ހައްޖުވެރިން އަަރަފާތު ބިމުގައި. --ފޮޓޯ:އޭއެފްޕީ
28 މެއި 2019 - 16:54
31 comments
ޕެންޝަން ފައިސާ އިން ހައްޖުގެ އަޅުކަން އަދާކުރެވޭ ގޮތަށް ކަނޑައަޅައި ޕެންޝަން އޮފީހުން އެކުލަވައިލި ގަވައިދަށް މިއަދު އަމަލުކުރަން ފަށައިފި އެވެ.
ސަރުކާރުގެ ގެޒެޓްގައި ޝާއިއުކުރި "ފަރުޟު ހައްޖުވުމަށް ޕެންޝަން ފައިސާ އިން ފައިސާ ދޫކުރުމާ ބެހޭ ގަވައިދު" ގައި ބުނެފައި ވަނީ ޕެންޝަން ސްކީމްގައި ބައިވެރިވެފައި ތިބި މީހުންގެ ތެރެއިން ހައްޖުގެ އަޅުކަން އަދާކުރަން ރިޓަޔަމަންޓް ސޭވިން އެކައުންޓުން ފައިސާ ދޫކުރެވޭނީ އަލަށް ހައްޖަށް ދާ މީހުންނަށް ކަމަށެވެ.
ޕެންޝަން ފައިސާ އިން ހައްޖަށް ދެވޭ ޝަރުތުތަކުގެ ތެރޭގައި، ހައްޖަށް ދާން ފައިސާ ދޫކުރުމަށް އެދި ހުށަހަޅާ އިރު ރިޓަޔަމަންޓް ސޭވިން އެކައުންޓުގައި 336،000ރ. ހުރުން ހިމެނެ އެވެ. އެއީ ޕެންޝަން ލިބޭ އުމުރަށް ދިއުމުން މަހަކު 2000ރ. ދިނުމަށް ބޭނުންވާ އެންމެ މަދު މިންވަރެވެ.
އަދި ގެދޮރު ގަތުމަށް ޕެންޝަން ފަންޑުގައި ހުރި ފައިސާ ކޮލެޓަރައިޒް ކުރުމާ ބެހޭ ގަވައިދުގެ ދަށުން ކޮލެޓަރައިޒްކޮށްފައިވާ ބައިވެރިއެއް ނަމަ، ކޮލެޓަރައިޒްކޮށްފައިވާ އަދަދު ނުހިމަނައި ގަވައިދުގައި ބުނާ އެންމެ މަދު މިންވަރުގެ ފައިސާ ރިޓަޔަމަންޓް ސޭވިން އެކައުންޓްގައި ޖަމާވެފައި ހުރި ބައިވެރިއަކަށް ވާން ޖެހޭނެ ކަމަށް ވެސް ގަވައިދުގައި ވަނީ ބުނެފަ އެވެ.
އަލަށް ހައްޖަށް ދިއުމަށް ހުށަހަޅާ އިރު، އެމީހަކީ ހައްޖަށް ގެންދިއުމުގެ ހިދުމަތް ފޯރުކޮށްދޭ ފަރާތަކުން ހައްޖަށް ގެންދިއުމަށް ނިންމާފައިވާ މީހަކަށް ވާން ޖެހޭނެ ކަމަށް ގަވައިދުގައިވެ އެވެ.
ގަވައިދުގައިވާ ގޮތުން، ޕެންޝަން ސްކީމްގެ ބައިވެރިއަކަށް ފަރުޟު ހައްޖުގެ އަޅުކަން އަދާ ކުރުމަށް ދޫކުރެވޭނީ ހައްޖަށް ގެންދިއުމުގެ ރަސްމީ އަގުގެ ގޮތުގައި ސަރުކާރުން އެ އަހަރަކަށް ކަނޑައަޅާފައިވާ އަދަދުގެ 50 ޕަސަންޓަށް ވުރެ އިތުރު ނުވާ މިންވަރު ކަމަށެވެ.
ޕެންޝަން ސްކީމުން ފަރުޟު ހައްޖުވުމަށް ދޫކުރާ ފައިސާ ލިބުމަށް އެދި ކޮންމެ އަހަރަކު ހުށަހަޅާ ބައިވެރިންގެ ތެރެއިން ޝަރުތު ހަމަވާ ހުރިހާ އެންމެންނަށް ފައިސާ ދޫކުރެވޭނެ ކަމަށް ގަވައިދުގައިވެ އެވެ.
