ސޮފްވާން (މ)ގައި: އޭނާ ވަނީ އެ ކޮމިޝަނުން ވަކިވާން މަޖިލީހަށް ސިޓީ ހުށަހަޅުއްވާފައި. --ފޮޓޯ: ރައީސް އޮފީސް
26 ޖޫން 2019 - 16:10
13 comments
ބްރޯޑްކާސްޓިން ކޮމިޝަންގެ މެމްބަރު، އިސްމާއިލް ސޮފްވާން މަގާމުން ވަކިކުރަން ރައްޔިތުންގެ މަޖިލީހުގެ މިނިވަން މުއައްސަސާތަކާ ބެހޭ ކޮމިޓީން ނިންމާފައި ވަނިކޮށް އިސްތިއުފާ ދެއްވުމަށް ރައްޔިތުންގެ މަޖިލީހަށް އޭނާ ސިޓީއެއް ހުށަހަޅުއްވައިފި އެވެ.
އެކަަމަކު މިނިވަން މުއައްސަސާތަކުގެ މެމްބަރުން އިސްތިއުފާ ހުށަހަޅުއްވަން ޖެހެނީ ރައީސުލްޖުމްހޫރިއްޔާ އަށެވެ. އިސްތިއުފާ ދެއްވި ކަމުގެ ލިއުން ރައީސަށް ލިބިވަޑައިގަތުމާ އެކު އެ މެމްބަރަކު އެ މަގާމުން ވަކިވީ އެވެ.
ސޮފްވާން ވަކިކުރަން މަޖިލީހުގެ ކޮމިޓީން ނިންމީ މަގާމުގެ މަސްއޫލިއްޔަތު އަދާނުކުރައްވައި ހަ މަސް ވަންދެން މުސާރަ ނަންގަވަމުން ދިޔަ މައްސަލައިގަ އެވެ. ކުރީގެ ރައީސް އަބްދުﷲ ޔާމީންގެ ސަރުކާރު ބަދަލުވުމާ އެކު އޭނާ ވަޒީފާއަކަށް ނުނިކުންނަވަ އެވެ.
ކުރީގެ ސަރުކާރުގެ ނުފޫޒާ އެކު ވަކިވަކި ޗެނަލްތަކާ މެދު ފިޔަވަޅު އަޅައި ޖޫރިމަނާ ކުރުމުގައި އިސްކޮށް އުޅުއްވީ ސޮފްވާން ކަމަށް ތުހުމަތު ކުރެ އެވެ. އަދި ބައެއް މައްސަލަތައް ކޮމިޝަނުން ނިންމީ އިންސާފުން ނޫން ކަމަށް މަޖިލީހުގެ ކޮމިޓީގައި މެމްބަރުން ވަނީ އެއްބަސްވެވަޑައިގެންފަ އެވެ.
މަގާމުގެ ޒިންމާ އަދާކުރެއްވުމަށް ނުކުޅެދިފައިވާ ކަމަށް ނިންމައި، އެންޓި ކޮރަޕްޝަން ކޮމިޝަން (އޭސީސީ)ގެ ރައީސް ހަސަން ލުތުފީ ވެސް މަގާމުން ވަކިކުރަން ކޮމިޓީން ވަނީ ނިންމައިފަ އެވެ. އެކަމަކު މައްސަލަ މަޖިލީހުގެ ތަޅުމަށް ފޮނުވުމުގެ ކުރިން އޭނާ ވެސް ވަނީ އިސްތިއުފާގެ ސިޓީ ރައީސް އޮފީހަށް ފޮނުވައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މެދުރާއްޖެތެރޭ މީހާ
27 June 2019
އެންމެން އިސްތިއުފާދީފަ ގެއަށްގޮސް ތަންވެސް ބަނދުކުރަން ފެންނަނީ އެހެނނާ މެދުރާއްޖެތެރޭގެ އަތޮޅުތަކަށް ރެޑިޔޯގެ ޛިދުމަތެއް ޓީވީގެ ޚިދުމަތެއް ލިބެނީއެއްނޫން ޓީވީ ބަލާލެވެނީ ވިޔަފާރި މުދަލެއް ގަންނަހެން ކޮންމެ މަހަކު ބޮޑު އަގުދީގެން. ރޭޑިޔޯ ވެސް ނުލިބި އަހަރުވަނިކޮށް ރޯދަމަހުގެ މެދުތެރެއިން އެފް.އެމް. ބޭންޑުން ލިބުނު މިހާރު އެވެސް އަނެއްކާ ކަނޑާލައިފި މީ ރައްޔިތުންނަށް ހަމަހަމަކޮށް ޚިދުމަތް ދެނިއްޔޯ ދޮގު ހެދުނއް ކަމަކީ
މުހައްމަދު އަބްދުއްލާހި ދީދީ
27 June 2019
ދެންނެއްތަ؟ ތިޔަ ކޮމިޝަން އެއްކޮށް އިސްތިއުފާ، ނޫނީ ވަކިކުރަން ޖެހެނީ.
