ހުޅުލެ ލިންކް ރޯޑުން ބަޔަކު ސައިކަލްގައި ދަނީ. ސައިކަލް ވަގަށް ނެގުން އިތުރުވެފައިވާ ކަމަށް ފުލުހުން ބުނޭ. --- ފޮޓޯ: ހުސެއިން ވަހީދު/ މިހާރު
18 ޖުލައި 2019 - 15:41
8 comments
ރާއްޖޭގެ އެކި ހިސާބުތަކުގައި ސައިކަލް ވަގަށް ނެގުމުގެ މައްސަލަތައް ހުށަހަޅާ މިންވަރު އިތުރުވަމުންދާތީ އެކަން ހުއްޓުވަށް ފުލުހުން ހާއްސަ އޮޕަރޭޝަނެއް ފަށައި ހަތަރު މީހަކު ހައްޔަރުކޮށްފި އެވެ.
ފުލުހުން ބުނީ ރައްޔިތުންގެ މުދަލުގެ ސަލާމަތާއި ރައްކާތެރިކަމާއި އަދި ކުށް ކުރުން މަދު ކުރުމަށް ކުރަމުން އަންނަ މަސައްކަތުގެ ތެރެއިން ފެށި އޮޕަރޭޝަންގެ ތެރެއިން ރައްޔިތުންގެ މުދަލުގެ ސަލާމަތާއި ރައްކާތެރިކަން ކަށަވަރުކޮށް ވައްކަން ކުރާ މީހުންނަށް ފުރުސަތު ކުޑަ ކުރަން ހާއްސަ މަސައްކަތެއް ކުރާނެ ކަމަށެވެ.
ފުލުހުން ބުނި ގޮތުގައި މި މަހުގެ އަށް ވަނަ ދުވަހު ފުލުހުން އޮޕަރޭޝަން ފެށި ފަހުން 34 ސައިކަލް ގެއްލިގެން ހުށަހެޅި އިރު، 23 ސައިކަލެއް ވަނީ ހޯދައިފަ އެވެ. މި ސައިކަލްތަކުގެ ތެރެއިން 11 ސައިކަލް ފުލުހުންގެ މަސައްކަތުން ހޯދި އިރު، 12 ސައިކަލް ހޯދީ ވެރިފަރާތުންނެވެ.
އޮޕަރޭޝަން ފެށުމުގެ ކުރިން ގެއްލުނު ނުވަ ސައިކަލެއް ވެސް ހޯދި ކަމަށް ފުލުހުން ބުންޏެވެ.
ސައިކަލް ވަގަށް ނެގުން ހުއްޓުވުމާއި ސައިކަލްތަކުގެ ސަލާމަތާއި ރައްކާތެރިކަމަށް ސައިކަލްގެ ވެރިފަރާތުން ނުވަތަ އެ ސައިކަލް ދުއްވާ މީހަކު ހާއްސަ ސަމާލު ކަމެއް ދޭން ޖެހޭ ކަމަށް ފުލުހުން ބުންޏެވެ.
އެގޮތުން ސައިކަލް ޕާކްކޮށްފައި ބަހައްޓާ އިރު، ހުންގާނު ލޮކްކޮށް، ޝަޓަ ލޮކްކޮށްފައި ބެހެއްޓުމާއި ސައިކަލްގައި އެލަމް ލޮކް ހަރު ކުރުމާއި ސައިކަލް ހުރި ލޮކޭޝަން އެނގޭނެ ހެން ޖީޕީއެސް ކަހަލަ ޑިވައިސްއެއް ހަރުކޮށްފައި ބެހެއްޓުމަށް ފުލުހުން ވަނީ އެދިފަ އެވެ.
