ދަރުމަވަންތަ ސްކޫލުގެ އާ އިމާރާތް އަޅަން ހަމަޖައްސާފައިވާ ސަރަހައްދު.-- މިހާރު ފޮޓޯ
31 އޮކްޓޯބަރ 2019 - 12:57
18 comments
ދަރިމަވަންތަ ސްކޫލް އެންމެ ފުރަތަމަ ހުރި ބިމުގައި ހަދަން އުޅުނު އެ ސްކޫލްގެ އާ އިމާރާތް، ވިލާ ކޮލެޖު ކުރިމަތީގައި އޮތް ހުސް ބިމުގައި އަޅަން އެޑިއުކޭޝަން މިނިސްޓްރީން ނިންމައިފި އެވެ.
އެ މިނިސްޓްރީގެ ސްޓޭޓް މިނިސްޓަރު އަހުމަދު ރިޔާޒު ވިދާޅުވީ މި ބަދަލު ގެނައީ އެއް ދަންފަޅިއަށް ކިޔަވައިދޭ ސްކޫލްތަކަށް ދަރުމަވަންތަ އާއި މަޖީދިއްޔާ ވެސް ހެދުމުގެ ބޭނުމުގައި ކަމަށެވެ. މަޖީދިއްޔާއާ އިންވެގެން އޮތް ދަރުމަވަންތަ ސްކޫލް ކުރިން ހުރި ބިމުގައި ދެން ހަދާނީ، އެއްދަންފަޅިއަށް ކިޔަވައިދޭން މަޖީދިއްޔާއަށް ބޭނުންވާ ކްލާސްރޫމްތައް ހަދަން ކަމަށް އޭނާ ވިދާޅުވި އެވެ.
މަޖީދިއްޔާ ސްކޫލްގެ ދަރިވަރުން ގިނަވެ، އެއް މެނޭޖްމަންޓަކުން ހިންގަން އުނދަގޫތަކާ ކުރިމަތިވެގެން، މީގެ 17 އަހަރު ކުރިން، އޭރުގެ ރައީސް މައުމޫން އަަބްދުލްގައްޔޫމްގެ ވެރިކަމުގައި މަޖީދިއްޔާ ދެ ބައިކޮށް، އެއް ބައިގައި ހެދީ ދަރުމަވަންތަ ސްކޫލެވެ.
އެކަމަކު ތަން ބާވުމާ އެކު އާ އިމާރާތެއް ހަދަން 2016 ގައި އެތަން ބަންދުކޮށް، ދަރުމަވަންތަ ވަގުތީ ގޮތުން ހިންގަމުން އަންނަނީ މެދު ޒިޔާރަތް ކަރީގައި ވަގުތީ އިމާރާތެއް ހަދައިގެންނެވެ.
ރިޔާޒް ވިދާޅުވީ ދަރުމަވަންތައިގެ އާ އިމާރާތުގެ ކުރެހުން މިހާރު ފައިނަލް ކޮށްފައިވާ ކަމަށެވެ. އިމާރާތުގެ މަސައްކަތްކުރާނެ ބަޔަކު ހޯދަން އިއުލާނުކުރުމަށް އަންނަ ހަފުތާގައި ޓެންޑާ ބޯޑަށް ފޮނުވާނެ ކަމަށް ވެސް ވިދާޅުވި އެވެ.
ރިޔާޒު ވިދާޅުވީ ދަރުމަވަންތައިގެ އާ އިމާރާތް ވެގެންދާނީ، އެއް ދަންފަޅިއަށް ކިޔަވައިދޭ ނަމޫނާ ސްކޫލަކަށް ކަމަށެވެ.
"ސަރުކާރުގެ ވައުދުގައި ހިމެނޭ ސިންގަލް ސެޝަން ސްކޫލުގެ ނަމޫނާ ސްކޫލަކަށް ދަރުމަވަންތަ ވެގެންދާނެ. ވަސީލަތްތައް ވެސް ފުރިހަމަވެގެންދާނެ،" ރިޔާޒު ވިދާޅުވި އެވެ.
ސްކޫލް އާ އިމާރާތް ޑިޒައިންކޮށްފައި ވަނީ 1000 ދަރިވަރުންނަށް އަމާޒުކޮށް ހަ ބުރިއަށެވެ. ޖުމްލަ 40 ކްލާސް ހަދާއިރު ކޮންމެ ކްލާހެއްގައި ކިޔަވާނީ 25 ދަރިވަރުންނެވެ.
