ހަމަދު ސްކޫލުގެ ދަރިވަރުން އައްޑޫ ހައި ސްކޫލުގައި: ދެ ސްކޫލްގެ ދެމެދު ވަރަށް ގާތް ގުޅުމެއް ވަނީ ގާއިމްވެފައި .-- ފޮޓޯ: އައްޑޫ ހައި ސްކޫލް ފޭސްބުކް ޕޭޖް
19 އޯގަސްޓް 2019 - 10:15
19 comments
ތަޖުރިބާ ހޯދުމުގެ ދަތުރެއްގައި އައްޑޫ ހައި ސްކޫލުގެ 200 ދަރިވަރުންގެ ބޮޑު ވަފުދެއް ލ. ގަމު ހަމަދު ސްކޫލަށް މިއަދު ޒިޔާރަތްކޮށްފި އެވެ. މިއީ މިހާ ބޮޑު ވަފުދަކުން އެ ސްކޫލަށް ކުރި ފުރަތަމަ ޒިޔާރަތެވެ.
ހަމަދު ސްކޫލުގެ ޕްރިންސިޕަލް މުހައްމަދު ޝައުކަތު ވިދާޅުވީ ދިވެހި މާއްދާގެ ދަތުރުނާމާ އާއި އާސާރީ ތަންތަން ބަލައިލުމުގެ އިތުރުން ދިރިއުޅުމުގެ ތަފާތު ތަޖުރިބާ ހޯދަން ކުރާ ދަތުރުގައި އައްޑޫ ހައި ސްކޫލްގެ ގްރޭޑު 11 އަދި 12ގައި ކިޔަވަމުން އަންނަ 156 ދަރިވަރުން ބައިވެރިވާ ކަމަށެވެ. ދަތުރުގައި ދެން ބައިވެރިވަނީ ޓީޗަރުންނާއި ބައެއް ބެލެނިވެރިންނެވެ.
"ޖަޒީރާ ދަތުރު" ގެ ނަމުގައި، ކަނޑު ބޯޓަކުން މިކުރާ ދަތުރުގައި ހިތަދު އާއި ގަމާ ދެމެދު 18 ގަޑިއިރު ހޭދަވެ އެވެ. ދަތުރުގައި އެ ދަރިވަރުން އިއްޔެ ވަނީ ގދ. ތިނަދުއަށް ވެސް ޒިޔާރަތްކޮށްފަ އެވެ.
ހަމަދު ސްކޫލުގެ ދަރިވަރުން އައްޑޫ ހައި ސްކޫލުގައި: ދަތުރުތަކުގެ ފައިދާ ބޮޑު - ފޮޓޯ: އައްޑޫ ހައި ސްކޫލް ފޭސްބުކް ޕޭޖް
ޝައުކަތު ވިދާޅުވީ އަންނަ ބުރާސްފަތި ދުވަހާ ހަމައަށް އެ ދަރިވަރުން ގަމުގައި މަޑުކުރާނެ ކަމަށެވެ. އެ މުއްދަތުގައި އިސްދު އާއި މައިބާދުއަށް ޒިޔާރަތްކޮށް އެ ތަންތަނުގެ އާސާރީ ތަންތަން ވެސް ބަލާނެ ކަމަށް އޭނާ ވިދާޅުވި އެވެ.
"މިފަދަ ދަތުރުތަކުގެ ސަބަބުން ގިނަ އާއިލާތަކެއްގެ ގުޅުން އުފެދިގެން ހިނގައްޖެ. މެހެމާންދާރީ އަދާކުރުމުގެ ކަންކަން ވެސް ދަރިވަރުންނަށް ދަސްވެގެން ދާނެ،" ޝައުކަތު ވިދާޅުވި އެވެ.
އައްޑޫ ހައި ސްކޫލްގެ ދަރިވަރުންގެ ހުރިހާ ކަމެއް ހަމަޖައްސާފައިވަނީ ހަމަދު ސްކޫލުންނެވެ.
ހަމަދު ސްކޫލުގެ ދަރިވަރުން އައްޑޫ ހައި ސްކޫލަށް މިދިޔަ މަހު ކުރި ޒިޔާރަތް -- ފޮޓޯ: އައްޑޫ ހައި ސްކޫލް ފޭސްބުކް ޕޭޖް
މިދިޔަ މަހުގެ ފަހުކޮޅު ހަމަދު ސްކޫލުގެ ދަރިވަރުން ވަނީ އައްޑޫ ހައި ސްކޫލަށް ޒިޔާރަތެއް ކޮށްފަ އެވެ.
