އާތިޔާ (ވ): އޭނާ ވަކިކުރީ ގާނޫނާ ހިލާފަށްކަމަށް ވަނީ ކަނޑައަޅާފައި.-- ފޮޓޯ: ނިޝާން އަލީ/ މިހާރު
25 ޖުލައި 2019 - 21:32
21 comments
އަމީނިއްޔާ ސްކޫލުގެ ޕްރިންސިޕަލްގެ މަގާމުން އާތިޔާ ނަސީރު ވަކިކުރީ ގާނޫނާ ހިލާފަށް ކަމަށް ކަނޑައަޅައި ބަދަލުގެ ގޮތުގައި 155،000ރ. ދޭން ހައި ކޯޓުން މިއަދު ހުކުމްކޮށްފި އެވެ.
އާތިޔާ، ސިވިލް ސާވިސް ކޮމިޝަން (ސީއެސްސީ) އާ ދެކޮޅަށް ހުށަހެޅި މައްސަލަ ބެލުމަށް ފަހު ހައި ކޯޓުން ނިންމީ އޭޕްރީލް 13، 2015 ގައި އާތިޔާ ވަކިކުރީ ގާނޫނާއި ގަވާއިދުތަކާ ހިލާފަށް ކަމަށެވެ. އެހެންވެ ބަދަލުގެ ގޮތުގައި ހަ މަސް ދުވަހުގެ މުސާރަ ދޭން ވަނީ އަމުރުކޮށްފަ އެވެ.
އޭނާ އޭރު މަގާމުން ވަކިކުރީ އަމީނިއްޔާއަށް ފައިސާ ހޯދަން ދަރިވަރުން ހިންގި ހަރާކާތަކާ ގުޅިގެންކަމަށް ވެ އެވެ. އެ އަހަރުގެ ފެބްރުއަރީ އަދި މާޗު މަހުގެ ތެރޭގައި އަމީނިއްޔާ ސްކޫލުގެ ދަރިވަރުން ހިންގި ފަންޑް ރެއިޒިންގެ ޕްރޮގްރާމާ މެދު އޭރުގެ އެޑިއުކޭޝަން މިނިސްޓްރީން ވަރަށް ބޮޑަށް ހިތްހަމަނުޖެހުނެވެ.
އާތިޔާ ވަކިކޮށްދިނުމަށް އެދި އެޑިއުކޭޝަން މިނިސްޓްރީން ސީއެސްސީއަށް ފޮނުވި ސިޓީގައި ބުނެފައިވާ ގޮތުން ސްކޫލުތަކުން ފައިސާ އެއްކުރުމަށް ތަފާތު ޕްރޮގްރާމްތައް ހިންގުމަކީ އާއްމު ކަމެކެވެ. އަދި އަމީނިއްޔާ އިން އިން އެފަދަ ޕްރޮގްރާމެއް ހިންގުން އޭގެ ޒާތުގައި ގޯސް ނޫން ނަމަވެސް އެ ސްކޫލުން އެކަން ކޮށްފައިވަނީ މިނިސްޓްރީ ބަދުނާމުވާ ފަދަ ގޮތަކަށް ކަމަށް ވަނީ ބުނެފަ އެވެ.
އަމީނިއްޔާ ސްކޫލުން އެކަން ކުރީ ސްކޫލަށް ބޭނުންވާ އަސާސީ ކަންކަން ފުރިހަމަ ކުރުމަށް ފުދޭ މިންވަރަށް ސަރުކާރުން ފައިސާ ނުދޭތީ ކަމަށް ދޭހަވާ ގޮތަށް އާތިޔާ އޭރު ފޭސްބުކްގައި ލިޔެފައިވާ ކަމަށް ވެސް އެ ސިޓީގައިވެ އެވެ.