އެޑިއުކޭޝަން މިނިސްޓްރީގެ އަމާޒަކީ 2022 ވަނަ އަހަރުގެ ދިރާސީ އަހަރު ފެށެންވާ އިރަށް ދަރުމަވަންތައިގެ އާ އިމާރާތް ބޭނުންކުރަން ފެށުމެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބޮޑުމީހާ
31 October 2019
އެއްދަންފަޅި އުސޫލަކީ ރަގަޅު އުސޫލެއް. އެކަމަކު އެ ހިންގާގޮތާއި ސްކޫލްތަކުގަ ވަސީލަތްތައް އިތުރުކުރަންޖެހޭ. ބެލެނިވެރިން ކޮންމެ 2 ގަޑިއަކުން ސްކޫލަށް ދާން ނުޖެހޭގޮތަށް ކަންތައްތައް ރާވަންޖެހޭ. ހެދުނު 8 ޖަހާއިރު ގެއިން ސައިބޮއެގެން، ލަންޗް ސްކޫލްގަ ނަގާފަ، އިތުރު ގަޑިއާއި އެހެނިހެން ހަރަކާތްތައް ލަންޗް ފަހުން ސްކޫލްގަ ބޭއްވޭނެ އިންތިޒާމް ހަމަޖެހެންވާނެ. އަދި ދަރިވަރުން ރެސްޓްކޮށް ފެންވަރާ ޔޫނިފޯމް ބަދަލުކުރާނެ ހާފް ބޯޑިންގ ގޮތަށް ބަދަލުކުރަންވީ
ބަބްލޫ
31 October 2019
ތިތަންތަން މާލޭން ބޭރުކުރޭ
ރުޅި
31 October 2019
އާޅެ ތިޔަތަން 6 ބުރިއަށްތަ؟ މިހާރު މަދުވެގެން ދިހަ ބުރިއަށް ހަދަންޖެހޭނެ.
ޙިނި
31 October 2019
ބޮބާތަ މިކިޔާ އެއްދަންފަޅި ސުކޫލުގެ ފައިދާއަކީ، 10 އަހަރުވީ އެއް ދަންފަޅި ސުކޫލު ހިންގާތާ ކޮބައިތޯ ރިޒަލްޓު، ކޮބާތޯ ކުރެވުނު ތަޖުރިބާ އަދި ދިރާސާ ރިޕޯޓު. މިކަހަލަ ބަޒް އޯޑްތައް ބޭނުން ކޮއްގެން ނަތީޖާ ނުނެރެވޭ ކަންކަން ހުއްޓާލާފަ ޓެކުސް ފައިސާ ސަލާމަތް ކުރޭ. ހަގީގަތަކީ ބިމައް ޖެހިފައިވާ އާބާދީ ތޮއްޖެއި ތިރުވަމުންދާ މާލޭގައި މީ ކުރެވޭނެ ކަމެއްބާ؟
ޖިންކުސް
31 October 2019
ތިތާ ތިއޮށް ދަނޑު، ތިތާ ކައިރީގަ އުޅޭކަންމަތީ ޖަމިއްޔާ އަކުން ވިޔަފާރި އުސޫލުން ބޭނުން ކުރާ ގޮތް ބަލައިލަދޭނެ ވަރު ޒީރޯ ޓޮލަރަންސް ގަ އެބަހުރިބާ
ފެންސު
31 October 2019
ޖަލު ބުޑުގަ!!!!!
ކޮލެޖު ޕްރޮފެސަރު
31 October 2019
އެޑިއުކޭޝަން މިނިސްޓްރީ ބޭފުޅުންގެ އުޅަނދުތަކުގެ ޕާކިންގެ ޒޯނެއް ސްކޫލުގައި އެންމެ ތިރީގައި ބާއްވަން ފެނޭ.
ައަލީ ސޯލިހު
31 October 2019
ހެޔޮނުވާނެ ތިޔަބިން ޕާކިން ޒޯން އަކަށް ހަދައިދީ. ތިޔަތަނުގަ ޕާކިން ޒޯނެއް ހެދުމުން ތިޔަތަން ވަރަށް ބޮޑަށް ތޮއްޖެހޭނެ، މާލެއާ މި ރާއްޖޭގައި އުޅޭ ގިނަ ރައްފުށުގެ މީހުންގެ ޕާކިން ޒޯން މި އޮންނަނީ މާލޭގައި، އެހެންވެ ތިޔަތަން ވަރަށް ބޮޑަށް ތޮއްޖެހޭނެ ތިޔަތަނުގަ އެއްވެސް އިމާރާތެއް އަޅައިފިއްޔާ
އަލީ އަސްފާގު
31 October 2019
ތިޔަ ސުކޫލް އަޅަންވީ މާލެ އަކު ނޫން ހުޅުމާލޭ ގައި. މާލެ އަކީ މީހުން ދިރިއުޅެންވާ ވަރުގެ ތަނަކަށް މިހާރުނުވޭ، ވައްކަމާއި ފޭރުން އިންތިހާ، މީހުން ގިނަވުމުން ނިކުންނާނެ ހުރިހާ ނުރަގަޅު ކަންތަށް ތައް މާލޭގައި ވަނީ ފެތުރިފައި.
ޔާޒު
31 October 2019
މިހާރުވެސް ބެލެނިވެރިން ތިބެނީ ސުކޫލުގެ 3 ވަނަ ބުރިއަށް ދަރިވަރުންބަލާ އަރާއިރު މައިނޭވާލެވިފައި. ދެން ތިޔަ އިމާރާތުގެ 6 ވަނަ ބުރިއަށް އަރާފައި ފައިބާނީ ހަތަރު މޮއްގަނޑު ޖަހައިގެން ތޯއްޗެއް.