ޝައުކަތު ވިދާޅުވި ގޮތުގައި އެފަދަ އެކްސްޗޭންޖް ޕްރޮގްރާމްތަކަށް ދަރިވަރުންގެ ވަރަށް ބޮޑު ތަރުހީބެއް ލިބެ އެވެ. އަދި އެ ދަތުރުތަކުން ދަރިވަރުންނަށް އާ ކަންކަން ދަސްވާ ކަމަށް ވެސް އޭނާ ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަކުމް ބަކުމް----
19 August 2019
މި ދަތުރުން ލިބުނު ތަޖުރިބާ ދުވަހަކު ވެސް ހަނދާނުން ފިލައިގެން ނުދާނެ! ވަރަށް މަޖާ
ސަތާރަތުއްތު
19 August 2019
ހަގީގަތުގައިވެސް މިއީ ވަރަށް ރަގަޅުކަމެއް. އެތައްތަޖުރިބާއެއްގެ އިތުރުން ގައުމުގެ ތެރޭގައި އޮންނަންޖެހޭ އެއްބައެއްވަންތަކަން ދަސްކޮށް އާލާކުރަންވެސް ލިބޭފުރުސަތެއް. ދިވެހިންގެ ތެރޭގައިވާ އާދަކާދަތަކާއި ވައްޓަފާޅި ހޯދާބަލާ ތަޖުރިބާކޮށްލަންލިބޭ ވަގުތެއް. ތައުލީމާއި ތަރުބިއްޔަތަކީ ހަމައެކަނި ފޮތުގައިވާ ދެލިގަނޑު ހިތުންދަސްކުރުމަކުން ހާސިލުކުރެވޭނެކަމެއްނޫން. އެހެން ސުކޫލްތަކުންވެސް ރާވާހިންގަން ރަގަޅުހަރަކާތެއް
ރޭވް
19 August 2019
ކިހިނެއްކުރި ބައްދަލުކުރުމެއްތޯ؟ މޫސުން ތަންނުދިނުމުގެ ސަބަބުން ތިނަދޫއިން ފުރި ބޯޓު ގއ.ވިލިގިއްޔަށް ފަނުމަށްފަހު، މެންދުރު ފަހު ލ.ގަމަށް ދަތުރު ފެށީ، އެކަމަކު ބައްދަލުކޮށްފިޔޯ އޭ ތޯ؟ ތަންދޮރު ބަލާފަ އެއްޗިހި ޖަހާބަ.
ނައުފާ މަރީ
19 August 2019
އެއްކަލަ ނަދީމު! މުޅި ރާއްޖޭގަވެސް ތިހާ ފޮނިކަނޑާ، ޒިއްމާދާރު ކަމެއްނެތް ޕްރިންސިޕަލެއް މަދުވާނެ. ކުދިންގެ މެދުގައި ވަރަށް ތަފާތުކުރާ، ސްޓާފުންނާ ވަރަށް ޑީގްރޭޑްކޮށް ވާހަކަ ދައްކާ މީހެއް. ތި ދަތުރުކުރާ ކުދިންނަށް އަމާން ދަތުރަކަށް އެދެން.
ރައްޔެތު.
19 August 2019
ބޮއްކުރާއެއް ނެތްތަ ތަންކޮޅެއް ދަތުރުގެވަގުތު ކުރުހެން ހީވޭ
Richardson
19 August 2019
ކޮބާ މައްސަލައަކީ؟ 1 ލައްކަ ރުފިޔަ ބޯޓަށް ދިނިން.
ބްރޯ...
19 August 2019
1 ލައްކައޭ؟؟؟؟ ތީ އަސްލު އަދަދުތަ؟ ؟؟؟؟؟؟
ޖީމު
19 August 2019
ތިޔަ ދެ ސްކޫލްގެ ދެ ޕްރިންސިޕަލުން ނަދީމާއި ޝައުލަތަކީ ވަރަށް ސިޔާސީ މުފައްކިރުންނަށް ވެގެން އުޅޭ ދެމީހުންނެވެ. އަސްލު ތިޔަ ދެ ޕްރިންސިޕަލުންނަކީވެސް މެނޭޖްމަންޓް 0 ގެ ދެމީހުނެވެ. ދުނިޔޭގައި އެމީހުން އުޅޭކަން ދައްކަން ރާވާކަންކަން ތިހުންނަނީ. ބެލެނިވެރިންކާއިރީ ބުނީމާ ދެން ބުނާކަމެއް ކުރާތީ ކުދިން ގަނޑަތަޅުވަނީ.
