ދުންފަތާ ދެކޮޅަށް 50،000 މީހުންގެ ސޮއި ހޯދަނީ

އާންމު ތަންތަނުގައި ދުންފަތުގެ އިސްތިއުމާލު ކުރުން މަނާ ކުރަން ގޮވާލާ ޕެޓިޝަންގައި ސޮއިކުރަން ކާނިވާ ސަރަހައްދުގައި ބޭއްވި ހަރަކާތުގައި ޒުވާނުންތަކެއް ބައިވެރިވެ-- ފޮޓޯ: މޯލްޑިވްސް ފެމެލީ ފައުންޑޭޝަން

އަހުމަދު ސާއިލް އަލީ، މިހާރު

08 ސެޕްޓެމްބަރ 2019 - 14:18

32 comments

އާންމު ތަންތަނުގައި ދުންފަތުގެ އިސްތިއުމާލު ކުރުން މަނާ ކުރުމަށް ގޮވާލައި މަދަނީ ޖަމިއްޔާތަކުން ޕެޓިޝަނެއްގައި ސޮއިކުރަން ފަށައިފި އެވެ.

"އާންމު ތަންތާ ދުންބުރުވުމަށް އަހަރެން ދެކޮޅު" ނަމުގައި 47 ޖަމިއްޔާ އެއް ގުޅިގެން މިދިޔަ ހުކުރު ދުވަހު ސޮއިކުރަން ފަށާފައިވާ ޕެޓިޝަންގައި އޮންލައިންކޮށް ވެސް ބައިވެރިވެ އެވެ. ކާނިވާ ސަރަހައްދުގައި އެ ހަރަކާތް ފެށިއިރު ޖަމިއްޔާތަކުގެ އަމާޒަކީ އަންނަ ނޮވެމްބަރު މަސް ނިމުމުގެ ކުރިން 50،000 އެއްހާ މީހުންގެ ސޮއި ހޯދައި ރައްޔިތުންގެ މަޖިލީހަށް މަޖިލީހަށް ހުށަހެޅުމެވެ.

https://t.co/esPfV8Xjk7

Sign the petition now! 👊🏼
— Maldives Family Foundation (@MaldivesFamilyF) September 8, 2019

އޮންލައިންކޮށް ޕެޓިޝަންގައި ސޮއި ކުރާ ލިންކް--

ޕެޓިޝަން ހެދުމުގައި އިސްކޮށް އުޅޭ، މޯލްޑިވްސް ފެމިލީ ފައުންޑޭޝަންގެ ރައީސް އާފިޔާ އަބްދުލް އަޒީޒް ވިދާޅުވީ، ބޭނުމަކީ ދުންފަތުގެ ދުމުން ލިބޭ ގެއްލުންތަކުން އާންމުން ސަލާމަތް ކުރުން ކަމަށެވެ. އެ ޕެޓިޝަންގައި ބާރު އަޅާފައިވާ ކަންތައްތަކަކީ އާންމު ތަންތަނުގައި ދުންފަތުގެ އިސްތިއުމާލު ކުރުން މަނާ ކުރުމާއި ހެލްތް މިނިސްޓްރީ ޒިންމާދާރު ކުރުން ކަމަށް ވެސް އޭނާ ވިދާޅުވި އެވެ. "މިހާތަނަށް މަސައްކަތް ކުރެވެނީ ބަންދު ކޮޓަރިއެއްގައި. ޓީވީ އަކުން އިސްތިހާރެއް ދެއްކުމުގެ އިތުރުން ހޭލުންތެރި ކުރަން މަސައްކަތްތަކެއް ކޮށްފައެއް ނުވޭ. އަޅުގަނޑުމެން ބޭނުން އެކަންކަން ރަނގަޅު ކުރަން،" ގާނޫނީ ވަކީލުން ހިންގާ ޖަމިއްޔާގެ ރައީސް އާފިޔާ ވިދާޅުވި އެވެ. އާންމު ތަންތަނުގައި ދުންފަތުގެ އިސްތިއުމާލުކުރުމާ ބެހޭ ގަވާއިދުގެ ދަށުން މިހާރުވެސް ގިނަ ސަރަހައްދު ތަކުގައި ދުންފަތުގެ އިސްތިއުމާލު ކުރުމަކީ މަނާ ކަމެކެވެ. ޖޫރިމަނާ ކުރެވޭނެ ކަމަށް ގަވައިދުގައި ބުނެ އެވެ. ނަމަވެސް އެ ގަވައިދު ތަންފީޒެއް ނުކުރެ އެވެ. މަގުތަކާއި ހިތްފަސޭހަ މައިދާންތަކުގައި ދުންފަތުގެ އިސްތިއުމާލު ކުރުމަކީ އާންމު ކަމެކެވެ.

