ރާއްޖެ އައި މީހެއްގެ ލަގެޖް ވެލާނާ އިންޓަނޭޝަނަލް އެއާޕޯޓުން ސްކޭން ކުރަނީ. - ފޮޓޯ: ހުސެއިން ވަހީދު/ މިހާރު
28 ޖުލައި 2019 - 13:01
19 comments
ބަނގުރާ އެކުލެވޭ ބުއިމެއް މާލޭގައި ފިހާރަތަކުގައި ވިއްކަން ހުރި ކަމަށް ބުނާތީ އެ މައްސަލަ ބަލަމުން އަންނަ ކަމަށް ކަސްޓަމްސް އިން މިއަދު ބުނެފި އެވެ.
ޖަރުމަނުގެ އުފެއްދުމެއް ކަމުގައިވާ "ޖާސްޓެލް" ނަމަކަށް ކިޔާ ދަޅެއްގައި ބަނގުރާ ހުރި ކަމަށް ތުހުމަތު ކުރައްވައި އެކަން ސަމާލު ކަމަށް ގެންނެވީ ކުރީގެ ހޯމް މިނިސްޓަރު އުމަރު ނަސީރެވެ. އޭނާ އިއްޔެ "މިހާރު" އަށް ވިދާޅުވި ގޮތުގައި އެ ބުއިން ރާއްޖޭގެ ގިނަ ފިހާރަތަކުގައި ވިއްކަން އެބަހުއްޓެވެ.
ކަސްޓަމްސްގެ މީޑިއާ އޮފިޝަލަކު ވިދާޅުވީ އުމަރު އެކަން ހާމަ ކުރެއްވުމުގެ މާ ކުރިން ކަސްޓަމްސްގެ ސަމާލު ކަމަށް އޭގެ މައުލޫމާތު ލިބިފައިވާ ކަމަށެވެ. އަދި އެއީ ބަލަމުން އަންނަ މައްސަލައަކަށް ވާތީ އިތުރު ތަފްސީލް ހާމަކުރެވެން ނެތް ކަމަށް ވެސް މީޑިއާ އޮފިޝަލް ވިދާޅުވި އެވެ.
އުމަރު ވިދާޅުވި ގޮތުގައި އެ ބުއިމަކީ ބަނގުރާ އެކުލެވިގެން ނުވާ ބުއިމެއްގެ ގޮތުގައި ޖަހާފައި އިން ނަމަވެސް، އޭގައި ބަނގު އާވި ހިމެނެ އެވެ. އަދި މި ދަޅުތައް ރާއްޖެ އެތެރެކޮށްފައި ވަނީ ފުލުހުންނާއި ހެލްތު މިނިސްޓްރީގައި ހުންނަ ލެބުން ހުއްދަ ނުހޯދާ ކަމަށް ވެސް އޭނާ ވިދާޅުވި އެވެ. އެހެންވެ، މާލޭގެ ފިހާރަތަކުން އެ ދަޅުތައް ވީހާވެސް އަވަހަކަށް ނެގުމަށް އުމަރު ގޮވާލެއްވި އެވެ.