އޭގައިވާ ގޮތުން، ހައްޖުވުމަށް ފައިސާ ލިބުނު ބައިވެރިއަކު އެއްވެސް ސަބަބަކާ ހުރެ އެ އަހަރަކު ހައްޖަށް ނުދެވިއްޖެ ނަމަ، އެ އަހަރެއްގެ ހައްޖު ދުވަހުގެ ފަހުން ގިނަވެގެން 30 ދުވަހުގެ ތެރޭގައި އެ ބައިވެރިއަކު ހައްޖަށް ދާން ލިބުނު ފައިސާ އަނބުރާ ޕެންޝަން އޮފީހަށް ރައްދު ކުރަން ވާނެ އެވެ.
އަދި ޕެންޝަން އޮފީހަށް ފައިސާ ލިބޭތާ 15 ދުވަސް ތެރޭގައި އެ ބައިވެރިއެއްގެ އެކައުންޓަށް ޖަމާކުރަން ވާނެ ކަމަށް ބުނެފައިވެ އެވެ.
ޕެންޝަން ސްކީމްގައި ބައިވެރިވާ މީހުންނަށް ހައްޖަށް ދެވޭނެ ގޮތް ހެދުމަކީ ރައީސް އިބްރާހިމް މުހައްމަދު ސޯލިހްގެ 100 ދުވަހުގެ ވައުދުގެ ތެރޭގައި ހިމެނޭ ކަމެކެވެ. އެގޮތުން ޕެންޝަން ފައިސާ އިން ހައްޖަށް ދެވޭ ގޮތަށް ރައްޔިތުންގެ މަޖިލިހުން ފާސް ކުރީ މިދިޔަ ފެބްރުއަރީ މަހުގަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ލައިފާ
29 May 2019
ބޯހަލާކު ، ހަމައަންތަރީސްވެއްޖެ ، ބޯހަލާކު ، ވަޢުދުނާމާ އެޖެންޑާނަވާރަ ، ކޮންމެމީހަކު އެކައުންޓުގައި އަމިއްލަޔަށް ފުލައިޓެއް ޗާޓަރުކޮއްގެން ހައްޖަށްދެވޭ ވަރަށް ހުރީމައި ހައްޖަށް ، ސާބަހޭ ރައީސްނަޝީދު އީވާއައްތަ ގޯތިސަރުކާރު
ރައްޔިތުން ގެ ބަސް
29 May 2019
ހުރިހާ މަސައްކަތެއް ރައްޔިތު މީހާއަށް ،،މިމީހުންގެ ޖީބު ފުރަން ފޫގަޅާފަ އެތިބީ އަމިއްލަ އަށް ގާނޫނު ހަދައިގެން ބޭނުން ގޮތަކަށް،ތި ފައިސާ އިން336000ރ ހަމަކޮށްގެން ހައްޖަން ދެވޭނީ ހައެއްކަ މީހުންނަށް އަހަރަކު،މި މީހުން ގެ ޖީބައް ބޮޑުކުރަން ރައްޔިތުން ގެ ޕެންޝަން ފައިސާ ފާޑު ފާޑުގެ ވިޔަފާރި ކޮށް ތަންތަނުން ހިއްސާ ގަނެ ކަން ކަން ކުރުމުގެ ހައްގެއް މިއާލާ ތުނ ނަށް ނޯޮންނާނެ،ބޮޑު ބަލާއއް،
ބޮޑުރިޔާ
29 May 2019
ކީއްތަވާނީ އަލަށް ހައްޖައްދާންބޭނުން މީހާއަށް އޭނާގެ ލާރިކޮޅު އޭނާއަށް ދިނިއްޔާ ނޫންނަމަ އޭނާގެ ލާރިން %75 ދިނިއްޔާ
ހޮޓްކިންގ
29 May 2019
މިއީ އިބޫގެ ސަރުކާރުން ނިކަމެތި ސިވިލްސާވިސްގެ މުވައްޒަފުންނަށް ކުރެއްވި މަލާމާތެކެވެ. މިއީ ވެ ވަޑައިގަތް ވަޢުދާއިވެސް ޚިލާފާށް ކުރެއްވި ކަމެކެވެ.