އާންމު ތަންތަނުގައި ދުންފަތުގެ އިސްތިއުމާލު ކުރުން މަނާ ކުރަން ގޮވާލާ ޕެޓިޝަންގައި ސޮއިކުރަން ކާނިވާ ސަރަހައްދުގައި ބޭއްވި ހަރަކާތުގެ ތެރެއިން-- ފޮޓޯ: މޯލްޑިވްސް ފެމެލީ ފައުންޑޭޝަން

ޕެޓިޝަން މަޖިލީހަށް ހުށަހެޅުމުގެ އިތުރުން، ހެލްތް ޕްރޮޓެކްޝަން އެޖެންސީ (އެޗްޕީއޭ) އާއި ހެލްތް މިނިސްޓްރީ ޒިންމާދާރު ކުރުމަށް ކުރިއަށް އޮތްތަނުގައި ގިނަ ކަންތައްތަކެއް ކުރާނެ ކަމަށް އާފިޔާ ވިދާޅުވި އެވެ. ގާނޫނު ތަންފީޒު ނުވަނީ ކީއްވެގެންތޯ އޮޅުން ފިލުވުމަށް އެ އިދާރާތަކާ ބައްދަލު ކުރަންވެސް މަދަނީ ޖަމިއްޔާތަކުން ނިންމާފައިވާ ކަމަށް ވިދާޅުވި އެވެ.

ދުންފަތާ ދެކޮޅަށް ކުރާ މަސައްކަތް މުޅި ރާއްޖެއަށް ފުޅާކޮށް ގިނަ ޖަމިއްޔާތައް ބައިވެރިކޮށްގެން އެކިއެކި ކަންކަން ކުރަން ރާވަމުން އަންނަ ކަމަށްވެސް އޭނާ ވިދާޅުވި އެވެ.

ދުންފަތުގެ އިސްތިއުމާލުކުރުން ސިއްހަތު ޖަމްއިއްޔާތައް ހެލްތު ޕްރޮޓެކްޝަން އެޖެންސީ

32 ކޮމެންޓް, 77 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ރަދީފް

09 September 2019

ޑަން. ދުންފަތް ބޭނުންކުރާ މީހުން އެއީ ބޮޑު ފޫއްސެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގުއިދައިތަ

09 September 2019

އަވަހަށް ގެނޭ. މަ ބޭނުން ތީގަ އެންމެ ފުރަތަމަ ސޮއި ކުރާ މީހަކަށް.ވާން. ބުރުވާލާ ދުމާ ހެދި މިހާރު މަގުމަތީ ހިނގާލެވެން ނޯވޭ..!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މިސޖހް

09 September 2019

ކަންމަތީފިހާރއިން ނިކުމެ އެތަނަށް ވަންނަމީހުންނަށް އުނދަގޫވެދާނެތީ ބޯން މިތިބެނީ އަނެއްކަންމަތީގައި ހުންނަ ގޭގެ ރޮރާށި ބުޑުގައި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަތްދަ...

09 September 2019

މިފަހަކަށްއައިސް އަދި މާލޭ މަގުމަތީ ހިނގާފަ ދަނިކޮށް މޫނުމައްޗަށް ދުންގަނޑު ބުރުވާލާނީ.. އަރައިގަންނަ ރުޅީގަ ހިތައްއަރާ ކަންކަށިމަތި ބޮނޑިއެއް އަޅާފާނަމޭ.. މީ ހުއްޓުވުން ލަސްވެފަ އޮއެއްކަމެއް...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑިމޮކްރަސީ

09 September 2019

ޕާކް ތަކުގައާ މީހުން އެއްވެ އުޅޭ ސަރަހައްދުތަކުގައާއި މާގުމަތީގަ ސިގިރޭޓް ބުޔުން ހުއްޓުވުން ރަގަޅު /ހަމަ އެގޮތަށް ރެސްޓޮރެންޓް ހޮޓާތަކުގައި ސިގިރެޓްބޯމީހުންނަށް ވަކިން ބައެއްހުންނަންޖެހޭ ނޫނީ މަގުމަތީ ބޯމީހުން ގިނަވާނެ އެކިއިންސާނުން ކުރާނި އެކިޢަމަލު ބޯމީހުންނާ ނުބޯމީހުން އުޅޭނެ ބޯމީހުން ނުބޯމީހުންނަށް އުދަގުނުވާނެ ގޮތައް އެކަންކުރުން ވަރައްމުހިންމު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދަރަވަންދޫ ނަޝީދު