"މި ބާވަތުގެ އެއްޗެއް ވިއްކުމުގެ ކުރިން އާންމުކޮށް ހެލްތު މިނިސްޓްރީގެ ލެބާއި ޕޮލިހުންގެ ލެބަށް ފޮނުވާނެ. އެ ދެ ތަނުން ބަލާފައި މައްސަލައެއް ނެތިއްޔާ ހުއްދަ ދޭނީ. އަޅުގަނޑަށް މައުލޫމާތު ލިބިފައި އޮތީ އެކަން ނުހިނގާ ދޫކޮށްލި ކަމަށް،" ކުރީގެ ރައީސް އަބްދުﷲ ޔާމީންގެ ސަރުކާރުގައި ހޯމް މިނިސްޓްރީގެ ދަށުން ހިންގާ ކަސްޓަމްސްގެ ވެރިއަކަށް ވެސް ހުންނެވި އުމަރު ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހީވެއްޖެކަމެއްހެން
28 July 2019
އިބޫ ވެރިކަމާ ހަވާލުވިފަހުންގެނައި ކޮންޓޭނަރ އެހުރީ ކަސްޓަމުން ހިފާއްޓާފަ. ތިޔައެތެރެވެފަ ތިހުރީ އުމަރު ނަސީރު ނުވަތަ އަޒްލީން އަހުމަދު ކަސްޓަމްސްގެ ވެރިޔަކައް ހުރިދުވަސްވަރގަ.! ވަރައްސަލާމް
ނީރާ
28 July 2019
މިޒާތުގެ ދަޅުތައް އެންމެ ފުރަތަމަ އެތެރެ ކޮށްފައިވަނީ 2017 ގައި ކަަސްޓަމްސް އިން އެބަ ނުނޭ. 2017 ގައި އިބޫ ވެރިކަމަކަށް ނާރާ ދޯ. އަދިވެސް ޤާނޫނީ ވަކީލުންނާ ގުޅޭގޮތުން މައްސަލަ ހުށަހެޅޭތޯބަލާ. މުޅި ޤައުމު ސުންނާފަތިކޮށްފަ އެތިބީ ހަރަށްވަދެ.
މީރާ
28 July 2019
2017ގަ ގެނައި ސްޓޮކް 2019ނިމޭއިރުވެސް ހުސްނުވޭދޯ ހާދަ ރަހަނުބައި ވީމަތާ މާކެޓްނުވީ.. މިސަރުކާރަކުން މިކަހަލަ އެއްޗެ އެތެރެނުކުރާނެ.. މިއީ ސޯލިހު ސަރުކާރެ.. އެއްމެންވެސް ތިބޭނީ ހަމައިގަ.. ހަމައިން ނެއްޓެންޖެހޭ ގަނޑި އަންނަން ނޭދޭނެ..
ީފޮނިޓައްޕު ހަސަނު
28 July 2019
މި އުޅޭ ސޮރުމެން ހާދަ ވަރެއް ދައްކާލާނޭ މިހާރު ތި ދަޅުތައް ގަނެލަން. ކަސްޓަމްސުން ގޮސް ފިހާރަ ތަކުގެ ޝެލްފުން ނެގުމުގެ ކުރިން އެސޮރުމެން އެ ބޮއެ ހުސްކޮށްލާނެ.
ދިވެހި ލޭ.
28 July 2019
އުމަރު އާގޮތަކަށް މާރކެޓް ކޮށްލަނީ. ހަނދާންވަނީ ކުރީގެ ފިލްމު ދެރިއާގެ މައްސަލަމަތިން. ކޯޓަށް ޕްރޮޑިއުސަރާއި ޑައިރެކްޓަރ މައްސަލަވައްދައިގެން ނޫހުގެ ފަލަސުރުހި ތަކުން ޖާގަހޯދީ. ފިލްމް އަޅުވާނިމުނީ މައްސަލަ އަނބުރާ ނެގީ. މިވެސް ސީދާ މާރކެޓިންގ ސްޓަންޓް އެއް. އުމަރުގެ ގޮތް މިހާރު އެންމެނަށްވެސް އެނގޭ. މަގާމާ ފައިސާޔާ ޖާހަތަށްޓަކާ ކޮންމެ ކަމެއްވެސް ތި އުމަރު ކޮށްފާނެ.