Sharaf Deen Ali
27 June 2019
ޤާނޫނުގައި ބުނަނީ އިސްތިޢުފާ ހުށަހަޅަން ޖެހެނީ ރައީސުލްޖުމްހޫރިއްޔާ އަށޭ.
އެޑްމުންޑޯ
26 June 2019
ވަރަށް ލަދުވެސް ކުޑަމީހެކޭދޯ ، 7 މަސްދުވަސް ވަންދެން މުސާރަނަގާ ކަމުންދިޔައިރު އވަޒީފާ އަށް ނުނިކުމެ ގޭގައޮވެ ތިމަންނަ އަށް މިހަލާލުނުވާނޭކަންވެސް ނޭގުނު ދޯ ، ތީނާ އާއި ލުތުފީގެ އިސްތިއުފާ ގަބޫލުނުކޮށް ، ހަމަ ވަކިކުރަންޖެހޭނީ ،
ވޢދު
26 June 2019
ގޮތްކުޑައީ އޭނައެއްނޫން. މިސަރުކާރުން އެފުރުސަތު ދިނީ ވީމާ މިސަރުކާރު ގޮތްކުޑަކަން މާބޮޑު. ޝިފާމެން ރައްޔިތުންގެ ލާރީގަޖެހުނިމާ އެވާހަކަ ނުދައްކަނީ އެއީ އޭނާއަށް ޙަލާލުއެއްޗަކަށް ވެގެންބާ!!!
ވޯލް
26 June 2019
މުޅި ކޮމިޝަން އެއްކޮށް ވަކިކުރަންވެފަ. ހުސް ސިޔާސީ ކުލަޖެހިފަ ތިބި އިންޓަގްރިޓީނެތް މީހުން.
ބޮޑުމީހާ
26 June 2019
އެންމެން އިސްތިއުފާދީ
ޖަމްބޯ
26 June 2019
މި މަހުގެ މުސާރަ ވެސް ނަގައިގެން ތަ؟
އީޝާ
26 June 2019
އިސްތިއުފާ ދިނަސް ނުދިނަސް މީނަ ވަޒީފާއަށް ނުނިކުމެ ނެގި މުސާރާ އަބުރާ ދައުލަތައް އަބުރާ ދައްކަން ޖެހޭނެ. ސަރުކާރުން އެ ފައިސާ ހޯދަން ޖެހޭނެ.
ބިއްލަޅިތުއްތު
27 June 2019
ތިޔާ ބުނީ ވަރަށް ބޮޑު ތެދުފުޔެއް
ސައީދާ
26 June 2019
ރަނގަޅު ވަގުތުބޭކާރުނުކޮށް ފަނޑިޔާރުންވެސް އިސްތިއުފާދިނުން ރަނގަޅު.
ނަޖުދާ
26 June 2019
ތި ސޮރަށް ބަލާލީމާވެސް އެބަ އިނގޭ މޫނުމަތީންވެސް އެއްވެސް ކަހަލަ އަދުލުވެރިކަމެއް ނެތްކަން. ދެން ޖެހިގެން އެހެރަ ސޮރަކީ ވިލިނގިލީގައި ނިހާނާއެކު ރެޔާއިދުވާލު އުޅުނު ސޮރެއް! އެ ސޮރަށް ނޭންގޭނެ މީޑިޔާއަކީ ކޯޗެއްކަމެއްވެސް. ޝަހީބުދެން އޯކޭ، މީޑިޔާގައި 25 އަހަރު އުޅެފައިވާ މީހެއް. ހެހެހެހެހެ. މިއީ ޔާމީނު މީހުނަށް މަގާމުދޭގޮތަކީ.