެރޭގައި އަލުން އިސްލާހުކުރަން ރައްޔިތުންގެ މަޖިލީހުގެ މައްޗަށް އަމުރުކޮށްދޭން ވެސް އެ މައްސަލާގައި އެދިފައިވެ އެވެ.
ބާތިލްކުރުމަށް އެދިފައި ވަނީ 6 ވަނަ މާއްދާގެ ށ. ނ. ރ. އާއި 9 ވަނަ މާއްދާ އަދި 11، 12 އަދި 14 ވަނަ މާއްދާ، 17 ވަނަ މާއްދާގެ ނ. އާއި ރ، 18 ވަނަ މާއްދާގެ ނ އާއި ރ، 21 ވަނަ މާއްދާއިން 31 ވަނަ މާއްދާއާ ހަމަ އަށް، 32 ވަނަ މާއްދާގެ ހ. އާއި ށ. އާއި ނ. އަދި ރ އަދި 36 ވަނަ މާއްދާ އާއި 40 ވަނަ މާއްދާގެ ހ. ގެ ދެވަނަ ނުކުތާ އިން ތިން ވަނަ ނުކުތާ އަށް އަދި 40 ވަނަ މާއްދާގެ ށ. އެވެ.
ދުސްތޫރީ މައްސަލަތައް ފުރަތަމަ މަރުހަލާގައި ބެލުމުގެ އިހްތިސާސް އޮންނަ ހައި ކޯޓަށް އެ މައްސަލަ ހުށަހެޅިޔަސް އެ މައްސަލަ ބަލައިގަތުމާ މެދު އެ ކޯޓުން ގޮތެއް ނިންމިކަން އަދި ސާފެއް ނުވެ އެވެ.
އުނގޫފާރު ދާއިރާގެ މެމްބަރު އަހުމަދު ދާއޫދު ހުށަހެޅުއްވި، ހިޔާލު ފާޅުކުރުން ހަނިކުރާ ބިލް މަޖިލީހުން ފާސްކުރީ ބިލް ހުށަހެޅި ގޮތަށް ވެސް ވުރެ ވެސް ހަރުކަށިކޮށްފަ އެވެ. އެ ބިލާ ބެހޭގޮތުން އާންމުންގެ ޚިިޔާލު ހުށަހަޅަން މަޖިލީހުން ފުރަތަމަ ހުޅުވާލިޔަސް އެ ފުރުސަތު ވެސް ފަހުން ވަނީ ބަންދުކޮށް، ލިބުނު ޚިޔާލުތައް ވެސް ބާތިލްކޮޮށްފަ އެވެ.
އެ ބިލް ފާސްކޮށް، ތަސްދީގުކުރީ ނޫސްވެރިންނާއި އަމިއްލަ ޖަމްއިއްޔާތަކުން ވެސް އެ ބިލަށް ވަރަށް ބޮޑަށް ފާޑު ކިޔަމުން ދަނިކޮށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރިކީ
04 September 2016
މި މައްސަލައަށް ވާނެ ގޮތެއް މަށަކަށް ނޭނގޭ. އެކަމަކު މިފަދަ ގާނޫނެއް އޮންނަންޖެހޭކަން މައްސަލަ ހުށަހެޅި ވަކީލުންވެސް ގަބޫލުކުރާކަން އެއީ ރަގަޅުކަމެއް. 6 މަސްތެރޭ އަލުން ގާނޫނު ހަދަން އަމުރަކަށް އެދިފަ އޮތީމަ ދައުވާ ރަގަޅުކަމަށް ފެނޭ. އެކަމަކު ހީވަނީ މައްސަލަ އެހެން އޮވެ މަރުވާނީހެން.
ޖައުފަރު
04 September 2016
މިވަރަށް ވައްކަން ކޮށް ރައްޔިތުންގެ ފައިސާ ލޫޓުވާ ގައުމެއްގައިއެފާސްކުރީ ފާސްކުރަން ހެޔޮވާވަރު އެއްޗެއްނޫން. އަބުރު ރައްކާއޭ ބުނާ ބަހުގެ މާނައަކީ ތިމައަމިއްލައަށް ވައްކަން ނުކުރުން. އެފަދަ ކުށް ނުކުރން. އެއި އެހެންމީހަކަށް ކޮށްދެވޭނެ ކަމެއްނޫން. އަބުރު ރައްކާތެރިކުރުމަކީ. މިމީޙުން މިއުޅެނީ މާނަ އޮޅުވާލައިގެން. ވައްކަން ކުރުން މަނާ ގާނޫނު ހެދީމާ އެއޮތީ ވައްކަން ކުރާހިއްވާ މީހާގެވެސް އަބުރު ރައްކާތެރި ކުރެވިފައި. ކުށްވެރި ވާނެތީ އެކަން ކުރަން ފަސްޖެހޭގޮތަށް.
ހަދާބަލަ
04 September 2016
ޚިޔާލު ފާޅުކުރުމުގެ ގާނޫނުގެ މާއްދާ ތައް ބާތިލް ނުކުރެވޭނެ ކަމަށް އަވަހަށް ގާނޫނެއް ފާސް ކުރަންވީ ރައްޔިތުންގެ މަޖްލީހުން. އެއީ ގާނޫނު އަސާސީ އާއި އެއްފަދަ އެއްޗަކަށް ގާނޫނަކުން ހަދަންވީ އެވެ. އެއިރަށް ދެން އެނިމުނީ އެެވެ.
މަރޭމިތުރާ
04 September 2016
އާޑާއިފާޑު ހިޔަާލުތަކުންމެނުވީ ގައުމެއް ކުރިނާރާނޭ!!........... ފާޑުގެ އެކިއެކި ކަންތައް އެއިރުން ސިއްރުގަތިބެ ކުރެވޭނޭ!!
އަލިފުތު
04 September 2016
މިއާޓިކަލް ކިޔާލުމުންވެސް އަދި ސުރުޚީ އަށް ބަލާލުމުންވެސް މިގާނޫނުގެ މުހިއްމުކަން ވަޒަންކުރެވެއެވެ./ މިއީ ޚިޔާލުފާޅުކުރުން ހަނިކުރުމެއްނޫނެވެ. މިއީ ދިވެހިންނަށް ދިވެހި ފަސްގަނޑުގައި ގަދަރުވެރިކަމާއެކު ދިރިއުޅެވޭނެ މަގެއް ފަހިކޮށްދިނުން ލާޒިމުކުރާ ގާނޫނެވެ.