ނަޖީބު.
19 August 2019
އާން މަގޭ ދަރިފުޅު ބުނި މި އަހަރު އަދި 3 ދުވަހު އޭ ޕްރިންސިޕަލް ނަަދީމް ފެނުނީ. ޯ. ސްކޫލުގެ އެއްވެސް ކަމެއްް ނުބަލައޭ.
ނަގިލި
19 August 2019
ވަރަށް ރަނގަޅު ކަމެއް ތިޔައީ. ތިޔަ ދަތުރުގައި ދަރިވަރުންނަށް ކޮންމެހެންވެސް ދައްކަންވާނެ މާލޭމީހުން ރާއްޖޭގެ ރަށްރަށުން ބޮޑެތި ގޯތި ނަގައިގެން ގެދޮރުނާޅާތިބެ އުޅޭނެތަނެއްނެތޭ ކިޔައިގެން ޓެކްސްފައިސާއިން މިލިއަނުން ސަބްސިޑައިޒްކޮށްގެން ހުޅުމާލެއިން ގެދޮރު ހޯދަން އެދައްކާ ވާހަކައިގެ ދެފުށް.
ޔާހުންބަރާ
19 August 2019
ކަނޑު ދަރުން ވެސް ލިބުނީ އިތުރު ތަޖުރިބާ؟
ލީމާ
19 August 2019
ޖަޒީރާ ދަތުރޭކިޔާފައި އެހުރިހާކުދިންނަށްޖެއްސީ ކަނޑުފަތާފައި ދާށެވެ. ރޭ ހުވަދޫ ކަނޑަށްނުކުމެ ގަދަވެގެން ދަތުރުނުކުރެވި އަނބުރާ ވަނުމާއި ދޭތެރޭ ގިނަ ކުދީން ވަރަށް ހޮޑުލި ދަރިވަރުން ބުނޭ. ދުވަހަކު ހަތަރުފަސް ފުލައިޓު ފުރާ ރަށެއްގައި ތިބެފައި ކުދިންނަށް މި ހާލުޖެއްސީ ޖަޒީރާ ވަންތަ ދަތުރެއް ކުރަން. ވަކީން ޖަޒީރާ ވަންތަކަން ބޮޑުވާނެ ރިޔާ ނަގައިގެން ދަތުރުކުރިނަމަ. ވާވާ.....
ބުރޯގެ ދަރި
19 August 2019
ދިވެހިންގެ ކާބަފައިން އުޅުނުގޮތް މިހާރުގެ ކުދިން އިޙްސާސް ކޮށްލަން ޖެހޭނެ. އަދި ހާއްސަކޮށް އައްޑޫ ކުދިން. އެކުދިން ދުވަހަކުވެސް ކަނޑުދަތުރެއް ނުކުރާނެ. ޕިކްނިކް ދާނީ، ޕިކަމުގައި، މާލެ ދާނީ، ފްލައިޓުގައި، ސުކޫލަށް ދާނީ ކާރުގައި ނުވަތަ ބަހުގައި. ކަނޑަށް އަރަން ވެއްޖެނަމަ، ތިބޭނީ ވާނުވާގަ. މިއީ ރަނގަޅު ކަމެއް ބުރޯ
މާރަނގާ - އައްޑޫ ސިޓީ
19 August 2019
މީގެ 65 އަހަރުކުރިން އިޤިރޭސިންގެއެހީއާއިއެކު English medium Education System ތައާރަފްވެގެން ދިޔަ އައްޑޫސުކޫލަކުން ރާއްޖެއަށްޒަމާނީތައުލީމްފަތުރާލަންކުރާމަސައްކަތަށް މަރުޙަބާދަންނަވަން. * * ތިއީ ކިޔެވުމާއިއުގެނުމުގެތެރޭގައިހިމެނޭ މަތީދަރަޖައިގެމަސައްކަތެއް. * * ކޮޅުމަޑުލުން އައްޑުއަށްހިމެނޭ ހުރިހާ ސެކަންޑްސުކޫލްތަކާއި ޔޫނިވަރސިޓީކެމްޕަސްތައް ބައިވެރިވާ Learning Experience Exchange Program ފަދަ ބޮޑު ޙަރަކާތެއް ކޮންމެއަހަރަކުވެސް ބޭއްވުން ރަނގަޅު.