ގާސިމް: އޭނާ އާއްމުކުރީ އެމްއެމްޕީއާރުސީ ހިޔާނާތުގެ ފައިސާ އެސްއޯއެފްގެ އެކައުންޓަކަށް ޖަމާކޮށްގެން އެ ފައިސާ ދައުރު ކުރި ގޮތުގެ މައުލޫމާތު ކަން އެނގިފައިވޭ. ފޮޓޯ/ފޭސްބުކް
22 ސެޕްޓެމްބަރ 2016 - 13:32
14 comments
އެމްއެމްޕީއާރުސީގެ ބޮޑު ޚިޔާނާތާ ގުޅުން ހުރި މައުލޫމާތުތަކެއް އާންމުކުރި މައްސަލާގައި ބީއެމްއެލްގެ ކުރީގެ މުވައްޒަފެއް ކަމަށްވާ ގާސިމް އަބްދުލްކަރީމާ ދެކޮޅަށް ކުރާ ޖިނާއީ ދައުވާ އަނބުރާ ގެންދަން ގޮވާލައި ޓްރާންސްޕޭރެންސީ މޯލްޑިވްސް އިން ކެމްޕޭނެއް ފަށައިފި އެވެ.
ފ. ނިލަންދޫ، ބީއެމްއެލްގެ ބްރާންޗުގެ އެސިސްޓެންޓް މެނޭޖަރަކަށް ހުރި ގާސިމް އާއްމުކުރީ އެމްއެމްޕީއާރުސީގެ ޚިޔާނާތުގެ ފައިސާތަކެއް އެސްއޯއެފްގެ އެކައުންޓަކަށް ޖަމާކޮށްގެން އެ ފައިސާ ދައުރު ކުރި ގޮތުގެ މައުލޫމާތު ކަން އެނގިފައިވެ އެވެ. އެ މައްސަލާގައި އޭނާ ވަޒީފާއިން ވަކިކޮށް، ހުއްދަ ނޫން ގޮތުގައި މައުލޫމާތު ހޯދުމުގެ ދައުވާ އާއި ހުއްދަ ނޫން ގޮތުގައި އާންމު ކުރުމުގެ ދައުވާ އޭނާގެ މައްޗަށް ދައުލަތުން ވަނީ ދައުވާ އުފުލައިފަ އެވެ.
ދައުވާގެ ހުކުމް އިއްވުން އަންނަ ހަފުތާ އަށް އޮތީ ޝެޑިއުލްކޮށްފަ އެވެ.
ޓްރާންސްޕޭރެންސީން ބުނިގޮތުގައި ރާއްޖޭގައި މިހާތަނަށް ހިންގި އެންމެ ބޮޑު ހިޔާނާތުގެ މައުލޫމާތުތަކެއް ހާމަކުރި ގާސިމަކީ ވިސްލްބްލޯވަރެކެވެ. އޭނާގެ މައްޗަށް ދައުވާނުކޮށް ހިމާޔަތްކޮށްދޭން ޖެހެ އެވެ.
ޓްރާންސްޕޭރެންސީގެ ޕްރޮގްރާމް މެނޭޖަރު މުހައްމަދު ތޯރިގް މިއަދު ވިދާޅުވީ ރާއްޖޭގައި އެންމެ ގިނައިން ކޮރަޕްޝަން ހިންގަނީ ރަސްމީ ކޮންމެ ވެސް އިދާރާއަކާ ގުޅިގެން ކަމަށްވާއިރު، އެފަދަ ހިޔާނާތެއް ފަޅާއަރުވާލުމުން އޭނާ އަކީ ކުށްވެރިއެއްގެ ގޮތުގައި ބަލައިގަތުމަކީ ކޮރަޕްޝަނާ ދެކޮޅަށް ކުރާ މަސައްކަތަށް އޭގެ ނުރަނގަޅު އަސަރު ކުރާނެ ކަމެއް ކަމަށެވެ. ދައުލަތުގެ ފައިސާ ނަހަމަ ގޮތުގައި ބޭނުންކުރާ ކަން ގާސިމް ފަޅާއަރުވާލީ މުޖުތަމައުގެ ފައިދާ ކަމަށާއި ޓްރާންސްޕޭރެންސީން ކެމްޕޭނެއް ފެށީ އެހެންވެ ކަމަށް ތޯރިގް ވިދާޅުވި އެވެ.
