ރައްޔިތުންގެ މަޖިލިހުގެ މިއަދުގެ ޖަލްސާގެ ރިޔާސަތުގައި މަޖިލިހުގެ ރައީސް މުހައްމަދު ނަޝީދު. މާލެ އާއި ރާއްޖެތެރެ ތަފާތު ނުކުރުމަށް އެމަނިކުފާނު އެދިވަޑައިގެންނެވި.--- ފޮޓޯ: މަޖިލިސް
15 އޮކްޓޯބަރ 2019 - 17:12
25 comments
ރައްޔިތުންގެ މަޖިލިހުގައި ހިނގާ ބަހުސްތަކުގައި މާލެ އާއި އެހެން ރަށްތައް ތަފާތު ކުރުމަކީ ވަރަށް ނޭދެވޭ ކަމެއް ކަމަށް މަޖިލިހުގެ ރައީސް މުހައްމަދު ނަޝީދު މިއަދު ވިދާޅުވެއްޖެ އެވެ.
ލާމަރުކަޒީ އުސޫލުން ރަށްތައް ހިންގުން ހަރުދަނާ ކުރުމާއި ބޯހިޔާވަހިކަން ހޯދައި ދިނުމަށް ގޮވާލާ މަޖިލިހަށް ހުށަހަޅާފައިވާ ގަރާރުތަކާ ގުޅިގެން މެމްބަރުންގެ މެދުގައި އެންމެ ބޮޑަށް ހިނގި ބަހުސަކީ މާލެ އާއި އެހެން ރަށްތަކާ ދެމެދުގައި ތަފާތު ކުރުން ގެންގުޅޭ މައްސަލަ އެވެ.
ބައެއް މެމްބަރުން ދެކެވަޑައިގަންނަވާ ގޮތުގައި ބޯހިޔާވަހިކަން އެންމެ ބޮޑަށް ހައްގީ މާލޭގެ މީހުންނަށެވެ. އެކަމަކު އެހެން ބައެއް މެމްބަރުންގެ ނަޒަރުގައި ބޯހިޔާވަހިކަން ހައްގީ ރަށްރަށުގައި އުޅޭ މީހުންނަށެވެ. މި މައްސަލައިގައި، ސަރުކާރު ހިންގާ މައި ޕާޓީ އެމްޑީޕީގެ މެމްބަރުންގެ މެދުގައި ވެސް ވަނީ ހޫނު ޒުވާބުތަކެއް ހިނގައިފަ އެވެ.
މެމްބަރުންގެ މެދުގައި އެ ބަހުސް ހޫނުވެފައި އޮއްވައި މަޖިލީހުގެ މިއަދުގެ ޖަލްސާގައި ނަޝީދު ވިދާޅުވީ މާލެ އާއި ރަށްރަށް ތަފާތުކޮށް، ވާހަކާ ދެއްކުމާއި ޖުމްލަކޮށް ވަކި އާބާދީއަކަށް ނިސްބަތްކޮށް ކުޑައިމީސް ބަހެއް ބުނުމަކީ ވަރަށް ނޭދެވޭ ކަމެއް ކަމަށެވެ. ނަޝީދު ސިފަ ކުރެއްވީ އެއީ "ނޭދެވޭ" ވާހަކަތަކެއްގެ ގޮތުގަ އެވެ.
ރައްޔިތުންގެ މަޖިލިހުގެ މިއަދުގެ ޖަލްސާގެ ރިޔާސަތުގައި، މަޖިލިހުގެ ރައީސް މުހައްމަދު ނަޝީދު. --- ފޮޓޯ: މަޖިލިސް
އެމަނިކުފާނު ވިދާޅުވީ ނޭދެވޭ ވާހަކަތައް މަޖިލީހުގައި ގިނައިން ދެއްކުމާ މެދު، ޒިންމާދާރު ވާންޖެހޭ ކަމަށާއި އެއީ ހިފަހައްޓަން ޖެހޭ އަޚުލާގެއް ކަމަށެވެ. މަޖިލިހުގެ މެމްބަރުންނަކީ ރާއްޖޭގެ މަސްލަހަތަށް މަސައްކަތް ކުރައްވާ ބައެއް ކަމަށް ވެސް އެމަނިކުފާނު ވިދާޅުވި އެވެ.
"ގާނޫނުއަސާސީގެ ދަށުން ވަކި ދާއިރާއެއްގެ ވާހަކަ ހަގީގަތުގައި މިތަނުގައި ދެއްކުމެއް ވެސް ނޯވޭ. ވަކި ދާއިރާތަކުން މެމްބަރުން ހޮވިވަޑައިގެން މިތަނުގައި ތިއްބެވި ނަމަވެސް މެމްބަރުންގެ ވިސްނުން އޮންނަން ޖެހޭނީ މުޅި ރާއްޖޭގެ ހުރިހާ ރައްޔިތުންގެ މަންފާ އާއި ލާބަ އަށް،" ނަޝީދު ވިދާޅުވި އެވެ.