އަޙުމަދު
29 May 2019
ވައުދު ވި އިރު ރައީސް ވިދާޅުވިކަމަށް އަޅުގަނޑަށް ހީވީ، އެމީހެއްގެ އެކައުންޓްގައި ފައިސާހުރިއްޔާ ފުލް ޕޭމަންޓް ލިބޭނޭ. މިހާރު އަނެއްކަ އަނެއްބައި ހޯދަން މަސައްކަތް ކުރަންވީ. އުންމީދު ކުރަން އަދި މި ގަވާއިދު ބަދަލުވާނެކަމަށް.
ޔުސްރާ
29 May 2019
އެފަންޑުގެ ކޮންމެ ބައިވެރިއަކީ އެފަންޑުގެ ހިއްޞާދާރެއް އެކަމަކު ހިއްޞާ ދާރުންގެ އަޑު އަހަން މަނިކަށް ވަރަށް އުނދަގޫ ފެންނަނީ މިއަދޮށަށް އޮތް ގޮވެތި ބިތްދޮށަށް ބިތް ދޮށަށް އޮތް ގޮވެތި މިއަދޮށަށް ފައިސާ ލިބިގެން ލާތަން
ބޭބެ
29 May 2019
336,000÷400= 840މަސް 840 މަސް ÷12 = 70 އަހަރު އުފަންވި ދުަވަހުން ފަށައިގެން ސަރުކާރުގެ އާދައިގެ ވަޒީފާގައި މަސައްކަތް ކުރިޔަސް ހައްޖަށް ނުދެވޭ.. 70 މަސައްކަތް ކުރޭ! އެޖެންޑާ2019
ނީރާ
28 May 2019
ހައްޖަށް ދިއުމަށް ދައްކަންޖެހޭ ފައިސާގެ %50 އަށްވާ ފައިސާ ލިބިގެން އަޅުގަނޑަކަށް މިކަމެއް ނުވާނެ. ގެދޮރު ކުއްޔަށް ހިފައިގެން ކުދިންނަށް ކިޔަވައިދޭން މާލޭގަ ދިރިއުޅޭތާ 20 އަހރުވަނީ. ސަރުކާރުންވަކިވީ 23 އަހަރު ޚިދުމަތްކޮށްފަ. ވަކިވި ދުވަހު ޕްރައިވެޓް ސެކްޓަރ އިން ވަޒީފާލިބުނު. މިހާރު މިވަޒީފާގަ އުޅޭތާވެސް 10 އަހަރުވެއްޖެ. ތިޔަބުނާ ފަންޑެއްގަ ވަރަށް ހުންނާނެ.. އެކަމކު ޤަވާޢިދު ހެދިގޮތުން ކިހިނެއް ދާނީދޯ.
ކުއްޖަކު
28 May 2019
ކޮންމެވެސް ކުއްޖަކު ހިސާބުހަދާބަލަ ކިހާވަރެއްގެ މުސާރައެއްލިބޭތާ ކިތައްއަހަރު ވީމަތޯ 336000 އެކައުންޓަށް ޖަމާވާނީ
ައަދުރޭ
29 May 2019
އެއީ މިސާލަކަށް 10000 ރ މަހު މުސާރަޔަށްލިބޭމިހެއްނަމަ 20 އަހަރު ދުވަހު މެދު ނުކެނޑި މަސައްކަތްކޮށްފިޔާ ހަމަވާނެ އަދަދު.
މުޖުތަބާ
29 May 2019
ތިރީގައިވާ ހިސާބު އަމިއްލަ ކޮންޓްރިބިއުޝަން އަދި އެމްޕލޯޔަރ މަހުން މަހަށްދޭ ކޮންޓްބިއުޝަންއަށް ބެލުމުން ރަނގަޅު. އެހެން ނަމަވެސް، އިންވެސްޓްމެންޓް ފައިދާ ހިމަނާފައި ނުވާތީ މުޅިން ރަނގަޅެއްނުން.
ސިވިލް
28 May 2019
އެޑްމިން އޮފިސަރަކަށް ދުވަހަކުވެސް ޕެންޝަންފަންޑުން ހައްޖަށް ދެވޭނެބާ؟
އަދުރޭ1
29 May 2019
ދަތިވާނެ، އެއަދަު ހަމަކުރަން، އަސަލަކު ދެނަ ޕެންސަން ފަންޑަކީ އެހެން ހިތުހުރިގޮތަކަށަ ނަގަން އޮއްނަ އެއްޗިއްސެއްވެސް ނޫން، މީހަކު ގޮވި ކޮހަކަށަ އަމަލުކުރަން ކުރިކަމެއް ތިޔައީ.