ގާސިމް ހިމާޔަތްކުރަން ގޮވާލައި ހިންގާ ކެމްޕޭންގެ ވީޑިއޯއެއް.
އޭނާ ވިދާޅުވި ގޮތުގައި ގާސިމްގެ އަމަލަކީ ހުރިހާ ރައްޔިތުންގެ ފައިދާ އަށް ކުރި ކަމެއް ކަން ގަބޫލުކޮށް، ދައުލަތުން އޭނާ ހިމާޔަތްކޮށްދޭން ޖެހޭ ކަމަށް އެ ޖަމިއްޔާ އިން ގަބޫލުކުރެ އެވެ.
"ވަޒީފާ އަދާކުރާ ތަނުގައި ހިންގާ ކޮރަޕްޝަންގެ އަމަލު ފަޅާއަރުވާލާ މީހާ ކުށްވެރިކުރުމުން އެ ދެވެނީ ވަރަށް ގޯސް މެސެޖެއް،" ތޯރިގް ވިދާޅުވި އެވެ.
އެމްއެމްޕީއާރުސީގެ ހިޔާނާތް ފަޅާއަރުވާލުމުން ކުރީގެ އޮޑިޓަ ޖެނެރަލް ނިޔާޒް އިބްރާހީމާ މެދު ކަންތައް ކުރި ގޮތް ފެންނަން އޮތްއިރު، ގާސިމާ މެދު ވެސް އެފަދަ ގޮތަކަށް އަމަލު ކުރުމަކީ ކޮރަޕްޝަނާ ދެކޮޅަށް މަސައްކަތް ކުރަން ފަސްޖެހޭނެ ކަމެއް ކަމަށް ތޯރިގް ވިދާޅުވި އެވެ.
ގާސިމްގެ ޝަރީއަތް ނިމެންދެން އޭނާ ވަނީ ގޭބަންދަށް ބަދަލުކޮށްފަ އެވެ.
އެމްއެމްޕީއާރުސީ މެދުވެރިކޮށް 1.5 ބިލިއަން ރުފިޔާ އަށް ހިޔާނާތްތެރިވެފައިވާ ކަމަށް އޮޑިޓް އޮފީހުގެ ރިޕޯޓުގައި ބުނެ އެވެ. އެ މައްސަލައާ ގުޅިގެން އެންޓިކޮރަޕްޝަން ކޮމިޝަނުން ވެސް އަންނަނީ ތަހުގީގެއް ހިންގަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޜރރ
23 September 2016
މީގައުމީ ބަތޮލެއް ކޮރަޕްޝަން އެއޮތީ ފަޅާ އަރުވާލާފަ. މީނާ އައް 500000 ރުފިޔާގެ ފައިސާގެ އިނާމެއް ނިކަން ހުޝައަޅާބަލަ.
އަލީ
22 September 2016
ކުއް ފަޅާއަރުވާލި މީހާ ދިވެހި ސަރުކާރުން ހައްޔަރުކުރި ވާހަކަ މިހާރު ބައެއް ބޭރު ޤައުމުގެ ޔުނިވާސިޓީތަކުގައި މިސާލެއްގެ ގޮތުގައި ކިޔަވާދޭ.
