ޕަބްލިކް ހެލްތު ފޯރަމްގެ އިއްޔެގެ ސެޝަންގައި ހެލްތު މިނިސްޓަރު އަމީން ވާހަކަ ދައްކަވަނީ.---ފޮޓޯ: ހެލްތު މިނިސްޓްރީ
06 ނޮވެމްބަރ 2019 - 09:13
16 comments
ދައުލަތުގެ ހެލްތު އިންޝުއަރެންސް ސްކީމް "އާސަންދަ" އަކީ ވިޔަފާރި ފުޅާކުރަން އޮތް މަގެއް ކަަމަށް ވިޔަފާރި ކުންފުނިތަކުން ދެކިގެން ނުވާނެ ކަމަށް ހެލްތު މިނިސްޓަރު އަބްދުﷲ އަމީން ވިދާޅުވެއްޖެ އެވެ.
ޕެރަޑައިޒް އައިލެންޑް ރިސޯޓްގައި މިހާރު ކުރިއަށްދާ އާއްމު ޕަބްލިކް ހެލްތު ފޯރަމްގެ ސެޝަނެއްގައި އިއްޔެ ހަވީރު ވާހަކަ ދައްކަވަމުން އަމީން ވިދާޅުވީ އާސަންދަ އަށް ދައުލަތުން މިހާރު ކުރާ މިންވަރަށް ހޭދަކޮށްްގެން ވެސް ނަތީޖާއެއް ނެރެވޭނެ ކަމަށެވެ. ސިއްހީ ހިދުމަތުގެ ވިޔަފާރީގައި އުޅޭ ފަރާތްތަކުން ވެސް އެ ފަރާތްތަކުގެ ވިޔަފާރިއަށް އޮތް މަގެއްގެ ގޮތުގައި އާސަންދަ ދެކިގެން ނުވާނެ ކަމަށް ވެސް އޭނާ ވިދާޅުވި އެވެ.
"އިންޝުއަރެންސް ކުންފުނިތަކަށް ވެސް މިސާލަކަށް އާސަަންދަ ފެނިގެން ނުވާނެ ހަމަ އެކަނި ވިޔަފާރި ފުޅާކުރަން އޮތް ޕްލެޓްފޯމެއްގެ ގޮތުގައި. އެހެން ވެގެނެއް ނުވާނެ. ސިއްހީ ހިދުމަތުގެ ވިޔަފާރި އަށް ކުރިމަތިލާ މީހުން ވެސް ހަަމަ އެކަނި ވިޔަފާރި އަށް އޮތް މަގެއް ކަމަށް އާސަންދަ ދެކިގެން ނުވާނެ،" އޭނާ ވިދާޅުވި އެވެ.
ސިއްހީ ހިދުމަތަށް ދައުލަތުން ހޭދަކުރާ ފައިސާއިން މިހާރަށް ވުރެ ރަނގަަޅު ނަތީޖާއެއް ނެރެވޭނެ ކަމަށް ވެސް މިނިސްޓަރު ވިދާޅުވި އެވެ. ސިއްހީ ދާއިރާ އަށް ހިނގާ ހަރަދު ބޮޑުވާ އެއް ސަބަބެއްގެ ގޮތުގައި އަމީން ވިދާޅުވީ މިހާރު ވެސް ރާއްޖޭގެ ސިއްހީ ނިޒާމުގައި ވެރިން ގިނަވުމެވެ.
"ރާއްްޖޭގައި 187 ހެލްތު ފެސިލިޓީސް ހުރިއިރު، މި 187 ހެލްްތު ފެސިލިޓީސްގައި ގިނައީ ވެރިން. މި ހުރިހާ ވެރިން ވެގެން ރާއްޖޭގެ 187 ރަށުގައި، މިއަށް ވުރެ ފުރިހަމަ އަށް މި ހިދުމަތް ނުދެވޭނޭ ހެއްޔޭ؟" އަމީން ސުވާލުކުރެއްވި އެވެ.