އެމަނިކުފާނު ވިދާޅުވި ގޮތުގައި މާލޭގައި އަދި އެހެން ރަށެއްގައި ދިރިއުޅުނަސް، ދިވެހި ރައްޔިތުން ވާނީ ހަމަ ދިވެހި ރައްޔިތުންނަށެވެ. މިހާރު އަމަލު ކުރަމުން އަންނަ ގާނޫނުއަސާސީގެ ދަށުން ރައްޔިތުންނަށް ދީފައި ހުރީ އެއް ހައްގުތަކަކާއި މިނިވަން ކަމެއް ކަމަށް ވެސް ނަޝީދު ވިދާޅުވި އެވެ.
ދިވެހިންނަކީ މާތްވެގެންވާ އިސްލާމް ދީނުގެ މަތިވެރި އުސޫލުތަކުގައި ސާބިތުވެ ހިފަހައްޓައިގެން ތިބި ބަޔަކަށްވީ އިރު، ދިވެހިން ތަބާވާން ޖެހޭނީ ގާނޫނީ ހުކޫމަތަށް ކަމަށް އެމަނިކުފާނު ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފިއުޗަރ
17 October 2019
ރައްޔިތުންގެ މަޖުލީހުގެ ޢިއްޒަތްތެރި ރައީސަށް އަހަރެން މިޚިޔާލުދެން، ހުޅުމާލެއަކީ މާލޭގެ ހަވަނަ އަވަށް ކަމުގައި ކަނޑައަޅާ ދިނުމަށް.
ދިއްދޫ ހަންދަރު ޙަސަން
16 October 2019
އެކަމެއްގެ ފަހަތުގައި ކާމިޔާބެއް ނެތް ލަދު ހުތުރު ޢަމަލެއްގެ ގޮތުގައި ބެލުނު މަސްއެޅުމުގެ ޙާދިސާގައި ތިލަދުންމަތީ ދިއްދުއަށް މަނިކުފާނު ވަޑައިގެންނެވި ދަތުރުފުޅުގައި ވިދާޅުވި ދިއްދޫގައި ހިންގި މަސްއެޅުމުގެ ޙާދިސާ އަކީ ތިމަންނަމެންގެ އިދިކޮޅު ޙަރަކާތުގެ ފެށުމޭ މަސްއެޅީ މަސް ނުކިރިގެން ކަމަށް ވާނަމަ މަނިކުފާނުގެ އާރާ ބާރު ޝާނާ ޝައުކަތު އޮތް މި ވެރިކަމުގައި އެރަށުގައި މަސް ފެކްޓަރީ ނާޅަނީ ކީއްވެތޯ؟އެއޮތީ ޓޭޕް ކާފީ ހެކި އަމިއްލަ އިއުތިރާފު ބެލޭނެ
ރަންނަ
16 October 2019
ކޮންމެކަމަކީވސް ވަކި ތަރުތީބަކުން ކުރަންޖެހޭ ކަންކަން. ބައެއްކަންތަކަކީ އެކަމަކަށް ވަގުތު ބޭނުންވާ ކަންކަން. ކީއްވެތޯ ދަރިން ސްކޫލަށް ވައްދާތަނުން ހުރިހާއެއްޗެއް ދަސަނުވަނީ؟ އެއްއަހަރު ނިންމާފަ ވަޒީފާއަށް ނުފޮނުވަނީ ކީއްވެބާ؟
ބޮޑުމީހާ
16 October 2019
މާލެ ރާއްޖެތެރެ ނުކިޔާނެ ނުން ރާއްޖެތެރެ އަދި ބައެއް މާލެ މީހުންވެސް ހިމެނޭގޮތަށް ކުލީގެ އަޅުންނަށް ނުހެދިނަމަ. ރާއްޖޭގެ އެކި ސަރަހައްދުތައް ތަރައްގީ ކުރިނަމަ މިއަދު ތި ބަހުސް ނުކުރާނެ. މާލެ ނޫން ގޮތެއް ދިވެހިންނަށް އޮންނަން އެބަޖެހޭ
ސަރުކަރު
16 October 2019
ނަޝީދުމެން ލަދެއް ނުގަނޭ ދޯ ފްރީޑަމް އޮފް ސްޕީޗޭ ކިޔާފަ ދުވި ކަލޭގެ މަޖިލީސްް ރައީސްކަން ލިބުނީމަ ބީރުވީީ މަންމަންވީ، އެކަލޭގެ އަނގަ ހުޅިވެނީ ދީނަށް ފުރައްސާރަ ކުރި މުޖުރިމުންގެ ވާހަކަތައް މަތިޖަހާ ފަސްއަޅަން ވީމަ އެކަނި!!