މަގާމުން ވަކިކުރި މައްސަލަ ހަމަ އެ އަހަރު ސިވިލް ކޯޓަށް ހުށަހަޅާފައި ވެ އެވެ. ނަމަވެސް 2016 ވަނަ އަހަރު ކޯޓުން ހުކުމްކުރީ އާތިޔާ ވަކިކުރީ ރަނގަޅަށް ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޢަހުމަދު. ޢަލީ
26 July 2019
ޤަވާައިދާ ޚިލާފު މީހާއަށް ބަދަލުދީ ނާންގާ ސަރުކާރުން ބަދަލު ދޭންޖެހޭ ސަބަބު ކޯޓުން ހާމަކުރަންޖެހޭ
ރޯން
26 July 2019
ބައިތުލް މާލުގަ ހުރި ހުރިހާ ރުފިޔާ މިހެން މީހުންނަށް ބަދަލު ދީ ހުސްކޮށްލަނީ.ދެން ކަމެއް ސަރުކާރަށް ވާނީ.މިމީސްމީހުންނަށް ބަދަލު ދީފަ ރައްޔިތުންނަށް ކަމެއްކޮށްދޭނެހާ ފައިސާއެއް ދައުލަތުގަ ނެތް.ޕާޓީ އަށް ހެޔޮއެދެންޏާ ދެންވެސް ދައުލަތުން ރުފިޔާ ދޭންޖެހުންސް އެ މާފު ކޮށްފަ ރައްޔިތުންނަށް ކަމެއްކޮށްދޭން ފުރުސަތުދީ .އެއިރުން މަމެން ބުނާނަން އެމްޑީޕީ ތަރައްގީ ގެންސްދީފިޔޭ.އަދި އެކަމަކު ޔާމީން ވަރެއްހަމަ ނެތް.
ނާމާން
26 July 2019
އެވަރަށް ނާއިންސާފުން ކަންކަން ވެފައިވާނަމަ ހަމަ މަގަށް އެޅޭނީ ބަދަލު ދީގެން ... ހައްގު
ގައުމީ ލޯބީގާ
26 July 2019
އާތިޔާނަސީރު ގެ ޕުރިންސިޕަލްކަމުގެ ދުވަސް ވަރު ބެލެނިވެރިން ފެލާލާ ވަރަށްބޮނޑެތި އަނގު ބެލެނިވެރިން ދައްކަށްޖެހޭ ކަމުގެ އަޑު ތަކެއް އެރި އެދުވަސްވަރެއްއެއީ ސުކޫލުގެ އެކިއެކި ކަންކަމަށް ބެލެނިވެރިން .ކަހާލާ ކަމުގެ އަޑުތަކެއް
ކަނބިލި
26 July 2019
އަނެއް ލާރިގަނޑު ދައުލަތުގެ މާލިއްޔާއިން
ޙަބީބު
26 July 2019
ޖަމީލު ނައިބު ރައިސްކަމުން ވަކިކުރީ ގާނޫނާ ހިލާފައް ދެންވީ 5 އަހަރު ދުވަހުގެ ބަދަލު މިސަރުކާރުން ދީފަ ތަރައްގީޔައް ހަރަދު ނުކޮއް ތިބެން ދެންވީ ރައްޔިތުން ކޮބާނުވިއެއްނު ގޮވަން ކިހާގަދަ ބައެއްމީ
ފެންކުރި
26 July 2019
މިހާރު އަބަދުވެސް މިކިއެނީ ޔާމީނޭ ވަށްކަމޭ ކަރަޕްސަނޭ އިންސާފަށްބަލާ ބައަކު އުޅޭނަމަ ބައެއްސަރުކާރުގަ ފަޑިޔާރުން ވަގައްނެގުން ރައްއތުންގެ ބޮޑުހިއަސާ ވިއްކާލުން އެޔާޕޯޓު ހިލޭދިނުން މިހެން ނުލިއެވޭނެ ކޮށްފަހުކަންތަކެއް އަދި ވެރިކަމުން އެއްމެންގެ ކުރިމަތީ އިސްތިއުފާ ދީފަ މުޅިގައުގަ ހުޖަހާލީ މިވާހަކަވެސް ހަމަ އިންސާފުކޮތް ލުން ރަގަޅުވާނެ އިންސާފަށް ބަލާބައަކު ނަމަ
މަރޭމިތުރު
26 July 2019
ކިރިއާ އަޑެއް އިވިލާއިރައް ބޭނުންނެތޭބުނެ އަންގަނީ! ހުރިހާކަމެއް ގޯހޭކިޔައި އެއުޅޭ ޖޮބުން ވަކިކޮށްލަނީ!...................... މީހެއްގެ ކަމެއްހުރެދާނެ އެކަމަކު އެކަން ރަނގަޅުކޮށްލަން ފުރުސަތުދޭންވާނެކަމަށް ދެކެން. ހަމަ ކުއްލިއަކަށް ޖޮބުން ވަކިކުރަން އަންގަނީ އނަގާމީހުން ކިޔަވަންޖެހޭ ތައުލީމު ނުކިޔަވައި ތިބުމުން. އޭރުގަ ހުރިހާކަމެއްވެސް އޮތީ މިގޮތައްކޮށްފައި.