09 September 2019

މަ ބޭނުން ތީގަ ސޮއި ކޮށްގެންވެސް ދުންފަތުގެ ބަލާވެރިކަމުން ސަލާމަތްވާން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މާލިމީ

09 September 2019

ވަރަށް ވަރަށް ވަރަށް ވަރަށް ރަނގަޅު ކަމެ. ތިޔަށްވުރެ އުނދަގޫ ވާކަމެއް މިހާރުނެތް . މަގަކުން ހިނގާލާފަ ނުދެވޭ 5 ވަރަކަށް ބަންގާޅިންނާ 3 ވަރަކަށް ދިވެހިގެން އަނގައިން ނިކުންނަ ދުންނުބޮއެއެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލިބެ އީސަ

08 September 2019

ހަމަ ރަގަޅަށް މިބުނީ މި ސިގިރެޓް ބޯ މީހުންގެ ކަންތައް މާ މައްޗަށް ދަނީ މިިހާރު. ހަމަޖެހިލައިގެން މީހަކަށް ހިނގާލެވެނނީއެއްނޫން ދުން ބުރުވާ ވަރުން. ބަލަ އަހަރެމެން ދަރިންނާއި ބަލިވެފައިވާ މައިންބަފައިންނާއެއްކޮށްވެސް ނެތޭ މީން މަގެއް މައްޗަށް ނުކުމެވޭކަށް. މި ދުން ބުރުވާއިންތައް ދުން ބުރުވާ ވަރުން. ކިހާބޮޑު ވަބާއެއް މިއީ. އަނެކާގެ ސިއްހަތަށް ގެއްލުންދޭ މީހުންނަށް ފިޔަވަޅު އަޅަންވީ ހަމަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތާއީދު

09 September 2019

ތާއީދު. މީހަމަ ބޮޑު ވެއްޖެ އުދަގުލެއް. މަގުތަކާއި މަގުތަކުގެ ހުންނަ ވެހިކަލްތަކަކީ މި މީހުންގެ ހަރު މުދާހެން ހީވަނީ، ވެހިކަލްތަކަށް އަރާވެސް މޫނަށް ދުން ބުރުވުމުގަ. މިހާރު މިދާ ގޮތުން ދުން ނުބޯ މީހުން މީގެ ތަކުލީފް މި އުފުލަނީ، ދުން ބޯ މީހުންނަށް މަގުތަކުގެ ކޮންޓްރޯލް އަދި ހުރިހާ އާރަކާއި ބަރެއް މި އޮތީ! ގާނޫނެއް އޮތީތީވެ ތަންފީޒެއް ނުކުރޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މީމަގޭ ހިޔާލު

08 September 2019

ރާއްޖެއަށް ދުންފަތް އެތެރެކުރުން މަނާކުރުމަށް ޕެޓިޝަނެއް ހެދުމަށް ގޮވާލަން މަވެސްމީ ސިނގެރޭޓް ބޯމީހެއް އެކަމަކު މިއުޅެނީ ހުއްޓާނުލެވިގެން ލިބެން ނިތިއްޔާ ނުބޮވޭނެތާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

1111

08 September 2019

ހަމަތިގޮތަށް ހިތްގައިމު މާހައުލެއް ޅަދަރީންނާއި އެންމެހާ ދިވެހި ފަރުދުންނަށް ހޯދާދިނުމަށްޓަކާ ބިދޭސީން މަދުކުރުުމުގެ ކެމްޕޭނެއްވެސް ބޭނުންތެރި!އަދި ދިވެހީންގެ އަޚުވަންތަކަމާއި އެކުވެރިކަމާއި އަވަށްޓެރިކަމާއި އެއްބައިވަންތަކަމަށް ބުރުއަރައި،ދިވެހީންގެ ތެރޭގައި އުފެދިފައި މިވާ ނަފްރަތާއި ދެކޮޅުވެރިކަމާއި ނުކިޔަމަންތެރެތިކަމާއި ބައިބައިވުމާއި ފިތުނަފަސާދަ ނައްތާލުމުގެގޮތުން ޕާޓީސިސްޓަމާއި ޑިމޮކްރަސީ ނައްތާލުމަށްވެސް ތިފަދަ މަސައްކަތެއް ބޭނުންވޭ!