އޮނަރަބްލް އަފީފު ދީދީ
15 October 2019
މިހާރު މަޖިލީހަށްމެންބަރުންހޮވާގޮތް އެއީ ޤާނޫނުއަސާސީއާއިހިލާފު ގޮތެއް. # މިގޮތަށްމެންބަރުންހޮވާނަމަ ކުރިއަށްއޮތް 20 އަހަރުތެރޭގައި މަޖިލީހުގެ ގިނަ ގޮނޑިތަކުގައި ތިބޭނީ މާލޭގެ ރަށްވެހިން. # މިކަން ބަދަލުކުރުމަށްޓަކާ އަސާސީގައި އަމުރުކޮށްފައިވާގޮތަށް ދާއިރާތަކަށް ކުރިމަތިލާން ފުރުސަތުދޭންވާނީ ދާއިރާގެ ރަށްވެހިންނަށް އެކަނި. # އަސާސީގެ 72 ހ އަދި ށ ގައި ވަނީ “ކޮންމެ އިދާރީދާއިރާއަކުން” މެންބަރަކު ހޮވުމަށް. މާނައަކީ ހޮވާންވާނީ ދާއިރާގެ ރަށްވެއްސެކޭ.
އޮނަރަބްލް އަފީފު ދީދީ
15 October 2019
އިއްޒަތްތެރި ރައީސް. ތިވަރަކުންނުފުދޭ. އިސްލާޙްކުރި ޤާނޫނުއަސާސީގެ 72 ވަނަ މާއްދާގެ ހ އާއި ށ ފަރުވާތެރިކަމާއިއެކު ތަކުރާރުކޮށްކިއުއްވާލައްވާ. # އޭގައިލިޔެފައިވަނީ އިންތިހާބްގެބޭނުމަށް އިދާރީދާއިރާތައްކަޑައަޅާންވާނެކަމަށާއި “ކޮންމެއިދާރީދާއިރާއަކުން މެންބަރަކުހޮވާންވާނެ” ކަމަށް. # އޭގައިއެއްވެސްހާލޭއްގައި “ކޮންމެއިދާރީ ދާއިރާއަކަށް” ނޫންލިޔެފައިވަނީ. # މާނައަކީ ހޮވާންވާނީ އިދާރީދާއިރާގެ ރަށްވެހިންނޭ. އަންނަ އިންތިހާބަށް މިކަން ރަނގަޅުކޮށްދެއްވާ.
ސަޕްރައިޒްޑް
15 October 2019
ނަޝީދު ނުހޮވައި ކުރިޔަށް ދާން އިނގުންނަމަ މިވެރިކަން ހާދަ ހިތް ގައިމުވީހޭ ހިތައް އަރާ
މޯލީ
15 October 2019
ޢެކި ރަށްރަށުން ތިންގޯތި ނަގައިގެން އުޅޭ މާލޭ މީހާއަށް ވާނީ ތާކުން ތާކުނުޖެހޭކަމަކަށް. ކުލީ އަޅުވެތި ކަމުގެ ޝިކާރަޔަކަށް ވެފައިވާ އާއިލާތަކަށް އެއީ ސަރުކާރު ތަކުގެ އިހުމާލެއް
ނޫރު
15 October 2019
އެކިރަށް ރަށު މީހުން އުޅެނީ ގެސްޓް ހައުސްތަކަށް ގެތައް ބޮޑު ކުލިން ކުއްޔަށްދީފަ މާލެރައްޔިތުންނަށް ހައްގުވާ ފްލެޓްތަކަށް ވަދެ
ހަކީމް
15 October 2019
މީނަ މީދެން ކާކު؟ ނަޝީދަކީ ވަރަށް ފިތުނަވެރި މީހެއް! ސްކޫލް ތަކަށް ގޮސްފަވެސް ހުސް ފިތުނަވެރި ވާހަކަ! ބޯހަލާކު! ޔަހޫދީންގެ އަދި ވިލާތުގެ ޕަޕެޓެއް! ވެރިކަމާއި މަޢްސޫރު ކަމާއި ހުރެ ބޫތު ކާފަ!
އެދުރުއުމަރުމާފަތްތަކުރު
15 October 2019
މާލޭގެ ހަތަރުމަތިފުށް ނޫން ރައީސަކު ތިޔަ މަޖިލީހުގައި އިންނަވައިގެން ރާއްޖެތެރެއާއި މާލެ ތަފާތު ވާހަކަ ދައްކައި ގަބީލާ ޒަމާނަށް މިރާއްޖެ ގެންދަން އެތައް ކަމެއް ކުރިއިރު ބައްލަވަން އިންނަވާފައި ދެން ތިޔަ ދައްކަވަނީ ކޮން ޒާތެއްގެ ވާހަކަފުޅެއްތޯއެވެ. އޭރު މިއީ ތާކުންތާކު ނުޖެހޭ ބަހުސެއްކަން އެގިވަޑައިނުގަންނަވަނީތޯ؟ ބަޔަކު މީހުން މިވާހަކަ ދައްކަން ފެށީމާ މިހާރު އަނެއް އަތަށް ޖައްސަވަނީތޯ؟