Highlights from #Day2 #PublicHealthConference2019 #Workingtogether for a #HealthyRaajje towards #YearOfPublicHealth2020 @MoHmv @HPA_MV pic.twitter.com/YL2qu1l4Gw
— Healthy Raajje (@healthyraajje) November 5, 2019
ރާއްޖޭގެ ޕަބްލިކް ހެލްތުގެ ދާއިރާ ކުރިއެރުވުމާއި އެ ދާއިރާ އަށް ކުރިމަތިވެފައިވާ ގޮންޖެހުންތައް ދެނެގަތުމަށް ކުރިއަށް ގެންދާ މަހާސިންތާ ނިންމާލާނީ މިއަދެވެ. މި މަހާސިންތާގައި 200 އަށް ވުރެ ގިނަ މަންދޫބުން ބައިވެރިވެ އެވެ. މަހާސިންތާގެ މައިގަނޑު އެއް ބޭނުމަކީ ޕަބްލިކް ހެލްތުގައި ހުރި މައްސަލަތައް ދެނެގަނެ އެކަމުގެ ހައްލު ހޯދުމެވެ. އަދި އާންމު ސިއްހަތު ކުރިއެރުވުމުގެ ކަންކަން ތަންފީޒު ކުރާނެ މަގުޗާޓެއް މި ފޯރަމްގައި އެކުލަވައިލާނެ އެވެ.
މަހާސިންތާގައި މަޝްވަރާ ކުރި ކަންތައްތަކުގެ ތެރޭގައި، އާބާދީގެ އެކި އުމުރު ފުރާތަކަށް އަންނަ ބަދަލުތަކާ އެކު، އާބާދީގެ ސިއްހީ މައްސަލަތަކާއި ދިރިއުޅޭ މާހައުލާއި ދިރިއުޅުމުގެ ވައްޓަފާޅި އާއި ކެއުންބުއިމުގެ އާދަތަކަށް އައި ބަދަލުތަކާއި ގައިންގަޔަށް ނާރާ ބަލިތައް އިތުރުވުން ހިމެނެ އެވެ.
އަދި މީހުންގެ ދިރިއުޅުމުގެ މާހައުލާ ގުޅުން ހުރި ކަންކަމުގެ ސަބަބުންނާއި ރާއްޖޭގައި ދިރިއުޅޭ ބޭރު މީހުންގެ އާބާދީ އިތުރުވަމުން ދިއުމުގެ ސަބަބުން ގައިންގަޔަށް އަރާ ބަލިތައް ކޮންޓްރޯލް ކުރުމުގައި ދިމާވެފައިވާ ގޮންޖެހުންތައް ދެނެގަނެ އެކަން ކަމާ މެދު މަޝްވަރާކޮށް، ހައްލު ކުރުމަށް ހުރިހާ ދާއިރާތައް ގުޅިގެން މަސައްކަތް ކުރުމަށް ވެސް މަޝްވަރާކުރެއްވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކަކުނިބޯ
06 November 2019
އާސަންދަ އަކީ ކޮބާ؟ 1. އާސަންދަ އަކީ ޑޮކްޓަރުންނާއި ނަރުހުންގެ އާއިލާތަކަށް ޗުއްޓީއަށް ދިޔު މަށް ޓިކެޓް ހޯދާތަނެއް 2. 200 ޕަރސަންޓް ފައިދާއޮންނަ ވިޔަފާރި އެއް ފަރމަސީ ވިޔަފާރިއަކީ ކޮންޓްރޯލް އަގުއަކީވެސް ވަރަށް ބޮޑުއަގެއް ބޭރުން ގަންނަވަރާބަލާފަ. ކަޓުލިބޭގޮތަށް ކުރާ ބޮޑު ވިޔަފާރިއެއް މީ ބޭހުގެ ވިޔަފާރި އަކީ ރަނގަޅުކުރެވޭނީ ވާދަވެރި މާހައުލެއްގެނެވި އާސަންދަ ބިލްތަކަށް ކޮންމެ ހަފްތާއަކު ފައިސާދައްކަން ފެށުނުދުވަހަކުންނެވެ.