މީގެއިތުރުން ގޮތް ނޭނގޭ މީހުންނާއި ސައިކަލް ހަވާލު ނުކުރުމަށާއި ސައިކަލް ޕާކް ކުރާ އިރު، އެކަހެރިކޮށް ހުންނަ ތަންތަނުގައި ސައިކަލް ޕާކް ނުކުރަން ވެސް ފުލުހުން އިލްތިމާސް ކުރެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޕަބޭ
19 July 2019
ދިވެހިރާއްޖޭގެ ފުލުހުންނަކީ އަޖާއިބުވާ ގޮތަށް އޮޕަރޭޝަން ކުރިއަށް ގެންދާ ބައެއް.. ކޮންމެ ކަހަލަ ކަމެއް ހިނގިޔަސް ކުރާނީ އެންމެ ކަމެއް. އެއީ ދުއްވާފަ އަންނަ ސައިކަލު ހުއްޓުވާފަ އަހަރީ ފީ, ރޯޑްވާދިނަސް ސްޓިކަރ, އިންސުއަރެންސް ސްޓިކާރ އިންތޯ ޗެކު ކުރުން. އެ ނިމުނީ.. ދެން އުޅޭނީ މާ އަނިޔާކުރާ ހިތްވާ ބައެއް. މަދު ވާނެ ފުލުހުންގެ ސްލޯގަން ޖަހައިގެން ރައްޔިތުންނަށާއި ގައުމަށް ހިދުމަތްކުރާ ފުލުހުން.
އަލީސް
19 July 2019
އަޅުގަނޑު ސައިކަލް ވަގަށްނެގީ ކެމެރަައިން ފެންނަގޮތުން ހަމައައިސް ތަޅުދަނޑި ޖަހާލާފައި ހިފާގެންގޮސް. ޝައްކުކުރެވެނީ ގަރާޖުމީހަކަށް.
ފްރެންޑް
19 July 2019
ހުޅުމާލެ ފްލެޓް 113 ކުރިމަތީގައި ވަރަށް ގިނައިން ސައިކަލު ރޫޅާތަން ފެނޭ. ޗެކެއްޖަހާލުން ރަގަޅު.
ސަނގައްޕާ
19 July 2019
ބޭކަލުންނޭ. ވަގުކަލޭގެ ހުއްޓުވަން މާބޮޑަށް ނުއުޅުއްވައްޗޭ އޭރުން ބާރުގެބޭނުން ނަހަމަގޮތުގައި ބޭނުން ކުރީކަމަށްވެދާނެ. ދެން ކުށްވެރިވާނީ ހުއްޓުވަންއުޅުނުމީހާ. އެހެންވީމާ ވަގުކަލޭގެ އަށް ރިކުއެސްޓުކޮށް ބުރަކަށީގަ ފިރުމައިގެން ކުރެވޭތޯބަލާނީ.
ޖމލސ20ޖސ
19 July 2019
ސައިކަލު ވަގަށް ނަގާ މީހުންގެ ދަފުތަރެއް ހަދަންވީ
މުހައްމަދު ރަސީދު
19 July 2019
އަހަރެންގެ ސައިކަލު ވަގަށް ނެގީ ފުލުހުންގެ ކެމެރާވެސް ބަހައްޓާފައިވާ ސަރަހައްދަކުން. ފުލުހުންނަށް އެވަރުންވެސް އެ ސައިކަލު ވަގަށް ނެގި މީހެއް އަދިވެސް ނުހޯދޭ. ރަނގަޅަށް ބެލި ނަމަ މާލޭގެ އެހެނިހެން ހިސާބުތަކުގައި ހުރި ކެމެރާތަކުން ބަލައިގެންވެސް އެ ގެންދިޔަ ބަޔަކު ފުލުހުންނަށް ހޯދޭނެ. އެކަމަކު އާދައިގެ މީހެއްގެ އެއްޗެއްވީމަ އެމީހުން އަޅާނުލަނީ ހެން މަށަށް ހީވަނީ.
ޒަން
18 July 2019
ވައްކަމަކީ އަތް ކެނޑުން ހުކުމް ވާކަމެއް. މިނޫން ގޮތަކަށް ހައްލު ހޯދަން އުޅޭތާ ވީ ޒަމާނެއް ނޭނގެ
ކޮރަލް
18 July 2019
ވަގައްނަގާ މީހުން އެއަށް ހަދާ ގޮތެއް ބުނެބަލާށެވެ. ބޯޓުފަހަރުގަ ވަގު ސައިކަލް ގެންދޭތޯ ބަލާލަ ބަލާށެވެ. ސައިކަލް ވަގު އަތުލާ ފަ ދޫކޮށްލަނީ ކިތައް ދުވަސް ތެރޭ ގަ ކަން ބުނެދީ ބަލާށެވެ.