ރމ
22 September 2016
ބަލަ ބޭންކްގެ އުޞޫލުތަކާއި ޚިލާފަށް މަނީލޯންޑްރިން ބީ.އެމް.އެލް އިން ހިންގާާފައިއޮތީމާ އެވާހަކަ ފަޅާއަރުވަން ޖެހޭނެއެއްނު، އެހެންވީމާ، އަދަބު ދޭންޖެހޭނީ މި އޯގަނައިޒިންގ ކްރައިމް ނުވަތަ މިޖަރީމާ ހިންގާދީފާވާ ބަޔަކަށް، މި ކަމުގައި އެކުލެވޭ ބޭންކްގެ ސީނިއަރ މުވައްޒަފުންނަށް، މިއެއްނޫންތަ ޢަދުލުވެރިގޮތަކީ.
ނުފެނޭ
22 September 2016
ބަލަ ވިލާތުގައި އަލީވަހީދު ހުންނަވާފައި ވިދާޅުވާ ކޮންމެ އެއްޗެއް ތެދަކަށް ވޭތަ. ކޮންމަނީ ލޯންޑަރިންއެކޭ ތަ ތިކިޔަނީ. ގާސިމްއަށް ތުހުމަތު ކުރެވުނީ ބެންކްގެ ކަސްޓަމަރުންގެ ޒާތީމައުލޫމާތު ވަގަށްނަގައި ބޭނުންކުރުމުގެ ތުހުމަތު. މަނީލޯންޑަރިންގ އަކާގުޅޭކަމެއްނޫން މިއަކީ. އެކަމަކު ވަކިވަރަކަށް މީހާގެ ހިތުގައި ހަސަދަވެރިކަން ނިކަން ރަނަގަޅަށް ދަލުގައިޖެހޭތަން އާދޭ. އަލީވަހީދާއި އަންނި ކިޔާހައި އެއްޗެހި އެއީ ތެދުކަން ތިގަބޫލުކުރެވެނީ އެހެންވީމ.
ހސނބ
22 September 2016
ތިޔާ ބުނާ ތަޢްލީމީ މީހުންތައް ތިބީ ވަޒީފާގެ ބިރުވެރިކަމުގައި ޙައްޤުބަސް ބުނަން ފަސްޖެހި ފައިސާއަށް އަޅުކަންކުރަން، ދެންކޮން އިޞްލާޙެއްތަ ޤައުމަށް ގެނެވޭނީ، ދެން ވައްކަންކުރުމާއި ބޭއިންޞާފު ވާނީ ސަޤާފަތަކަށޤ އެއަށްފަހު ވަރަށް ސާދާ އާދަކާދަޔަކަށް، ދެން ނުދައްކާ ބޮޑުސިއްރަކަށް، ވެރިމީހާދޯ، މިނޫންގޮތެއްނެތް..... އެހެންތިއްބާ ފޫކޮޅުގައި އަޅާނީދަތް، މިހިސާބުން އެސޮރުމެން ޕޯޑިއަމްތަކުން، ދީނައްޓަކައި ޤައުމަށްޓަކައޭގޮވާނެ.... މިއީ ދިވެހިރާއްޖެ އަދި ޕްރެކްޓިސްކުރަމުންދާ އުޞޫލަކީ.... ކެރިގެން "މުޞްލިޙުންގެ" ގޮތުގައި ނިކުންނަވާ
މާސިދު
22 September 2016
މި ޤައުމުގެ 80% ޒުވާނުންްންކީ ވަރަށް ތަޢްލީމީ ބައެއް، މީގެ ތެރެއިން ދީނީ ޢިލްމުވެރީންނަކީވެސް މަދު ބައެއްނޫން، އެކަމަކު ޙައްޤުބަސް ފާޅުކޮށޮލަންކެރެނީ ވަރަށްމަދު ބަޔަކަށް، ގިނައިން ފެންނަނީ ހިހޫތަނުން ފަރިއްކުޅުއްވާގެން ތިއްބަވާބޭފުޅުން، އަޅުގަނޑުމެންގެ ޙާލަތު މިދަނީ ގޯހުން ގޯހަށް!