އަޙްމަދު
06 November 2019
އާސަންދަ އަކީ ވިޔަފާރިއެއް ހަމަ އެހެންމެ ވައްކަން ކުރާ ކުންފުންޏެއް! ކޮންސަލްޓަންޓް ފީ އަކީ 200ރ އެކަމަކު އާސަންދައިން ކަމަށްވަންޏާ 450ރ. އެކަމަކު ކޮންސަލްޓަންޓް ފީއަށްވާ 200ރ ޖީބުން އާސަންދައިން 250ރ. ބޭރު ގައުމުތަކުގައި އާސަންދައިން ކުރެވެނީ 2 ގުނަ ބޮޑުކޮށް!!!
އެންދެރި
06 November 2019
ސަރުކާރު ދޯދިޔާ ވީމަ ވާ ކަމެކެވެ. ކުރީ ސަރުކާރުން ކުރިއެއްވެސް ކަމެއް ނުބެލިއުޅެނިކޮށް އަހަރެއް ވީއެވެ. އާސަންދައިން ނާޖާއިޒު ފައިދާ ނަގާ ކުންފުނިތަކުގެ މައްސަލަ ބަލާ ބްލެކް ލިސްޓް ކޮށް ބަލާށެވެ.
ކޮރަކަލޯ
06 November 2019
ކިހިނެތް ކުރާނީ އެމްޑީޕީ އާއިލާ އޮތީ އެކަމުގައި
ޢަލީމް
06 November 2019
އާސަންދަ އޭ ބުނީމަ “ބޭއިންސާފު” ހިތައް އެރުމަކީ ދެރަ ކަމެއް. ޓޫރިސްޓް ވިސާގައި ލަންކާއަށް ގޮސް ކަރުގަ ނަގާފަ ހުރި “މޯލް” އެއް ނަގަން އާސަންދައިން ކަވަރު ހޯދީ “އެތެރޭން ހަމަޖައްސާނަމޭ” ކިޔާ ޗެލެން ކޮށްފަ. އެކަމަކު ލަންކާގަ ސްޓޫޑަންޓް ވިސާގަ ހުރި 5 އަހަރުގެ ކުއްޖަކު ޚިތާން ކުރަން ދިޔައިމަ ބުނީ ރާއްޖެއިން ކުރެވޭ ކަމެކޯ... ކޮރަޕްޝަންވެސް އޮންނާތީ އެހެންވެސް ވަނީ، ވިޔަފާރިވެރިންވެސް ފައިދާ ނަގަނީ
މުތް
06 November 2019
މިއީ ހަމަ ރަންގަނޑެއްފަދަ ވަޒީރެއް
ހަބީބު
06 November 2019
ހުއްޓުވާތޮ، ތި ކަންވެސް ހުއްޓުވާތި، އަމީންއަށް ތި ކަންވެސް ވާނެ.. އަދި އާންމު ތަންތަނުގައި ސިނގިރޭޓް ދުން އެރުވުންވެސް ހުއްޓުވައިދޭތި،،. އަހަރުމެންނަށް ޖެހިލުންކުޑަ ވަޒީރެއް ލިބުމަކީ މި ކަންކަން ހުއްޓުވޭނެ ކަމުގެ ހެޔޮ ފާލެއް
ގަމާރުަ
06 November 2019
މިނިސްޓަރު ކަމަކީ ވެސް ވިޔަފާރި އެއް ކަމަށް ދެކިގެން ނުވާނެ!
ސެލްފީސްޓާ
06 November 2019
ތިހެން އުޅޭ މިނިސްޓަރުން ކޮޅެއްވެސް އެބަ އުޅޭ... ބޮލީވުޑް ސެލެބުރިޓީއިން ފަހަތުން ދުވާ ދެއިރު ދެ ދަޅައަށް ސެލްފީ ނަގާ ސޯޝަލް މީޑިޔާގައި ކޮންމެވެސް ޕްރޮމޯޝަނެއް ޖެެއްސޭތޯ،. އަމީން ނުފެނޭ ސޯޝަލް މީޑިޔާގައިވެސް ގޯލު ޖަހާ ތަނެއް..، މި ކަހަލަ ރައްޔިތުންނަށް އަގުހުރި މަސައްކަތުގައި އުޅޭތީ އެކަމާވެސް ނޫޅެވެނީ ކަމަށް ވާނީ..