ބަނާނާ ސަރުކާރު
28 July 2019
މާކުރިން އިގޭ އެކަމަކު ރައްޔިތުންނަ ނާންގާތިބީ ސްޓޮކް ހުސްވަންދެން.. ދިވެހިން ގަމާރު ބަޔަކަށްވީމަ ނޭގޭނޭ ހީކުރީދޯ؟މިސަރުކާރުގަ ބަގުއާވި ބަގުރާ ދިޔާ މަސްތުވާތަކެތި މިއީ މަނާ އެއްޗެއްތަ؟ރާވިއްކީމަ ގެސްޓް ހައުސްވިޔަފާރި ބޮޑުތަނުން ފައިދާވާނެ.. ކާކު މިހެންބުނީ.. ރައްޔިތުން ބަލާބަލަ ކޮންބަޔަކު އެތެރެކުރާ އެއްޗެއްތޯމިއީ.. އޭރުންއިގޭނެ ކީއްވެކަން އުމަރު ބުނުމުގެކުރިން ނޭގުނީ..
މަސްލާ
28 July 2019
އެފަދަ އެއްޗެއް ވިއްކަން ހުރިއިރު އެ ނޭނގި ގަނެގެން ބޮވޭ ފަހުން އެނގެންވީ އެއީ ބޯންނުވާނެ އެއްޗެއްކަން؟ މިފަދަ އެއްޗެއްގެ މައްސަލަ ބަލަމުން ގެންދާނަމަ މީހުންނަށް އެކަން އަންގާލީމާ އެ ނުބޮއި ތިބެން އެނގޭނީ. އެންމެންނަކު ދަޅުގައި ލިއެފައި ހުންނަ ހުރިހާ ލިއުމެއް ނުކިއާނެ އަދި އެންމެންވެސް ބަލާނީ މިގައުމުގެ ފިހާރަތަކުން ގަންނަން ލިބޭނީ ހުއްދަ އޮތް އެއްޗެހި ކަމަށް. 5 އެތި ބޮއިގެން ގޮތެއްވެގެން ހައްޔަރުކުރިނަމަ ވާނުވާ ނޭނގިފަ ހުންނަންޖެހޭނީ.
ރަދީފް
28 July 2019
''ކަސްޓަމްސްގެ މީޑިއާ އޮފިޝަލަކު ވިދާޅުވީ އުމަރު އެކަން ހާމަ ކުރެއްވުމުގެ މާ ކުރިން ކަސްޓަމްސްގެ ސަމާލު ކަމަށް އޭގެ މައުލޫމާތު ލިބިފައިވާ ކަމަށެވެ.'' ކިހާ ސަޅި.މިމީހުންނަށް މިނޫން ވަރެއް ނުވާނެ.
އަހަންމަދާ
28 July 2019
މިހާރު މަހެއްހާ ދުވަސްވެއްޖެ އެ ކޮންޓެއިނަރު ނުނެރެވިގެން އެމީހުން އުޅޭތާ. އުމަރު ދެން ކޮން މޮޅު ވާހަކަ އެއް ދައްކާކަށް. އުމަރު ވާންވީނުން ބްރޭކިން ނިއުސް ހަދާމީހަކަށް ކެމޯފްލާޖް ޓީޝާޓްލައިގެން
އަޑަފި
28 July 2019
މިއުޅޭ ތައްޔިބު އެއްޗެކޭ ބުނެ ޓުވީޓެއް ކޮއްލީމަ ވަ އަހަންމަދާ މެންނައް ވަރައް މޮޅުކަމަކަށެވެ. އެކަމަކު އުމރު އެއްޗެއްބުނީމަ އުމަރު ގޯސް މިވަނީ
ޑަބިޔާ
28 July 2019
މީނަ ސަރުކާރުގަ ބޮޑަކަށްހުރެ ގެންކުރިކަމެއް އަދިކިރިޔާ މިނައަށްއިގުނީ މީކޯންޗެއްކަން
ބުނެދީބަލަ؟
28 July 2019
ބަނގު އާތްވަށް އިނގިރޭސިން ކިޔާ ނަން ކޮންމެ ވެސް މީހަކު، އަޅެ ބުނެދީބަލަ! އޭރަށްތާ އިނގޭނީ ދަޅުގެ ބޭރު ކިޔާ ލުމުން!
ކައްމަތިން
28 July 2019
ކޮބައިހޭ އެތެރެ ކުރިމީހުން