ހާމާސް
22 September 2016
އިންސާފުން ގާއިމު ކުރޭ.ﷲ ބައްލަވައި ވޮްޑިގެން ވޭ ކްރޮޮޫޕްޟަން ފަޅާ އަރުވާ
އލހ
22 September 2016
މިދެން ވަރަށްހެއްވާކަމެއް. ދައިލަތުގެ ޚަޒާނާއިން ވައްކަންކުރާކަން އެގިގެން އޮޑިޓަރޖެނެރަލް އެވާހަކަދެއްކީމާ، ބޭރުކޮށްލީ. ބޭންކުގެ އުޞޫލުތަކާ ޚިލާފަށް އެތަކަކެއްމިލިޔަން ރުފިޔާ ދައުރުކުރީމަ، އެކަން ފަޅާއަރުވާލީމަ، ޖިނާޢީދަޢުވާކޮށް ބޮޑުހުކުމަކާދިމާލަށް... ބިހާރު ބޭންކްއޮފް މޯލްޑިސް ބޯއިކޮޓްކުރާ ހިސާބަށްކަންތަށްމިދަނީ.
ބަތާމީ
22 September 2016
ބޮއިކޮޓޭ. ތިހެން ބޮއިކޮޓްކުރި ދިރާގުވެސް. ކޮންކަމެއްވީ. ކިހިނަކުންވީ. ތިއީ މިހާރު 4 މީހުންނާއި ފަޅިއެއް އޮންނަ ބައިގަނޑެކޭ.
ސުލެއެއިމާން
22 September 2016
ތޮލާލުއަށް ވަރަށް ވަރަށް އަދަބުވެރިކަމާއެކު ދަންނަވަމެއެވެ މިގައުމުގަ އޮތީ ތިންގޮތެކެވެ 1ވައްކަންކުރުން 2ވައްކަމުގެވާހަކަދައްކައިގެންޖަލަށްދިޔުން 3ވައްކަންސކުރިޔަސްނޭގޭކަމަށްހަދައިގެން ގަމާރަކަށްވެގެން ހުރުން އިންމައިކޭސް އައިޗޫސްޓުބީސައިލެންޓު
ޙައްޤު
22 September 2016
މި ޤައުމު ޙަޤީޤަތުގައި އިޞްލާޙްކުރެވޭނީ ތަޢްލީމީ ޒުވާނުންތަކެއް ކުރިޔަށްނިކުމެ ރައްޔިތުންގެ ޙައްޤުގައި ބަސްބުނެ ފިސާރިކެރިގެން އަމިއްލަ މަސްލަޙަތާއި މާއްދީޔަތު އެއްކިބާކޮށްގެން، ބޭނުންވަނީ ޤާސިމްފަދަ އިސްތިޤްލާލުހުރި ފިސާރިކެރޭ ދަރީންތަކެއް.
މުހައްމަދު20
22 September 2016
ގާނޫނުތަކާއި ގަވާއިދުތަކަށް އިހުތިރާމް ނުކުރުމުގެ ސަގާފައިތް މިގައުމުގަ އާންމުކުރަން މަސައްކަތްކުރުމީ ހިތާމައެއް މިކަމަކީވެސް އޭގެތެރެއަށް އިތުރުކޮއްލާ ބޮޅެއް
އަލީ 85
22 September 2016
ގާނޫނުލް އުގޫބާތުގައި ބުނާގޮތުން، ނުބައިއަމަލެއް ކުރަމުންދާކަން އެނގިހުރެ އެކަން ހެޔޮނިޔަތުގައި ފަޅާއެރުވުމަކީ ކުށެއްނޫނެވެ. އެހެންކަމުން، މިމައްސަލައިގާ ގާސިމް ކުށެއް ކުރިކަމަށް ބެލެވިގެންނުވާނެއެވެ.