އަލީ ރާޖާ
26 July 2019
އެޑިއުކޭޝަން މިނިސްޓްރީން ވަކި ގޮތަކަށް އަމަލު ނުކުރަން އަންގާފަ އޮއްވާ ފިރިމީހާ ބުނެގެން ޔާމީންގެ ސަރުކާރު ބަދުނާމުކުރަން އެކަން ކުރީމަ ވަކިކުރީ. ބަދަލު ދިނަސް ނުދިނަސް ރަނގަޅަށް މީނަ ވަކިކުރީ. ރީނދޫހުން ޖެހިގެން އައިސް ސްކޫލުގަ އެވައްތަރަކަށް ނޫޅެވޭނެ.
ހަކީމް
26 July 2019
މަގޭ ބޮޑު ސުވާލަކީ ޤާނޫނާ ހިލާފަށް ކަމަށް ވާނަމަ ޤާނޫނާ ހިލާފަށް ކަންތަށް ކުރި އިންސާނަކު މިދުނިޔޭގަ ހުންނާނެ ނޫންހޭ ، އޭނާޔާ އަށް އަދަބެއް ނުދޭނަމަ ވެރިކަމަށް އަންނަ ސަރުކާރަރުން ހަދާނެ އެއްޗެއް ހަދާފަ ފައިބައިގެން ދާންވީހޭ.
އަލީސް
26 July 2019
ނުހުންނާނެ . އެހެރީ ޔާމިނުވެސް . ލޯކުރިމަތީ ކިތައް ކަންތައް ކޮއްލީ އެކަމަކު އޭނަވެސް އަދިވެސް ހަމަ ފްރީމޭން.
ބަލީސް
26 July 2019
ލައިވް ޓީވީގަ އެންމެން ލޯކުރިމަތީ ގާޒީއެއް ގާނޫނާ ޚިލާފަށް ގެންގޮސް އެކަހެރިކޮށްފަ ބަހައްޓައި އެކަން ކުރިކަން އެނގޭގޮތަށް ޕޯޑިއަމްގަ ވާހަކަ ދެއްކި މީހާވެސް މިއަދު ބޮޑު މަގާމުގައި އެހުރީ. މިހާރު އަދި މާ ފްރީމޭންއެއް.
ސާދާސީދާ
26 July 2019
ދޫވެހީގަ އުޅޭ ޔާމީން ކިޔާ މީހެއްގެ އަމުރަށް ކުރިކަމެއް!
ޖިޒުލާން
26 July 2019
ކިހާ ބޮޑު ކަމެއް. ތިބަދަލު ދީބަލަ އެކަން ކުރި މީހަކު. އަހަރުމެންގެ ޓެކްސް ފައިސާއިން ބަދަލުދީގެން ނުވާނެ. އެއްވެސް މަސައްކަތެއް ނުކޮށް ހުރެ، ދެމީހަކު ގުޅިގެންވެސް މިހާރު މިކަންތައް ކުރެވިދާނެ. ބޮސް ހަދާނެ ގޮތަކީ ވަޒީފާއިން ވަކިކޮށްލާނީ. އޭގެ ފަހުން ބަދަލު މިލިޔަނުން ލިބުނީމާ، ބޮސް އާއި ވަކިކުރެވުނު މުވައްޒަފާ ދެމީހުންވެގެން ބަހާލާނީ ލާރިކޮޅު. ކިހާ އީޒީ!