ހަސނު
06 November 2019
ސީދާ ހަމަކުރަނީ ވިޔަފާރި އާސަންދާގެ ހިޔަލުގައިތިބެ. ކުރިން 300 ރުފިޔާ ދެއްކީ ޑޮކްޓަރައްދައްކަން، ކުލިނިކް ތަކުން މީހާރު ބުނަނީ 500 ރުފިޔާއޭ ޖުމުލަ، އެއިން 200 އާސަންދައިން ކަވަރުކުރެޔޭ އެހެންވީމަ 300 ރުފިޔާ އަތުންމިދެނީ ކުރިޔެކޭ އެއްގޮތައް، ވިޔަފާރިވެރިންއައް ހުރިހާ ފައިދާއެއް، ބަލިމީހާ ހަމަ އެއްހާލެއްގަ. ހައްލަކީ %100 އާސަންދަންދަ ކަވަރުނުކުރާ ތަންތަނުން އާސަންދައިގެ ހިދުމަތުން އުނިކުރުނިކުރުން،
ގޮއިދޫހަސަނު
06 November 2019
އާސަންދައަކީ ލިބޭއެއްޗެއްނޫނެވެ. އެލިބެނީ ވަކިފަންތިއެއްގެ މީހުނަށެވެ. ރައީސް ނަޝީދުގެ ސަރުކާރުގައި އެލިބުނެވެ. ލައްކައެއްހަމަވަންދެން ލިބޭގޮތަށްއޮތެވެ. އެފަހުންއެއީ އަނެއްކާ ސަލާންޖަހައިގެން ހޯދަންޖެހޭއެއްޗަކަށްވީއެވެ. މިހާރުވެސް އެހެންނެވެ. އައިޖީއެމްއެޗުގައިކިޔޫދިގުކަމުން ނުދެއްކިގެން އެހެން ގޮތްތޮތް ހޯދަންޖެއެވެ. ދިގުކިޔޫ އެތާތެރެއިން ފަޅާލާފައި ދައްކާމީހުނާއި އެހެން ތަނަކަށްގޮސް ދައްކާލާފަ ޑީލުހަދައިގެން އާސަންދަހޯދަން އައިޖީއެމްއެޗަށް ގެނޭ
ޙަމްދޫން. ބޮންޒޯ. ތ.ދިޔަމިގިލި
06 November 2019
އަސްލުވެސް ވަރަށް ބޮޑު ތެދެއް. ޢަޖީއެމް އެޗު ހިންގަން މެޑަމް އައިސާ ލާންޖެހޭ އެބަ. ފެންވަރު އޮޅިގެން އުޅޭ މުވައްޒަފުން ވަރަށް ގިނަ ވެއްޖެ. ޙާއްސަކޮށް އެކްސްރޭ ނަގާ ކައުންޓަރުގަ އިންނަ މުވައްޒަފު އިއްޔަގަ އެތަނަށް ދިޔަ ބަލިމަިހުންނަށް ވަރަށް ހުތުރުކޮށް ވާހަކަ ދައްކާ ހެދީ. އިމާރާތް ކިތަންމެ ބޮޑަސް މީހުން ގެ ފެންވަރެއް ނެތްކަމީ ހިތާމަ ކުރާ ކަމެއް
ޢަބްދު
06 November 2019
ސްރީލަންކާގެ ލަންކާ ހޮސްޕިޓަލުން 1 ލައްކަ ރުޕީސްގެ ފަރުވާގެ ބިލް އާސަންދައޭ ބުނާއިރަށް 2 ލައްކައަށް ބަދަލުވުމަކީ ލަންކާގަ އުޅޭ ދިވެހިންނަށް ފަރިތަ މަންޒަރެއް! މިކަން ސަރުކާރުން ބެލުން މުހިންމު